御品·千之味 (振萬廣場)

營業中

休息中

經開觀塘，記得呢間抵食而且用料新鮮的御品.千之味，於是就外賣回家慢慢嘆😋。壽司套餐十分豐富，內有三文魚 🍣X2 ，油甘魚 X1 ，劍魚 X1 ，甘蝦 X1 ，赤蝦 X1 ，赤身 X1 ，帶子 X1 ，墨魚 X1 ，左口魚 X1 ，海膽 X1 ，三文魚籽 X1 ，吞拿魚蓉 X1 ，龍蝦沙律 X1 &辣味三文魚 X1，可以一次過試晒唔同口味，非常之開心🥳。魚生鮮甜口感豐富，加上壽司醋飯食得很開胃，加添一點豉油和Wasabi，更可以提升鮮味😊。🍜和風冷麵 (胡麻醬)，天氣熱食十分之喜歡食冷麵，蟹籽加青瓜，爽脆又清新，都係我鍾意❤️食嘅的，而且份量足2人食💃。店員細心將外賣包好，仲主動提供冰袋，相當體貼啊！

呢日喺官塘做完嘢見到附近有間叫千之味嘅日本料理睇menu好似幾抵食就買外賣返去試吓佢個位置其實都有點偏僻所以平時都冇留意估唔到食落會有驚喜！佢哋有唔同嘅定食，我就叫咗：燒汁牛肉手打烏冬烏冬煮得彈牙有靭度牛肉份量都幾多配埋洋蔥同燒汁撈飯一流照燒雞扒飯定食雞扒味道剛剛好肉質嫩滑香口仲可以+$20追加小食我就點了花之卷及炸餃子除咗定食我哋仲叫咗幾款壽司三文魚夠曬新鮮其他幾款都好好味看得出係用心製作下次會再幫襯

觀塘有間良心小店食日本菜，有日收工特登去買外賣返屋企試。外賣套餐每款都跟一款汽水或者烏龍茶，定食仲多份螺肉小食同埋沙律添。角切魚生飯用咗三文魚、吞拿魚、八爪魚、帶子、玉子同埋青瓜切粒，另外仲有三文魚籽同埋一隻甜蝦，第一次食到咁多款咁足料嘅角切魚生飯！追加嘅三文魚每片切得好厚身，啖啖肉，好肥美好正！田園沙律酸酸地幾開胃，上面仲淋咗蟹子同粟米粒增加口感。五色丼每款刺身都好肥美！赤蝦仲長過手指，蝦肉好爽口彈牙，味道鮮甜。三文魚油脂感十足。吞拿魚赤身口感比較結實，有咬口。油甘魚入口魚香味重。三文魚籽喺口中爆出陣陣魚油甜味。鰻魚成塊上好有份量，肉質唔梅，味道甜甜地又唔會太咸！

壽司店位於觀塘碼頭附近係一間CP值極高良心小店👍🏼如果去附近野餐就啱晒刺身🍣壽司都非常新鮮仲有多款火炙壽司提供價錢亦相當抵食🤩🔸迷你三文魚粒粒海膽丼魚生飯餐 $138呢個魚生飯餐非常豐富，除咗有主角迷你三文魚粒粒海膽丼外，仲有刺身同埋壽司。刺身方面有三文魚、北奇貝、甜蝦同帶子。壽司就有三文魚、白身魚、北奇貝、吞拿魚沙律同埋芥辣八爪魚。刺身同壽司都好新鮮同好大片😍魚生飯亦都好高質，三文魚粒份量極多又fresh，海膽亦都好creamy香甜唔苦，入口即溶🤤🔸火炙壽司餐 $105壽司餐一共有十件壽司，包括北奇貝、八爪魚、龍蝦沙律、玉子、吞拿魚沙律、火炙三文魚腩、火炙三文魚、火炙左口、火炙鰻魚同埋火炙熟蝦。壽司全部都大大嚿，好新鮮，其中火炙壽司就更為出色，燒得好香😋🔸甜蝦刺身 $58一盒有5隻，全部都大大隻勁鮮甜爽口、好彈牙，真係好好味😍

抵食高質刺身壽司外賣>>> 御品·千之味 (觀塘振萬廣場) <<<冇得再work from home，又一日係公司忙到反艇，唯有喺公司附近發掘下啲外賣晚餐，食完繼續做。諗住食下日本好西，嚟咗呢間成日經過嘅刺身壽司店買外賣 > 御品·千之味 <。三條友仔揀咗三個晚市餐，分別係 “五色丼 ($98)”，”10件壽司餐($103)” 同 “火炙壽司餐 ($105)” 。>>> 五色丼 <<<三文魚 / 吞拿魚赤身 / 油甘魚 / 赤蝦 / 三文魚籽齋睇相你都應該睇到啲刺身有幾新鮮。重有睇落去以為好少飯，原來係啲餸太多就黎遮住曬。好好味而且夠曬飽，性價比100分！！！鍾意食魚生又想有飯嘅朋友一定要嗌呢個餐。>>> 10件壽司餐 <<<三文魚 / 三文魚 / 油甘魚 / 白身魚 / 赤蝦 / 吞拿魚 / 蟹子 / 熟蝦 / 玉子 / 鰻魚唔鍾意成碗飯咁樣食，揀呢個壽司餐就無錯。啲料一樣咁新鮮同大件，唔會話魚生細細，飯就大大，塞飽你就算。個

原來觀塘都有千之味嘅分店即慶外賣返屋企開心Share, 最欣賞 即叫即製夠份量。「角切魚生飯」大大粒不同種類嘅魚生，角切令口感更豐富「火炙丼」兩隻蝦新鮮又大隻，玉子好好食「燒鯖魚飯定食」鯖魚燒到唔會太乾身，加入鯖魚汁同鮮檸檬汁，完全唔鯹，配搭沙律同螺肉，好滿足「壽司配冷麵」冷麵加入麻醬，麵質唔會咁乾，令味道更香。仲跟五件唔同款式嘅壽司「花之戀壽司」追加只係$20, 三文魚圍著嘅花之戀，加埋沙律醬同蟹籽，特別好食。「蟹柳小卷」就連簡簡單單嘅蟹柳卷都一樣好味👍🏻性價比高．仲跟飲品．抵食

最近發現公司附近開左間日本餐廳又有做外賣刺身同壽司所以放工去左睇下😍有咩正嘢食🤭嘩🤩餐牌好多款式可以揀🥰有丼飯，各款壽司，沙律同刺身等🤤🌸角切魚生飯角切魚生好多粒粒嘅新鮮魚生，味道好鮮甜😍同埋厚切嘅👍🏻仲有隻靚靚嘅甜蝦😍🌸赤蝦刺身赤蝦好大隻又鮮甜😋同埋加配真係好抵食🤤刺身控必點👍🏻🌸火炙丼入面有火炙三文魚，左口魚，赤蝦同埋玉子。半熟嘅三文魚油脂豐滿👍🏻左口魚燒得香香🤤赤蝦好厚肉😋又大隻🙌🏻玉子甜甜😍配搭得整體好好。🌸迷你厚切鰻魚丼配火炙壽司迷你鰻魚飯都唔算多骨又彈牙，刺身份量都多😍有唔同種類靚靚嘅刺身🤤火炙壽司好精緻🥳感覺真係好滿足🥰3個餐都有飲品配送😊

都曾經食過大角咀分店同叫過外賣都覺得幾好食所以今日咁啱去觀塘上堂就嚟食吓佢觀塘分店🤣胡麻醬三文魚冷麵 -58蟹籽份量一啲都唔少😋三文魚粒粒都好新鮮同肥美重點係麻醬夠多每條冷麵都沾到冷麵個精粹應該就係啲醬😋😋火炙壽司餐 -95/10件睇Menu諗住呢個火炙Set係全火炙壽司點知上到嚟見到得一半係火炙壽司都有啲奇怪不過上返落單個Website度睇發現原來個火炙Set係咁唔知關唔關係Lunch Set事呢😯火炙三文魚肥美😋龍蝦沙律軍艦嘅龍蝦肉都好爽口彈牙之後再有散叫咗啲壽司海膽軍艦 -48/2件大大嚿嘅海膽雖然唔算十分甜但起碼唔會臭先-呑拿魚蓉軍艦 -30/2件呢個比想像中好食一咬落去啲吞拿魚蓉充滿住個口有淡淡嘅魚油香口感好細膩唔會話淡而無味欣賞👍🏼-特大赤蝦壽司 -32/2件赤蝦肥美清甜又爽口-劍魚腩壽司 -28/2件劍魚腩好香好Juicy而且幾有咬口本身想刺身架不過又驚兩個人食會好滯所以留返下次多啲人嘅時候先叫啦🤣-帶子壽司 -35/2件帶子唔算十分肥美不過都幾甜鰻魚忌廉芝士卷 -58/4件鰻魚夾忌廉芝士呢個配撘真係幾好🤣口感會變得好豐富不過兩個人食就好容易會飽咗😅芝麻雞翼 -38/2隻

幫襯呢間有幾次了，鍾意佢野食水準夠穩定，價錢又合理🤪👍🏻兩個人唔算好肚餓叫左油甘魚壽司、帶子壽司、吞拿魚壽司、左口魚壽司、火炙芝士三文魚各兩件😋😋好鍾意食油甘魚，呢度嘅油甘魚都幾鮮甜，所以每次你我都會叫，今次試埋佢嘅帶子同吞拿魚嗎，帶子都幾厚身甜美，吞拿魚都幾令人滿意口感軟滑無根😍另叫油甘魚同甜蝦刺身，每款各5件😙😙估唔到甜蝦都幾有驚喜，相當鮮甜！估唔到咁多次質素都保持到，值得再支持

呢間唔洗多講都知係咩店舖！好出名！外賣其實都好抵同一樣高質。————————————————————————#火炙盛盒 💰284次次都必叫！想講呢個真係好抵食，火炙壽司全部都好好食😋總共有25件，有芝士三文魚🍣、三文魚腩、芝士熟蝦、芝士鰻魚同埋火炙左口魚。差唔多款款都加芝士！好邪惡！好吸引！#「限時優惠」壽司拼盤 B 💰228呢個有15件，有帶子、劍魚、油甘魚、赤身同埋吞拿魚蓉，每款有三件。每件都大大件，食完夠曬滿足。

知道爸爸聽日放假，收工去咗公司附近買外賣加餸比爸爸餸酒🍻，蟹子沙律🥗，沙律醬可另上，沙律醬隨自己鍾意加多醬，蟹子同青瓜絲好新鮮，吉烈炸蠔，即叫即炸熱辣辣，返到屋企食啱啱好，仲好脆口，特大小食拼盤，入面有中華沙律，螺肉同埋八爪魚🐙，大大碟，6個人食都夠食，總括嚟講呢間壽司店好抵食，啲嘢食都好新鮮，外賣質素都唔差，而家仲有滿$300免費外送添🔹🔹🔹🔹🔹🔹🔹🔹🔹🔹🔹蟹子沙律（沙律醬可另上）$35吉烈炸蠔（4件）$58特大小食拼盤（大）$168加州反卷(4件）$38🔹🔹🔹🔹🔹🔹🔹🔹🔹🔹🔹

屋企人放工喺公司附近買咗啲外賣返嚟加餸😋特大小食拼盤 $168大大盤，入面有三款小食，芝麻八爪魚🐙、辣味螺肉同中華沙律，份量好多，小食唔會有雪水味👍🏻迷你火炙三文魚腩丼 $118呢款仲有刺身、壽司同飲品跟埋，好鬼抵食！三文魚腩火炙後油脂滿滿😋壽司同刺身都幾新鮮😋唔錯！另外仲追加咗份小食炸餃子🥟（3件）+$20⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯整體食物質素都唔錯！會再繼續幫襯😌

去觀塘千之味買外賣壽司食，去到鋪頭店員話有好多單可能要等一等，返到屋企打開睇見到舊冰包上話叫滿$300可以送貨。我差少少，早知叫多件壽司，夠三百蚊送貨，坐係屋企奀奀腳等啦。🤣🤣我叫左個盛盒同軟殼蟹手卷，呢度啲壽司飯好軟熟粒粒分明，令我諗起日本既壽司。千之味壽司盛盒，總共有成25件，有刺身吞拿魚、鰻魚、三文魚、玉子、帶子、油甘魚、龍蝦沙律同吞拿魚沙律。所有刺身都好新鮮，好有光澤，好靚仔。件油甘魚好難忘，好香魚油味，入口即溶😋。軟殼蟹手卷，軟殼蟹好香口，又有蟹籽，好味。

幾鍾意呢間壽司店，好用心經營外賣，配備哂專用保溫袋，又有冰袋保溫，豉油碟都提供埋，好整齊～叫咗個火炙壽司餐，一共有10件，火炙三文魚同左口魚超正！油脂滿口好滿足！仲有玉子，龍蝦沙律同吞拿魚沙律壽司，都唔錯！吞拿魚茸軍艦，好味～叫咗幾款刺身，每款都好大件，又新鮮，超抵食！食到超飽！雪花三文魚腩刺身，最愛呢個～油甘魚刺身，好鮮味！劍魚腩刺身，呢個較爽身，味道偏淡。藍鰭吞拿魚赤身刺身，好肥美，超正！蟹籽沙律，好大碗，好味！鰻魚飯定食，整得唔錯，值得一試！

- 散叫壽司 $293 in total三文魚：幾鮮甜 有厚度甜蝦： 大隻鮮甜 仲有啲海水嘅鮮味火炙芝士熟蝦：火炙好香 芝士足 蝦亦大大隻 層次感豐富火炙三文魚腩：肥美 火炙味香 咬開有少少油脂感 唔錯鰻魚：比較薄切 不過醬汁唔錯 甜甜地 魚肉嘅肉質亦唔鬆散蟹柳：大大條 咬落仲有啲汁 係幾靚嘅蟹柳貨蛋：有蛋香粟米沙律：正常味 相對普通卷物：飯比較多 入面嘅餡相對冇咁多 所以食落就寡啲啲餃子：幾香脆 雖然外賣到屋企凍左少少…………………………………….🌝 幾抵食又好味嘅體驗 壽司種類都幾多 生嘅熟嘅都有 手卷軍艦花之戀咩都有 仲有小食炸物沙律 衣家仲有好多壽司拼盤 或者定食set 任君選擇 有緣會再encore 🌚唔係間間分店有堂食…………………………………….