御品·千之味 (振萬廣場)

營業中

休息中

喺觀塘碼頭附近開完會，順便睇吓有乜餐廳買埋外賣返屋企做晚餐，喺振萬廣場見到呢間御品·千之味。咁耐無返過鄉下，即刻試一試先。未入到餐廳，已經見到教主喺門口歡迎👏可以用手機落單到簡單方便，落完單師傅即時製作。🐟五色丼 (💰$98)性價比滿分嘅丼飯！睇相你已經見到啲魚生密鋪平面，好新鮮，好味。睇落去以為好少飯，估唔到下面都唔少，男士都可以食得飽飽！🐟火炙壽司餐 (💰$105)唔鍾意食刺身壽司嘅朋友就一定要嗌呢個。唔生之餘又唔會燒得熟得滯，師傅手勢好好👍！龍蝦沙律同吞拿魚沙律足料到嚇親，直程可以一件做出邊嘅兩件！🐟雙色三文魚丼(💰$65)刺身, 火炙三文魚]睇相就知係三文魚刺身加火炙三文魚，生食熟食都好正，厚切之餘又夠晒肥美。三文魚愛好者必選！🐟沙律&螺肉(+💰$8)🐟吉列生蠔(2隻, +💰$20)我仲分別加咗沙律&螺肉(💰$8)同埋2隻吉列生蠔(💰$20)，即叫即炸，新鮮脆口！除咗魚生非常新鮮，火炙手勢好，啲飯軟硬度剛剛好，值得一讚。一個set包一罐飲品，除咗一般嘅可樂雪碧，當然仲有教主代言嘅OOHA！店入面整潔，店員禮貌。值得一提嘅係佢哋除咗午餐晚餐set，仲有好多刺身同壽司盛盒，絕對適合

必食必食必食，重要說話要講三次，千之味除左壽司好食，冷麵，飯同小食各款都係超好食，觀塘呢間分店除咗外賣仲有堂食。店舖位置好大，環境闊落又舒適，等外賣期間亦有好多位置供等候用，安排得非常好。食物我地叫左兩個套餐，分別係照燒雞扒飯定食同壽司冷麵胡麻醬另上，其中一個套餐加配花之卷，兩個套餐都送一支飲品 ，另外仲有厚燒玉子同火炙壽司拼盤，咁多野食價錢超值呀，味道又出色。職員服務態度抵讚，貼心地為我分開兩個袋裝食物，態度有禮貌並明確指明要等候時間約多久，不出十分鐘可取外賣。

八號風球之夜不太寧靜🙈，分享吓之前係觀塘食嘅外賣🍣壽司😂前兩日都已經落晒大雨☔️，去到餐廳成身濕晒😂，諗住快快買個外賣返屋企食算。因為濕晒身入到商場遇到冷氣超級凍🥶🥶！QRcode落單，餐廳好快準備好食物俾我地，餐廳提供埋保溫袋，外賣拎到返去質素幾乎冇差別👏🏻！雙色三文魚丼三文魚🍣刺身（3件）赤貝刺身(5件）魚生好新鮮，食落鮮甜美味。佢啲啲醬油唔鹹，有少少甜味，啱啱好。呢個價錢嚟講真係好高質🤭，推介大家試試。加州手卷軟殼蟹🦀️手卷照燒雞扒飯定食辣味雞翼（3件）熟食方面都唔錯，照燒雞扒大大份，雞扒肉質嫩滑，有埋螺肉同沙律🥗。辣雞翼同手卷質素都唔錯呀～#壽司外賣 #刺身外賣 #外賣刺身 #千之味 #外賣自取 #八號風球 #颱風夜 #暹芭 #打風 #觀塘日本料理 #觀塘美食 #吃貨 #美食推介 #美食地圖 #hkfoodie #hkblogger #hkgirl #hkig

次次屋企人話想食壽司外賣🥡都只會諗起千之味，抵食又平價。聽講黎緊仲喺九龍灣開分店！😏😏去之前可以上佢哋網站睇定想食咩！————————————————————————#火炙盛盒A 💰284 次次食都叫呢個，食過幾間分店都見佢啲飯keep到好大舊，份量好多，所以食幾舊都飽😎最中意就係火炙三文魚，🥰食極都唔會厭！呢間有唔同款既派對盛盒，岩曬同朋友/屋企人開party既時候分享！😬😬😬😬

收工近近地，唔駛去中環、尖沙咀都可以行下海旁🌊，自己一個人去左觀塘海濱散步，行左陣見肚餓，就起附近搵到呢間可以外賣既壽司店返屋企開餐！入到去侍應哥哥就俾左個QR CODE我網上點餐，食物種類十分多選擇！最後揀左兩個丼飯餐同卷物，每個SET都會免費送一罐飲品，大家可以自行去雪櫃拎！😋 火灸丼 ＄85 + $20 赤蝦刺身2件丼飯有火炙三明魚，火炙左口魚，玉子，仲有我最愛既赤蝦刺身！見到個set可以加廿蚊就多2件赤蝦刺身，超鍾意食蝦既我又點會錯過！赤蝦好大件，食到舔舔脷呀！三文魚夠新鮮，左口魚好美味，整體真係好味又抵食呀！‼️好食指數 9/10‼️推介指數 9/10😋 五色丼 ＄98五色丼總共有５款海鮮，三文魚籽同三文魚、吞拿魚、赤蝦、油甘魚刺身～丼飯仲可以選擇多飯／飯，不論你係大朋定小朋友都可以任你挑選，刺身全部都鮮甜美味！‼️好食指數 9/10‼️推介指數 9/10😋 芝士吉烈炸蝦卷 $48巨量蟹子鋪係卷面，視覺睇落好滿足！一啖食入口，內裹既吉烈炸蝦仲好脆身，呢個卷物真係無得頂！‼️好食指數 9/10‼️推介指數 9/10😋 火炙芝士帶子壽司 ＄42帶子大大粒又新鮮，加埋我最愛既火炙芝士，真係好

🍱🍣性價比極高、即叫即整嘅日本料理👍值得再encore 嘅餐廳🍱🍣🍱 迷你魚生飯組合 $118 迷你角切魚生丼 - 多款粒粒魚生，口感十足，魚生上面舖左好多蟹籽，咬落去卜卜聲😋刺身 ～三文魚 *2 ，甜蝦🦐，帶子，北寄貝*2）火炙壽司🍣五件 （三文魚腩、三文魚、鰻魚、右口魚邊、熟蝦）另外追加左$20 叫多兩件花之戀 （上面舖🈵️ 蟹子，鮮甜美味)包埋飲品（如果堂食仲可以揀麵豉湯）🍱照燒雞扒定食 雞扒燒得焦脆香口，雞肉亦都夠嫩滑又有肉汁，配上照燒計同你白飯，👍另外再追➕左個七味雞翼（有3隻）香脆可口惹味（少辣）🍣 另外散叫左幾款壽司🍣三文魚壽司 - 油脂分布均勻，肥美得黎夠juicy 😋😍帶子壽司😍 - 厚身飽滿又鮮甜👍 我的至愛🥰腐皮壽司 - 甜度適中可口美味😚

今晚想食壽司同刺身，所以去咗千之味買外賣回家，呢間壽司店質素高，抵食夾大件，仲好新鮮，掃QR code落單，等10分鐘到就攞到，方便快捷叫咗份 [ 角切魚生飯 $65 ] 角切魚生飯入面有好多新鮮嘅粒粒魚生，口感鮮甜，加埋豉油及芥末一齊食就最正，飯嘅多份都幾多另外就叫咗份 [ 千の人氣壽司拼盤 (B) (18件) $98 ] 18件壽司分別有：粟米沙律 4件、青瓜小卷3件、黃瓜小卷3件、腐皮4件、蟹棒4件，一次過可以食哂幾款唔同壽司。跟餐配汽水，仲可以加 $10轉 波子汽水除咗魚生飯及壽司外，另外仲叫咗 3款小食，口感都幾辣嘅 [ 七味雞翼 (4隻) $48 ] 外皮香脆，內裡肉質嫩滑，辣得惹味。仲有我鍾意食嘅 [ 厚燒玉子 (4件) $30 ] 口感香滑，蛋味濃郁，食落有厚實嘅質感最後叫咗份 [ 小食拼盤 $65 ] 螺肉、八爪魚及中華沙律，每款份量都好多御品·千之味 觀塘榮業街2號振萬廣場地下G號舖

下雨天喺公司非常之多嘢做去附近覓食聽朋友講話千之味都幾好食今次紅色暴雨嘅情況之下選擇咗外賣返去公司度食必食推介海膽軍艦海膽非常新鮮 口感好細膩海膽嘅甜度啱啱好 份量都非常充足係落雨天嘅情況之下食特別覺得喚醒味蕾吞拿魚蓉軍艦有吞拿魚嘅油香 感覺Juicy 味道相當之唔錯八爪魚壽司八爪魚鮮甜，都唔會乾身，味道算正常，但係八爪魚唔會話特別肥美。而佢個燒牛舌心我覺得係必食之選，煙靭度剛剛好，牛舌嘅味道足夠，燒得唔會太乾身，絕對適中。性價比非常高，下次可以喺佢嗰度直接堂食，最後提一提，當日紅色暴雨員工好細心，知道我係外賣俾個保溫袋我，拎到返去都唔會有任何問題。

觀塘新開左一間千之味分店，以前大學果陣都有食過，味道認真唔錯，拍得住元X,但係價錢方面就相對更實惠，而且知咩料啦😏。 講真果句， 觀塘分店的確係有啲遠，行到去宏利大廈果邊先到，但係勝在地方大， 而且店員服務周度有禮。一去到一大個anson Lo 紙牌， 晚餐跟餐有得飲新出0卡路里既OOHA 烏龍蜜桃茶味同海鹽柚子梳打，個人最鐘意蜜桃味， 海鹽果款似檸檬味。餐廳既晚市選擇多多，有刺身丼、壽司、冷麵同 牛肉/咖哩飯， 而且 價錢合理, 套餐$60-120有找， 仲有野飲，加沙律螺肉都中係$8, 加炸蠔/ 蝦/花之卷都係$20,非常之抵食。🌟角切魚生飯（$65） 🌟呢個餐係超級~抵食~裡面有油甘魚/ 三文魚/ 池魚/吞拿等既切粒魚生， 魚脂甘香鮮甜，口感嫩滑，加埋切粒青瓜，同紫蘇葉即平衡膩感。 配搭的確係唔錯。 而且個人超鐘意食三文魚籽， 鐘意三文魚籽既人必嗌！ 因為真係超多料🤤🤤 送飯有突添。 🌟壽司冷麵餐（$78）🌟冷麵配既係日式麻醬， 配搭合宜，食落冇肥膩感，但係麵條既口感比想像冇咁彈牙。 另外如果壽司既飯稍微多左啲，如果多啲餡就Perfect。 不過甘平既價格食到咁大份既壽司其實已經

前幾日去觀塘接阿妹收工，順便過嚟呢邊買啲外賣返屋企食，去到掃QR code 落單，等一陣就拎得，勁方便！吉列蝦手打鳥冬 $78店內已經將湯底分開裝，烏冬就唔驚拎到返屋企淋晒👍🏻烏冬滑嘟嘟，吉列炸蝦即叫即炸，脆卜卜，蝦肉新鮮彈牙追加小食炸餃子🥟+$20餃子有3件，又係即叫即炸，餃子皮入口仲好脆特大小食拼盤 $168拼盤有三款小食，螺肉、八爪魚同中華沙律，份量勁多😳佐酒一流🍻壽司款式都幾多，揀咗呢幾款壽司🍣都唔錯😋帶子壽司$37赤貝壽司 $20北寄貝壽司$18

今日收到朋友送嘅壽司蛋糕，好靚呀😍😍普通蛋糕就食得多，第一次食壽司蛋糕🎂估唔到都幾好食😋，壽司飯面上鋪滿三文魚刺身，另外再有9朵刺身花花做點綴，再加晶瑩剔透嘅三文魚籽，而壽司飯入面有玉子同蟹籽，刺身新鮮😋吞拿魚刺身冇筋仲入口即溶添，讚👍買壽司蛋糕會配埋生日牌，蠟燭，刀，另外會有埋冰袋同埋保溫袋，好貼心👍如果你哋有朋友係壽司控，買lee個壽司蛋糕送比朋友，佢一定有驚喜又開心🥳壽司蛋糕🍣🎂$268

最近放工朋友上屋企玩，又想食壽司同刺身，就即係諗到千之味🥰因為平時lunch都會去買黎食😋睇下餐牌先🤩種類都幾多😏我地揀左以下😆🌸迷你魚生飯組合🌸迷你火炙三文魚腩丼 &火炙壽司5件 🌻火炙三文魚腩係厚切嘅，個面係火炙左令到三文魚腩更帶油香，食落好肥美☺️仲配左幾件火炙壽司🍣同刺身🤤味道都好鮮味❤️🌸角切魚生飯角切魚生飯入面嘅粒粒魚生都好大粒☺️又新鮮🥰口感好好，我地加左小小豉油同wasabi一齊食更野味😊🌸火炙丼火炙丼入面有2隻大赤蝦，火炙三文魚，左口魚同玉子😋赤蝦勁大隻因為勁新鮮所以色澤好靚😆我同朋友都係赤蝦嘅fans所以全部飯都追加左2隻赤蝦🥳大滿足😍推介大家都可以追加一下，計埋都好抵🤩

見openrice咁多人like，實無死，係觀塘碼振萬廣場既千之味（Manulife building對面），行完觀塘海濱，沿住海濱行番碼頭個邊就會見到，地點都唔算難搵，店出面放左個人形lolo紙牌，好想攞埋走haha,款式好多，有壽司拼盤，熟食，刺身，沙律....多到唔知點揀好。為免散叫又要諗食咩既麻煩，於是就咁簡單㨂左個壽司拼盤，乜都有d.正。頭盤加多個蟹沙律，啱啱好。值得一提佢仲有得qr code落單，非常方便同乾淨。蟹子沙律勁多蟹子，佢仲俾左兩盒沙律，唔使性唔夠醬。青瓜爽身無出水，新鮮壽司拼盤三文魚，蟹柳，加州卷，北寄貝，八爪魚，蟹子。都係揀左basic款，三文魚還好，其他都不過不失。

一直都有幫襯開千之味，因為性價比高！今日路經觀塘見到有分店，順便買外賣返屋企食！有唔同既外賣套餐！呢度可以用電話掃QR code落單！今次叫咗個燒汁牛肉便當、雙色三文魚丼同幾款壽司！套餐已經包括左罐裝飲品！燒汁牛肉便當牛肉份量好多，牛肉唔會韌同牛味香，洋蔥都住得好入味好甜雙色三文魚丼有刺身三文魚同火炙三文魚加上沙律醬！火炙後再加上沙律醬味道更豐富壽司叫左花之戀、赤貝、帆立貝同墨魚！全部都好新鮮，的確係外賣之選

今次已經係我第n次食千之味喇☺️😋 每次都覺得超抵食又好味，就算加好多小食，晚餐都係一人$100左右，可以唔洗睇價錢食嘢😝 以下嘅主食都有送飲品㗎😋🍚 雙色三文魚丼 （$65）雙色三文魚丼除咗有火炙三文魚、新鮮三文魚刺身，仲有三文魚籽🥰 三文魚好大塊好厚又夠肥美，一啖刺身、一啖火炙咁食就最正喇🤤 三文魚籽識食一定係撈飯食，加埋煙韌嘅珍珠米口感好好💛🍡 角切魚生飯 （$65）角切魚生飯有多款切粒刺身，感覺新鮮健康、無添加🥰 撈埋珍珠飯、wasabi、壽司豉油超正😋🍣 壽司餐(10件）（$103）十件壽司包括三文魚、吞拿魚等等共六款魚類，仲有蟹籽、玉子、甜蝦等等🤩 我最鍾意都係三文魚，夠晒肥美😚 全個餐都好鮮甜，唔落醬油都好食㗎😙🥟 追加：炸餃子3件 （$20）即叫即炸，夠脆、唔油膩！🦐 追加：赤蝦刺身2件（$20）好大隻好肥美，夠甜😋🐠 追加：三文魚刺身3件 （$20）千之味嘅三文魚好肥美，當然要再追加🤩