御家迴轉壽司 (已結業)

我覺得旺角御家壽司冇咩人既.我覺得佢地d優惠怪怪地..限死迥轉先有折..我覺得做生意做得幾多得幾多..我覺得服務一般啦..特別有位黑3既女人冇咩表情..冇笑容..d野食太少啦..唔想多講..一般啦

嘩,咁耐冇黎旺角,做乜依家瓊華好似多左好多野食咁??同朋友都想食日本野,最後係御家,壽司亭,麻布,笑笑度揀左御家..未試過嘛!!想試下新地方,見佢裝修又幾靚咁去到果陣差唔多7點,可能時間尚早,所以都唔洗等位食左以下d壽司...三文魚都好大件,幾鮮,同其他迴轉壽司差唔多鵝干第一次食呢個!又唔錯喎,暖暖地咁.有驚喜!吞拿魚ok!帶子好鮮甜!份量比我既感覺好似比出面更大件?抵!蟹子幾好!不過飯可以小d!北寄貝份量都好足!又新鮮鰻魚夠大件!哈哈和食都有食小小,不過唔多囉清酒煮蜆可能自己食唔慣d清酒味!食頭兩粒都有d苦 不過食落又覺得ok!串燒冬菇有4粒冬菇!依個就普普通通啦!天婦羅好有驚喜喎!炸得好靚!又好味!食過咁多度最好食依度!大概係咁樣啦!比我預期中有驚喜!感覺樣樣野都好味新鮮!價錢都唔貴!又唔洗等位!雖然我覺得d茶有d淡..不過野食搭夠!下次想食日本野一定會黎呢間幫襯!!

打完網球同女朋友食晚飯。叫左﹕2 Salmon-都OKIka-幾爽脆﹐咬落去唔會淋bet betToro-有一條筋﹐但係都OK既~Miru gai-唔錯Uni-唔係太腥﹐少少甜Anago-唔係太熱Botan Ebi-鮮甜﹐掂~BBQ Wagyu-麻麻地。BBQ Goose liver-女朋友話怪怪地燒牛舌-唔好叫﹐唔好食Ice Toffee Milk Tea-普普通同喇~唔記得有無漏。人唔太多﹐服務都OK埋單折左280。唔算貴。都會在黎既﹐唔洗等位麻~

今日12點幾去食午市,嘩,居然做第一個,呢間野真係好靜,可能仲係新開張吧....兩個人點左:雜錦壽司定食($35)--跟餐個面豉湯味道普通,唔夠熱;沙律ok;壽司有8件,三文魚/八爪魚/蛋/魚/花卷/熟蝦/蟹籽/(唔記得),除左個蛋壽司太甜其他都好好炸雞軟骨餃子($18)--表皮炸得卜卜脆,幾好食,但多左d油黃金焗青口($22)--焗得幾香口,d汁唔係用芝士做,所以食完唔覺得膩三文魚壽司($9) x 4 -- 每件壽司都有厚厚0既三文魚生,再加上壽司飯唔係機壓,實在太好了服務都唔錯,食物即叫即整,執野又快手(可能少人吧)開張期內有8折,定食就唔收加一,幾抵食,食完仲有免費刺身同$100 coupon 下次晚市用, 不過今年12月就到期

三文魚炸蝦反卷（＄２０）：麻麻地牛油果軟殼蟹卷（＄２５）：一般雜錦炸蝦天婦羅（＄３２）：都幾好食，不太油，蝦剛前熟，好味三文魚壽司（＄９）：不過不失蟹棒壽司（＄１５）：無雪味，都ｏｋ，但不值＄１５帆立貝壽司（＄２０）：一般活立魚壽司（＄２０）：無乜魚味劍魚壽司（＄２０）：無乜鮮味，唔講都唔知係劍魚松葉蟹壽司（＄２５）：好細隻蟹，都ｏｋ吞拿魚壽司（＄２５）：普普通通，但太貴活赤貝壽司（＄３５）：完全唔值３５本來叫左個唔記得乜壽司，但因為無所以取消左，但埋單又無取消，好彩我地有ｃｈｅｃｋ單，如果唔係真是唔低睇在開張８折都算ｏｋ，但唔平，折左都每人＄１２５，但可能無乜人，都幾清靜，同埋個洗手間都唔錯

06年10月26日因為去Neway唱歌，送左張8折coupon，咪同朋友去吃囉我地三個人，都係成日食開日本料理既，自然有ｄ要求叫左：- 燒鯖魚（評：沒魚味）- 串燒冬菇（評：勁咸，相信亦唔係鮮冬菇，因為冇菇味）- 雞軟骨HKD28（評：炸得唔夠酥）- 清酒煮蜆HKD28（評：勁咸，冇酒香，蜆唔新鮮）- 冷烏冬HKD15（評：根本係超市買既烏冬重好食過佢）- 三文魚壽司（評：還可以，但脂肪紋唔明顯，唔係正貨）- 鱆紅魚壽司（評：食得下咁啦）- 油甘魚壽司（評：都有少少鮮味既）- 象拔蚌壽司（評：都算新鮮）- 赤貝壽司（評：唔夠厚，切得勁薄）- 蟹籽沙律軍艦HKD9（評：軍艦黎到巳經淋哂．．．）- 葱吞拿魚腩軍艦HKD20（評：吞拿魚腩勁正，但紫菜唔脆）- 海膽軍艦HKD25（評：冇海膽鮮味）- 和牛壽司HKD35得一件（評：食唔出牛肉香喎）- 帶子壽司（評：正，但和花亭的更正！）- 饅魚炒飯HKD38（評：水準之作，但唔多夠咸）- 炸蝦天婦羅壽司（評：冇驚喜）- 鐵板牛舌（評：硬到咬唔開）- 金菇牛肉卷HKD28（評：全場至好吃係佢！非常的juicy）後尾有一大班人黎，佢地包左一邊開P，

2 November 2006 (Thur) - 晚飯第一次黎，本來印象都唔錯，但到最後埋單，有少少不服，唔係錢既問題，係佢哋處事既手法～～唔知係新開定點，星期四都唔多人黎食，我都食到九點至走，都仲好多吉位。環境唔錯，又清靜又少人又乾淨，因為新嘛！食物都尚算可以，但係炸物就一啲都唔得，唔知係啲油定個鍋唔得，係我食過最差既軟殼蟹手卷店，啲 軟殼蟹炸到燶晒都攞出黎比人食，唔係少燶，係食既時候苦既，即係超燶～～　然後叫咗個什錦天婦羅，但係啲 顏色好深色，好似炸過好多次咁，連蝦本身亦好霉！其它食物則算唔錯！好啦，食夠咪埋單囉，個女侍應數完碟之後，返去計數，又返黎點過，跟住又返去計數，再返黎問我哋有冇食到呢樣，又問我哋 有冇食到嗰樣，話因為唔啱 數，我都答佢有食到，但亦話邊度記得咁清楚跟住第二個女仔過黎同我哋 埋單我見佢哋之前又問呢又問路，咁梗係check真啲張單啦，但見我哋兩人食咗13碟顏色碟，佢郤計我14 碟, 我估佢哋之前可能比錯碟，但係都冇理由我枱上係13碟，佢要計我14碟錢跟住佢叫我等等，之後就走黎男經理，話我哋係有食過嗰兩碟$25既，所以咁計，咁我再同佢解釋返一次話因為我枱面上只有1

環境幾好呀.價錢又唔貴.價錢和元x差不多但就好味好多law吃了海和帶子壽司.帶子很厚.海唔腥還有朋友吃的吞拿魚腩.佢話入口即溶喎!!雞軟骨很香口新張期有八折.兩個女仔吃得飽飽的.每人都是100元.很抵