御進私房菜 (已結業)

Dinner with a group of friends for dinner and it was very, very good! The appetizer tofu was especially delicious. The pigeon was juicy and piping hot and was excellent. The crab and beef cheeks were also very good. The truffle ice cream at the end was a little too strong and would suggest getting a different type of dessert. Overall a very good experience and will come back!

香港的地舖租金昂貴，造成很多樓上舖 ，其中飲食業的樓上私房菜店就大行其道。日前友好約在灣仔御進私房菜吃午飯，他曾多次光顧，覺得不錯。當日我們六人各點一人套餐，包括一盅燉湯、一味餸及一碟上湯浸菜，連茶芥加一，每人$165。燉湯是木瓜瘦肉花膠，頗清甜。六味餸包括：1. 紅酒慢煮澳洲和牛，汁濃有酒香，四、五片和牛，稔滑有肉味。2. 花膠海味豆腐煲，急凍海鮮粒加三、兩隻小帶子，沒特色。3. 黑松露香煎糖心帶子炒滑蛋，味道層次豐富，但小帶子有腥味。4. 一夜情小黃魚，一小塊，鹹香皮脆。5. 芥末牛柳粒、醬汁味道好。6. 魚子醬脆焗軟殼蟹盞，外脆內軟，但沒蟹味。另送一大碟上湯浸時蔬及每人一小碗紅豆沙。百多元吃吃用心製作的家常小菜，環境雅緻清靜，值價了。

在灣仔番工，經常同班friends周圍搵食。今日有人推介話呢間d燉湯好正，於是6個人book咗lunch。去到環境一流，乾淨，唔多人，好適合傾計。因為我遲到去到已點曬嘢食，有肉餅、咕嚕肉、菜等等，味道都唔錯，分量好多。最正係碗湯，花膠、海底椰、紅蘿蔔，仲大大碗。最後有送紅豆沙。埋單位位都只係$140，聽講夜晚會貴好多，而且一定要提前book。會再嚟！

朋友介紹，mothersday book左枱訂左菜。兩點提醒：1. 要食好野一定要訂，唔使訂既一定無咁新鮮2. fine dine上菜慢，唔等得就唔好食菜式簡評：招牌乳鴨：全隻都好滑，keep到水份螺片：淋身唔un鮑魚：唔識食，但沖住主廚係阿一弟子都要試下脆脆米：有驚喜，必試甜品：無artificial既甜其他：一個字 - 新鮮服務：1. 態度好好，但人手略嫌不足，可能節日比較忙有關環境：1. 唔算寬敞，但唔知有無因為節日多開左d枱，正常酒樓格局。價錢：6個人，700 up per head, 菜式有驚喜，唔錯。對野食有要求既值得去試，要知道去到陸羽/富臨就唔係呢個價錢落到樓嫁啦。但對於求性價比既建議你呢個價錢去食兩餐放題/自助餐。

昨晚晚飯，我們一心諗住吃和牛(我食齋所以是唯一一個冇吃的)，點知餐廳盛情送每人半邊炸乳鴿(之前冇話我地知)，仲要好早就上乳鴿，食到所有人滯哂(仲要偏咸)，到和牛上時，已無胃口，所以吃不到和牛的味道，有一位甚至吃不完100gram的和牛。作為私房菜，上菜次序不當，輕重不分、破壞主菜味道，簡單來說，無論和牛最終是如何美味，我們都欣賞不了。必須檢討。

上星期親自上去訂枱，慶祝生日。3個人準時到達，看過餐牌，有套餐，亦有散叫。因為套餐不大喜歡，因此散叫。誰知點了8樣，有4樣冇，改點兩個，都冇，終於點到卻落錯單，仲要食完兩樣再等半個鐘都未有得食，其他枱就不停上菜，一肚氣之下，終於只食了一個前菜(半隻燻疍)，半隻乳鴿(送的)，和一件魚(一隻麻雀咁大)，加茶芥、兩杯紅酒，$433走人。以後都不會再試

屋企附近的私房菜，真係非常唔錯！性價比極高，老火湯足料 0% 油，味道不濃，食完不會口渴。水準唔差過福臨門 / 富臨 / 富豪果D中菜，份量非常滿意，讚！試過的菜色：- 淮山杞子湯：清而 0% 油，夠火候，飲完無口渴，渣全部去骨，紅棗剔核，好細心。- 芥末牛柳粒：稍韌（太熟）但可接受範圍，牛肉味濃，上乘材料- 軟殼蟹：激讚! 脆炸但不油膩，醬料鹹淡適中- 黑松露炒蛋帶子：香香的黑松露味在咽喉擾攘。。。- 慢煮澳洲和牛腩：超嫩口而肉味濃，醬汁適中，撈飯一流- 小黃魚：母親大愛，外脆內嫩，稍油，可接受。- 乳鴿：招牌菜，非常有水準，沒什麼想挑剔。只想 encore 多隻- 菜：份量超大，新鮮，湯底可以全部飲曬- 黑松露雪糕：齒頰留香，回味無窮，外面未食過！在家附近有這樣水準的餐廳，lunch 只是 $128-148 一位，dinner 只是 $3xx，簡直係超讚！一定再光顧！

XO仔其實早喺放大假前，已留意到灣仔街市有新食肆登場。眼見新店「御進私房菜」o既易拉架及宣傳單張上所印出o既菜式精緻吸睛，所以就襯中秋假期約同家人去試一試。小肥經TableMap網上訂座後不到兩小時，餐廳即有店員以電話跟進，確認人數及時間後，隨即告知每位客人均贈送乳鴿半隻，並問道有否需要預訂特製菜式，極之詳盡。見姐姐仔咁有誠意，細佬就應推介訂咗三道菜：「龍騰小瓜籃」、「西班牙炭豬背排」及「御進龍蝦步步米」。「御進」位於灣仔其中一幢食廈o既三樓，佔用面積全層，四周光鮮企理。大堂散座對住o既紅色牆身旁擺出大廚o既多個奬牌及靚相，下面再以名牌洋酒o既酒瓶相伴，都幾搶眼。另邊廂卻又擺放著多個中式茶壺及茅台酒樽，似乎係走緊中西合璧o既路線。入座即見餐桌上襯哂成套o既公雞餐具，真係幾搞笑。餐牌附有彩色插圖，叫餸當堂變得簡易得多。龍騰小瓜籃（$88）：首先要讚一讚樓面同廚房喺上菜流程控制得相當好，因為餸菜續碟上，令食客一啲壓迫感都冇，每道更可襯熱食。第一碟上o既前菜外形極似一個翠綠色o既繡花球。原來賣相精美o既繡花球o既每一片、每一絲都係黎自溫室o既翠玉瓜，每一吋都係咁新鮮清爽。翠玉瓜淨食好清新，不

估唔到大時大節在外、可以食到一餐色香味俱全又舒服嘅晚飯！ 👍🏻👍🏻😘😘😘女友推薦呢間開業才一個月的「御進私房菜」！地方環境清雅、服務到位、價格合理（其實我覺得超值、可參考附圖Menu ）、推薦！👍🏻👍🏻👍🏻🎉🎊🎉私房菜總廚Jacky Chung 原來大有來頭！曾經出任多間高檔名牌食肆擔任集團總廚、如唐宮、龍璽、國金軒....！Jacky嘅招牌乳鴿更獲奬無數！怪不得男友大讚好食過「順德聯誼會」！👍🏻😜😜😜今晚Omakasa 菜單：私房涼拌前菜櫻桃鵝肝招牌乳鴿過橋海螺一夜情小黃魚和牛骨扒龍蝦兩吃： 花雕蛋白蒸龍蝦鉗龍蝦肉煮稻庭烏冬 原茄浸有機野菜私房特色甜品：自家製松露雪糕+冰涼西瓜糕今個中秋晚餐冇揀錯地方！希望呢位靚仔總廚可以keep住呢團火！💪🏻💪🏻💪🏻👍🏻👍🏻👍🏻👏🏻👏🏻👏🏻😘

朋友介紹去這間私房菜食晚飯，一試之下，平平無奇，名過乎實；食魚腐，冇味，太泡及使用罐頭草菇做配料，敗筆；泡菜咕嚕黑豚，格格不入，畫蛇添足之作；桂花魚籽茶燻蛋，買相一般的，冇桂花味，煙燻味不足；特色蟹鉗，味甜，用泰醬加味，完全不可接受，並好大陣雪味；炸小黃魚，無心之作；返而紅菜頭炒飯不錯，但加入豬頸肉就破壞整體的感覺；乳鴿就有驚喜啦，入味，可以再食；西瓜糕，買相精緻的，味道清谈⋯⋯另好多招牌菜sold out ，不知點算好！服務一般。

星期日下午上到嚟，坐滿晒人喎，裝修簡潔，旁邊擺咗好多紅酒及獎牌，果然係星級大廚，令我對呢餐lunch更加期待柚子蝦餃 ($12件)好得意喎，個皮橙色嘅？但點解3粒唔同size㗎？！呢個蝦餃非常出色，真正做到皮薄餡靚，入面塞滿新鮮蝦肉，仲要係連埋蝦尾嗰款蝦添，食食吓仲有啲柚子粒，估唔到呢個配搭咁匹配，抵食！花雕松葉蟹拑 ($68)最愛食蟹拑，去酒店食起碼$200以上一隻，見到呢個咁親民嘅價錢，唔叫唔得！一上菜，花雕味即刻撲入鼻，蛋白入口滑溜，啖啖都充滿花雕香氣，份量仲非常慷慨，食極都仲有咁嘅？！蛋白及蟹肉蒸得啱啱好，肉質紮實鮮甜，只係$68隻，諗返起都好想食！私房午市套餐 ($120)私房涼拌前菜由於係辣嘅，所以冇要到滋補老火湯今日係木瓜雪耳湯，非常清甜，就連煲完湯嘅豬肉都可以咁軟稔嘅，第一次連煲湯豬肉都要食埋！但木瓜就有少少苦，如果去咗皮會更好香酥九製陳皮骨砌得好靚，每條豬柳都冇骨，食得放心！記得細個成日食媽咪買嘅九製陳皮，而呢道菜正正就係有嗰種親切嘅味道！每一口都充滿九製陳皮嘅香味，仲炸得非常酥脆，個炸皮同豬柳好似混為一體咁，食完都完全唔覺得膩新鮮時蔬喺清湯入面浸住原棵菜仔，仲有好多

繼8月初試業期間，去灣仔道御進私房菜，試過它高水準、有質素的私房晚宴後，今日中午専程去試吓，由主廚Jacky Chung 的主理行政午餐：有前菜2款、微酸辣拍青瓜Wasab 鮮雲耳，口感幾新鮮必食，得獎私房秘方招牌乳鴿，一上枱已陣陣撲香，鴿嫩多汁，都係賣$58隻燉雪梨瘦肉湯，鮮甜清潤，最啱大熱天時食Lunch 飲，夠清淡黑松露滑蛋北海道帶子，蛋滑帶子嫰獨門秘方原條炸黃魚，魚嘅做法，係大廚 Jacky 獨門秘方，令魚不會太油膩，不會太乾身，內裏充滿魚汁，真的外脆內軟，係是餐我的至愛慢煮澳洲和牛面頰，我一向對澳洲牛都沒有好感，因為澳洲牛大多數，沒甚牛味，口感又硬又"鞋"、但大廚用咗澳洲和牛面頰部位，再加慢煮，當然令我刮目相看，牛煮得好"林"，入口溶化，冇渣大廚炒飯魚湯滾野菜私房甜品都係$180/位；好味、超值、抵食；平時在灣仔食lunch，茶餐廳燒味套餐都要$60至＄80；飲中茶都要$100 -＄200；以後大家在灣仔食lunch又多一個好去處啦

本來想去樓下食刺身，點知間店無開。反而無意中發現這間私房菜。老闆好客氣，將午市套餐的例湯upgrade左去竹絲雞燉湯😋泡菜芝士蝦球炒蛋、話梅涼瓜、銀菊sorbet、柚子蝦餃、西瓜凍糕都好特別。口水雞也ok。

今個月愛飲食之友，特別去捧前唐宮壹號，行政總廚Jacky Chung，他在灣仔道83號3樓試業中的御進私房菜，食材新鮮講究、水準依然，沒有最好，只有更好👍🏻，大家滋味在心頭😋