影片
營業時間
今日營業
11:30 - 16:30
17:30 - 22:30
星期一至日
11:30 - 16:30
17:30 - 22:30
公眾假期
11:30 - 16:30
17:30 - 22:30
公眾假期前夕
11:30 - 16:30
17:30 - 22:30
以上資料只供參考, 請與餐廳確認詳情
有關獎賞計劃
星期六晏晝，之前喺網上book咗十二點半，我哋被安排較入位置大圓枱， 餐廳望出去 算開揚，可以望見樓下溜冰場， 裝修走中式路線，坐得都舒服， 枱與枱排得比較密，冇辦法，香港寸金尺土😂。佢用qr code點餐，方便，同埋值得一讚係某啲菜式，譬如它原有四件，你可以按自己需要，按件加錢，加購幾件 ，安排夠flexible👍🏻 ，合大家庭眾會🥰。我哋今次7個大人一個小朋友， 嗌咗(exactly 菜色名稱唔多記得🤭): 香煎小籠包x2，雞絲澮湯麵，糯米燒賣x 2， 脆鱔， 奶黃酥， 酒釀丸子，高力豆沙香蕉，上海炒年糕， 雞湯蘿蔔， 豬扒湯麵 ，荔枝蝦球x 2， 春捲， 臭豆腐。荔枝蝦球賣相出眾💕，蝦肉彈牙，最有記憶點，另外高力豆沙香蕉，不太甜，合港人愛少甜習慣，而且出奇地不油膩，又鬆軟，俾人輕盈軟綿綿感💯， 臭豆腐細細粒容易食，口味係傳統港式，港產名物~街邊臭豆腐的感覺返曬嚟， 其他餸菜正常發揮，但香煎小籠包，就。。。。。個鐵板底唔多夠熱，唔知有咩用，莫非純粹for擺盤靚啲🤔🤫。侍應生有禮貌，做嘢快手，上菜夠細心 (唔會喺小朋友側邊上菜)， 要求剪開食物，佢都高效率地應我哋要求做到🫶。前菜每碟15蚊x2 ，再加茶芥，連加一 ，合共$1200幾，8個人， 九龍塘區性價比算高💖， 有機會下次再來。
繼續閱讀
新餐廳梗係要即刻去食下啦,午餐時間,唔使排隊因為都有幾多位呢間餐廳. 知客好快帶咗我入去坐,侍應即刻過嚟問我飲咩同埋放低menu. 一個人食唔可以嗌太多嘢,咁嗌咗一個雞汁蘿蔔,生煎包同埋一杯熱豆漿.雞汁蘿蔔都有八舊蘿蔔,幾條嘅菜心伴碟. 啲蘿蔔好淋有雞汁嘅味道,菜都係新鮮食落去幾甜☺️生煎包個底係脆嘅,個包有咬口,肉餡有肉汁,上菜嘅時候有個鐵板熱辣辣咁,好好味😋豆漿正常發揮啦😉本來諗好咗要嗌甜品嘅,想嗌一個桂花拉糕,但實在太飽,只好放棄啦,留返下次再試😅整體嚟講咁嘅價錢係合理👍
繼續閱讀
轉眼間之到年尾，正所謂冬大過年，跟家人親戚整整齊齊食餐冬至飯，是每年的指定動作。做冬自然是吃中餐了，為遷就大家，定了在又一城的御˙家上海開餐，這位置，前身是同集團的越南菜館安南。十人行，有間房俾我哋，認真幸福。費事傷腦筋，直接點個十二人套餐，食唔晒最多打包。打頭陣是兩碟的五福拼盤，肴肉、燻魚、醉雞、烤夫及海蜇花，好傳統的涼菜，醉雞嫩滑入味，燻魚香脆，海蜇花爽脆不韌，簡單說，全部都做得好。接著來的小籠包，皮夠薄，收口位做得好，沒有實的的，加上豐盈的湯汁，及鮮美的肉餡，我不客氣地吃了兩隻。賽螃蟹是看得出的滑溜，賣相好靚仔，吃起來也的確是鮮香細嫩，配一點點的鎮江醋，個人認為更加吸引。香氣四溢的咸蛋黃緊緊包裹住爽口彈牙之蝦球，這款邪惡的東西，是沒有不好吃的道理。套餐的湯水，係砂鍋雲吞雞，湯頭夠熱，雞肉亦比想像中更嫩滑，涼涼地喝一碗，好舒服，唯一要挑剔既係雲吞爆了餡。十二人的套餐，連松鼠桂魚都有兩條。桂魚沒有炸到縮晒無晒肉，酸酸甜甜其實都是我一向喜愛的菜式。無雞不成宴，做冬的套餐肯定唔會走漏了雞，呢隻煙燻脆皮雞，皮脆肉嫩是理所當然，煙燻香突出，就算此時大家口裡說很飽，也是一件接一件的夾來品嚐。鍋塌豆腐，吃至尾聲大家都可以清碟的，平凡中見真章。來過家上海多次，最期待的絕對係濃雞汁蘿蔔，蘿蔔軟腍，索盡雞汁之精華，大家都讚不絕口，我連吃兩件，以行動表示支持。揚州炒飯，沒有海參在內，是融入了南方的版本嗎? 但炒得乾身，又粒粒分明的米飯，已說清師傅的功架。大家食力有限，也打包拿走，沒有浪費。套餐跟的甜點，原本只有豆沙鍋餅，但大家吃得盡興，連隨追加了楊枝甘露、流沙奶黃千層酥，做冬當然都要有湯丸，全部都好滿意。
繼續閱讀
新餐廳我一定會試，支持一下，經Open rice 訂了(星期一晚)六點四位用餐，準時到達後要求改做七點 ，服務員話冇得改，冇得訂七點，訂枱只有五點半及六點，七點要walkin, 用餐只有90分鐘，態度差不用說，毫無誠意。。。。完全趕客，今日嘅香港，經營餐廳巳容易，客源不足，你們仍然用咁嘅服務態度去對待客人，真的幸。。。。。。失望
繼續閱讀