德勝小廚 (已結業)

己經幫襯左幾次佢既早餐,雞蛋炒腸粉真係好好食,一Ｄ都唔油,仲要好香口今日阿姐仲要體貼問我用蛋白炒好唔好仲要賣8蚊未食過佢既燒味...~搵日試埋先

下午時份來到上環處理點私務後落樓就見到這食店，就座低休息一下，順道來客下午茶吧！見頗多食客都是幫襯這裡的粉麵檔，就來客掛頭牌的炸醬麵；見阿姐都幾繁忙，但淥麵時都幾細心，淥滾水過冷河，落熟油，放炸醬，等陣才上檯。炸醬微辣，而這裡不是肉末，應該是用豬頸肉切成小粒混入炸醬內，甚有咬口，而肉味亦濃，無怪這炸醬麵作頭牌麵食；而蛋麵彈牙之餘絕無鹼水味道，將之與炸醬和之絕對稱心，這炸醬麵好得！另上的一碗上湯滿是大地魚味，喝後沒有口渴之顧，可想而之真材實料。回來後翻看食評，這裡似乎除了燒臘了得外，炸醬麵都是不錯的！

又真係估唔到喎！睇左kk兄的食評，去睇下點好味法。結果，真幾好食，而且非常之抵食！下次再試下其他d！

小姐Lunch選的店，多是優雅又斯文的，但今次就例外，大家去了一個幾「地痞」的地方，坦白講，不是kkk兄的特別推介，路過也不會入來幫襯的。也很有趣，是次聚會只得Lazyqueen一位女士，是最陽剛味重的一次「小姐Lunch」。這裡環境是一般茶餐廳格局，而kkk兄就尤其最滿意其地板的清潔程度。全店吸煙，亦隨便搭檯。四位食友，惡男要了蒸飯，另兩位食友都要了叉燒魚角米線或米粉，我見kkk兄大力推介其叉燒，索性叫了一碟叉燒飯，扣底。叉燒油令令的，賣相不錯，但就不是好吃的部位，可惜，但見Lazyqueen的是不錯的。吃一件叉燒，都不錯，蜜汁味幾夠，亦不韌，kkk兄所以非虛，是有點水準；飯要了「扣底」一樣的多，相信是忘記了，而凍咖啡要了「少奶‧少甜」，相信也是忘記了。不過在這些地道茶記，也不見怪。埋單一百零二蚊，每人廿五元五角，經濟得很，相信是最便宜的一餐小姐Lunch了。不過之後再想，怎算也算不出為何這樣便宜。

我多數係叫呢間的外賣, 早餐\腿治加涷飲, 可能茶水個面轉左個亞姐, d 涷奶茶十足涷糖水, 飲左兩啖都係頂唔順。不過service 真係幾好, 有次同事買完上黎, 到十點幾先食,發現佢\叫奶茶, 比左coffee, 打落去比個姐姐知, 點知佢\竟然即刻跑上黎比番杯佢\, 都無拿走錯左個杯。仲sorry 前sorry 後,比著第二間實踩鬼你la。午餐\叫過魚旦米線, 鐘意食佢\d咸菜好好味呀, 同埋無乜味精。由於我怕肥, 所以都未食過佢\其他野, 下次先試下佢\d 痳辣湯底,同叉燒。

我叫十四，牚開「德勝小廚」，一個星期至少幫襯兩三次。你可能會話上環茶餐廳周街係，點解牚呢間？叉燒好食Service好，即加多幾分印象分，記得四年前第一次牚「德勝」，覺得間舖設計有香港地痞茶餐廳Feel，室外有電車站及車位夠方便，仲要野食平又好味，清潔過好多大型茶餐廳。打開餐牌，大把本地菜式，大部份都係賣廿四蚊(送飲品)(凍飲加兩蚊)，可能有時齋睇菜名唔知有咩特別，不過問親待應就個個都答到我，佢地個個對餐牌都好熟，Training做得幾好。到上菜啦，港菜港做，好有風味，賣相可能唔太討好，但好多時都好好食。餐牌幾年黎都冇咩變過，不過就真係唔明點解大部份野都係賣廿四蚊(前幾年經濟唔太好時賣廿三蚊)，不過咁既價錢，有一凍飲(加兩蚊)加一飯/麵，食物水平又幾高，地下唔滑，所以成日食都唔悶有驚喜。

==早餐==(1.) 蛋煎腸粉- 一流﹗一定要試﹗腸粉炒得好夠鑊氣不過仲依然係好滑﹗超讚的﹗(2.) 炒米粉- 非常值得一試!佢地D炒米粉唔會好膩﹐又有用煙肉炒﹗每日9點前order都仲可以叫到,9點後就好大機會賣哂﹗==午餐==(1.) 叉燒油雞飯- <特別推薦> 叫叉燒果陣講明要"叉燒要肥瘦肥瘦噥"就最Perfect喇~ (2.) 排骨蒸飯- D排骨蒸得好滑好正~ 一定要試試~==下午茶==(1.) 法蘭西多士(2.) 雞脾沙律另外係要讚下D夥計~服務態度好好!無論你幫襯幾錢,都一樣好熱誠!外賣都係~ 就算買六蚊早餐都一樣會送,仲係爸爸聲送上來添!Lunch又係,就算你買一個飯盒都一樣會送!

收到一個麻甩x小姐lunch的email邀請:　食友kkk兄提起，上環的德勝小廚也不錯。德勝只一間地痞茶餐廳，但ｘｘｘｘ的kkk兄都品提的，當然是「有d野」... 就係因為「果d野」, 立刻報名.德勝的格局絕對係一間地痞茶餐廳, 靠牆兩邊放卡位, 中間則用盡空間放圓檯, 背貼背的情況不罕見. 無訂位無帶位, 大家都係靠經驗運氣去跟在人家後面等位.幸好早已向kkk兄打聽, 原來「果d野」係指這裏的叉燒. 於是點了"叉燒冬菇魚肉角米線". 以公雞碗盛著, 賣相不過不失. 咬一口叉燒, 真的唔錯, 唔鞋唔, 邊位略略帶焦, 加埋丁點的甜味, 真係估佢唔到! 老實講, 在門外時, 對那對被掛起的叉燒賣相真的有保留, 但食落又真係兩回事!! 大家仲話, 我所得的叉燒係梅頭(唔知有無記錯, 總知係正啦)呢~~ 冬菇無特別. 但魚肉角有水準, 因浸在湯, 外皮不是脆的, 但薄薄的一層食落又唔糊口, 內在似魚片, 但食落更彈牙且略帶甜味, 唔錯唔錯!!雖然這裏格局地痞, 但期間亦有不少OL幫襯. 可能因這裏的地板沒有濕濕的, 令人反感吧!見米線仲有個四川麻辣湯底, 下次再來試試!