德勝小廚 (已結業)

上次到上環工作試過德勝小廚 梅子蒸鴨飯 覺得好有特色，因為用梅子醬點燒鴨/燒鵝嘅粤式燒味，應該除咗食齋嘅之外，只要係香港長大應該冇邊個會未食過，反而用蒸嘅烹調方法唔係度度都有。呢個特色午餐每日供應。今日與同事再過嚟上環工作都推介咗佢試一試。自己今日就想試 生炒牛肉飯，事緣早幾日看討論區剛巧見到有人推介呢度嘅生炒牛肉飯。呢個炒飯除咗大大碟夠飽肚， 啲牛肉粒係用手切牛肉粒並非揸流灘用機碎免治牛肉，成碟食完亦唔見碟底有油，真係好功夫。雖然店面冇醒目既裝修， 甚至飯店嘅格局有少少似自七、八十年代未改動過嘅裝修；不過食完兩餐完全感覺到紮紮實實賣嘅就係實而不華。

今日又無帶飯，又要買外賣返公司食，諗起好耐無食過燒味飯就湧現左德勝小廚既燒味佢地不是工場交黎架，係師傅每朝係廚房入面自己燒，所以德勝D燒味真的是絕品今日買左個瘦叉紅腸飯，唔好以為叉燒要瘦就一定un 到7彩，德勝既叉燒真係唔同架，尤其如果有少少燶邊的話就更加停唔到口大家有機會都去試下啦，紅腸就無乜特別不過不失既。今日外賣呢個飯盒唔好以為好貴實情只係$38，係咪超值又抵食呢。老闆真係好好人，今時今日我地仲可以用良心價買到如此美咪既燒味飯

朝早咁趕時間，通常我都係公司附近攪掂，咁呢間德勝小廚外表一d都唔出衆，但內裡人情未就非常濃。習慣左每朝我都會叫一份奶醬多+一杯熱奶茶，奶茶雖稱不上香，但濃度足夠令我維持一整天的精神去應付繁忙的工作、至於奶醬多D方面，師傅會即叫即做，奶同醬真係多到漏曬出黎，一D都唔會孤寒。老細和員工都超好人，試過唔記得帶錢就食早餐都會比我賖數真係好醜價錢方面就更加唔使講，現今香港去邊到可以用$22食到一件奶醬多+一杯熱奶茶吖

A very classics HK restaurant, just like old time. If you care about food presentation, services, comfort seating etc, don’t bother. But if it’s taste you are looking for, this is it. I ordered a simple 叉火飯, and it’s one of the best I ever had in Hong Kong. It’s not cheap, cheap (57 HKD) but it’s worth the money.

Overall, I should say this is a very nice little restaurant with hard-working mom and pop and fellow staff. Each time I came, they would treat me with great dishes, coupled with a free tasty soup and drink. I feel refreshed after a meal there. Nevertheless, I would like to advise the young lady cashier to learn from her parents, especially in terms of showing respect to people and acquiring a sense of equality and democracy. Thanks.

來到德勝小廚,見到牆上餐牌寫著有梅子蒸鴨飯,梗係即時落單啦, 亦都即時知道無.早知當時問埋係近排都無定係咁啱賣晒啦,總之之後轉咗南南乳豬手飯.跟飯既湯送上,係合掌瓜湯,合掌瓜無先去皮,成件食既話要”梅”返啲皮出嚟.裡面有雞有瘦肉,一般茶仔既餐湯好似都係其中一樣咋喎,算係肯落本,但係始終無合掌瓜果種甜味.南乳豬手飯既豬手係另外用碗分開上既,咁樣可以件件都有汁,而且又唔會令飯浸得太多,好嘢!睇見顏色紅卜卜以為係辣辣地既,原來唔係,不過平時食開既南乳好似無咁紅架.南乳汁通常係杰杰地,咁先可以黏係食物上面,但依度南乳都幾稀喎,不過好在豬手都濃味.菜芯擺係豬手果隻碗既最底,因為索咗南乳味所以好香,不過硬咗啲.就算扣除咗墊底既菜芯,豬手既份量都算多.但係太過冧,甚至冧到甩皮甩骨既程度.唔可以話差,因為的確好多人中意食冧既豬手,不過唔係我杯茶囉.

新年後去海味街，一團6個人行到宜間舊味舖頭,係外面嗦到焼味味道, 又見到舊舊哋就入去試吓！ 我哋叫咗3 個套餐(每個$52), 叉燒飯+雲吞(可以叫魚蛋或雲吞)+油菜, 加杯熱奶茶, 另一個叫咗叉燒、燒鴨批飯, 另一個叫炒貴勺,好大碟! 3碟叉燒都好冧,又好入味,又唔癡牙😋😋😋😋, 有6粒雲吞, 餡內有2粒蝦同豬肉, 入面嘅蝦一D都唔馬乎, 好彈牙😋😋😋😋, 魚蛋唔係好彈牙,有D硬😔, 碗飯中間有豉油,(好鬼開心,好似細細個食嘅飯咁😋😋😋😋！好有童年回憶呀！杯奶茶唔楚,大多嘢食凍咗小小飲都唔"劫" 😋😋😋😋！叉燒好冧雲吞魚蛋生菜菜心叉燒燒鴨批飯炒貴勺熱奶茶成台餸同飯呀！

德勝是我午飯食店中頭三位之食店。今日懶落街，打去德勝叫外一賣20分鐘送到叉燒魚肉角冬菇魚麵，熱檸茶($45): 叉燒同大部份燒味一様咁上下味道，有一様好就係叉燒肥瘦分明又唔鞋，有4-5舊大大舊叉燒冬菇滑滑的，都好有菇味，都有4粒🍄到我心目中既第一主角出埸啦，炸魚肉角。味道非常好，炸左放落湯入面都好好食，而家一路寫食評都好想食一碗有三片，以前有4片架到第二主角，就係魚麵啦，食得出真係用魚打成的，魚肉與麵份既比例應該魚肉佔大份，又不太腥，又好好魚味，真係正呀檸茶茶膽太濃了，自己再加水（糖佢會一早落埋，唔要糖要早d講呀）一碗魚麵大大碗，仲搭幾條油菜，真係夠包一個下午，快到冬天，買淨魚肉角同魚麵係屋企打邊爐係最佳既選擇。有時候送外賣叔叔是用籃載著食物來，不用膠袋，夠環保。

約了朋友在上環午餐，就同她來德勝，讓她試試這裡的魚肉麵，因之前來過一次就是吃這個，一直都好想再吃！我們一同叫了冬菇义燒魚角魚肉麵，冬菇很爽口，魚角非常好味，味道不會太濃，料十足，但小小偏油，不過可以接！

店名：德勝小廚地址 : 上環干諾道西28號威勝商業大廈地下好味指數：7.8／10價錢：$14雞蛋炒腸粉要有個good morning，當然唔少得個醒神早餐啦。同事琴日買左反公司，一打開個盒成間office都聞到個陣香味，搞到我都忍唔住開口問佢食緊咩，佢仲問我要唔要試下。礙於個日食左水果做早餐，唔想破壞我既健康大計，唯有拒絕 ，擇日再試。今日終於忍唔住去買，由落單到拎走大約用左8分鐘時間，成個過程完全睇住。由煎香 、混入蛋漿 、再倒反落穫煎大約1分鐘 、上碟，最後加埋豉油甜醬麻醬辣油芝麻，得左！估唔到咁普通既食材可以咁好食，蛋煎到岩岩好，配埋d混醬一齊食真係好滿足呀！ 

黎到上環既德勝小廚，大約３點幾，個陣冇乜人食野，所以一入去就位坐。佢鄰近港鐵站，行幾步就到，地理位置絕對方便食客啦！入到去，發現佢既餐牌都幾有特色，全部都係自己寫，仲寫得幾靚！比起其他地區既茶餐廳都幾有特色。我同２個朋友嗌左個沙爹牛肉一丁、煎蛋腸仔、多士同奄列。有人話最易整既野最難整得好食，此言非虛，先講奄列，稍嫌煎得熟左少少，如果唔係就可以再滑Ｄ啦。切開隻蛋一睇，原來裡面都幾足料，好多火腿同叉燒，啖啖肉，唔錯唔錯。而多士係唔脆既，須知道多士脆唔脆係好重要，所以大扣印象分。個人認為，隻太陽蛋個邊唔夠燶，所以個邊唔夠脆。但佢隔離個條腸仔又太燶，成條非洲黑腸咁，食落都唔開胃啦！沙爹牛肉麵就冇乜特別，大家明啦，即食麵好難煮得難食，牛肉幾腍唔痴牙。

“麻甩”兩字也許是來形容男性, 當一些事情連女性都參與的, 也許就與麻甩掛不上。那日在趕路去澳門之際, 發覺還有四十五分鐘好好與友人吃個快速午飯。友人建議, 來到這家在信德中心對面的得勝小廚吃個便飯。先到先坐下, 靜看餐廳貼牆的餐牌, 甚有的士佬食飯的風味。寫著不少選擇, 蒸飯, 盅頭, 燒臘, 粉麵, 絕對茶餐廳風味。但比之的老派氣味有過之而無不及。看四周人事都是吃著梅子蒸魚, 或是小菜一盤盤, 自己也覺得老誠了一點。細量好一會, 終於決定要個梅子蒸鴨飯。這些菜式近乎一早預設好, 這邊落單, 那邊就上菜。鴨件一盤, 加上白飯一個, 份量可以, 連熱飲索價$36。價格算是合理。一盤鴨肉, 蒸有淡淡而甜的酸子汁。感覺用梅並不多, 但甜味明顯。薯仔經水煮腍, 半溶半爛的, 與白飯配個近乎不用牙吃。鴨件質感參差, 近脾位置滑嫩而有肥膏。但是胸肉就鞋了點, 味道有點淡。看著這蒸飯, 我是有那種老派的麻甩感覺。在這些食館, 要不是一班男人麻甩起來, 就是一個沉鬱地麻甩而另一個如小鳥依人。小鳥當然不吃重食, 一個名字極長的東西在他們的腦海。冬菇切雞魚角魚麵, 估不到切雞也滑, 魚角香口, 魚麵也有

一個人在上環午餐, 經過海安, 再往前走, 看看有沒有一些特色懷舊小店, 走著走著看見德勝小廚, 門外看就是吃粥麵的地方, 茶餐廳的格局, 男人客多, 價錢相當廉宜, 30多元一個餐, 平靚正就要食過先知!大熱天時吃不下一個飯, 叫了一個冬菇叉燒魚角米線加一杯熱鴛鴦, 新鮮的配搭組合, 大大碗不消數分鐘便送上, 港式的光速餐從來是名不虛傳, 有效率到呢...首先米線都是一般, 湯就沒有什麼味道, 反而冬菇叉燒魚角就值得讚, 冬菇炆得入味, 叉燒是有蜜汁的香濃不太肥不太瘦, 魚角大大片, 不是一般的魚片, 炸得好好味, 有幾條菜芯, 營養剛剛好, 至於杯鴛鴦不過不失, 水準還可以!

小弟在上環區上班三年，食飯趕時間往往都要食老麥或燒飯盒...! 最近一位當差的老同學約我在這店食個quick lunch。我點了個义燒燒肉飯，同學點了個燒鵝飯...! Oh...义燒同燒肉都是超水準，义燒外表雖然平平然奇，但意想不到入口肉諗有肉味，而且很超肥美燒肉皮趣肉滑，外皮有一種被火燒烤過的香趣，入口好Juicy，有一種粗中帶幼的風味超正啊...! 小弟通常趕時間會幫襯皇后大道中一帶燒味店，附近老子號的那一家與水坑口附近的那一家味道完全也追不上這店食店的燒味水平啊 另外老火例湯也是超正....!多謝老同學好介紹，下次就算要行多兩條街都要過來

收爐前遠征上環,時間關係還是選個快飯,免得慢慢的享用而誤了時間。今次選的不是海安而是數十步之遙的德勝小廚,回家路上每次也路過的地道食肆,看其簡陋門面是不會提起興趣的,很有老店風味的小廚,門前兩邊分別是麵檔及燒味櫃,兩邊的食物也似乎很對味耶。平日下午二時後小廚也很滿座,場內除了一眾叔叔伯伯外還有幾位OL,因而單身女客也不像其他地區的男人食堂般惹來目光。獨佔面壁小角落二人座,不用跟他人拼桌嘛,爽!!好不容易召喚其中一位忙碌的阿姐,想不到阿姐竟是笑著走來為我寫單,絕無什麼晚娘面孔,真好的態度!轉眼間叔叔送來餐具及熱茶,連小碟的匙筷是老一輩食肆才會用到的組合。素聞德勝例湯出色,午餐也放棄奶茶咖啡而選了中湯,是日中湯是花生眉豆甘筍煲雞腳,例湯是有點嘩然的湯碗份量,單單喝湯也夠滿足了。豬骨雞腳早已煲至肉骨分離,幾經努力下也只撈到丁點肉碎花生可吃,湯底奶白的有著肉香,不太鹹的中湯也真的蠻像樣。其實很想麻甩的來個叉鴨飯,只是稍後還要跑到九龍區,吃得太飽實在有點辛苦,改選另一名物叉燒冬菇炸魚角米線,以古式雞公碗送來的湯米線,只欠一對紅色筷子頭的黑色木筷子。湯底有著我不喜歡的蝦米味,可幸有點叉燒甜汁中和一