德國廚房

營業中

休息中

完全唔知道德國廚房復活咗，咁梗係要去幫襯吓啦，原先仲抱住會唔會係轉咗手嘅心態去，幸好所有嘢都依舊，過了一個美好的晚上。記得當初幫襯德國廚房就係為咗呢一杯德國麥啤，除咗一試難忘之外，我都諗唔到點樣形容佢，總之就係麥味香、一啲都唔苦、易入口。叫咗個炸洋蔥圈嚟送啤酒，份量比想像之中多，佢呢隻洋蔥圈係比較實淨嘅，唔係炸皮同洋蔥之間有好多空氣嗰種。因為好貪心，咁樣又想食豬手又想食香腸，所以就叫咗呢個德國豬手拼不過香腸嘅主菜，豬手同以前一樣都係整得好好食，德國香腸一啲都唔求其，真係俾啲德國香腸你，真心正。

是日晚上去德國餐廳食Dinner，要知道一間德國餐廳正唔正宗，隨咗睇吓佢係唔係賣德國啤酒之外，最緊要就係要試一試佢嘅德國豬手，呢一間嘅德國豬手算係幾正宗，同我喺德國食過嗰D豬手嘅味道差不多，當然呢度隻豬手嘅size比起德國係細隻好多啦，不過以$168呢個價錢黎講真係超抵食，性價比極高，佢嘅份量夠兩個人食。佢嘅豬手皮炸得夠脆嘅同時，佢豬手D肉唔可以叫做嫩滑，但係起碼唔會搞到over cook鞋颯颯咁樣，所以我覺得佢整得好好食。

天氣真係太熱，入到餐廳第一件事即刻叫杯冰凍啤酒先，呢一間餐廳嘅啤酒非常夠凍，最勁就係連佢隻杯都係說到冰咁樣，一拎到過嚟直情係有一層薄薄嘅霧氣喺隻杯外面，見到都透心涼，幅相都仲見到少少霧氣。唔知道究竟係心理作用定係點樣，就係覺得德國嘅啤酒畀其他地方嘅好飲，就以呢一杯德國小麥draft beer為例，小麥味夠香夠出，入口完全唔會覺得苦苦澀澀，有一種好天然嘅感覺，唔會有一啲化學劑嘅味道。齋飲點得呢，所以就嗌咗個洋蔥圈餸酒，炸洋蔥圈啲粉比較充實，唔知平時食到入面好多空氣嗰種洋蔥圈。

只要想食豬手，一定會諗起呢間餐廳！今次睇5次由西貢區長征嚟大埔😂小店嚟講環境算坐得舒服，食物份量算大份。cp值高食物選擇唔算好多，但2-4人食都有唔同選擇，小食種類好多，豬手必試！

Benediktiner Weissbier，食維京餐當然要大大塊肉大大杯啤酒啦！肉肉肉都係肉，叫碟雜菌平衡一下﹗每次如果邊食飯邊飲酒都醉醉地好眼訓，真係唔可以同時進行。此店唯一的生啤，就您啦﹗估計都係來至德國，凍啤杯結霜送上，涼浸浸灌入透心涼，依隻好飲喎﹗微微的甘，果味酒味平衡，清爽舒服。蒜蓉牛油焗青口，普普通通的紐西蘭半殼青口，有著微弱香草牛油味，青口肉彈肉嫩，保有青口鮮味，不乾不粉食得過。蒜香牛柳炒意粉，走洋蔥換來更多彩椒真幸運﹗黑椒味突出，蒜味緊隨其後，還有爽脆彩椒點綴，生動活潑可口。意粉份量比茶餐廳更多，受寵若驚，重量級掘極都有，應該比兩份還要多，抵食！我最愛乾爽彈牙有嚼勁意粉，掛著欖油及嚥韌牛柳份外滋味食得暢快。香草烤雞配雜菜，發現雞胸搽滿紅椒粉散發微辣，少少綿少少乾搭著爆汁車厘茄還可以。雞髀無得頂無得輸！連皮帶肉狠狠地咬，香噴噴雞皮包著滑嘟嘟嫩嫩白肉滴著汁，使我萬分陶醉。鹽香黑啤雞翼，單骨雞翼？是否煮好才剪開的？膠黏脹卜卜肥美雞皮，鳳脂旺盛肉汁閃閃，咬落甜中帶甘有驚喜。白肉沒怎樣醃過，淡淡的肉搭濃濃的皮剛剛好。炆豬手配黑椒燒汁醬，紅酒汁？黑椒燒汁？杰到似藍棗醬黏黏，味道似

見到好多人讚佢嘅<<香脆咸豬手配德國腸，洋蔥圈>>($218)好好食…話佢外皮烤得好香脆~我唔食皮嘅，所以我確認唔到🙃但隔離位有食…我就聽唔到卜卜脆嘅聲☺️肉質的確唔會好乾，但冇乜鹹香味~諗住夾埋啲酸菜一齊食可以提鮮!So sad…佢啲酸菜嘅口感好煤咁👉🏻👈🏻洋蔥圈又唔係好特別…德國腸又好似超市買嗰啲包裝腸咁…冇一樣食材令我有encore 的衝動🫤如果想食<<慢煮牛柳薯角沙律配紅酒燒汁>>($178)嘅話🐮坐低就要即刻叫💁🏻‍♀️因為製作需時，要40分鐘~呢個價位得四小嚿嚟講…賣相好似呃秤咁😅😅😅寧願佢一大嚿好似感覺實在啲~我哋六個人share都仲要逐嚿切半🤣切嗰吓…好似超腍😀但係咬入口…唔覺得佢特別腍之餘…係連食牛肉嘅口感都冇埋😗可能因為係慢煮啦~~~我就唔太喜歡🤷🏻‍♀️<<鹽香黑啤雞翼>>($88)係我全晚覺得最好食嘅嘢👏🏻香口得嚟唔會乾晒冇肉汁~味道調教得剛剛好👍🏻不過你唔會食到啤酒味😂<<芝士煙肉薯條>>個人覺得$88嚟講係overpriced 咗~因為佢

原來大埔都有一間隱世豬手！😍呢間隱世德國餐廳雖然唔近大埔市中心，但都好值得經過去試下佢啲✅豬手！豬手嘅外皮烤得好香脆，而且肉質亦都唔會好乾😋；最貼心嘅係豬手已經去咗骨同預先切好，一拎起就可以放入口食好方便~旁邊仲有德國腸同脆脆洋蔥圈，滿足咗想食德國菜嘅tummy~😜✅蒜蓉牛油白蜆意粉就相對上比較普通，白蜆有好香嘅牛油味，而且份量十足，但意粉嘅蒜蓉味唔太突出而且有少少油膩，如果加少少辣味味道就更加好~😇

來到德國廚房吃吃德國鹹豬手，飲啤酒，味道算不錯，而且侍應態度很友善，坐得舒服，休閑地過了一個晚上。不過這間餐廳應該為香港人口味調節過，沒有像傳統德國菜那樣很濃味的，雖然沒有很正宗，但是很合我口味呢。🔸芝士煙肉蒜蓉法包 $78法包上加滿芝士和煙肉碎，吃起來非常香口。🔸香脆咸豬手配蜜糖芥末醬 $148豬手不會過鹹，味道是剛剛好，而且烤得非常香脆，咬下去那個皮是超脆的，而且是切好一件件的，很容易進食。🔸接骨木花啤酒啤酒應該是因為加了接骨木花糖漿，所以很好飲，甜甜的，加點點啤酒香，很喜歡呢🧡

📍德國廚房 Lecker’s Kitchen 👨🏻‍🍳#黃豆食黃店💛-喺香港食德國菜嘅餐廳唔多 仲要係黃店又好食就真係少之有少🥺而呢間小店嘅德國咸豬手係必食🥴唔敢話佢正唔正宗 但就啱晒黃豆嘅口味 小食都非常出色架🤪仲有個慢煮牛柳同埋啲啤酒都聽講好正🤫🍖香脆咸豬手配蜜糖芥末醬 $148🤤唔太鹹塊皮仲卜卜脆 肉質爽口仲啖啖肉🤤個豬手已經起晒骨切好晒一啖嘅大細 好細心🤤連埋德國酸菜食可以解膩又開胃🥲個蜜糖芥末醬略嫌少咗啲蜜糖味🥖芝士煙肉蒜蓉法包 $78 🤤呢個組合無得輸! 面頭係芝士同煙肉 中間搽咗蒜蓉牛油 三樣嘅味夾得嚟又好出 仲好足料🤤個法包外脆內軟 唔會好乾 趁佢上菜仲熱熱地食最好食!🍝黑松露雜菌意粉 $78🤤意粉分量慷慨 落足雜菌 燈籠椒惹味 🥲味道太淡無咩鹹味🥲唔太食到有黑松露味🍹黑牛(可樂配朱古力雪糕) $30🤤朱古力雪糕同可樂好夾 雪糕仲有朱古力碎🍸傻豹 (雪碧配士多啤梨雪糕) $30🥲兩樣夾埋一齊有啲甜💬總結:值得為個咸豬手去試! 個法包都係必嗌🤪不過每樣分量都好足 兩個人嘅話叫一份main加小食都好夠🥴意粉嘅話就可試可唔試🤣⏳等候時間:book咗枱唔洗等 無限時 食飯吹水好

🍖香脆豬手配德國腸洋蔥圈 $198Hot deal✔️豬手皮脆卜卜，香口肉嫩，好熱😍✔️調味剛好、唔會過咸🥰✔️白色嘅徳國腸肉質肥美🌭✔️連洋蔥圈都好食，香甜，不會太厚粉😚-Fried pork knuckles with German Onion roll-Crunchy and hot pork skin -Perfectly seasoned-Amazing German sausage -Onion roll tastes freshly sweet🍝黑松露雜菌意粉$78Black truffle mixed mushrooms ✔️帶香黑松露味，亦多橄欖油👍🏻✔️雜菌份量足😋😋✔️正常偏好嘅意粉質素🍝🍝-Rich truffle flavour with lots of olive oil-Great portion of mushrooms-Nice quality of linguine 💖Pink panther 🐆 $30✔️幾special，味道好夾💕✔️士多啤梨隻味自然，非常好👍🏻唔伏✔️實物冇menu圖片咁吸引🙈🙈-Quite special and tastes great-Th

晚餐食外賣已成常態，於網上見到這個套餐真心覺得物超所值，所以決定要親身試一試。才200元，有德國脆皮豬手、德國香腸小拚盤(共有三條)，再加上洋蔥圈及德國麥啤兩支(330毫升)，印象中從前一隻豬手已經要大約$150，德國啤酒則大約$40一支，所以帳面價的確吸引。由這餐廳回到家大約需時15分鐘，洗手後立即開動，香腸、豬手和洋蔥圈仍然有微溫，不需要以微波爐加熱，真的不錯。德國豬手的皮仍然很脆，加上甜芥辣，好味。至於三條德國香腸味道亦不錯，起碼不是一些下價劣質香腸，因為今時今日很多餐廳都因為疫情減價而將貨就價，幸好這家餐廳並沒有這樣做。此套餐的份量亦非常大，對於並不吃太多的女士而言，這個可能是一個三人套餐。

其實都食過好幾次，質素一直keep到沒有變，認為真的值得推薦。6點就去到，因為懶book枱，搏一搏攝個early dinner。😁我們試過脆豬手、慢煮牛柳、單骨雞翼、青蘋果華道夫沙律、釀蘑菇、青口……😋食物真的沒話說，每次都想試新的，但又忍唔住叫返豬手同慢煮牛柳。豬手好脆，係脆到旁邊都聽到卜卜聲果隻，肉不會鞋，味道剛好，不會太鹹，香口的豬手同啤酒好夾。慢煮牛柳好嫩，肉味濃，每次總想再多吃幾件。雞翼是有點鹹，真的要佐酒，但因為單骨，每次不用吃太多，飲幾啖啤酒，其實好爽。其他小食都是恰到好處的，每隔一段時間，就會想重遊舊地，再食一餐。啤酒選擇亦多，總有合適的口味。😘

難得今日在大埔開工，仲可以準時鬆人，同事即刻話帶我去威威，要去Happy Hour一下，我話乜唔係d酒吧收晒皮咩？佢話啤一啤唔一定係去酒吧嘅，佢話大埔有間德國餐廳，d德國啤酒好好飲，於是我當然係二仔底：死跟啦。呢間餐廳唔係好大，目測5至6張枱左右，不過入到去真係好surprise，因為黃昏6點呢d時間竟然已經有兩枱客喺度食(我開頭仲以為我地可以包場架)。由於跟住要返屋企食飯，所以齋飲無叫野食，我同事叫咗一支西柚啤，而我就試咗支無酒精啤酒，我仲問老闆娘無酒精都可以叫做啤酒咩？佢話香港法例話酒精含量少過0.5%就可以叫做0酒精，講真，入口真係好似淡口嘅啤酒，好淡好淡嗰隻，味道近似台灣金牌啤，真係呃得下人，下次有人隊我我一於飲呢隻，佢個名叫Bitburger Drive 0.0%。至於我同事嘅西柚啤我都飲咗一啖，少少酸，好清新好爽，好似今日咁熱嘅天氣就真係啱晒，我同事飲晒成支，完全無醉意，原來西柚啤嘅酒精度只有2.5%，比一般啤酒低差唔多一半，所以最後我哋兩條友話就話Happy Hour，但係就全無醉意咁離開。題外話，我見隔離枱隻豬手都好似好正，下次一定再黎試埋。

大埔區內的德國菜寥寥無幾試過另一家，今次就試試這家德國廚房！店面小小的，幾乎滿座，幸好有提早致電訂座～同行人數共8人點了兩款手工pizza，西班牙狂牛pizza及千島醬海鮮pizza 慢煮牛柳薯角沙律﹑香脆咸豬手配德國腸﹑黑松露什菌意粉﹑醬汁烤豬仔骨(8件)﹑特式腸拼盤及單骨雞翼另外點了兩款德國啤～～手工pizza，餐牌上列明有4~5件但上桌時，仍然覺得份量偏細千島醬海鮮pizza，由於size太細，不覺得吃到什麼海鮮千島醬的味道尚算ok西班牙狂牛pizza，份量同樣細，牛肉不多味道普通～兩款pizza都是薄批底，夠香脆黑松露什菌意粉，份量適中黑松露味幾香，意粉爽滑彈牙～加蒜蓉雜菌炒，松露味亦沒被掩蓋～單骨雞翼，配啤酒的最佳小食～香口得來又不會失去肉汁！味道醃得剛剛好！醬汁烤豬仔骨(8件)，跟平日的有點不同平時吃的會有很多bbq sauce但這款相對的乾身，味道雖然ok，但個人偏好充滿醬汁的多些！香脆咸豬手配德國腸，豬手的份量都多豬手皮超香脆而肉嫩，稔滑易咬配酸菜可消解膩滯感伴碟的洋蔥圈也很好吃～～洋蔥香甜完整，脆漿不會厚身～～特式腸拼盤不熟悉德國腸的種類，每款腸只有一條，大家分少少來

喺德國住過幾年，最懷念就係佢嘅啤酒，因為真係好飲d。市場上面雖然有好多德國啤酒俾我揀，不過最多地方見到嘅E字頭同埋P字頭德國啤酒絕對唔係我嘅至愛，喺尖沙咀河內道有間德國酒吧，個德國Bartender介紹我飲呢一隻B字頭Lager，我都覺得麻麻地，反而佢介紹我一隻S字頭同埋B字頭嘅德國麥啤味道唔錯，可惜都係喺香港飲唔到我係德國最鍾意嘅福斯坦堡小麥啤，不過今日好好彩，竟然喺大埔呢一間山旮旯德國餐廳發現有福斯坦堡，一口氣飲咗三杯。福斯坦寶係德國皇家御用啤酒，我自己覺得佢嘅味道比其他牌子嘅德國麥啤高幾班，清爽得黎麥味又夠香，如果鍾意飲啤酒嘅朋友一定要試吓，不過可惜香港未見過有得飲，所以似乎我之後都要成日入大埔嘞。