德國熱狗 (已搬遷) 新店位置

一入到店，先係被果陣嘅香氣吸引住，跟住眼前一盞盞嘅熱狗猛然躍入眼簾，吸引到我啲口水差啲冇控制住咁。首先，我點嘅係香蔥豬柳腸熱狗，話說我真係嘆服，個包烤得金黃又脆口，啖啖肉香，個豬柳腸又嫩滑多汁，配埋啲芥末，正到爆炸！加埋啲薯餅，外邊炸得啱啱好，口感鬆軟，簡直係配角之王！換轉個口味，點咗個蘑菇雞肉腸，味道突出，好夾蘑菇嘅鮮味；又試咗個脆皮煙肉火腿腸，一啖落去聽到嗰脆皮嘅「啪啪」聲，簡直係音樂。肉汁隨著脆皮爆發出嚟，兩款都係口感同層次上的大贏家。店員的服務又親切，好似朋友般嘅感覺，咩都好傾，整個食飯經歷加咗幾分光彩。今次食倒，真係滿足到我擦嘴角嘅小期待，熱狗界，都值得你嚟探探隱藏版美食！🌭🍟👌

本身麵包控嘅我！行經尖沙咀順便試試報導説有20幾年的港人開嘅德國熱狗😋有驚喜！個包好有質感，熱辣辣外脆内軟，我食墨西哥辣腸加三色醬，簡簡單單但好好味！55蚊一個餐配埋至愛波浪薯條😋重有可樂，個人覺得都好掋(因為熱狗大大個)，老公要左個孖腸熱狗配薯餅30幾蚊一個餐！連麻煩老公都話好食，尤其薯餅超好食！平時有試過其它牌子嘅熱狗，雖然好多配料但好滯，呢個食完就無辛苦滯住嘅感覺，下次再試試其他包類睇睇咩料先！😆重點就緊係撐同路人，繼續支持黃經濟啦！

📍德國熱狗🌭️ 《尖沙咀》見到朋友 Ig story 介紹呢間熱狗店🌭️就去試吓啦💛💛，上網睇返原來佢哋有幾間分店，今次試呢間就係位於📍尖沙咀，尖沙咀A1出口大約行5分鐘左右就到㗎啦，餐廳裝修環境好有復古嘅感覺，餐廳主打外賣 🛍，不過都有吧枱可以堂食坐到六個人左右，餐牌咁多選擇揀咩好呢？店員好友善主動介紹我哋食咩 😍😍，價錢仲好抵食👍👍，50幾蚊有埋薯條丶熱狗丶飲品，份量都好多，想知我食咗啲咩就睇下面啦👇 ———————————————————匈牙利辣味腸熱狗 🌭️🍟🥤 $55呢個價錢已經包括埋（ 薯條🍟丶飲品🥤㗎啦‼️），我哋咁啱坐嗰個位望住佢哋整，廚房好乾淨同埋所有嘢食全部都係即叫即整，腸仔外皮香脆，味道就普通，唔係幾食得出有辣味🤣🤣，反而要讚下佢個包，個包望住佢有烘過所以熱辣辣同埋脆脆地 😍😍，醬汁方面就梗係叫混醬啦，佢哋有好多款醬汁選擇 包括：茄汁丶沙律醬丶酸瓜醬丶燒烤醬丶芥辣醬，覺得唔夠醬自己再加😝😝薯條🍟小食方面可以選擇薯條／薯餅，見第一次食就試吓薯條先啦，但上網睇原來嗰個話薯餅都好正 哈哈 😊，唔緊要下次再試啦，薯條份量都好多啊😳😳，新鮮炸起拎上手都辣親，但不過比較乾身，鹹味適中

之前食過排緊其他舖頭，行過買左腸覺得唔錯，今次專登番去搵食🤤永遠對住個餐牌就好苦惱，大佬洗唔洗咁多選擇呀？最後揀左好_好食（佢寫既）德國熱狗😛首先估唔到3x有兩條腸，佢地仲會烘兩次個飽確保夠熱夠脆，都幾有誠意🙈其次就係佢個醬汁，唔知咩黎但個味道真係好正而且好夾，值得一推！最後就係其實唔只有熱狗選擇，仲有其他熱食例如撈丁，希望下次可以試下🤭唯一可惜既係雖然係尖沙咀，但位置真係比較入同埋內街，未必咁易留意到🥺

平時放工喺尖沙咀，肚餓果時真係唔知有咩小食好食！尖沙咀的確係餐廳林立，但掃街既小食店就好少！呢間小店我不時都會幫襯，就係「德國熱狗」！佢地嘅熱狗🌭睇落好似平平無奇，但其實非常講究🧐！德國熱狗嘅香腸每日新鮮香港🇭🇰製造，工廠由德國🇩🇪人開設，供應1️⃣0️⃣幾款少見嘅香腸！而佢地嘅麵包🥯都係搵本地麵包店供應，真·本地小店！我就試左煙肉火腿腸熱狗🌭，入面以豬肉及雞肉整成，成條足足有26cm長，外皮脆口，內裡帶點鹹香，麵包帶點軟熟，食落都唔差👍🏻！舖頭更會提供5款醬汁，有平時少見嘅酸瓜醬，唔想揀嘅朋友不妨試個「混醬」😂，一次試哂5款味道！薯條🍟就係平時買到嘅粗薯條，都炸得外脆內軟，表現中規中矩！我覺得味道一般，但勝在抵食同埋可以食到德國腸，款式亦唔會太花巧，唔會加太多配料而食落好heavy好油膩！經過見到不妨支持下💪🏻本地小店呀！

尖沙咀亞士厘道熱狗小店小店坐位只有幾個，可以坐住對住內街，又可以對住厨房！熱狗餐味道一般，沒有特別驚喜！不過小店整體好有懷舊feel,像回到舊式的老香港！喜歡熱狗的朋友經過亞士厘道可以試一下！

◭ 香蔥豬柳腸熱狗配芥末醬配薯餅 套餐價$55我讀緊中學嘅時候已經好中意食德國熱狗，個時只有一間店，就係何文田總店🤩估唔到十幾年後，德國熱狗竟然開左咁多分店我以前係超中意食佢嘅肉醬熱狗🥰今次我就食咗香蔥豬柳腸熱狗首先要讚熱狗包好熱兼香脆，入面條腸亦好高質，並非普通熱狗腸，加上芥末醬份量啱啱好配兩塊三角薯餅，炸得外脆內軟👍🏻👍🏻👍🏻估唔到咁多年，德國熱狗都維持到水準😋😋下次去試返肉醬熱狗先

由於每星期都要出尖沙咀做瑜珈所以係做瑜珈前都會搵餐廳食下好耐以前就會去金拱門之後有段時間就去左Jolibee而家都會係附近搵下野食鶴亀、六兩三、立濱都係大排長龍但係今次俾我發現原來轉個彎 有一間細細burger店門面細細得4-5個座位有時候職員攰都會出黎坐熱狗Menu係多到數都數唔唒有選擇困難症既我最後就揀左紐倫堡腸熱狗呢間小店亦都好細心 腸會切一半 食都食得舒服d~我鐘意呢間野除左有好多款熱狗外Combo更有薯餅揀唔係講笑 我真係會因為個薯餅而每個星期都去XDD而朋友就揀左剩芝士漢堡包佢話簡直係豬柳漢堡包!終於搵到個金拱門替代品唔駛一直忍想食豬柳漢堡包~ 因為呢到就有啦!!!以為芝士漢堡包無野飲?職員都好好 只要加$3就俾埋你啦~下次見到其他店排唒隊不妨轉個彎黎呢間 一定會令你愛上!我下次想試burger~

路過尖沙咀呢條街，見到呢度裝修懷舊嘅熱狗店。熱狗選擇好多，揀到喜歡的熱狗，仲可以自己揀要咩醬，要幾多款醬都可以。再可以加薯條/薯餅，一罐汽水。薯條同薯餅嘅味道都好令人懷念，係童年回憶🙈🤫。

尖沙咀呢間分店都開咗一段時間，今日終於有機會嚟！原來呢度得幾個位，所以好多人都會外賣。————————先講個包，外層烘到脆脆地，食落好軟熟，唔錯😍-🔸家鄉白腸熱狗Combo $55白腸係有豬牛雞肉，食落俾較軟熟，好香🤩醬方面我叫左三色醬，即係茄汁、芥蘭同埋酸瓜醬。如果鍾意可以叫混醬，即係三色醬加沙律同燒烤醬，不過感覺會幾鹹🤣-跟餐叫左薯餅，外皮超脆，擺左一陣都唔會淋😍評分：🌕🌕🌕🌕🌗-🔸德國脆皮腸 $55我唔知佢係將一條腸切咗一半，定係佢真係有兩條腸🤣脆皮腸比起白腸就比較普通，但係都係好食🤓評分：🌕🌕🌕🌕🌘-質素唔錯，跟餐仲送嘢飲，價錢都幾抵👍🏻

平時返工都好少機會食到🙈放假都要出尖沙咀咁就一於試下啦😎雖然舖頭細細座位只係得四個，但係店員比到我有種舒服嘅感覺，佢哋好nice好親切咁，當我望住個餐牌花多眼亂唔知食邊款好嘅時候，佢哋亦好好人咁介紹比我聽☺️🌭 細芝士腸加車打芝士 配 薯餅 $55呢個係大少order嘅，我只係食咗薯餅🙈🌭 蘑菇雞肉腸 & 脆皮煙肉火腿腸 各$22我就冇揀到熱狗，驚食包會太飽😆所以就揀淨腸，諗住試多一款味道😁蘑菇雞肉腸好香，食落唔會好咸👍🏻脆皮煙肉火腿腸，肉質較實同多汁👍🏻兩款我都鐘意😚原來叫淨腸都好飽🤣另外，呢度有我近期喜愛飲嗰支白桃烏龍🤩正丫

呢大半年嚟，齊柏林就食得多喇，估唔到早兩個禮拜出尖沙咀剪頭髮，附近居然有間德國熱狗😮，非常令人懷念嘅名字，當然要幫襯啦。一睇 menu，選擇太多，決定還原基本步，揀有隻👍嘅德國脆皮腸熱狗套餐。首先要讚下店入面嘅汽水櫃，超級強勁，雪到啲汽水凍一凍，一啪入口，絕對透心涼🤪。店員送上食物時，一見到墊喺隻狗底下張通花紙，那些年嘅感覺統統返哂嚟。熱狗一如以往咁實而不華，雖然只有麵包，腸同醬汁，賣相簡單，但德國脆皮孖腸肉味香濃，成隻狗非常好食😋。另外，薯條條條熱辣辣，炸得又香又脆，又夠薯味，份量更遠比想像中多，食極仲有，超級抵食😆。食食下，居然撞到好耐冇見嘅朋友，一路傾一路傾，最後仲傾到一齊搭巴士走😂。今晚食到好西，固然開心；重遇想見嘅人，更為高興🤗。

一向好鐘意食熱狗，知道呢個小店係尖沙咀開多左間，即刻去捧場。食左煙肉芝士腸熱狗同肉醬芝士撈丁熱狗包係哄乾過先夾，表面有少少脆，內面又鬆軟，超正熱狗腸基本上好難難食，不過呢個腸咬落係juicy有汁既。我仲食左肉醬芝士撈丁，睇落細細兜，但係啲肉醬係多到滿瀉。好滋味，不過我覺得如果有得加辣油會仲正值得一讚係店主好細心，佢見雖然無位坐但我哋兩個人拎住好多野，佢拉左張椅子俾我哋做枱用個熱狗無直接幫我哋分左一半添

店舖雖少，但兩坐位bar檯向內街，感覺開陽。車不多，人流少，環境尚算寧靜。熱狗用上皮脆嘅法蘭克福腸，多款醬汁可選擇。特別要提嘅係薯條，即炸粗條波浪紋，熱辣辣，兒時味道返晒嚟烏龍茶一支只售$10，堂食價食好合理👍🏻職員服務態度好好，有禮貌又親切。由於人手有限，大家食完記緊清理自己嘅垃圾啊。店舖雖然不大，但都有好幾個影相位。鄰近地鐵站，尖沙咀站L5出口行三分鐘就到。交通十分便利👍🏻。食完仲可以shopping

望住餐牌有一種花多眼亂嘅感覺，淨係腸嘅選擇都已經有勁多，又有雞肉腸又有脆皮腸等等。又可以加好多唔同嘅配料，醬汁都有五種唔同嘅選擇，真係可以確保大家食到一個啱自己口味嘅熱狗👅之後發現原來何文田總店已經開咗20幾年，食物品質就一定有保證啦～同男朋友食完之後嘅感覺係，點解我哋可以咁遲先發現㗎！！我哋已經諗好下次要食咩啦！！🤤.took us so long to choose what to eat 😂 even just sausages there were so many different options plus you can add so many different toppings and sauces 🌭 overall, the hotdogs are really good 😋 buns is toasted well and with so many options im sure you will find one that fits your preference 😊.《德國脆皮腸𝐂𝐨𝐦𝐛𝐨》$55 😋😋😋𝐁𝐨𝐜𝐤𝐰𝐮𝐫𝐬𝐭 𝐂𝐨𝐦𝐛𝐨Combo另外會包一份小食