德國餐廳 (已搬遷) 新店位置

今日與屋企人來試德國餐廳點了香蔥芝士焗薯條~ 薯條脆卜卜芝味濃美國頂級黑安格斯肉眼扒10安士五成熟🤗 肉嫩德國鹹豬手配酸菜薯仔沙律~ 味道適中豬手皮香脆' 酸菜開胃香蔥芝士薄餅~ 芝味濃好好味

「德國餐廳」裝修別致有氣派， 燈光灸上有情調 。一坐低店員就會給你兩杯水親切有禮，我們急不及待已經點了幾款菜式。凱薩沙律蠻大碟的沙律, 好多沙律菜, 沙律菜都新鮮爽脆, 煙三文魚配了芝士咸香薄片, 脆囗的麵包可以增強那口感，咸香脆囗交織一起吃感謝好捧。卡邦尼意粉軟硬適中, 不會太硬實, 迎合香港人口味, 充滿了忌廉和蛋黃的香味, 份量頗多, 如一個人吃會有點膩, 二人分享剛剛好。招牌鹹豬手德國鹹豬手，豬皮夠香脆，肉汁被鎖住。豬手貪其脂肪較少，厚厚的肉塊，名副其實啖啖肉。豬手沒有嚡口，咬下「索索」聲，脆卜卜之外，肉質卻腍滑多汁，真是如吃乳豬似的，停不了口。一頓美味豐富有質素的晚餐, 每樣菜式都用心製作, 無可挑剔, 賣相佳又有內涵。這頓晚餐我們都感到十分滿足。

聽朋友講呢間德國餐廳幾好味，有幾間分店，見到元朗都有分店所以去左會一會。🤩😊去到見到係近期好流行既工業風裝修～灰色既牆身配合埋黑色幾何線條既燈飾，仲有可以自己調較高婑既枱，成個感覺好有格調。點左一個意粉，一份牛扒，一份薯條，仲叫左壺花茶～卡邦尼意粉上面加左巴馬火腿，每條意粉都沾滿左又香濃又杰身既芝士汁😍😍意粉又唔會煮到好林～好味！香蔥芝士焗薯條好大盤，面層既芝士焗到有少少焦，脆脆地😋d 芝士一拉起仲可以拉到好長～加埋香蔥令賣相同香味都提升不少，令到中意食薯仔既我食唔停口。美國安格斯肉眼扒大過我手掌😮好多時叫左5成熟都會煮得過熟，但呢到煮得岩岩好，d 肉仲係偏紅色，好嫩滑，牛扒上面灑左鹽同黑椒，可帶出肉既鮮味，如果少d 筋會更好～配菜薯角好脆卜卜，翠肉瓜都有調味，配左兩種蕃茄汁，一個偏甜，一個偏酸。呢到有好多款式既啤酒，例如1664, 麥啤，黑啤，水果啤等等，男女都岩飲。不過我個人就對佢d 花茶比較有興趣，3 款都有唔同既功效，我就揀左"好舒暢", 味道好清甜，～仲有火係壼底熱住，甘就唔怕飲飲下變凍，岩哂冬天飲！同埋呢到有個窩心設計，有免費叉電位，除咗個人電話都可以一齊食飽飽。估唔到呢到

德國餐廳是一間富特色的酒吧餐廳，能輕易容納數十位食客，但座位也不會太擠迫。餐廳內有普通二人或四人餐桌。卡邦尼意粉每次食德國餐，你會點的麵點是什麼呢?我本身很喜歡點總會是卡邦尼意粉，店主加入鮮奶油令醬汁香滑，但沒有膩的感覺，清爽得來也有香滑奶味。德國餐廳的卡邦尼有濃郁乳香的醬汁全部緊密裹住帶有彈性的麵條，鹹香氣恰到好處，蛋奶的美味可口。招牌鹹豬手當豬手端出的一刻，那陣肉香滿溢的氣味，的確會令味蕾鼓動起來。切下，那「卜」一下的清脆聲已令人興奮，豬手少鹽，就算不配啤酒亦不會感覺很口渴，最正是皮脆得像燒豬一樣，很鬆化。之後然後見到一抹白白的肥豬肉、粉紅色的嫩豬肉，我今次注定死在脂肪手上了。德國鹹豬手 肥瘦剛剛好，吃下很juicy。最欣賞伴碟酸菜，用酸度略減卻更惹味。總括值得再去的餐廳，環境乾淨衛生，富特色格調。食物時間都很快，逐樣上枱，店員親切有禮，下次一定來光顧，其實，能夠找到一間有水準有質素的餐廳不容易呢！

今日來到的德國餐廳已經有不只一間的分店，佢係因豬手和啤酒兩種傳統德國美食而著名的。在門外有一張標榜百多元6支手工啤的宣傳版十分注目，嚐酒如命的我實在忍不住駐足一會。不過今日和我食飯的人不是好酒之人，所以都只會一杯起兩杯止。是如我剛才所講豬手是主角，當然同叫一客德國豬手。德國咸豬手配薯仔沙律、酸菜豬手在上碟時已經剪成條狀，十分抵讚，方便了不想大費周章的我。而豬手絲不是皮還皮、肉還肉，而是盡量每條都有皮肉。肉味濃而咸味都足夠。酸菜就味道正宗，由於個人不喜酸菜，因此專注食沙律，沙律不油，十分好食。英式炸薯角炸得夠脆，是伴酒的最佳選擇。不過可以再大條一點。香港友啤酒，手工啤的特點就是獨特的釀製材料和方式，而香港友啤就有點像一些比較清的德國Wheat。如果對傳統啤酒有興趣的人，值得一試。

德國餐廳餐廳裝修豐有傳統德國風味，有好多款傳統德國美食，當中出名既德國脆燒豬手更是令人垂涎欲滴，仲可以試埋多種冰凍的德國啤酒，真是人生一大樂事。作為一間德國餐廳，梗係有好多款不同既德國啤酒俾你揀。其實如果你唔清楚D啤酒的分別，可隨時同店員問問架！而招牌菜，當然係香脆嫩滑的烤豬手。豬手的外皮被烤到香脆鬆化，而內裡的肉則保留住大量肉汁，吃起來嫩滑非常，絕對令人愛不釋手！除了香脆烤豬手外，仲有好多其他不同的特式主菜提供，如烤肉眼牛扒、德國腸拼盤等等，一定能夠滿足你既要求！

晚上於元朗鬧市想找個地方食少少野傾下計，路經德國餐廳又唔多人喎，其實之前都知道集團有幾間分店，分別做德國菜同西班牙菜，西班牙菜就試過今日就下德國菜得唔得小店坐位不算多，大家都係飲杯啤酒傾下計。menu都以傳統德國菜式為主，選擇唔算多。德國白豬手$198其實本身想食炸豬手架點知友人叫錯左！唔緊要啦冇咁熱氣，豬手唔算肥，膠質豐富，皮彈牙，兩個人有點吃力因爲真係好厚肉！伴菜薯仔沙律好好食，薯仔酸菜就解膩墨西哥香蔥芝士薄餅$88呢個好好味！墨西哥餅係比較薄，中間夾著芝士半溶狀態，好香口但唔膩，唔沾醬已經好好食其實只係食左兩道菜已經好飽，個人建議如果家中煮開飯的朋友不妨自備食物袋，食唔晒既豬手同骨煲湯一流

1664 Blanc $62食德國餐梗係要叫杯啤酒啦！Roosted Chicken in the Basket法式燒春雞(全隻)  $138全隻燒春雞直上，同碟仲有啲薯角，薯角夠熱又香脆，真係送酒一流！同時，燒春雞燒到好香，包括係皮香同雞既油脂都散發香味。燒春雞都算大隻，每件雞件都好大份，超級滿足口腹。同時，唔同位置既雞件雞肉都幾滑，唔會話有Ｄ位係粗糙既，大廚對呢個菜式控制火候得幾好。而且雞件都幾濕潤又唔會太乾，唔會話食幾件就要飲好多野。個盆底下有張吸油紙既，坐到底既雞會比較多油啲，咁有張紙吸油，大家都食得無咁罪惡感啦！Roasted Spare Ribs in American Style美式燒排骨 $178呢個一上枱係超香，而且有兩大塊燒排骨，底下仲有好多香脆既薯條。薯條解凍幾好，而且味道幾有薯仔味，完全係無雪藏味。以往出街食燒排骨有少少驚，因為自己好怕醬汁太咸太甜太杰會搶左食材既香味。但呢個醬汁濃杰度適中，味道又唔會偏向其中一邊，配合燒排骨果時，可以令排骨更加濕潤，令味道更加提鮮。燒排骨有兩大塊，每條都煮得夠熟又易切開，排骨都算多肉又唔會太瘦，肉件都幾濕潤唔會太乾，而且又容易咬

今日約左幾個老友見面，一行人在元朗無意間發現這間餐廳。店舖門口簡單的幾個餐牌，裡面吾是好多人入去試下。餐廳裝修都是簡簡單單的，沒有過多的裝飾，最特別的是張檯，下面有個似軚盤的物體，可以令到張檯升高降低特別好玩。簡簡單單的叫左個煙三文魚配凱撒沙律、美式燒排骨、墨西哥香蔥芝士薄餅煙三文魚凱撒沙律煙三文魚一點都唔鯹，十分鮮味。最特別的是加左水瓜紐，令到原本清口的沙律多左份咸味好好味。美式燒排骨原條豬肋骨燒到外脆內軟，醬汁味濃郁帶出肉的香味，肉質很鮮嫰又多汁。墨西哥香蔥芝士薄餅這款要特別推介，薄薄的餅皮裡面鋪滿了芝士和蔥好好味，記得要熱辣辣食，裡面的芝士可以做出拉絲的效果。估吾到簡單的小店食物都有這樣的水准，這次真是一個開心的朋友聚餐。

平時食好多日韓西菜，德國菜真係幾少食。今次就搵左個讀大學個陣既師兄聚舊，一齊嘆下德國啤。 今次唔志在食飽肚，反而想食少少飲下野吹水就算，所以我地都係咁而叫左個ribs 加薯菜就算。塊Rib 加左d 燒汁，燒過後有BBQ 既惹味口感，加上些許肉汁同油份，真係食到停唔到。薯條做到外脆內軟既口感，完全發揮到粗薯條既特點。 食完野就梗係要飲番兩杯喇。前面個杯係Weissbier，麥味重d 既德國啤，飲落去幾暢快。後面細杯既係香港本地製既手工啤，加左陳皮同橙皮釀製，果香味會重d, 口感亦相對較清淡。 因為真係有一段時間冇見過師兄，一路傾一路飲德國啤，唔覺唔覺就兩個鐘。談話既內容都由吃喝玩樂變成生活苦況，有咩搵錢大計等等。大家既變化都好大，各有自己難處，只好大家互相鼓勵，繼續加油吧！ 門面

好耐冇食豬手，今日約埋一班老友記去食，又係元朗，元朗美食越來越多，餐廳就係元朗好出名個甜品附近，唔算難搵。我地一早已經book定位，所以唔算難搵。豬手要等耐少少，所以嚟咗個美式燒排骨先，排骨好霖，咬落去個感覺好鬆軟，仲有配埋佢地個自制醬汁，入晒味！登燈鄧鄧，德國咸豬手到，一嚟以經切好晒，突然覺得有好touch個感覺。醬汁除咗芥辣之外仲有蜜糖，啲皮好脆，肉就好鬆較。而份量都唔少。絕對夠4個人食。然後到安格斯牛排 10onz ，我地叫咗5成，都不負眾望，仲有少少血水，好食。

之前食過佢既其他分店, 印象不錯經開見到哩間應該係新開就試下啦去時係平日唔係好多人, 可以好舒服咁同朋友傾計首先黎個煙三文魚沙拉, 都幾新鮮煙三文魚油份充足芝士粉好夠德國菜一定要食豬手啦皮非常脆, 唔係咬唔開果種而且因為夠脆, 唔會有D油膩既感覺最貼心係已經幫我地起好骨, 仲切埋細件女仔食都唔怕冇晒儀態^^燒春雞, 本身對哩款菜印象麻麻地, 因喺MK食過一間價錢唔平的, 佢既春雞都"鞋"到完全食唔到所以我都唔係好想食但朋友係雞肉控, 就陪佢試下啦點知幾好食喎, 雖然未至於極嫩滑, 但肉汁係保留到令我對哩道菜有D改觀, 下次都可以再試而且薯角炸得好透, 好香脆再加分^^再配埋啤酒一流本身想點飲開既H牌, 不過售罄店員介紹下揀左哩款MADE IN HK既手工啤都幾驚喜, 帶D果香, 一D都唔苦值得一試

最近做野比較煩，今晚搵左個朋友傾下，來左里間德國餐廳交通一般，元朗鐵路站行大約10分鐘，朋友話轉輕鐵一個站，行3分鐘就到。餐廳比較細，星期四的晚上，客人唔多，裝潢簡單乾淨，在元朗這樣的舊區來講，靜靜地真是傾野好地方。 朋友話個德國鹹豬手二人餐都幾OK，不過我今天麻麻地，可能最近食左好幾次鹹豬手。要左杯 1664：夠凍，一樣的清新，香甜的果香味令口感順滑，層次豐富。墨西哥香蔥芝士薄餅：薄餅香脆，中間的芝士熱辣辣，味道香濃，芝士中的香蔥更添香味，難得的是三種香味都保留卻又十分融合，更添口感，味道豐富美式燒排骨：排骨相當多汁，肉質爽嫰，醬汁濃味卻豬肉的香味依然，薯條炸的相當香脆，就算冷了還是脆的，沒有淋身，唔錯。飲飲食食傾傾下，特別是對住有質素的食物，還有好朋友，心情自然好返啥，順便一提剛坐定時waiter識的問要杯熱水還是冷水，相當貼心的服務。

今日同好朋友相約談談心，但係元朗有咁地方，想搵個舒服地方...relax 下...咁就諗究竟去邊度好呢🤔🤔跟著朋友就介紹在又新街附近一間西餐廳..！當晚我地19:00去到...都唔係太多人..！水吧係以啤酒為主....咁當然呢度有不少啤酒🍻選擇...放在工之後既happy hour...都係一個唔錯既地方！煙三文魚配凱撒沙律味道都好Fresh，沙律菜好爽脆..煙三文魚都唔會好咸...美式燒排骨...醬汁好惹味...同埋都好容易骨肉分離..薯條🍟亦是脆卜卜的....而配菜是薑絲...由於當晚只是兩個女仔所以只是叫在兩款食物，未能試多幾款！要留待下次再光顧...而是次用餐經驗都滿意、食物質素都唔差...！

呢次又再來元朗食飯，知道元朗美食越來越多，當然要嘗試不同的美食，呢次選擇德國餐廳因有咸豬手吃。雖然餐廳細細間，但環境舒適。德國咸豬手切開左一塊塊幾方便吾使我地自己慢慢切，配上兩種芥辣醬汁，豬手燒到層皮好脆卜卜又不油膩，又香噴噴，還有酸菜和薯仔沙律都好美味。美式燒排骨，醬汁挺美味，排骨又容易切開肉又夠淋，薯條熱辣辣是即炸的薯條，沾上茄汁更加美味。安格斯肉眼扒10 OZ真是份量十足，肉質又厚睇起來不止10 OZ,我地點左5成熟，煎到又不會燶，油脂平均會怖，牛味濃厚，超級好味😋