德昌魚蛋粉

營業中

休息中

德昌係九龍城嘅人氣店，讚嘅彈嘅評語都聽唔少，一直都想自己品評吓，不過成日都好多人排曬隊，想食都唔係咁易。今日下午茶時間嚟到，終於冇乜人啦，叫咗招牌嘅魚蛋河加多碗牛腩米。魚蛋彈力適中，都有魚味，不過河粉就有啲碎，算係正常發揮啦。反而我覺得牛腩都唔錯，雖然唔叫做非常淋，但係調味幾好喎，唔會太濃太鹹，碗湯最後飲曬見埋底。另外如果想加辣請小心，佢啲辣油真係唔係講笑，落幾滴已經辣到口水鼻涕一齊流，咁當然都可能係因為我弱雞啦！

德昌魚蛋粉 被過譽嘅食店德昌魚蛋粉逢星期六日一定大排長龍，客人仲要喺露天環境，只少排10幾20分鐘，先可以等到位😅但由於Zaza呢日光顧嘅日子係平日，所以唔需要等位，仲可以揀位添😆呢到最出名嘅魚蛋粉，Zaza已經食過無數次😛，所以今次決定品嚐佢嘅雲吞麵同雲吞河麵同河粉嘅份量唔算少，雲吞有五粒，但每粒都唔大，而且味道麻麻哋，蝦肉打得唔夠爽口；麵就唔錯，烹煮嘅時間都冇過火啱啱好🔥；河粉就中規中矩湯底感覺上冇落味精，事關飲完幾啖，都冇口乾嘅感覺😋不過，真心講，德昌魚蛋粉嘅食物價錢唔平，性價比唔算高📍九龍城福佬村道88號嘉福閣地舖⏰07:00 - 23:00☎️27183838

我個人其實麻麻哋白色嘅魚蛋 但係好鍾意食魚片頭 所以通常都係叫魚片頭河 另加送佢哋個湯清清地幾好 比起附近另一間魚蛋粉舖 個湯少好多味精 飲完唔會口乾 加埋佢哋一啖辣油 真係幾好食㗎同埋呢間由細食到大 有好多回憶不過佢哋墨丸好似一般 建議叫肉丸魚片頭呢類我見佢仲有出健康餐 個健康餐係同常餐差唔多

今次體驗，味道一定要俾滿分。就係以前食潮州魚蛋粉既味道。魚片頭同魚蛋夠彈牙得嚟仲感覺到咬既係魚肉纖維，而唔係超市買果啲咁，食落只係有魚味既麵粉。再者其魚肉味相當濃厚。通常出面啲魚蛋會用大量胡椒味掩蓋住魚肉既腥味，而呢度只係食到魚鮮味，可見其用既魚夠靚夠新鮮。湯頭都係值得一讚，白色既魚湯，熱辣辣上嚟超級鮮甜。本身諗住試飲一羹，點知越飲越上癮，食到最後成碗湯汁都飲晒。而且喉嚨一啲乾涸既感覺都無，就係果種自家煲既魚湯咁，純天然，完全無味精既感覺。難怪會中午成日見人排晒隊等食。而價位其實都偏高，但呢個質素嚟講完全值得!

德昌魚蛋粉嘅總店就係位於九龍城由我細個媽咪帶我食到依加味道都無變但價錢真係越嚟越貴💰佢魚蛋粉的確好食,不過性價比低,同埋依加要排隊🚶🏻‍♀️🚶🏽🚶🏻‍♂️我每次都叫魚蛋河,就算唔腩汁都夠味,好鍾意佢嘅蔥粒同冬菜,令到味道更昇華😋因為我本身唔食蔥,不過次次食都會食埋仲有辣椒油真係好香,係潮州辣椒油仲要都幾辣,建議慢慢甘加🌶️🌶️同行朋友食鮮蝦雲吞皮薄清甜多汁,隻蝦都幾大隻🦐同埋幾新鮮隻蝦幾實幾彈👅

路過九龍城忽然想食魚蛋粉，諗起德昌，於是行過去，叫咗雲吞河和魚片河，魚片太鹹，雲吞麻麻哋，唯一可以讃的，只有河粉，很滑很薄。九龍城有咁多嘢食，恐怕我都唔會再幫襯。

六月已經熱辣辣，去到德昌等位又出曬汗…條隊都唔短，等左一陣先可以終於入去。平日去德昌都係食佢最出名嘅魚蛋粉，今次就食下常餐啦～於是，我叫左個榨菜肉絲腸仔米粉，個榨菜肉絲有少少凍，真係好似照淋上去咁，條香腸普普通通。凍檸茶都係正常普普通通無咩伏。overall 黎講，正正常常，唔會特別推介但又唔係話特別難食。不過下次都係叫返普通魚蛋粉算另外，佢地仲係唔肯收八達通只可以現金俾錢所以，大家記得帶返現金啦！

因為家人推介，又咁啱去左九龍城就去試試。魚蛋都算彈牙，有魚味，但又冇大家講到咁十分好食！可惜餐廳服務就一般，雖然茶餐廳模式都不能要求咁多，但服務員完全愛理不理的狀態，點個粉都要等一輪先叫到人。

平時長期要排隊既呢個舊式粉麵店，閒日排左唔夠5分鐘就入得，店內唔算闊落，一般兩個人食都係需要搭枱 第一次食就試下個四寶湯河 ($50)，一碗有齊魚皮餃、魚蛋、墨魚丸、貢丸，個人黎講就對魚皮餃麻麻地，而最出名既魚蛋係彈牙既，墨魚丸都唔錯，貢丸味道正常啦，成碗粉既份量就唔算好大，不過都夠飽。另外叫左碗牛腩魚蛋麵，啲牛腩好份味，又夠腍，好食。仲叫左一碗香脆魚皮 ($25)，同枱搭枱既每個都叫左一碗，好脆好食，不過就貴左啲啦…唔知係舖頭空間比較窄而唔夠涼定係因為自己食得急，所以食完都熱到出汗雖然唔係覺得佢唔好食，但係試過就算，下次經過如果要排隊都唔會考慮佢🫣

今晚同老公去吃粉，叫咗杯凍檸茶，但比了熱檸茶，我同其中一位侍應反應，之後更換番凍檸茶給我，因為我張枱係收銀枱隔離，個收銀員企左出嚟一味喺度講你講檸茶，你講檸茶，我自己就同佢講我有講凍啊！都算了！我吃完比錢時同佢反應就算我講檸茶你的侍應也可以問我凍定熱啊！點解我要比你話呢！其實真係冇所謂，只係換番比我咪就係囉！個收銀員一味喺度講！令到我食得好唔開心！其實真係好小事！我一直都好鍾意食這個魚蛋粉！但係今次件事我唔會再幫襯

九龍城不一定是泰菜的天下，德昌便是區內貼地名店之一，當中最人氣的是手打魚蛋。平日雖然毋需排隊，但店內食客也不少。外觀看就跟傳統的麵店無異，看餐牌價格亦平實親民。魚蛋魚片河($45)潮式白魚蛋帶淡淡魚香，彈牙不死實地味道自然，而魚片要比魚蛋彈牙一些，水準中上。湯底較為寡淡，撒上蔥花冬菜還好，要辣油來提味。柱候牛腩米($40)牛腩炆得入味，特愛那稔滑的牛筋，加上腩汁湯頸不會太寡淡。奶茶($19)對麵店的茶水檔不會有太多期待，意外地奶茶還不錯，茶底夠濃。作為區內老字號，德昌出品合格有餘，可以一試。

牛腩撈麵, 牛筋夠淋, 牛腩都炆得夠身, 麵屬正常嘢, 小小鹼水味, 麻麻地爽。味道都只屬普通。撈麵跟嘅湯, 濕下口都可以, 最可取都只係多蔥,湯頭飲唔出係咩味道, 飲口見口乾,估計有味精。人總要犯上重複的錯唔,呢間店主打係魚蛋粉就真係應該食魚蛋粉, 食咗個牛腩撈就覺得佢麻麻。魚蛋無乜魚味, 但滑同些小爽, 魚片會再爽身D, 但同樣無魚味。辣椒油夠晒辣, 都香嘅。

魚蛋魚片都出色有魚味同彈牙，後來睇食評先知原來全部都係自家手打。河粉好滑有驚喜好少食到咁滑既河粉下次想試下其他手打丸同網上介紹既魚柳包下午茶時間仲唔洗排隊，開心。

#confidante_foodblog九龍城覓食-衣開魚蛋粉聽講幾出名，小編去嘅係九龍城分店，要排5-10分鐘先有位，排隊嗰陣見入面堂食同外賣都接近爆單，但係親自食就覺得一般。-馳名魚蛋粉($38)味道：🌟🌟🌟回頭：🌟魚蛋無想像中咁彈牙，魚味都只係比平時食嘅多小小，魚片都算幾彈牙，幾滑，反而好食過魚蛋。河粉係滑，但好碎，食到尾要用羹食先食到🌝花生醬多士 ($14)味道：🌟🌟🌟🌟回頭：🌟🌟🌟衣個值得一讚，真係超多花生醬，仲要係有花生粒嗰隻，而且個多士都幾脆，我平時食多士都好少食皮，但衣度衣個連皮都食埋😂溫馨提示💡多士到左盡快食，如果唔係就唔脆架喇-凍鴦小甜味道：🌟🌟🌟回頭：🌟🌟身為餐餐飲凍鴦嘅人，一定要講下衣度杯凍鴦，衣度嘅凍鴦少甜真係少甜，淨係飲到奶同咖啡嘅苦，甜味真係得一啲啲，但佢衣度嘅凍鴦偏重奶，啡味唔多，算係幾特別。-服務態度 ：🌟🌟🌟🌟環境：🌟🌟

牛筋腩河多蔥加辣椒油簡直係一絕， 個腩汁湯底非常濃，牛腩好有味道，牛筋夠爽口，有時仲會加底，食盡啲腩汁。 魚蛋河啲魚蛋好有味，湯底都夠濃，就算食完牛筋腩河再食魚蛋河都唔會覺得味道會唔夠。另外叫咗淨水餃， 配搭腩汁湯底或者魚蛋河湯底都非常親。食完之後再會口痕叫埋西多士同油占多，由咸到甜嘅食物都好好食。如果唔夠喉，仲可以外賣一啲魚片返去煮嚟食，佢哋啲魚片好彈牙好有味。店員服務態度好好，整體環境夠乾淨，排隊時間雖然有陣時長少少，但係一定物有所值。