德美壽司

營業中

休息中

呢日喺大埔搵食，見到門口日式佈置好吸引，入邊更加令我驚喜。服務員即刻安排我哋就坐同斟茶，真係好似去咗日本嘅感覺。初初以為呢度啲嘢食會幾貴，點知價錢都算合理喎。呢度已經用QR code落單。「北海道甜蝦帶子魚生丼」所有材料都好新鮮，入邊嘅飯混合紫菜，好好食！呢個套餐會有埋湯和沙律。「雜錦天婦羅」好豐富！有大蝦都有平時有嘅蔬菜，今次炸冬菇好出色👍🏻最估唔到係有隻青色辣椒仔，又幾好食喎！「牛油果軟殼蟹卷」超正！夠晒份量！

第一次食呢間日本野，有驚喜。四個人食，叫左個晚市二人餐，但足夠四個人食咁豐富！前菜有一大盤沙律、一份厚切三文魚刺身、唔凍的毛豆，仲有味噌湯、壽喜燒牛肉鍋、一個鰻魚炒飯….因為無預計過2人餐份量都咁足，所以追加左一個刺身拼盤，海膽差唔多有成板咁多，鮮味！見到餐廳仲有小房間間隔，多人既話可能可以Book到一個專屬空間～總的來說，性價比幾高！

由開業一直食到而家，以前每個weekend 都會去食，已經認得哂啲樓面同bar 枱壽司師傅。以前無論食物質素,份量，定係服務態度都相當唔錯，午餐係非常抵食之選！後來因為嘢食越嚟越細份(例如彩之便當以前係兩件軟殼蟹而家得返一件, 刺身以前會有海藻鋪底而家冇哂)，同埋冇咁好食就少咗去。近排再去食，食物質素差左好多，茶碗蒸無味，彩之便當個飯好鹹……最重要係有個戴眼鏡嘅男經理態度非常差！我食緊嘅時候聽到有客攞飛禮貌問等幾耐，佢乜都話唔知，問前面有幾多張枱都話唔知！食左咁多年，樓面落單不嬲好醒，讀個set嘅關鍵字例如壽司便當，細牛肉烏冬，佢哋就明。嗰日照常咁落單，個經理唔熟餐牌反而怪我哋講得唔好，話餐牌有好多類似嘅set，食左6,7年第一次遇到咁差嘅經理。最後食到成枱都係碟同盤都冇人執(利申佢哋唔忙)，叫佢幫手加茶都扮聽唔到🧏附上一張連前菜茶碗蒸食完都唔收嘅相

又黎壽司again, 今次就去左德美度食下新野、都試左幾間、可以試下五同架壽司店💦叫左一盤刺生、一板海膽$218都幾鮮味、完全冇腥味、食個時仲會有少少海水鹽味、三文魚腩$78、入口即化叫埋雜菜天婦羅、同埋蟹籽沙律、一般一般鱈魚肉汁鮮嫩、入口即化、有少奶香的回味、可以回頭好香的綠茶味🍵、加埋海鮮濃湯濃郁、啖啖都好有口感！

平時同小朋友出街食飯，除咗揀親子餐廳，日本餐我都好鍾意☺️因為有佢最鍾意食嘅烏冬🍝前幾日去咗德美壽司 my🍣我地叫左3個晚餐set加小食😽😋北海道甜蝦帶子魚生丼刺身新鮮又肥美，最值得一讚係三文魚子，比起出面食嘅甜好多👍🏻而且壽司飯加咗芝麻同紫菜，提升左整體味道😋活鰻魚朴葉飯定食鰻魚烤得外皮焦香，非常脆口，肉質仍然保持軟滑彈牙，加埋鰻魚汁，甜度恰當😋天婦羅烏冬可以揀冷或者熱烏冬，烏冬彈牙有咬口，瞳瞳差唔多食哂成個烏冬😂天婦羅外皮夠脆而且唔厚，食落去一啲都唔油膩👍🏻👍🏻推介😋炸一口芝士，啱晒芝士控😍外層黃金香脆，入面嘅芝士香濃幼滑😋串燒系列叫左免治雞肉棒，牛舌同安格斯牛肉串🐮3款都好好食！特別推介安格斯牛肉串，口感軟嫩重牛肉味，而且燒得啱啱好，一啲都唔韌，仲好多汁👍🏻😋最後仲有甜品，綠茶蕨餅，口感煙韌又唔會好甜😍

之前聽朋友介紹過德美壽司d水準唔錯，今次就同個friend過去大埔分店試下。太和地鐵站落車行10分鐘左右就到啦，交通都幾方便。 呢度環境乾淨企理，日式裝修風格，屏風擺設都幾別出心裁。我哋先叫左個豐盛二人套餐，套餐亦包括味噌湯，中華沙律同枝豆，成個套餐真係講得上係豐盛。另外再追加鐵板牛舌以及蟹肉忌廉薯餅😍 真心食物質素超高超出色！👯豐盛二人套餐👯‍♀️🥗和風沙律清新爽口，入面煙三文魚蟹肉更加豐富左口感，非常refreshing。🍣三色刺身盛分別有甜蝦油甘魚三文魚，新鮮嘅刺身口感滑嫩，一個字：鮮！大蝦天婦羅，炸至金黃嘅大蝦天婦羅外酥內嫩，非常香脆可口。🍓士多啤梨汁煎鵝肝係令人意想不到咁match，肥美嘅鵝肝煎得恰到好處，下面係烤得鬆脆嘅厚吐司，味道醇厚而富有層次感，配上酸酸甜甜嘅士多啤梨汁，解膩之餘又令人回味。🦪黃金汁焗蠔芝士與焗蠔嘅完美融合，焗蠔入口即溶，一D都唔腥。🍚日式鰻魚炒飯係用石鍋燒的，所以別有風味，鰻魚肉質細嫩，炒飯粒粒分明，非常正。🐂 鐵板牛舌牛舌口感嫩滑，令人停唔到口，而牛舌下面嘅鐵板洋葱都好入味，一口牛舌一口洋葱非常過癮。 🦀蟹肉忌廉薯餅非常香脆可口，外面炸到脆卜卜，入面既

一直都知道屋企附近有間人氣日本料理餐廳，裝修好有日本風格，外面掛滿燈籠🏮聽聞食物好高質，今日終於同老公去食。不時都見到排隊等位的人龍，不過我地平日晚上8點半先入座，所以唔洗等位😍⭐️ 天婦羅烏冬定食烏冬麵搭配著炸得香脆的天婦羅，好吸引。天婦羅的外層酥脆，內部鮮嫩。烏冬口感滑嫩。定食還附有味噌湯同沙律。份量好豐富。⭐️ 特上壽司拼盤B拼盤包含了吞拿魚、三文魚、池魚、油甘魚、帆立貝、魷魚、甜蝦、海膽、三文魚籽和蔥施羅。每一塊壽司都好新鮮，味道鮮美，好高質。壽司的米飯柔軟蓬鬆。每款都好吸引。⭐️ 煎鵝肝帶子卷好大份的卷物，一口咬下每一口都散發出濃郁的鵝肝香氣。卷物內用上青瓜絲減少膩感。⭐️ 一口炸雞炸雞外酥內嫩，調味恰到好處。雞肉鮮嫩多汁，炸至金黃酥脆。📍德美壽司 大埔翠和里1號永發樓地下1A號舖

今晚好想食日本菜喔🍥🍥就去幫襯大埔翠和里1號的德美壽司🎏🎏 🌼🌼🌼🌼🌼🌼🌼佢係一間日式料理店🏮🏮裝修都幾日本設計，我哋一坐低就睇餐牌，哈哈，好鍾意餐牌圖文並茂呀，好吸晴💗💗點了三文魚同甜蝦刺生🦐🦐兩款刺身都好新鮮，甜美👍🏻👍🏻亦點了最近至愛嘅玉子壽司，雖然簡單，但好好味㗎💓💓煎鵝肝帶子卷，廣島吉列蠔卷～兩款卷物份量超大件，每一口都充滿鵝肝同蠔嘅味道，大大件好抵食🧡🧡 黑豚串🐷🐷免治雞肉棒串🐔🐔～兩款串燒都燒得好野味呀，豚肉一D都唔韌，夠juicy，值得推介👍🏻👍🏻海鮮炒烏冬～大大碟，炒得剛剛好，烏冬口感幾好，廚師加了少少野菜炒🥬🥬感覺無咁肥膩腐皮餃子🥟🥟煮得香口，亦夠多汁，確係好食🩵🩵 結賬時送咗一份日式甜點俾我哋呀💗💗鍾意佢煙煙韌韌嘅口感，唔會太甜 yummy得美壽司嘅環境唔錯，座位都夠闊落唔會太迫，乾淨企理坐得舒服✨✨侍應服務態度唔錯吖⚜️⚜️會主動清理桌面同加茶🍵🍵餐牌嘅壽司、刺身、串燒，清酒等等……款式選擇超多，而且食物質素確實唔錯👍🏻👍🏻C P值高⚜️⚜️惹味嘅串燒好啱三五知己佐酒🍶🍶大家都快啲去試試吖🧡🧡

依家搬返新界，好想食日本料理呀，今日去大埔行街，經過德美壽司就入左去食🩷餐廳以日式木系為主題，座位舒適，用餐環境優雅，令客人可 以放鬆身心，享受精緻嘅料理。餐牌有多款種類選擇 壽司/刺身/熱食/串燒/卷物/酒類 等等……風味海鮮火鍋海鮮鍋包括蝦、帶子、金菇、豆腐、蜆同蟹柳等等，結合咗多種海鮮炮製而成，湯底好清甜，岩晒我呢類鐘意食海鮮嘅人🥰每隻蜆都好大好肥美，蜆肉好入味，食落好滿足😆大蝦天婦羅卷加吞拿魚腩茸蝦夠爽天婦羅唔會好厚炸粉，配搭埋吞拿魚腩茸一拼食，口感好正😋煎鵝肝帶子卷鵝肝配青瓜絲中和油膩，鵝肝同帶子味道新鮮😍串燒 黑豚串肥瘦適中，非常juicy🤤免治雞肉棒外層有層好似蜜糖嘅嘢食落甜甜地，Mason 好鐘意食🤤牛油燒帶子串牛油香味帶子2細粒，食落新鮮，帶子配上牛油好好味💕

我地好鍾意食日本野有時經過德美壽司 已經俾門面吸引住裝潢好似去咗日本居酒屋🏮有次朋友介紹 餐廳有二人套餐好豐富我地就去食Dinner💓估唔到性價比真係咁高❤️真係好抵食呀👫🏻精選二人會席🍴日式前菜煙三文魚和風沙律🥗油甘魚壽司三文魚🍣刺身日式炒飯🍚什錦天婦羅🍤鯖魚鹽燒🐟野菜牛肉鍋/泡菜豚肉鍋🍲大蜆味噌湯我地另外再叫咗鰻魚壽司、烏冬🍜成張枱都係食物 真係好豐富🥰樣樣都食 食唔停口套餐嘅好處係唔駛諗食咩💭前菜、刺身、湯、主食 每一款都啱食大人小朋友👨‍👩‍👦都表示好滿足😘

我哋今次叫咗豐盛二人餐🍱當中包括：前菜、枝豆、和風沙律、大蜆味噌湯、三色刺身、大蝦天婦羅、士多啤梨汁煎鵝肝、黃金汁焗蠔、日式炒飯、同甜品🍽️三色刺身🐟有三文魚、甜蝦同油甘魚，刺身新鮮💓肉質鮮嫩肥美，而且厚切，真係好滿足☺️大蝦天婦羅🍤炸粉厚薄啱啱好，食落脆卜卜😍大蝦亦爽口彈牙，當蘿蔔泥配上天婦羅汁，降低咗天婦羅嘅油膩感，越食越爽口✨士多啤梨汁煎鵝肝🍓呢度煎鵝肝真係大癲😂超大塊鵝肝配上酸甜嘅士多啤梨汁，完全唔覺得漏🤭身為鵝肝嘅粉絲，真係覺得好滿足‼️黃金汁焗蠔🦪上枱熱辣辣🔥醬汁酸酸甜甜咁，不過唔會蓋過蠔嘅鮮味，口感亦都好豐富日式炒飯🍚本身以為呢個係一個平平無奇嘅日式炒飯🍚點知原來入邊有鰻魚粒😋炒飯粒粒分明之外，調味亦都充滿日式嘅感覺✨其他都係正常發揮❣️一定唔會令到大家失望🤭其實我哋另外亦都散叫咗燒帶子同天婦羅大蝦卷都喺好出色❣️ 性價比高之餘仲食得超級滿足🫶🏻🫶🏻另外店員亦都好有禮貌，好留意客人嘅需要☺️座嘅位置亦都好闊落好舒服，而且餐廳入邊嘅裝修亦都充滿日式嘅感覺，真係好似去咗日本咁呀😚😚

<<德美壽司>>平時經過德美都俾比佢出面的裝修所吸引到🏮🏮出面會掛左好多寫住德美的紅色燈籠會有一種係日本的風味🇯🇵🇯🇵夜晚可以揀食SET DINNER/散叫都多選擇鯛魚湯🐠🐠用鯛魚煲架淡淡魚湯味 好奶白色👀上壽司拼盤🍣🍣都幾多野食, 可以試到唔同的壽司款式都幾新鮮👍🏻什錦天婦羅🍤🍤個炸粉做得唔錯, 好脆口唔會覺得油LEE😙😙自家制燒腐皮餃子🥟🥟呢個都係幾香口, 有埋沙律伴碟都幾好個餃子都幾脆, 可以一試牛舌、雞肉棒同雞腎🍢🍢我覺得雞肉棒幾好, 入面有少少軟骨, 增加左口感如果有少少燒汁就更好其他就正常發揮蒜片牛柳粒🐮🐮呢個幾好, 牛好軟身同埋都幾入味估唔到都唔算細份

已經好耐冇試過食得咁豐富啦，仲要咁高質❤️想同朋友一齊聚舊食下日本料理，想推介一下呢間舖頭❤️❤️❤️真心超級好食又唔貴，最鍾意佢哋嘅海鮮同壽喜燒，真係好有驚喜，忍唔住講咗好多次：好好食啊～ 精選二人餐：煙三文魚沙律三文魚刺身野菜牛肉鍋什錦天婦羅味增湯枝豆甜品串燒：牛舌雞翼安格斯牛肉粒刺身：大粒元貝味增湯好有驚喜，有好大隻蜆放咗係湯，真係好足料❤️串燒亦都好有水準，款式好多，叫咗咁多嘢食賣單連加一都係$658

今次屋企人話想去大埔超級城行街，咁我就搵左呢間日本野比大家食，雖然唔近超級城，但係之前食過唔錯，咁就再去食啦✌🏻首先佢地個午餐係有個沙律先，跟住就有個茶碗蒸，同埋麵豉湯，未食主食已經咁豐富，正呀😋我地叫左魚吞拿魚蓉飯（$89），佢既吞拿魚蓉同三文魚子既分量都唔小，絕對夠撈一碗飯，再加埋d青瓜絲幾爽口，呢碗飯真係抵食😍跟住我屋企人話鐘意熟食多d，就叫左野菜牛肉鍋定食（$76），呢個餐本身隻蛋係生既，不過我地驚生所以先變左熟蛋，而佢個鍋都好大份，又唔會太油，牛肉都唔錯👍🏻跟住就叫左個日替D（$80），佢係一個一口炸雞配牛肉烏冬，仲有3塊刺身同個粟米薯仔沙律，d炸雞都係即炸既，夠熱又好味，牛肉湯烏冬同牛肉鍋都係大同小異，而刺身都新鮮同埋有帆立貝，真係多野🍱最後就係咖喱吉列豬扒定食（$66），呢個豬扒都係炸得幾脆，同埋都有肉汁，仲有隻蛋比你撈飯，咖哩汁就都係日式風味，唔太杰又唔太稀，小小甜咁樣✌🏻食完曬仲有粒糯米糍雪糕，lunch set又有曬咁多前菜，仲要唔洗加一，而且食物質素都唔錯，性價比真高🤩

日本幅射下，其實可能生意差都客少左，晚餐時段等一張枱入到，野食感覺唔太新鮮，職員仲要臭串到死，自以為是，仲以為以前大家要排隊求佢俾位食野咁，冇去清楚了解事情仲要鬧返食客轉頭，我以為自己去左澳牛，大家想食垃圾又受氣就去幫襯啦