德興美食坊

營業中

休息中

蝦仁炒蛋入面食到好多蛋殼 不止相片所見 之後再食再咬到 拎去叫收銀退錢佢唔肯 只肯換食物 態度很差 廚師水平如此差怎能叫人放心再進食其他食物 以前細個成日食 宜家不會再光顧 以免貼錢買難受

這間餐廳真是賤物鬥窮人，每次來都有一些不快經歷。例如有一次點要味菜火腩炒河，等了15分鐘都沒有，就去吧桌那兒追追單，阿姐又說「俾啲耐性等一下。」結果到了20多分鐘，阿姐叫了幾次某個號碼，都沒有人回應或者取餐，她才發現可能是我那張單寫錯號碼，結果我到這間快餐店竟然等了20多分鐘才有得食。雖然夠鑊氣，炒河都夠多，但本身已經一肚氣。㕦一次再去，因為一田以及這邊的炑八燒烤都沒有下午茶，結果又來了這兒，點個雞翼西多，然後坐下。豈料取餐的時候，才發現黑面的落單的阿姐竟然只替我點西多士，結果我就只吃了西多士作為午餐下午茶。不過始終，這裏茶餐廳，奶茶咖啡才是靈魂，因此，即使多次遭遇不幸，我都一來再來，想不到吃什麼的時候，還是會來，就是因為它的奶茶咖啡鴛鴦，通通都味道十足，茶味香濃，否則都不會再來。🤷🏾

辦完事回家已晩，未能來得及煮晚飯，便在附近的德興美食坊帶了三個飯盒回家。～涼瓜班腩炒米粉賣相不俗，但吃起来，米粉炸得較乾了，而汁醬極少，所以沒什麼味道。幸好涼瓜煮得恰到好處，不會過腍又不會過硬。班腩啖啖肉，口感不是滑滑的那種，炸得尚好。整體來說，若有能用少些油，多些汁伴著米粉來便會較理想。～金菇肥牛炒烏冬烏冬較幼身，金菇份量很少，而肥牛可能有點過熟，吃起來有點韌。芽菜爽口，汁醬不會過鹹。～豆腐火腩飯男人的浪漫當然是男士喜歡吃的，既有啖啖肉的火腩，又有炸過的豆腐，配白飯來吃是最好不過，聽聞味道不過不失。

平時去親買外賣個女人收銀員已經西口西面咁 粗聲粗氣咁我聽住歌都無嬲比完錢咪走囉 點知今日打電話落去叫外賣諗住轉頭落去拎五洗等啦 點知有個呀叔一聽電話態度已經差到一個點 大佬呀茶餐廳啲餐牌成日都唔一樣架啦 咁問左有咩餐幾錢咁囉 結果唔知以為我同佢有仇呀 我勁好態度問 你洗五洗咁差既態度 你係咁唔中意聽電話咪唔好比人外賣自取啦 聽得電話人地問得你野就要答架啦 你呢間野點做生意架 都五明你啲好評點黎 未試過有一間野會令到我係電話到鬧 係既我食既都唔係啲咩大餐 你都多一個五多 我都五會要自己食個lunch都食到咁樣。唔會再幫襯！

德興係希爾頓嘅老店黎，有時貪方便快都會食佢。但今次去食有d失望同驚驚。依家疫情緊，嗰日去拎野食見到個廚房師傅無戴口罩，已經覺得無咁好。然後見到煮菜嗰時係用條像根扎住菜心係滾水到滾。。。到煮我依碗麵嗰時，啱啱上一個拎麵嗰個竟然翻轉頭退貨，我望到佢碗麵有隻擬似曱甴嘅物體。。即刻令到我都唔係好想食自己嗰碗。最後始終都係形住形住，食左兩啖就放棄🤢

差唔多次次同🤴🏻黎沙田一定黎德興美食坊食’江西酸辣米線🍜‘改米粉，佢有3款配料可以選擇，我多數都會叫肥牛貪佢冇骨🤣🤣，🤴🏻就叫左雞翼款🥰🥰大約十年前係沙田工作，每次中午冇帶飯就一定會叫呢個米粉黎食☺️☺️有時食飯唔只要夾人，仲要夾口味，江西酸辣同我好夾所以我好鍾意！😋😋佢嘅湯底唔太酸，加左佢獨特嘅辣椒非常野味，湯清味濃就係呢種，當中亦有少少甜味，改要米粉索到更多湯效果更佳🙂🙂，肥牛落左好多塊雞翼就有3隻，所幸係佢一直都keep到個味同水準，仲要只係$35就有大大碗米粉真係好低😝😝食完又可以去行街街啦😊😊

今日去沙田新城市廣場購買東西，之後去周邊的舊型商場逛逛，另有一番風味。朋友說想到茶餐廳吃個下午茶，不想幫襯大型連鎖店，見到有間茶餐廳入邊好多顧客，這必定是有好食物的地方。我叫了一個魚蛋河餐配熱檸檬茶，熱檸檬茶是可以的，茶底不會太苦。魚蛋河湯底也不錯，好重的胡椒味道，河粉份量好多而且都好滑，不過魚蛋和魚片質差不太好，魚蛋腥到想吐，太難吃。朋友叫了蛋牛治烘底配奶茶，佢話「唔得」。

星期日到處人頭涌涌，family day !係第一城果面出黎，自己一個人食咩好？即刻諗起啲間燈色既餐廳，搭左30 分鐘車黎食🤤🤤🤤🤤叫左福建炒飯 - 送左碗麗湯，個炒飯底好夠獲氣，又多料，份量好大，真係抵食夾大件！

星期日都唔多人，唔洗等位！入門口前都會先探熱👍🏻依度係先去收銀買飛，再自己去水吧交飛，搵位等叫No.拎餐既！收銀只收現金， 冇得用八達通，有啲唔方便叫左牛丸貢丸米線，米線份量好多，丸都好多粒，大大份！呢個米線都正正常常但係另一個就好唔OK啦牛腩河粉牛腩好肥好肥，瘦嗰啲位又好鞋，最大問題係d河粉勁碎濕濕至於杯檸茶，勁苦澀

其實這間牌仔快餐，應該都歷史悠久，之前和現在收費都相當廉宜。🤩看到牌仔上面有麵粉或是其他炸物、以致炒飯等等，下午茶都只是$30左右。想了很久才決定，雞翼西多士，再回看幾年之前的食評，原來之前我都是吃這個的。先準備好的就是友人那個牛雜米，米粉我向來不太喜愛，沒有試，牛雜看起來份量也相當多。牛肚，但牙煙韌，味道香濃；牛腸也有幾件，旁邊脂肪也不少，肥膏之中溢滿香氣。牛肺，細細件，也偏向爽口彈牙，味道也不錯的。我的雞翼西多士之後才準備好，拿起的時候，看上去它外表相當吸引。兩隻雞翼，雖然只是雞中翼，但沾了炸粉，因此看來體積比較大，外皮夠厚，但炸得夠熱的話，即使外皮偏厚，也沒有所謂，吃了面頭的炸粉，內裏有包着鮮嫩的雞肉，蘊含豐富雞肉汁，實屬出色，與生炸雞脾有異曲同工之妙。半份西多士，看上去食水相當不錯，偏向黃色炸得金黃，友人所指，是阿姐即時將麵包沾上蛋漿拿去炸的，新鮮即炸，當然美味。和上一次比較，看一看本人前幾年那食評就知（本來截了圖，但本網籲本人上載原圖，真麻煩）。上次大概是兩三年前吃，雞翼還是比較瘦、弱小、求其，這次再看看，反而雞翼的水準提升不少；西多士，上次則是有一團牛油，這次沒有，但這次的

坐粤港直通车前，稳地方医肚。呢间茶餐厅算几旺场。午饭时间排队点单，好多附近做野的人、学生等离帮衬。餐厅地方唔算大，卡位都几多。座位少少逼啦，餐具都系台的柜桶内，自助方便d。「凉瓜牛肉饭」都几大碟，饭够晒多，味道中规中矩啦。

今日係帝都，酒店住第2日日期係10月18日，瞓到下晝瞓到下晝5點9。好肚餓。行去希爾頓商場搵嘢食。商場裏邊有壽司，有麥當勞，有71。有一間茶餐廳入咗一間餐廳一張裏邊。叫咗個餐蛋，公仔麵出前一丁。另外叫咗1個鮮牛油多士，一杯凍檸樂。時間好早，所以唔係咁多人。服務員態度一般般，水花速度比賽都好快。我叫咗太陽蛋，佢就俾咗一個煎熟蛋我。餐廳裝修有卡位坐都坐得好舒服。埋單價錢我哋都算貴。一碗面，一杯檸樂，牛油多士53蚊。

上菜超過30分鐘，期間催過兩次唔應。五香肉丁炒河等左30分鐘，唔知係咩要等齊幾個人一次過炒。朋友都食完我份炒河仲未上。催左第三次守係旁邊先端出來，有個服務人員仲話 “廚房唔炒怪唔到我地”。炒河除左比較鹹味道還好。但食左之後不停飲水。朋友既枝竹班腩味道不敢恭維，枝竹口感較硬，未入味。班腩味道都一般。哩份飯好快上到，但味道真係一般，下次唔會再試。收銀態度都好差，好多座位都未執。總體來講，體驗唔好。希望店家可以提高服務質素。

今天晚上放工打算來吃一個晚飯 準備order常餐的B餐滑蛋牛肉飯加杯凍檸茶 點估到行埋去講b餐之後個收銀就話干炒牛河 不知道是不是有幻聽 或是聽覺有點問題 之後我再糾正她是BOY餐 她就take了兩個order 干炒牛河跟B餐 再收我95蚊 我話 我從頭到尾都冇講過要干炒牛河 我剩係要B餐 BOY餐啊 佢就細細聲暗串 "乜自己講完咩自己都唔知架咩" 本人從頭到尾就是order b餐boy餐 , 最討厭是那種明明自己聽錯還要暗串人的態度 我俾錢黎食飯 唔係黎買你呢d態度 極度惡劣 本人已是十分斯文有禮貌去叫餐 誰不知居然還要受氣 非常失望

是日要去沙田工作，見都成3點打算求其食D野。見到29蚊有碗粉咪諗住快食，點知中哂伏！首先收銀態度唔友善，掛住同d阿姐吹水多過收錢。行埋去完全無反應，到我開口講唔該先開口問我食乜。收錢態度又係差，比100蚊佢找，就咁飛d錢係枱面，一張50蚊飛，一張20紙又飛，一個1蚊銀再飛。當時巳經感覺唔良好。食埋碗粉更加負面。湯底咸到震，魚蛋正常。但湯底一向係重點，咸到我加熱水沖淡佢呀！！！總之呢間無下次啦