德興美食坊

營業中

休息中

本人極少極少寫食評，但係呢一間！我覺得極之需要寫個食評俾佢，以行動去支持下佢地，難得仲有間餐廳係咁有誠意同良心。因為做緊outjob,出唔到去食飯。咁第一日，叫左個咖哩石斑飯同熱咖啡。 好驚喜，居然唔係龍鯏柳，好耐冇食過真正既石斑飯，所以連續兩日都叫左呢個飯，第二日d魚既分量仲俾多好多，即使叫左少飯都食到好飽。咖啡好都好正，飲落去苦苦地之後就回甘咁。重點係個價錢唔貴！好值。但到咁多負評都有d意料之外。

每次幫趁這間德興，也是因為這些原因：1. 好趕時間 - 因為他們炒或煮得也算快。2. 雖然不是十分美味，但餐廳位置也較便利。 有時收工收得夜，想速食碗麵也沒有太多地方可以選擇。全日也提供很多不同配搭，種類也算多。 之前也是柯打奶茶，茶餐廳風格，茶味不錯的。 今次叫了咖啡走甜，咖啡香濃但超多冰，飲兩啖已飲完，只剩下大半杯冰。牛腩麵 (每次吃牛腩也是炆得好冧，牛腩份量也多及味道也不錯。 可惜湯底真的十分差，只得䶢味沒有鮮味。 )

喺新城市廣場行街行到攰攰地，行過去希爾頓嗰邊搵嘢食，想食得平啲，但係又唔想幫襯連鎖食肆。睇過幾間都唔啱，見呢間幾多人幫襯，一於就食呢間。呢間餐廳粥粉麵飯乜都有，選擇好多元化。餐廳裝修好簡單，場邊掛咗一幅好大嘅清明上河圖，更加都幾多元化，有卡位有圓枱等等。雖然已經過咗中午時間，但係呢間餐廳依然好多客人，最後都要搭枱。餐具要自己喺枱下面嘅櫃桶拎，衛生情況麻麻地，張枱啱啱有人食過都未清理乾淨。江西酸辣米線$35豬扒江西酸辣米線，好難食！無啦啦係米線上面加入一片檸檬已經好奇怪，從來未食過咁辣嘅酸辣米線，因為佢加咗好多辣油，我完全食唔到呢種辣，我最後將啲辣油過濾出嚟都係咁辣，已經唔係酸辣米線，係麻辣米線！豬扒好鞋，一啲調味都冇，食而無味，未食過咁難食嘅豬扒米線。附近食肆嘅選擇好多，其實唔一定要食呢間，更希望大家用雪亮嘅眼睛去選擇餐廳。

一行七人九點幾去幫襯, 冷氣超凍，感覺間餐廳衛生環境麻麻，不過唔想食麥當勞所以就揀咗呢間，見佢價錢唔算貴，食物種類都算多，諗住一般茶餐廳食物差極都有限，點知就仲晒伏。食物超多油, 味道欠佳 ，西多士仲要等成半個鐘先有，超多油超難食，真係從來未食過咁難食嘅西多士，沙嗲牛肉炒麵冇味道、炒烏冬超鹹, 公司三文治凍冰冰，連基本茶餐廳嘅食物都做唔好, 早知去隔離間麥當勞食仲好,（起碼會符合期望而且有不滿可以再換過），你間餐廳一定沒有下次幫襯。

無人嚟清潔枱面，等咗好耐都無，啲員工態度好差，等到有員工嚟執，執執下一半就走咗，真係好唔得！下次唔會再嚟！好少樓面清潔！啲野食還可以，唔明點解仲咁多人幫襯！啲樓面最舒服，都唔係做野嘅！食到成吐火，大家唔好再幫襯喱間餐廳！

在UA散場後，行咗去冇咁多人的希爾頓中心，入咗這間快餐形式的食肆，我同女兒叫了牛肚湯河，另家人叫了鐵板牛扒，並叫了3杯飲品。捧住兩碗湯河時見唔到有飲品，便問出河粉果邊的男職員，飲品應在那兒拿?他禮貌地說，我呢邊只負責出河粉，您過隔離拿吧！我便傻呼呼的捧住兩碗河粉去問水吧部，有個穿紫色工衣的女人，大聲夾惡的話，頭先有冇比牌仔您?我話有份等牛扒的牌仔，佢話叫號碼才出嚟攞。番到埋位，等咗一陣，覺得不對勁。我冇理由要等埋牛扒出嚟，才攞得另外兩個餐飲架，當我再行埋去時，已叫牌號，望一望個盤，只得跟牛扒餐的一杯飲品，我前後叫咗三杯飲品的。我跟那無禮的水吧部女士講，少了2杯飲品。佢大聲夾惡的話，我睇單出的。因我手上的單已給了河粉檔及水吧呢邊，手上已沒有任何收據。我即時去問收銀查單，收銀印單出嚟比我，我拿番張單比水吧那位女士！即時質問她，她裝忙的唔睬我。另一男水吧話，欠乜嘢? 我話比他知道，仍欠兩杯飲品。那女人在旁仲口噏噏，話您同上面投訴我囉！我D火即時上升。個男水吧完全唔知之前發生甚麼事，便罵我。仲話:您係嚟食嘢啫，宜家咪比番您囉！我話:我唔係嚟食嘢，我似嚟受氣!明明就是那女人之前老點我聽號碼拿飲品

下午三十幾度，諗住熟辣辣，費時行咁遠，就近入咗呢間所謂美食坊，叫一個最簡單嘅下午茶 ----- 花生醬多士+奶茶，估唔到咁都中伏等咗十幾分鐘，終於有得食。多士薄薄一片，麵包質素甚差，花生醬溝咗D唔知乜，甜而冇花生味，只有淺啡色物體搽在一片多士上。奶茶茶味不濃，只可算是僅僅合格。呢個餐收我24蚊，如果去大集團快餐店，只係21蚊就食到，仲好味得多，真係唔怪得大XX逼爆而呢間就 ……。唉………下次寧願行遠D去大XX都唔會再幫襯呢間喇，今趟當買個教訓喇！

先買餐後交票，然後等叫number取餐，細餐廳o黎講都幾有系統。叫左個焗豬扒飯熱檸水，附送例湯(西洋菜煲豬骨)。焗豬扒飯大大份，豬扒亦好大件，但難食到呢。。。首先，唔好諗住有芝士！其次，帶鹹的茄汁都係第一次食，味道怪怪！蛋炒飯是帶有燒焦味！最離譜是塊豬扒，超硬！超乾！究竟點解可以硬到咁？？！！廚師唔覺有問題的嗎？！老闆有冇食過廚師既手勢？！有史以來第一次食到如此難食的焗豬扒飯，基本上只係食左幾啖！到碗例湯，得個鹹字，飲左兩啖冇飲！走人！一定冇下次！！

點了33元的粥餐，有一大碗粥和糯米雞，另一朋友點了咸肉糭的粥餐。所以一次可以試哂個糭和隻“雞“。粥品非常非常一般，好的是，花生好脆好油炸鬼，似牛脷酥，同埋都脆嘅，$7好抵食。咸肉糭好食，配個豉油剛好，又唔好硬，係餡少咗啲。不過糯米雞唔得，第一啖覺得有少少酸，個餡味怪怪的。。可以慳返quota。。有朋友分別點了炒飯，炒米，炒河。炒飯份量大，兩個女孩子share都夠食(可能不是午餐，$45，飲品+7)。炒米炒河跟餐，份量正常。無論炒飯，炒米定炒河，味道都唔錯的。

这几天，还是惦记着那次在那馆吃的牛筋哟！👏☺️今曰，我可竟是独自儿，特地又来到此沙田希尔顿中心的＂德兴美食坊＂，特又来品嚐此的牛筋岀品的！👏😀其一，点上了碗＂牛筋河粉＂，还是果然不岀我所料的啊！😀😀😀👍👍此馆的＂牛筋＂岀品还是真還是👍👍👍👍😀的呀！還是爽口丶彈牙丶蠻有骨膠原似的兼份量可少不了的𠻹！👏👏👏😀水準還是能保持一一好的啊！😀😀😀里面的＂河粉＂，此較也普通的呀！不咋有特別的啊！😊

沙田，此为新界区的新市镇，有山也有水！风景同是迷人的！而，希尔顿中心商场，虽都是小小的店铺的，可也是蛮火嘀呀！2好友到了此＂德兴美食坊＂叹了个下午茶，😀😀＂牛筋粗面＂👍👍👍先是牛筋煮得硬丶软度极为适中好好的！弹牙及爽口非常的！粗面也是爽口弹牙的，有硷水香味呀！想必，偶尔吃些鹼水，定是对肠胃好的呀！😀😀😀😀😀＂魚皮餃＂，此的貨色可真的認真差勁的啦！👎👎👎👎👎👎皮貭感如此地粗糙似的呀！👎👎👎內里的肉料同是像粗糙的，不嫩滑及无一絲儿的肉鮮的味道！

今日Lunch咁啱同事都想食粥，所以一齊去咗希爾頓間德興食喇。今日食咗1)粟米粥(2)炒麵粥類係即煮嘅，粟米粥係白粥加小小忌廉粟米湯，所以碗粥係黃黃哋色。我自己覺得碗粥唔太綿，只可以叫做稠身粥水，味道上就普普通通，因為係忌廉粟米湯整，有少許嘅粟米味，但係無乜完整嘅粟米粒，得粟米蓉。炒麵方面幾大碟，不過唔夠熱，而且只係成碗喺保溫櫃拎出嚟，而唔係夾出嚟，我見到佢咁拎出嚟真係O咗咀(係我見識少嗎！？)不過炒麵本身係ok嘅，夠味唔太鹹，亦唔會太多油。喺交票後企喺攞餐位睇住佢整，見佢拎碗炒麵出嚟時有幾條麵掉咗出來，職員徒手Fing返上去，之後無洗手整其他野........

忍唔住要一路食一路寫！傻的嗎？白粥全碗嘢啖啖都有黑色一粒粒嘢？？問呀姐點解會係咁，佢話係正常，仲同我解釋話係個煲煲得奈，食得的喎。坐咗埋位，唔對路，大人夠膽食，肚裡面果個bb都唔敢食啦！十蚊碗粥買嚟病，我真是唔敢囉。叫佢換，佢竟然可以換一碗叫白啲，但都是有黑點的白粥比我。腸粉，好難食，仲差過便利店。早知食M記算了。未食已經黑面。傻的！

This place has the worst service ever. I'm not from around here so my grandparents and I decided to walk around to find a place to have lunch. We happened to walk across this place and thought it looked pretty good because it was pretty packed. We waited in line to order food, but the old woman at the cashier/counter was extremely rude. My grandma was trying to order and the woman was like, "If you don't know what you want, look carefully at the menu before you tell me." My grandma knew exactly

我叫了一碗牛雜麵外賣但係返到屋企牛雜麵裏面冇牛雜只有牛肚牛腸價錢不一樣不要去我以後不會再叫外賣大家請不要去這間餐廳貨不對辦價錢十分貴請大家不要受到欺騙請不要前來吃這個餐廳