心。泰 (已結業)

七點幾四個人去食,環境就唔錯0既,初頭侍應服務態度都幾好...點了燒菠蘿豬頸肉,超長帶子蝦春卷,咖喱牛腩,泰式火鍋(冬蔭公湯底),炒河同埋有個唔記得係乜野卷,其實咁多樣野最好食係燒菠蘿豬頸肉,其他的都很麻麻,最攪笑係泰式火鍋,明明要了冬蔭公湯底,但一d辣味都冇,冇辣味亦冇冬蔭公的香味,咩嚟架???臨尾我地嗌了甜品,要了一個類似芒果芝士杯的甜品,再點了三球雪糕及雪芭,那個芒果芝士杯內的芒果酸到不能再酸,不好吃,另外要了栗子味雪糕,青檸及荔枝味雪芭,栗子味真的冇得頂,勁香栗子味,very 正,荔枝味亦ok,但青檸味除了顏色似之外,我完全feel 唔到係青檸,so bad到了十點幾,仲有兩枱客,我地掛住傾偈都冇為意,點知我唔覺意望到個侍應,佢原來係到"啤"實我地,眼神就好似拍緊鬼片咁,我另外一個friend都見到,咁咪拿拿聲食埋d甜品埋單走囉,嘩!!!駛唔駛咁兇呀,嚇死人咩

星期四同老公去食，朗豪坊13F呢間香葉天的環境都唔錯，我地坐窗口，可以望到街景，但係畏高就唔好坐呢個位。食物的味道好好呀，d野好精致，外表已經好吸引。叫左星洲炒蘿蔔糕，XXX鴨雜錦近配薄餅，一個火鍋（唔記得具體name）, 同一個菠蘿豬頸肉。個薄餅好好味，有三种醬，可以試三种風味。火鍋的味道都ok, 不過唔係太特別。個小食菠蘿豬頸肉都好特別，個樣已經整到好靚，有少少酸酸甜甜的味道，加埋菠蘿的香味配合得o岩o岩好。用Citibank 信用卡埋單，有八五折（非公假期），$190 咋，好抵呀~~~By the way, the service is also very good ar^^

尋晚同幾個舊同學小聚, 沒有頂位, 但八時多仲要等位... 真係咁好食? 四個人點了:泰蝦餅- 3 件mini donut 樣既蝦餅彈牙非常, 但甜酸汁就不大似樣, 太\\\\\\\'hey\\\\\\\', 而且甜唔甜酸唔酸, 點左等於無點!小食拼盤- 好似有軟縠蟹卷x 3, 賣樣幾好味道一般. 蝦柚子沙律, 酸酸地幾開胃. 又係蝦餅x 2, 早知唔叫之前o個個啦! 沙嗲串燒x 2, 呢個唔係好得, 肉燒得太乾, 而且沙嗲亦普通橙雞翼(類似啦) - 呢個我無食火鍋- 要喇沙湯底, 不過最正都係個湯底, 反而d 配料一般, d菜仲要煮得唔淋的.椰子海鮮飯- 真係原個椰子上, 海鮮極多!! 不過似急凍貨, 但加埋creamy既椰汁飯都算ok啦!抄貴刁- 呢個最唔掂! 似沙河粉多d, 而且極之油身, 一食即停口! 用匯豐信用咭簽賬每二百蚊有一個甜品送, 我地送兩個, 要左雪糕三球(芒果, 青檸雪芭, 香芋), 其中我最受青檸, 不過怕酸的朋友唔好點. 另一個唔知咩黎(朋友點), 似trifles咁用隻杯裝住, 一層層, 分別有芝士, cream, 西米, 綠色蛋糕(食唔出咩味), 芒果及柚

黎左呢度食, 食物中規中矩啦, 要讚既係甜品, 我最鐘意食甜品架啦~呢度有個甜品SET有4件細細既甜品, 有雪糕啦, 黑糯米啦, 蛋糕啦, 仲有一件唔記得左!用HSBC CARD食滿$200 仲有多一客甜品送, 我地叫左個香蘭蛋糕, 好好味啊~ 當做生日蛋糕啦, 哈哈~

個小食拼盤, 勁差服務-唔可以話係差,咁樣唔公道,因為根本係無服務!叫伙計勘杯水叫幾次先掂.食品份量勁細,但價錢又唔係特平, 食極都唔飽.

一行五人慶祝生日，對於這間CAFE有以下不滿：1) 不知所謂的服務---- 一定要帶美心集團的B-CAKE去，若不是，就要加HKD 30蚊切餅費。2) 食物份量少又不好味---- 果件牛仔肉擺明係件牛南，好鞋---- 抄可粉好碎，好似隔夜。 ---- 小食拼盤好唔掂 3) 不足夠侍應---- 多次呼喚待應，但舉到隻手都跛都沒有人應，要走到出去才過來落ORDER，自己出去取叉及快子，自己SERVE自己，為甚麼仲要加一呢？？？但是環境的確不錯，我們坐在窗口位，可以望到外面的天幕變色，可觀性非常之高。

想搵間無錦多人既食lunch，所以就向高空發展啦，一於上13/F，唔會好似4/F差不多架架都要等，d 位又逼。入到去揀左窗口位﹐落地玻璃加無敵街景。四十幾蚊起個lunch set，有前菜，有飯又有杯野飲，都算ok。果d waiters又幾好禮貌。

尋晚同朋友聚舊, 佢話想食泰國野, 咁諗住試下新野, 但真係有少少失望呀, D 泰菜都無泰菜FEEL 0既, 改到一D 都無關係, 我地叫左個泰式火鍋, 冬陰公湯底, 一D冬陰公味都無.... 叫左咖哩海鮮南瓜盅, 一個黃咖哩炒飯, 一個炒河, 一個併盆, 一個蝦餅, 6個人都食唔飽, 又無癮... 埋單四百六十幾就唔係算好貴, 但就食得唔多高興囉! 環境算OK, 但服務就一般, 我地叫佢比杯水我地, 都叫左三個唔同0既人, 第四個先攞到比我地囉!最后去左另外一間正宗D 0既再食過, 五百幾埋單, 但食得好滿足囉!

第一次黎呢度，個環境唔錯，又唔太嘈，食左個，係黃咖喱椰香飯，好好味，唔辣，椰汁味好香，好好味！但係送個所謂小食其實只係幾條豆！個熱檸茶用個壺裝住，有成兩杯呢！！連加一成六十元，貴左少少....

BF dayoff，於是同佢去朗豪坊13/F食餐悠閑deluxe Brunch~ 知道香葉天出名菜式勁靚，所以點既都係有特色菜：　Southern Asian Litte Dish (特色沙律)：送既頭小食，酸酸地幾開胃~！Grilled Fish Filled Salad：天口熱，食沙律最開胃~ 一上枱，見佢賣相勁靚，更加開心開胃！最上層係一粒金黃色既炸彈，no，係炸蛋，沙律絲下係青衣魚柳，最底層係新鮮生菜，整體造型豐層次感，好靚！味道亦有水準有8分！Grill Lamb Chop with Yogurt Mint Sauce：又一道色香味皆全既菜式~ 色：羊架色澤粉紅，同紫緣色既伴菜形成一幅色彩對比強烈既構圖，靚！香係附送既coconut rice；雖然椰香味飯唔係我杯茶，但咁有特色係幾impressive！味道更加令人難忘，不愧為我胃又愛既菜式！飲品要Calamansi drink同lemon water，其實都好好，不過風頭好快俾甜品既雪糕香蕉糕搶去！話晒係依度既推介菜式，真係美味，特色兼備！唔試過，唔知香蕉糕搭花奶搭雪糕會有咁美味既化學作用！！　埋單近$200，係有少少貴，但

一個人行開朗豪坊﹐想搵間特別食店﹐又唔想食日本菜﹐所以選擇走上十三樓睇睇。上到去都呆一呆﹐可能太早﹐成層都冇人﹐行均咁多間都唔太岩心水﹐最後都係走左入呢間。入到去﹐揀左窗口位﹐等自己冇咁悶﹐雖然只係街景。到侍應比個餐牌我﹐見到大部份都辣﹐唯有揀唔辣既菠蘿海鮮粒粒炒飯試下。初頭冇為意﹐原來有前菜﹐應該係芝麻醬露荀（冷盤）﹐食落都ok好食。之後個飯黎到﹐覺得好香﹐賣相仲好靚﹐因為佢將菠蘿片摺成花放係面。食落去有dd咸香味﹐可能係海味﹐海鮮粒都算充足。四十蚊lunch set（其他set有不同價錢）有前菜﹑有飯﹑有野飲﹐而且樣樣都好味﹐真係幾抵。仲有﹐d侍應幾好禮貌﹐其中有個女侍應既笑容幾親切添﹐唔算好好serve﹐但禮貌搭夠。至於環境方面﹐由於多落地玻璃既關係﹐光線好充足﹐感覺好舒服﹐食都食得開心d。短期內打算去多次﹐試其他菜式。

上星期同朋友去朗豪坊睇完戲，見呢間餐廳唔需要等位，就入去試試！！叫左一個二人套餐，有一個拼盤、蒜茸炒白菜、羊膝，同埋一碟例牌海南雞，另外我地再叫多兩杯飲品同一客薄餅，味道唔錯！拼盤值得一試，但海南雞就因為全部都係雞胸肉，好"鞋"...所以麻麻地！服務態度唔錯，環境真係幾好，尚算清靜，同朋友聚舊就最好不過~~值得再去！！

已經係第二次係這裡dinner今次真係要留個食評先兩個女仔叫左以下食物:1. 拼盤(有軟殼蟹卷,福袋,沙嗲,什菇肉碎粉卷,泰蝦餅,香芒柚子沙津) $8x 貴左d不過都ok好食2. 椰青海鮮焗飯$68 (我第2次食,都係覺得好食!)3. 菜(唔記得個名,不過好似係佛手瓜...) ok啦..無乜特別!4. 甜品-雲李拿雪糕on top,底係香蕉蛋糕(係個waitress介紹,不過太甜..唔鍾意食!)Overall都ok,個份量適合女仔食,不過就貴左dd咁啦.美中不足係..我地坐個位叫做有view睇但係冷氣滴水~昨晚好似唔係太多人,所以無限住時間食同埋單..都幾適合傾計!(恆生card好似係over$200有甜品送..不過我地無..)

去朗豪坊行街順便搵食，之前上網睇過已打算o黎呢間。三文魚蘿蔔卷-薄薄一片的生蘿蔔包住三文魚，好清新幾適合夏天食，不過三文魚有D根。香芒柚子沙律-特別在於有幾片紫薑，所謂香芒都只係得幾粒，柚子份量亦唔多，最多係青木瓜絲。我認為醬汁唔夠多亦唔夠味，老公就剛好相反，話味道過酸。豬仔骨青咖哩-一共有5舊骨都算多，豬仔骨冇乜味勝在唔" 鞋" 口。D汁好浠，老公仲當湯飲，佢話好正，其實個咖哩汁又香又夠辣，只可惜我唔鐘意佢D椰汁味。多料卡拉布撈冬粉-全碟連D配料都冇乜味，除了D豬頸肉唔錯，不過切得太薄。D冬粉又話已撈了香辣汁，係完全冇味的，最後問個侍應姐姐拎D魚露同泰式酸辣醬點，但係D魚露太鹹，酸辣醬就好好味。仲有D冬粉又唔剪開，一大舊好難夾。最後o黎個香蒜白菜，雖然好簡單的一個炒菜，可能加了炒香的蒜蓉落去，好香好味，而且d白菜幾靚，唔會霉幾爽口。老公又叫了杯薄荷荔枝蜜，被d薄荷蓋晒D荔枝蜜味，我只飲到一陣勁薄荷味，如果鼻塞的話都通番晒。講下佢o地D服務唔錯，連老公都讚，侍應個個都好smart，唔會" 烚烚下" 。

今晚第一次幫襯，因為見佢唔駛等位。兩個人去，叫左:軟殼蟹牛油果卷:細份過香葉棧，同埋唔夠香葉棧好食四色豆沙律:一d不知名白烚植物點四款汁，都幾好味白咖哩牛柳:個汁勁好味，叫左兩碗飯一滴汁都不漏!!!!(食到呢度，因為份量太細，要再加單)香草咖哩乳鴿:都幾好，不過唔夠白咖哩好味薄餅k啦再加埋一杯house wine，埋單$298。最衰無hsbc card，否則有八五折。