更多
2023-08-21
273 瀏覽
放lunch想食得無咁油膩就揀咗去食粥,平日搭車經過見到咧間粥舖就諗住嚟試下。$49有1碗粥,1款小食加杯嘢飲都真係算係咁。等咗大概15分鐘啲嘢先到,不過嚟到見到個分量都真係呆咗下。原本以為個炒麵會係細細份比你送粥,點知都同單點一碟差唔多。加埋甜醬麻醬真係一流🤩不過個腸粉就差啲,我嫌佢太稔,可能蒸太耐或者溝粉嘅時候水太多,食嘅時候唔夠硬身,唔係好夾得起。粥就分別叫咗皮蛋肉片粥同豬肚粉腸粥。啲餸嘅分量可以再多啲,粥就真係好大碗,普通飯量一定夠曬飽。overall其實都唔錯,服務你唔可以expect太多,不過又無遇到西面嘅情況,齋食嚟講都幾抵。
張貼