心裡有素 (已結業)

地方不大，食物款式不多，七点幾入去食晚餐，發覺每款食物已清大半，餘下的外觀見了也不想吃，很免強才夾到一兩碟食物，等到九点多也只添加一款熱食和一款凍食，超級孤寒，無奈地帶着半餓的身軀離開轉往另一餐廳繼續我的晚餐

素食一直都俾人刻版嘅印象，好悶好齋冇乜野好食嘅感覺，不過近年嘅素食款式打破傳統印象，味道亦層出不窮！今次試咗呢間素食自助餐，餐廳用心設計左好多獨特菜色，令人喜出望外🤩🤩午餐價錢勁抵$88就有交易，晚餐價錢亦相當親民只係$128🥹原來我地黎嘅當日咁啱係初一，所以座無虛席😅食物方面選擇都有20幾款左右，唔同嘅時間都會有唔同嘅菜式出爐，最欣賞係職員會拎住盤啱啱整好新鮮熱辣嘅菜，去問每枱客試唔試食，都幾貼心😗我最鍾意又特別推薦嘅素菜係涼拌粉皮，個汁調教好惹味，個麻辣汁又入晒味，食左幾轉🤪仲有咕嚕合桃，呢個真係超級推薦，勁香口，咕嚕汁同出面大排檔食嘅冇分別！反沙芋口感粉糯，沾上砂糖忍唔住食咗幾舊…跟住就飽飽地😅炸天婦羅漿好鬆化，絕對要試！最後嘅甜品焦糖燉蛋，的確高質～其餘食物質素都唔錯，用心製作嘅小店，值得支持下🙌🏻

我食過好多次數素食嘅自助餐。無論午，睌，我都食過好多間 ，但呢一間真係一次就怕怕啦 通常試新店我會試下午茶先， 試下食物嘅質素先， 但係佢啲嘢食差到一個點，(一)冇嘢食， 八成都係凍嘅， (二)嘢飲又偏高， 我唯一可以数出係茶葉蛋係熱之外。其他冇一樣嘢係熱㗎，同埋啲嘢係偏鹹。 我食淨啲麵， ， 阿姐問你食淨咁多嘢，我話 你啲嘢鹹到食唔到呀根本係咸到哪到我個嘴唇皺曬皮 同埋排隊等入座係冇用㗎，你只要人多就可以入先， 帶位 個阿姐 根本唔識带位 ，人哋冇排隊喺前面話六位就畀人哋入先， 咁對我哋排緊隊嘅人係好唔公平囉， 我照畀錢等我朋友嚟照計鐘，都話唔得， 其實我照畀咗錢我朋友唔嚟都冇所謂㗎，我又唔係唔畀錢， 總之都係 嗰句冇下次

有晚放工同同事去廣華街揾食，揾到呢間新派健康有人情味素食自助餐小店「心裡有素」。🥗💕❤️價格：晚市每位$128，用餐時間90分鐘🧡環境：座位分別有卡位、圓枱，地方乾淨、整齊。💛服務態度：老闆、侍應:友善、熱情、有禮，佢地會主動同客人傾計、推介美食。💙食物存放係有蓋既玻璃不鏽鋼容器裡面，保温又乾淨又衛生，侍應都有提醒客人出去拎嘢食要戴口罩。💚食物推介:1️⃣冷盤：麻醬青瓜粟米冷麵、涼拌粉皮、掠拌木耳配滷水豆腐、溏心蛋。2️⃣炸物：茄子、秋葵、金菇，炸到好酥脆。👍🏻3️⃣熱盤:🍅🍳蕃茄炒蛋-味道甜甜酸酸配上滑蛋，好味。👍🏻萵荀炒菇-萵荀炒到翠綠爽脆配上清香嘅冬菇🍄，好正。👍🏻🥔黑椒薯仔-蕃仔炸過先炒有咬口，加上黑椒、蜜糖去炒，惹味。👍🏻🍆炆茄子 - 茄子煮到好腍滑好入味。👍🏻🥚黑松露蒸三色蛋：黑松露配雞蛋係絕配。😋👍🏻仲有蒸栗子🌰、粟米🌽、蕃薯🍠，熱辣辣🔥，好正。👍🏻🍹飲品:澳洲黑蜜糖檸檬水、羅漢果紅棗茶、黑桑椹山楂茶、十五年陳皮薑茶。揀咗山楂茶，味道清甜，消滯又解渴。😊👍🏻🍮甜品：焦糖燉蛋外脆內軟，蛋香十足。👍🏻👨🏻‍🍳廚師推介：🐮炸鮮奶-甜度適中，奶味香濃，香脆可口。反沙芋-考廚師功力，芋頭夠粉夠香

Buffet就食得多，素食自助餐都係第一次試，味道唔可以話好驚艷，都係普通家常便飯菜式，小店仲會送愛心飯盒比有需要人士，值得支持💪🏻 餐廳地方唔大，不過都有20多款素食提供，有前菜、冷盤涼拌、沙律、炸物、粥粉麵飯、中式小菜、燉湯、飲品等等，一應俱全😍冷盤有滷水豆腐、冷麵、涼皮同蕃茄🍅炸物有炸南瓜、炸番薯、椒鹽茶樹菇同芋頭糕小菜有⭐️咕嚕合桃、⭐️乾煸四季豆、蕃茄炒蛋、魚香茄子、黑松露蒸水蛋等等主食推介黑松露乾燒伊麵同煲仔飯🔥飲品有女士熱愛嘅養生茶，包括羅漢果紅棗茶、黑桑椹山楂茶同十五年陳皮薑茶沙律吧仲有好多時令生果，例如火龍果、西柚同菠蘿等等成為會員($20/年)仲送30個甜品(每人每次限拎1個)，有焦糖布甸同燉奶😉

見食評好評如潮，今日就帶媽咪黎試下午餐訂左1點鐘枱，準備到達，店員無講用餐時間幾耐，唯有自己問，店員答個零鐘，我地都覺得幾概括就再問，店員依然答咪個零鐘，唯有再問啦，先答1個半鐘左右。坐低一眼望晒d野熱食盤，數量唔多，大約8樣，另外有粥粉麵同湯，每格份量都唔多，飲品有茶包仔（普洱菊花茶，玫瑰花茶等等），熱陳皮薑茶（個人覺得好難飲），其他羅漢果呀，山楂茶呀，都係凍，沙律吧，有雜菜，3色椒，青瓜，菠蘿同粟米，生果有紅火龍果，柚子同杮，然後天婦羅式素食，大約4款，但我就無拎了，因為個人唔太鐘意熱氣。有VIP甜品櫃，聽到店員同顧客講，每位+20元做VIP就可以使用，我見雪櫃入面有布丁同乳酪等等，但我就無加錢做VIP了如果食客真係係咁拎餐，店員真係不停refill，都幾辛苦，因為地方唔大，d枱好逼，店員fill餐時候食客都可能要企開，因為得條路仔。食到1點45分左右，聽到有食客同店員講，柚子無晒，店員先隨個盤睇下再refill。離開店舖後，係出面再睇下，原來午餐係75分鐘用餐，下午茶係1個鐘。或者午餐選擇不多，至於下午茶和晚餐，我雖然未曾嚐試，但都心裡有數了

香港有唔少素食嘅餐廳，但係可以飲食嘅地方真係唔多。喺旺角近油麻地地鐵站，就搵到呢間$100左右就已經可以任食嘅素食餐廳，餐廳唔算好大，但係勝在食物嘅選擇非常之多。佢嘅沙律吧都幾大，最欣賞係佢有多款唔同嘅水果包括芒果、柚子同梨等等，啲沙律菜都好新鮮呢度亦都有唔同嘅炸物，炸完之後都唔會好油膩，最鍾意係佢嘅炸南瓜。最特別嘅係佢哋仲有素食嘅煲仔飯，冬天食熱辣辣真係好惹味！呢間餐廳完全係冇局限到食素嘅限制，唔怪之得嗰日去仲要排隊先入到！

今晚同屋企人食飯，揀左呢間素食館，地方不算大，特別是門口有爐煮煲仔飯，差d以為去錯地方。食物味道好，煲仔飯會分開細碗供大家自取，中段會有不同種類快閃食品，今日有咕嚕合桃（超正，外面未見過），有老板凌晨買嘅沙糖桔，好甜。炸物夠脆，鹵豆腐唔咸，啱我口味。芝麻醬冷麵好食。粟米夠甜。仲有不同嘅飲品，可以解膩嘅菊普，特別嘅陳皮薑茶。臨收舖，老板仲叫大家攞埋剩左嘅炒栗子走。老板夜晚有派飯，真係有心又好味嘅舖頭。

朋友話呢間素食自助餐唔錯，今日落場過嚟食午餐😄店入面爆場🙈 我哋等咗大概六分鐘左右才有位！所有菜品都係素菜製作而成，非常健康清淡 👍👍👍菜品十分豐富，我哋全部都食咗一遍😄 😊包括炸物/五穀雜糧/沙律/飲品/粥 /炒飯等等！仲有非常多既新鮮蔬菜同熱气騰騰既湯！整体食物選擇多，平价又好食👍👍愛食肉既我也鈡意呢間店既素食😋😋性價比很高！推薦☺️☺️午餐$88/位下午茶$68/位晚餐$128/位

今次想同大家介紹一間食素菜自助餐嘅餐廳， 小店位於旺角廣華街， 主打街坊生意，仲會定時派飯俾有需要嘅人。晚市每人128免加一，今次就睇吓佢質素如何！小編揀幾樣幾特別嘅野食介紹吓👇🏻核桃咕嚕肉呢個夠特別！可惜食嗰陣已經凍晒 不過個脆皮同核桃好match好jeng👍🏻 相信熱食會正好多😻茶葉蛋呢個推！依家冇乜地方食到茶葉蛋，呢度嘅真係幾出色👍🏻好入味，個蛋白仲要唔會因為浸咗好耐而硬晒！仲好軟熟！如果唔係因為食得太飽一定會encore多個！菜脯蛋/番茄炒蛋呢度嘅菜都好新鮮！同埋蛋真係炒得好好🤣係好到就算食咗超級多蛋都仲要夾🤣小編唔鍾意加咗超多茄汁嘅茄汁味番茄炒蛋！但呢度嘅番茄炒蛋我好鍾意，食咗超多🫶🏻桂花番茄呢個我好鍾意❤️係去咗皮嘅番茄🍅加埋桂花同少量嘅甜味好清爽🫶🏻鹵豆腐呢個好入味！欣賞唔係死咸，仲會有甜味，唔會好寡😙texture好滑，同出面嘅豆腐唔同，唔知係咪自家製呢？燉奶本身係為咗炸鮮奶去，但最後又冇，仲冇得試牛油味🥲店員姨姨好好人咁為咗安撫我哋而請我哋食燉奶🤣其實冇咩特別，食人情味！仲有唔少「養生」飲品，例如山楂水、維他命水，全部都係少糖又夠raw👍🏻啱晒要減肥嘅朋友仔~嗰日去到見

舖面面積如茶餐廳一樣大，根本不是做自助餐的格局，座位背貼背；食物區跟座位距離只有一個人身體，坐在旁邊隨時中招。碟有油漬，看見也不想用。食物種類少，不夠熱，添加食物龜速。當拿栗子時，被員工呼喝不能取，因為栗子是晚上時段才可吃，態度十分惡劣。飲品淡如無味，不飲也沒損失。食物味道及招呼一般。收費跟其他素菜自助餐同價，但各項水準完全不達標，簡直有被坑的感覺。

Weekend行完果欄經過呢間素食餐廳,入面好多人,見到餐廳入面擺設整齊,有好多唔同素食選擇,見價錢$128 一個人,都幾吸引就入咗去試餐廳唔算大,坐得有少少迫,但食物擺得好整潔炸物區:有啲炸南瓜,炸茄子,炸金針菇冷盤區:有滷水嫩豆腐,青瓜蕎麥麵,漬物蕃茄,麻醫青瓜熱菜區:都有好多唔同的選擇,比較特別的有乾鍋連藕,薯仔粒主食區:有炒麵,炒伊麵,炒飯最鍾意佢的蛋料理,超多款,有蒸皮蛋水蛋,茶葉蛋,糖心蛋最後仲有甜品,有芒果仙草,好清涼

自助形式素食店，菜式種類繁多，食素都可以好開心🥳餐廳雖然唔算太大，但善用空間，唔會令人覺得擠迫👍🏻由炸物、各款炒菜、主食、沙律、湯、甜品等等都應有盡有😍咕嚕合桃好特別，第一次見😯口感好特別，真係幾似食緊肉，但食得出有合桃香味～南瓜天婦羅、椒鹽茶樹菇都好好味～南瓜好甜，而且炸粉好薄，茶樹菇好惹味茉莉花茶葉蛋煮得好入味，而且帶有陣陣茶香味黑松露乾燒伊麵係王牌，黑松露好香，伊麵口感軟中帶點煙靭👍🏻食物種類太多，其實每樣味道都不錯🤣而且菜單款式會轉下🥳記得一定要食埋生果～柿同芒果都超甜🥰老闆非常熱情，會同熟客街坊傾偈，亦會主動介紹菜式，感受到滿滿誠意👍🏻原來餐廳仲會派飯😯，開店至今已經派咗4528 個外心飯盒，可見店主係個身體力行的善心人，一定要多多支持😽心裡有素 (油麻地)油麻地廣華街38號地舖

素食自助餐都幾多人食，今次搵到間位於油麻地廣華街既素食自助餐餐廳，餐廳亦會送出愛心飯盒，咁有愛心值得支持下。有午餐、下午茶同晚餐，基本上你行過黎就隨時有得食，食物都會係每節時間源源不斷供應。我一路都覺得素食自助餐得菜食，但原來都有咁多花款。介紹下炸物先，有炸茄子、咕嚕准山同炸菇，食到佢輕輕既味粉，幾好食。仲有涼皮同番茄，涼皮有四川餐廳既味道，番茄酸酸甜甜幾開胃，夾埋同涼皮食都正。菜類都有好多款，通菜、西蘭花、苦瓜、茄子等等，我自己比較中意南乳齋，有娃娃菜、粉絲、木耳等等，好有屋企既味道。一路食一路都見佢refill 食物，有時仲會有新野推出，所以真係慢慢食啦，唔洗急，一定夠食。店舖唔算大，但都幾多人食，想試下食素既都可以試下。

睇youtube 介紹，今日時間剛好決定黎呢度食素自助餐之前仲做緊$48 下午茶，2:15~5:15 不限時；今日再黎已經唔同左價星期日至四下午茶價$58, 星期五，六，初一及十五$68, 仲要限時一小時🥲星期日至四午市$78, 星期五，六，初一及十五$88, 限時75分鐘星期日至四晚市$98, 星期五，六，初一及十五$108, 限時90分鐘店舖面積唔大，拎野食地方十幾步就行哂🤥3點半入座，其實有d 野吉左佢都冇再補充返沙律係d 最普通既生菜，西瓜，車厘茄，青瓜，罐頭粟米，罐頭菠蘿，完全唔吸引😓前菜得涼皮，番茄，仲有幾款炸物😐有一款粥，一款湯，飲品有兩款特色少少既有個北京炸醬麵熟食方面有十多款，蒸三色水蛋，茶葉蛋，番茄炒蛋，幾款炒粉麵，烚粟米番薯，炒豆角，椰菜花，鹹酸菜炒豆卜，大銀芽炒蛋，炒菠菜等冇甜品供應😰整體款式真係唔多，最好食係三色蒸水蛋，幾滑身🤩 川味涼皮好滑同煙靭，味道調較得好好，惹味😋番茄炒蛋好甜，鹹酸菜冇乜味，茄子係苦既😑其他熟食質素正常，冇咩特別驚喜整體質素非常一般，而且好多野食完都冇補充😢😢食自助餐好少會唔食到好飽，不過今次真係冇咩意慾繼續食，食左兩碟就走lu