影片
港鐵石門站 B 出口, 步行約11分鐘
繼續閱讀
營業時間
星期一至日
07:00 - 21:00
以上資料只供參考, 請與餐廳確認詳情
喺黃店沙漠——第一城，街市入面揾一間小食店；有少少趕時間，無去cafe，食住腸粉頂肚先。🥡『腸粉』$12/4條食腸粉，我只係會加豉油同辣醬；佢嘅辣醬唔係偏鹹嗰隻，真係有辣味㗎🥳。【小編的話】➡️其實佢個舖頭仲有車仔麵、同其他小食，例如：魚蛋、燒賣、粉果、粢飯、印尼撈麵嗰啲，但係因為小編趕時間，只係揀咗腸粉；下次有機會再嚟，可以試車仔麵。📍 必食站 (沙田)沙田銀城街1-2號置富第一城街市M02-M03號舖。好味指數：🌕🌕🌕🌕🌑回味指數：🌕🌕🌕🌕🌑
繼續閱讀
【沙田區】【必食站】雖然我住沙田，但平時反而真係好少喺返沙田食嘢。之前為咗朋友喺沙田學車嘅需要，創立咗 1am沙田學車 嘅系列，只不過唔好誤會係我要喺沙田學車，我就暫時冇學車嘅打算，都仲係一條需要依賴公共交通工具出入嘅可憐蟲。為咗街坊著想，之後我再創立咗 1am第一城 系列，應該都幫到吓手嘅，希望啦。其實第一城都幾多嘢食，不過量多並不代表質優，大多數都係啲麻麻哋嘅嘢，而且個性價比都唔算好好嗰隻。但係我都係要講，當做個交待。今次要講嘅呢間係喺街市入面嘅車仔麵檔，好耐之前係有另一間雄據過第一城街市，不過之後入咗商場舖，就係美好快餐。咁而家喺第一城街市食呢啲嘢嘅，就係呢間「必食站」。我食咗兩次，然後寫呢個 post 同大家講。第一次食係食「細腸粉三寶」有魚蛋、燒賣各四粒同埋腸粉四條，咁樣 $20嘅價錢誠然唔算貴，同 Snack Express 差唔多。味道上亦都冇可能要求得太高，功能上做到充飢嘅作用就得，今次我係覺得唔差，以街坊食堂嚟講。第二次我就去咗食車仔麵嘅「三餸麵」，揀咗「粗麵」先因為佢要時間煮，其他嘅鮮蝦雲呑、魚肉、溏心蛋，加埋牛坑腩都係煮熱就得，淋個「沙嗲汁」上去就 $42，加罐王老吉就變成 $49。始終咁多餸，要五草嘢都冇計。可能我本身唔中意車仔麵，我覺得就認真麻麻，而且個雲呑仲好似有少少酸粟，令到件事更加向壞嗰方面發展。最大嘅亮點係啲魚肉，佢係生菜魚肉嗰啲鯪魚膠嚟，雖然都唔係話勁好食，但係喺一碗失望嘅麵裡面算係咁。。。（地址：沙田銀城街1號置富第一城街市M2-3號舖）#1amfoodie #foodie #hkfoodie #thatfoodiething #food #1am0679 #foodies #globaleats #1ambackup #followforfollowback #love #eat #1am沙田區 #第一城 #1am第一城 #必食站 #快餐 #腸粉三寶 #魚蛋 #燒賣 #腸粉 #車仔麵 #三餸麵 #粗麵 #鮮蝦雲呑 #魚肉 #溏心蛋 #牛坑腩 #沙嗲汁 #王老吉
繼續閱讀
收工好餓想吃車仔麵，係附近搵到尼間車仔麵仲未收檔，叫左個三送，清湯魷魚雞中翼魚肉米粉。佢個魚肉有dd彈牙，雞中翼好夠味，魷魚就正正常常，個湯係清甜，感覺冇味精，份量對於夜晚來講就夠了。自己加d蔥同炸蒜非常nice。
繼續閱讀
返工附近有間車仔麵係黃店，佢唔止係一間黃店，仲係一間性價比好高而且食物又好食嘅黃店。$30，3個餸包粉麵，而且啲餸菜係不分類任揀，啱晒我呢啲食肉怪。佢有幾個餸我都經常食，牛筋腩，豬頸肉，雞扒等等都係我最愛。佢醃得非常之入味，而且牛筋腩亦都夠林，豬頸肉好似燒過咁好食，雞扒亦都夠嫩滑。而且仲有好多種湯底可以揀，我通常都係辣汁加腩汁。呢間車仔麵屬於重口味系列，所以我有時候都覺得佢偏鹹，但係好肯定嘅咁講佢啲嘢食都好足味道。今次呢就試咗一碗經典車仔麵。入面有成6個餸，都係最經典嘅餸例如豬紅蘿蔔牛腩豬皮魚蛋豬腸嗰啲。豬腸出色地好食，滷水味重完全可以遮蓋到豬嗰陣腸嘅臭味。好搞笑🤣🤣老闆問我要唔要落甜醬，我本能反應同佢講咗我唔鍾意食甜醬。點知老闆好堅持咁同我講，經典口味嘅車仔麵就係要落甜醬。俾佢咁講一講，我即刻叫佢落嚟試吓。又出奇地估唔到幾好食，唔係好食到甜醬浸味但係就好夾啦。🤣🤣🤣我唔識形容，但係就有啲似咖喱魚蛋落咗甜醬嘅感覺？都幾好食！
繼續閱讀
自己本身都好中意食車仔面，都可以話食過相當多間車仔面，點知搞咁耐原來咁近自己有一間好西！個湯底已經好正，自己中意食辣叫師傅加多啲辣，口味雖然重啲，但我依啲食到重口味嘅人真係覺得好正隨即介紹左自己女朋友試下，女友試完都好認同係最正嘅車仔面老細你記得長做長有因為我真係好中意食
繼續閱讀