忘不了 (已結業)

原圖實物圖 高2cm , 闊13cm , 見到都無言了味道非常普通, 食唔出是芝宜蛋糕蛋糕非常細少, 又細又扁而且凹了落去, 好似放左幾日之後的外表團購中伏了,早左小小買左, 個時無咁多人寫佢的食評第一次團購買野食, 亦無上OPENRICE 睇睇先買, 所以得到個咁GA結果亦令我以後止步唔再係團購買食GA野了之前都睇過有網友寫, 佢蛋糕貨不對版不過比左錢, 唯有硬住頭皮去換個電話是成日唔通, 打幾次先有人聽有個女仔態度都算好地址真是好難搵, 好彩睇過網友經驗一早check 定先去, 所以都唔使搵好耐但到拎取食物時, 食物質素真的很差首先我買個個是$88(原價$188), 真是唔知點值呢個價本人覺得只值$48又細又扁又唔新鮮, 中間是凹左落去都唔知整左幾耐了味道就好普通, 無特別但我覺得聖安娜、美心比佢好好多了

I bought the coupons through Bxxcrazy in March, and had altogether paid two visits to Obsession, but both turned out to be disappointing and frustrating :1) The first time, we called the restaurant before we went to ask for directions, no one answered. It was Sunday around 2pm (for its opening hours being 11am to 7pm, Monday to Sunday, as stated on the coupons), but when we arrived, it was closed with its iron gate down ! Without even any notice posted to comfort disappointed customers. We didn

今次係我第一次寫食評, 原因...係因為呢間野實在太差! 忍唔住一定要話俾大家知!最衰團購買之前冇openrice一下...下次一定要查清楚先得><一去到個頭以為係路邊...點知係一個隆仔咁行入去一個好似大廈天井咁既地方, 間野得6個位...唔怪得話12-2點冇得堂食啦我地買左蔬菜潛艇三文治同潛艇三文治, 原本個團購係話有大大塊肉質香甜芝士牛柳 / OB 肉丸 / 雞肉 揀, 但我見到間野咁都唔記得左揀啦....佢就同我講有肉丸LO, 野飲就得罐裝汽水同紙包飲品真係喊出黎..又話原價68, 搵苯頭盤有沙律, 一個好細既發布膠碗仔有幾塊菜同1-2片番茄加D醬, 就係咁- -跟住個包, 睇相就知咩料, 有肉既包同蔬菜既包分別就係-----蔬菜潛艇三文治冇肉, 其餘既餡料一樣, 包括有番茄醬同番茄同菜, 如圖 肉丸包就係個包入面有3粒肉丸仲要唔熱, IKEA個D好食好多; 甜品普通野, 未算係入唔到口囉一食完就走了, 係D店員態度好, 走都主動講byebye, 其他咩都唔得佢抬到個價咁高會令人以為好似super sandwich咁既質素, 結果好似受騙

好耐無寫食評，但今次真係忍唔到！唔寫對唔住自己！因為呢間野硬件上太經典！首先臨出門前search過下見到巳經超多劣評就覺得奇怪，心諗照計我團購個陣應該睇哂食評先會買，無理由咁一面倒都照買，襟下d食評即係清楚哂，原來係新開張，咁就大鍋！好小可會咁嫁啵！睇d相覺得唔會咁差，真係差都衰極有個譜嘛！粗略睇過樓下d人多數就係話走哂樣，實不副圖，上鏡好似做哂優化效果咁！令我唔太大期望心態去！先講去揾間野的確都需要一番功夫，先係柯士甸"路"唔熟個頭真係行錯都唔定，因為連住另一條叫柯士甸道。。到左路呢行左成條街都唔見有15a...到最後輾轉一輪根據地形揾到15b, c 行返轉頭先揾到a 原來係凹左入去個位，間野隔離係間茶餐廳，第一眼望完全覺得係開左好耐！入到去叫左份堂食，睇之前話無得揀，話無肉丸，而雞扒就h5n9 真係激呢個講法。。但今次就倒轉話得肉丸(雖然無得揀，但至小食到樓下d人可能未食過既料，會覺得幸運) 好叫完坐低等下個陣，隔離台就係上面亂七八槽個張相，無人執，而等候期間幾經辛苦終於捕捉到圖中其中一張小動物肯停飛降落台上一刻係咪要讚一讚先！？到走個陣d野仲原封不動的。。講返野食，等左5mins

話說早兩月買了四份的團購（每份28元），心想新店初時水準多有保證，結果事與願違。以下為綜合四次之結論﹕先不說店鋪位置隱匿，但食物與團購所顯示及說明的相差甚遠，不說相片樣子，團購說明有三種三文治、兩種甜品可選擇，但本人四次均只有一種而沒有任何選擇，肉丸那一款四次都說沒有，我會懷疑是否根本沒有，甜品則說有芝士蛋糕或TIRAMISU可選，但四次都是只有所謂的芝士蛋糕，只有兩小粒，連半份也說不上。食品味道更加差的沒話說，四次有兩次三文治是凍的，所謂牛柳連肥牛片也說不上，有沒有加芝士也不敢確認，因為完全食不出味道，那兩粒芝士蛋糕，可能聖安娜都做得比佢好。貴店所處位置已經差無可差，如果想以團購做響名堂，拜託就有點誠意，從是次結論就是這次團購，明顯只會為貴店做壞名字，人人都知道貴店有多差，真的好自為知了。

見團購仲有一星期到期就走左去食，去到無雞扒，話h7n9,已經勁失望，加兩蚊要凍檸茶，原來係凍嘅盒裝維x檸茶，相片同真貨有得大出入，無蕃茄無生菜，算啦，想食芝士蛋糕，佢話今日係tilamesu，以為係相片咁成件拿出來，原來係膠盒有水好多cream的東西，食左一啖都放棄了，可能佢收你28元就張貨就價啦，環境隔離係係茶記，住宅區，唉，我地食完都走左去弟二度食過，團購中我諗呢間真係弟二間貨不對版很好嚴重，服務態度都ok啦，因為都無咩特別，希望佢地仲想生存就做好啲啦，不過我都唔會返轉頭啦！啲相delete晒，無得post出來！同上一個食評一樣！

在團購訂了個士多啤梨千層蛋糕, 在團購顯示的蛋糕是這樣的:真實見到的是卻是這樣的:但係又真係千層蛋糕, 想深一層, 呢個又真係千層蛋糕, 只是自己太天真太傻, 以及攞果個應該同團購張相一樣, 或者差唔多, 點知完全唔同樣味道方面, D千層好似厚左D, 底層果塊士多啤梨人造色素太勁, 同埋硬硬地, 中間D忌廉都算滑, OK啦不過呢次真係感謝家人, 大家同心合力總算啃哂佢我想都好難有下次啦

第1次寫食評, 呢間野真係唔寫唔得之前係yahoo團購買左2張呢間野既coupon (5月6到期), 就同左男朋友去試coupon: 沙律+潛艇三文治+熱飲+甜品我地由柯士甸道25號行到去金巴利道都搵唔到間舖唯有返轉頭再搵啦 (因為見佢仲有出新既團購, 斷估未汁!)原來係1個十分偏僻既位置!!! 樓上係3~4棟唐樓圍住晒, 向上望會見到個四方形既天空到叫野食啦, 佢問我地要咩, 有牛同肉丸揀, 我地兩個人就各1啦跟住又問我地要咩野飲, 咖啡定茶, 凍飲要加$2咁我地就嗌凍檸茶啦, 佢話咁即係VLT啦我地要load一下先知係維他檸檬茶 (乜依家有人咁叫維他檸檬茶架咩?)落完單冇耐, 就話搵晒成個倉都冇VLT, 叫我地轉野飲, 維他奶要加$5 (好貴!) 結果叫左可樂(加$2)同熱茶我地坐低等野食果陣, 又有兩位團購客到個服務員就同佢地講話冇晒潛艇三文治 叫佢地轉其他, 個客就唔倨啦開始嘈老闆就反駁, 話個客唔事先打電話去book位, 個客就話打左老闆又唔鬼聽, 老闆仲話返個客蠻不講理!果兩位客結果嘈多陣就嬲到走左(後來繼續有團購客黎)潛艇三文治: 廣告相有蕃茄青瓜各3塊, 實際得各1塊,

今次係我第一次寫食評, 原因...係因為呢間野實在太差! 忍唔住一定要話俾大家知!話說之前買左團購, 相片度SHOW既食物好吸引, 28蚊一個潛艇餐都幾抵食點知今日去左換先知, 原來間野咁貨不對辦!間野環境差唔緊要, 皆因我可以外賣自取可惜D野食更差! 一個餐有4樣野, 竟然可以冇一樣係好食既俾28蚊幫襯呢間野我真係寧願去M記食個21蚊餐仲開心好多好多好多首先, 個沙律份量少而且係求其執幾條菜同2片青瓜1片蕃茄加D沙律醬就話係沙律之後個包原先團購張卷個度話有得揀3款, 點知去到話得返芝士牛柳, 而所謂既牛柳都唔係牛柳而係肥牛同幅相係完全唔同架囉, 而且都食唔到咩芝士味跟住到野飲, 唔知係咪因為外賣既關係, 所謂既茶只係一個紅茶包熱咖啡連糖都冇包俾我, 完全地淡而無味最後到甜品, 原先話有得揀芝士CAKE/TIRAMISU既, 但最後佢俾左1/4舊既條裝SIZE士多啤梨蛋糕個樣係一PAT野, 當然亦唔好食食完成個餐都唔覺得飽既, 問你死未我諗除非有人拎支槍指住我個頭, 如果唔係我都唔會再幫襯呢間野各位團購時請小心中伏!

一句講晒，中伏。團購購買$28三文治餐。去到無得揀三文治，得肉丸三文治。肉丸三文治 - 麵包很乾；肉丸味道尚可；醬汁只是普通茄汁加少量沙律汁；内有一塊青瓜一塊番茄。青菜沙律 - 數塊青菜+青瓜，還算新鮮；沙律汁跟三文治的一樣。甜品 - mousse，最底有綠色液體，食左一啖發現左即不吃走人。此餐連$28也不值

買了團購的彩虹蛋糕, 相中很靚, 未吃過此類蛋糕, 見買$88 (聲稱值$188), 便買coupon, 此店故弄玄虛, 話在加拿芬道取, 實質是這店出品, 此店很難找, 老公去取餅, 勁投訴我.取回的蛋糕同團購相中的蛋糕有很大很大的差別, 很細, 很扁 (美心彩虹蛋糕不是高身的嗎?)團購相中的蛋糕是高身的, 味道不是差, 但也不特別好, 似普通街頭餅舖貨色, 咁我點解要山長水遠去取貨, 唉! 今次真的忘不了.

這間野真係如其它人食評一樣得個'差'字,一山還有一山低,未食果如此差及難食。買左佢既團購,做得咁差真係都好少有架!首先開門時間不定,有兩次週日一點幾去到仲係鐵閘未開，閒日已經收7點鬼咁早,連週末都唔方便一下人,午餐時都未開門!仲死撐話唔係!第二差係食物，團購餐有一個自選包可選牛肉或蔬菜潛艇，有飲品，沙律及甜品。其所為招牌菜既潛艇真係把鬼，隻包又泠又㪚，選牛肉還好，令一款蔬菜真係仲難食，還有外賣熱飲竟然冇糖包，又佢地唔會提你自己去加糖，有次外賣發現冇糖....唉第三差係service今天下午5點去到佢地話乜包都冇喇，叫我加十蚊換令外一款餐，配牛肉飯，心䭃d野咁差唔方好食但唔想再走多一轉所以換了，最極品係熱檸水得一片lemon,cheap到冇朋友之餘又continue冇糖包! 仲要話轉檸水要加多2蚊，比一片咁大把lemon! 還有一件的式cheese cake真係笑死人，一吋x半吋既size,咁都比得人既細粒到吖叫cheese bite 好過啦!Anyway no next time. 各位千奇唔好唔信。地點難找，遲開早收。食物奇差，服務難頂!

係Beecrazy度買左2張潛艇餐, 見唔係好貴賣相又好似幾吸引,所以諗住去試試!係JORDAN站落,行到好熱好攰,終於都俾我地搵到間野,個位勁隱蔽最不可思議既係間舖好細,仲要無冷氣!!! 我同我男朋友都無奈環境差D,但都希望野食能夠彌補不足! 可惜...仲差!!!!因為我地好熱,所以首先叫左杯野飲... 佢竟然話得紙包飲品同可樂....OK FINE.. 我地都話飲可樂.... 佢係雪櫃度拎杯野黎... 我見到有隻烏蠅係個杯頂度...我男朋友話算啦,都係用飲筒... 咁我問個個人拎左支飲筒就算數.. 點知隻烏蠅飛左入去入面...我好無奈..叫個負責人換個杯俾我... 咁佢都有換既...Ok...入正題 由於呢排H7N9,無雞..所以得牛肉同蔬菜潛艇... 我黎到個蔬菜潛艇真係好差...一D都唔好食牛肉潛艇都可以接受, 仲有個D沙律其實都係D洋蔥,菜同番茄... 無SAUCE仲要...唉... 我同BF快快趣趣咬幾啖就算... 到左甜品...同樣失望...自問我係一個甜品控... 基本上係甜品我都擺入口.... 但佢地所謂既tiramisu就只係一層唔知係咪CREAM既野,加D勁水的係

今天是清明節，約了友人到歷史博物館看展覽，前數天在一本飲食雜誌上看到此店的推介，由於同在尖沙咀，便去了一試。首先穿廈過巷來到了這店前，可能是假日關係，當時客人只有我們倆。雖店不大，但氣氛有點像外國路邊小店，有自己特色，四周有少許法文poster，使店內添有異國情懷，間中一兩首經典英文金曲傳來耳邊，在大城市之中一個寧靜的環境，是奢侈卻令人陶醉。甫坐下，店員(也許是老闆，並未有詢問過，只記得她親切的笑容)便來介紹店舖的招牌潛艇堡，一向頗愛吃三文治的我便各自點了雞肉及牛肉餐。隨即男老闆從外回來，也親切地打了招呼，便到廚房準備食物。套餐所包的是沙律，飲品，潛艇堡及甜品，初以為不太飽，但最後也挺滿足而去律是田園沙律，生菜青瓜等配料很新鮮，吃上來固然有清新之感，亦一去是日潮濕下雨天而引致的悶熱。醬汁為蜜糖芥末汁，略為偏甜，若甜味稍減，也許會更配合沙律整體。潛艇堡送上來時，店主十分細心分成2份，好讓我與友人分享。雞扒堡之雞肉有用香草的醃製，因此吃下去很夠味，而肉扒亦烹調得香口，配上軟熟的香草包，質感很配，軟硬亦備，唯我吃半份的最後一兩口，覺得雞肉開始有點咸，暫未想像若全份吃下去時，可能此情況會繼續。

差差差!第一次去到一間店，令我即刻寫食評！叫咗一個＂牛扒潛艇＂，佢地所指的牛扒，原來係肥牛，我真係笑咗出黎！仲有圖中的潛艇，似豬扒包，脆脆的，但上台後，係一d都唔脆！我問服務員個包是否脆，佢話係法包，即制的。但完全唔脆，總之就差la~~我而家成肚氣！最後上甜品，佢話係cheese cake, 完全冇芝士味，又硬，雪芳蛋糕好味好多呢間小店咁鍾意取巧，牛扒＞佢話係牛扒絲，咁就唔好寫牛扒la!法包？cheeses cake?真係一啖笑話！$40價錢？附近大把餐廳可以擇