快樂蜂 (黃埔天地)

營業中

休息中

突然好想食炸雞，咁就去左買Jollibee，我地買左2個餐外賣回家食lunch 。今次叫左肉醬意粉炸雞餐，及蘑菇飯炸雞餐，都不用$100，好抵食，D雞又嫩滑D，味道又香口D，肉醬意粉仔仔話好好食，下次home gathering 多D人，一定要買桶餐食。

Jollibee雞包淨係個包都25蚊， 差唔多等同一個 麥當勞嘅超值套餐，但係點解我都仲會間唔中食下呢？雖然個配搭好簡單 生菜雞扒同埋沙律醬 但係巧妙之處就係在於雞扒 用嘅係雞胸， 炸完出嚟嘅效果係一啲都唔鞋，而且係嫩滑嘅感覺。 如果你叫餐 有埋薯條汽水 真係飽到得人驚， 所以有陣時我淨係叫個包 屋企又有罐汽水 咁樣已經係一餐可以好飽。

講開食炸雞我一定會嚟黃埔呢間jollibee自從食過jollibee炸雞我就返唔到轉頭唔會再食其他快餐店嘅炸雞因為佢嘅炸雞真係超級juicy ，即叫即炸，無一次令我失望首先，佢嘅炸雞皮超級脆，而且唔係厚粉個隻而佢嘅雞肉係非常嫩， 唔單只係雞髀肉，就連佢既雞胸肉都係好嫩，非常多汁， 食嗰時啲雞汁係多到會流出嚟🤤🤤🤤之前試過佢嘅薯蓉，覺得一般般今次就食佢個粟米，都係冇咩特別嘅個重點都係因為件炸雞先吸引我嚟食環境方面，黃埔呢間係好光猛嘅雖然佢唔會提供膠手套，但佢有洗手盆可以喺你食炸雞之前之後洗乾淨手黃埔呢間jollibee真係食炸雞嘅不二之選

對上一次幫襯快樂蜂，已經係20年前嘅中環店，完全忘記咗味道如何鳥....今次點咗兩個 sets，有兩件炸雞，熱狗，蘑菇飯，薯條同薯蓉.優點：1, 熱狗最好味，由個飽以至熱狗腸，都好鬆軟，有入口即容感覺.2, 好奇怪，薯蓉同蘑菇飯嘅汁，味道同家鄉雞嘅完全相同，味道尚算不差.3, 炸雞夠香脆.缺點：1, 炸雞炸得過火，雞肉唔夠 juicy 太老太乾身，超失望.2, 薯條唔夠熱，食落口感較老麥嘅薯條硬.3, 只有蘑菇飯一款，如果有白汁雞皇飯提供更理想.4, 薯蓉亦都唔夠熱.我欣賞台灣其中一個民風，就係幫襯完要餐廳之後要自己收拾乾淨，我都知快樂蜂有待應收盤執垃圾，但我都係中意自己執翻乾淨.

遠處開左間新嘅餛飩舖，試左之後立即覺得成個午餐應該快樂嘅時光被完全催毀，味道崩壞.... 於是嚟快樂蜂，希望可以補償返～唔想洗咁多錢，是但食件雞就算～ 好彩有al carte~ 諗住食雞柳，點知原來無咩人食，所以要等5分鐘特別為我而炸。於是我放棄，要件有骨雞膇～招牌寫住25蚊，點知原來17蚊咋～ 好抵～勁脆勁juicy, 又有雞味～ 呢啲先係人食架囉～ 即刻開心返～ 令午餐時光無咁崩壞～ 加汁更惹味～ 😋😋😋食完見到呢個宣傳吊牌～ 我認為形容得非常貼切，係「快樂嘅味道」，完全食得出❣️

我本來就好鍾意食炸雞，先後試過唔同嘅西式炸雞店，最後發現都係紅磡嘅Jolibee最好食試過喺馬來西亞沙巴食jolibee，雖然係平小小，但係都係紅磡嘅Jolibee最好食，亦試過旺角嘅Jolibee，但感覺非常差，炸雞唔夠脆唔夠熱我通常食Jolibee都會叫Tea set,$45有兩隻雞，一杯野飲同一個薯蓉值得一提嘅就係呢一間Jolibee出餐出得好快，我都未比完錢，隔離已經出好咗我個餐啦🤣炸雞非常之熱，一咬好多湯汁標晒出嚟，好香油味，非常之脆就一定㗎啦，重點係沾完蘑菇汁之後味道真係會提升左幾個層次！雞肉亦都非常嫩滑，比任何一間餐廳更要滑！薯蓉亦都幾唔錯，都係果一隻好好味嘅蘑菇汁，而且成個薯蓉都非常smooth

相信大定對Jollibee都唔陌生 最近黃埔無耐都開左間 旺角都有首先講左雞胸肉先 肉質滑多汁😍一咬落去就好脆❤️❤️❤️同埋佢再配一個類似薯蓉汁既野有點奇怪 唔點較好😰😰😰個肉醬意粉上面有芝士碎 但食落好淡既芝士味🤭🤭🤭比醬汁蓋過曬 醬汁微辣 醬汁太多 肉粒好冧 整體黎講 意粉就麻麻 唔多岩我口味

今日想食香口野，呢間無旺角，尖沙咀咁多人叫左個意粉雞餐，飲7喜加多件雞槌每間意粉個汁都唔一樣，個人覺得呢間個汁無咁甜，芝士好似多d雞槌熱辣辣，皮脆又多汁~正呀！雞上脾都不錯，個人鍾意槌多d，初頭果陣有得揀架…依家餐set死一定係雞上脾無得轉槌突然有位小姐問，有無興趣免費試下凍奶茶或凍咖啡，試完比番意見就ok，於是我揀左凍奶茶我自己偏好多奶，出奇地佢奶既份量係算多過老麥，糖漿落晒一個都唔太甜，等同你嗌微甜多少少咁，只不過茶味方面，老麥好好多（純粹同快餐店比較）呢杯個茶味真心好淡，9分最高我只係比左4分，已經鬆手左，我飲左一啖剩茶一啖溝左奶，溝左奶之後基本上已經飲唔出茶味…所以我飲左幾啖就放棄左揾客人試飲果位小姐好有禮貌

Just felt like having fried chicken so went to Jollibee in Whampoa because I was in the area.Ordered two pieces of fried chicken with fries and a drink for HKD40.Unfortunately, they served Hong Kong style milk tea and it was as dark as coffee.The taste was super bitter.If I knew it was Hong Kong style drinks I would have got the a la carte.As for the fried chicken, the coating was damn crispier than before as stated on the flyer which I didn't notice.Honestly I prefer the fried chicken before wh

Jolibee係香港愈開愈多分店，主要原因都係因為佢既炸雞真係好出色每日特價餐$35有兩件炸雞加薯條，熱辣辣夠脆身香口野應該無人唔中意食（最多唔食既可能係唔敢食）🙈 雖然食完，好似食左陣風落肚，當下午茶就Very good ! 希望會繼續keep著質素，以後都可以一直食到咁好味既炸雞

見最近團購有優惠就買咗一張$79二人餐在屋企附近食，個套餐非常實惠有蜜桃批，炸雞，蘑菇飯和汽水。快樂蜂的炸雞比KFC做得更出色，皮脆肉嫩之餘內裡仲有好多汁，而且即做即炸即送上，拎上手仍然出煙，這種質素的炸雞絕對對得起價錢，難怪日日經過都見餐廳人流不絕。

🔹️Jollibee 🍗🔹️Here we having some fast food again this time! First time trying out the fried chickens from Jollibee and I'm amazed.😋What I ordered here is a set of 2 pieces of chicken🍗 with regular side fries🍟 and coke🥤; and I added an extra peach mango pie.The fried chickens here were unexpectedly juicy and tender meat when you compare to other fast food chains. Thin crispy skin that was not too greasy.🤤😋 It also comes with a small cup of savory gravy, which I think the fried chicken itself was g

作為新界人，都好少可會黎呢頭，今次係因為要陪媽媽去觀音借庫，所以先會黎到紅磡！辛苦左一大朝，緊係要立即搵番間好西食啦！行行下既時候就見到呢間都幾出名既炸雞店，見到佢個tea set都幾抵玩，$40就有2件雞連薯條/飯/粟米/薯蓉，加多$5就有埋汽水。起初兩個人都係買左一個set，諗住試下ok先再買！點知食落，嘩！從來未食過咁好食既炸雞，雞肉係極之嫩滑多汁！食落去完全無雪味，都無冰過既感覺，就好似完全新鮮既雞即炸既感覺！每一啖都會有好香既雞油標出黎！再配埋佢個蘑菇醬，味道簡直完美！所以食完之後，都即刻叫多個set黎食。原過薯條就同老麥差不多，無咩驚喜，後尾試過薯蓉，呢個就好食好多啦，因為有配蘑菇汁。好可惜既係，呢間炸雞店分店唔太多，住新界東既我，就唔太方便了。順便一提，呢間店出餐速度驚人，我仲order緊比緊錢既時候，隔離既staff已經執齊曬😂😂😂

上星期，中午時突然想吃炸雞，在公司附近就有這一間炸雞店，雖然是第一次吃，但聽身邊的朋友說這間店的質素可算是不錯呢！因為我的食量不是太多所以我只點了這一個一人餐，有一包細薯條、炸雞和一杯可樂。雖然食物簡單，但是吃得出來薯條是新鮮炸起的。下次可以再來呢！

估計有十幾年冇食過Jollibee, 今次買左團購餐就去食下。特意選擇黃埔店，貪其人流沒有其他區咁多人，不過可能因為而家有地鐵直達，加上星期六晚，又下著雨，但是竟然9成滿座。進店後環境明亮，同從前感覺大大不同，也算乾淨企理，好不容易找到兩人座，見到好多人同我地一樣係食團購餐既。團購餐二人餐包括：四件炸雞🍗，兩客磨菇飯，兩個芒果蜜桃🍑批，兩杯汽水🥤⋯⋯$79真係好抵！ 另外自己加左$16 要芝士薯條🍟，有點貴，但幾好味炸雞🍗的炸粉唔厚，雞肉好嫩滑，唔似專係食雞的kxx 咁又乾又鞋！估唔到而家咁有水準，令到我們又驚又喜！磨菇飯就非常麻麻，不過唔係主菜，冇所謂啦！而芒果蜜桃批既味道也非常好，甜甜的，不太甜，好開胃！完美既句號！