快樂蜂 (黃埔天地)

營業中

休息中

近期去到邊都會發現呢間快樂蜂既蹤影，聽聞每逢星期日會有好多姐姐會去幫襯，所以星期六下午茶時段經過見到無乜人就入左去試試!我叫左個餐有一件雞(可揀雞胸&雞槌), 薯條, 一杯可樂加埋 $30, 價錢都OK可以接受。佢D雞應該剛剛炸起, 熱到會出煙 咁熱就食左薯條先, 個樣似M記個隻幼身薯條,食完都係覺得M記好食D。輪到炸雞啦, 一食個皮, 好脆脆脆脆脆!! 又熱辣辣, 好正!入面D肉好JUICE, 一D都唔乾,佢有配個醬，我覺得有D似磨菇飯個汁咁既味!同埋佢無其他炸雞店既重味, 果然無令我失望!不過佢炸雞口味只得一種, 唔知將來會唔會推出新口味呢?

黃埔今年開左呢間jolibee🐝，平時成日見都唔少人，以前覺得賓賓先去呢間（中環旺角嗰兩間都係咁）😂，而家見呢間好多人都去，今日lunch諗唔到食咩就諗住入去試下啦。Menu既選擇唔算好多，雞都只係一種，餐既炸雞🍗亦set死左上下脾各一件，不過好似都好食，就叫左最基本既炸雞薯條🍟餐試下🤗炸雞🍗好大件下！而且仲有個蘑菇汁點雞食，果然唔錯！個汁濃度剛好，中和返炸雞比較乾身既皮！😋其實個炸雞本身好脆，但一咬落去啲肉好嫩好多汁，真係比上校再高一個層次！個炸粉既香料都好香、又唔會過濃，good呀👏🏼👍🏼呢個以後可以繼續食🤗😋😋薯條🍟份量係細啲，但佢本身粗身啲，同埋冇咁乾，唔會有啲炸到硬哂🤪男友仲加多個漢堡包🍔，包同啲餸都好挻身唔會被壓扁咁，整體上都比另外兩間快餐店好食wow😌😋🤗

雖然都係炸雞連鎖店 但係jollibee ge質素比kfc高好多本身我係一個中意食炸雞既人🤦🏻‍♀️無論係美式 韓式 甚至中式炸雞我都試過唔少呢間菲式美國炸雞 雖然 唔排除都係基因雞 但係佢既皮 係好香 雞肉亦都好嫩滑 而且唔會好咸 食得出真雞香味 又多汁可能大家會覺得：係米真係甘好呀？如果有食過 對比一下就會知 kfc雞好咸 而且皮亦唔香P.S 內地kfc會好食小小M記就唔洗講啦 雖然佢主打唔係炸雞 但m記既雞錘 炸雞扒 肉質都唔夠嫩 偏鞋‘’ 至於平價三十幾蚊既韓式炸雞 我有試過食得出係劣質雞肉味但就算係貴小小 五十幾六十蚊得八舊個d 其實都係靠d醬汁拉高左個好食程度 當然其實我都係為左個醬而食 雞肉既本質都唔係個皮又有試過中環200蚊既面包芝士炸雞 都唔係特別好食當然啦 我去食jollibee個陣係夜晚八點幾 呢個set依加就35蚊無野飲 個醬我覺得唔係幾好食甘岩雞同薯條都係岩岩炸出黎 當然會好食d 但我再上一次食係食桶餐（價位唔係特別抵食）味道差得唔遠而我再上一次食就係食個雞柳set 呢個就真係唔推介 d雞柳好咸🤦🏻‍♀️

對於快餐店我從來都唔會抱期望, 今次抱住填飽肚嘅心態入咗呢間 jollibee， 黃埔店都算係新裝修， 人唔係太多，喺counter買完嘢好易就搵到位。叫咗一個炸雞餐跟磨菇飯，另外加咗個蜜桃芒果批。率先放入口嘅當然係雞啦， 估唔到佢落到燙口， 啲皮脆卜卜，肉質嫩滑， 我夠膽講我未食過咁好食嘅炸雞。 朋友話我知 ，啲雞可以叫佢加辣粉， 不過只限星期一至五。蘑菇飯就唔及肯德基咁出色，可以唔使試。另外要介紹嘅就係， 芒果蜜桃批， 佢真係好似包tempo紙巾咁大， 芒果同蜜桃 啲味好夾 ，咬一啖就聞到好香芒果味， 好清新 ，而且細細嚿食完都冇罪惡感。

大前日（5-8-2018 Sun）老公帶我去蒙麵食晏，點知未開門，要等成個鐘，咁去黃埔行吓先啦，見到老公未食過嘅呢間，咁不如順便入去食少少嘢。入到去都full full地，我先坐低，老公就買嘢食，佢買咗幾耐吓，買咗同樣$12.00嘅黑牛同原味細薯條，因為佢聽聞呢道嘅著條好好食。嗯，的確，薯味係濃啲，而黑牛正常冇問題。服務:僱用嘅都係菲律賓人，個職員見到顧客自己將食物盤放去垃圾桶上面，佢會講聲Thank you。小妹妹食完嘢，家人同佢落地，佢就溫柔咁叫佢去洗手。唔錯。環境:好闊落又有卡位。

突然香港又開番幾間蜜蜂炸雞鑑於我膚色太健康所以我當左佢係我家鄉名菜 真心佢好食過白髮叔叔的雞呀炸皮沒那麼厚肉都係嫩的 我去食嘅時候仲加幾蚊可轉特別飲品再送一隻玻璃杯得閒再去食過

黃埔新開快樂鋒，一開業已經大大長龍， 究竟點解呢！之前喺馬尼拉食其實好平嘅咋，進軍嚟到香港一個餐就要買成30幾蚊，仲要份量唔多，但依然車水馬龍，人山人海，今日一食就完全明白啦，計件炸得外脆內亂，而且熱辣辣，食落除咗有雞味仲有鮮嫩嘅肉汁，實在有別於其他快餐店。好味的雞。

其實每次經過Jollibee朋友都話快餐店唔洗食呢間啦！但已經肚餓到唔想周圍走，所以都係唔理咁多，入去吧！點完餐見佢捧野食上枱個下，我望住個餐呆左，因為果兩件雞柳真係小得可憐，好似被遺棄左係個盤到咁🙈 個雞柳都幾實同好多油，就算係脆口，咬兩啖都冇左，完全唔夠喉bo!🤷🏻‍♀️然後想講既係，間餐廳環境都算大，多椅任坐，但冷氣開到好恆，坐坐下仲要無啦啦播Let it go，真係多謝曬...係完全唔知關Jollibee咩事😅

朋友去睇演唱會順便過黎呢間嘢，對我黎講第一次呢區呢分店，之前食過中環兩間分店。呢間分店都唔錯，雞好新鮮即炸，唔算放咗好耐。但磨菇飯就唔太好食，啲磨得好少，汁又唔夠多。覺得呢間菲律賓雞唯有好食得啲炸雞同配上特製汁，間唔中平食吓都唔錯。

今天和友人相約看楊丞琳演唱會，便在看演唱會之前吃一頓快的晚餐。剛好經過這間快餐店，我們便說進去看看，原來跟KFC差不多。炸雞的外層是厚砒的炸粉，可以將它一整塊撕下，感覺沒那麼肥膩。炸雞會配上蘑菇醬，但個人認為不點也可。雞肉也算是嫩滑，也算ok的。最重要的是炸雞熱烘烘，新鮮出爐的感覺特別好。

記得十幾20年前，新世紀廣場仲未改名做moko，food court曾經有間Jollibee。果時覺得真系好好食，當年嗰間執咗之後就冇再食過，雖然近幾年Jollibee再度登陸香港，但一直只係經過而冇時間入去食。今日好難得係紅磡有時間又食得落野，所以同老婆見到依間Jollibee就衝咗入去。Jollibee係做炸雞，好難唔同另一間出名嘅炸雞店〈上校炸雞〉比較。先講環境，Bee比上校乾淨好多，唔會周地都系炸雞皮碎，或者周圍油林林。我哋各自都叫咗一個餐，當中有一包薯條，一件炸雞胸同炸雞槌，仲有一杯汽水。薯條熱辣辣脆卜卜，雖然分量唔算多不過有質素！！炸雞真系贏〈上校〉九條街，首先唔會油淋淋，唔使我講大家都知〈上校〉真係一揭開塊皮會有一啖油流出嚟外皮脆卜卜，味道亦唔誇張唔濃。肉質非常嫩滑又有雞味，真系超正。仲有一個特色醬，味道得Jollibee獨有，冇得頂。快啲周圍開多幾間啦，支持支持！！

好幾年前係中環食過Jollibee🐝，記得佢d雞同飯幾好味，之後冇再尊登再去食。親戚住紅磡，咁岩見呢度開左間，一於過黎試下最好味係佢d雞🍗，特別叫多兩隻，每隻$17炸雞好香，帶少少辣，肉嫩薯條夠脆，大大條，冇油膩感，下次會叫多d朱古力正正常常芒果批味道好得意，少少似蘋果批，好有新鮮感仲有食肉醬意粉同蘑菇飯，食得太快唔記得影相意粉同平時食果d唔同，粉意唔會太淋，岩岩好蘑菇飯既汁好好味，如果汁多d仲好😆

今日去開黃埔，發現新開左間好大嘅Jollibee。好耐之前係中環食過牛角包，覺得好好食。但係之後試過星期六/日想去食，但必定會大排長龍，因為好多菲律賓姐姐幫襯，所以一直都無機會再食過。黃埔呢間成個轉角位。地方大好多，重點入到去有好多位可以坐。入到去11:00，見仲未轉牌仲有早餐，極速去落Order。好彩買得快，俾完錢即轉左牌。腿蛋牛角包 + 熱奶茶 $26 - 牛角包拎上手熱辣辣，香脆。蛋煎得唔錯，仲有蛋汁。火腿味道略嫌就鹹咗少少。奶茶當然唔及茶餐廳，但味道都OK。

最近見黃埔新開咗間jolibee 就同朋友一齊去試吓新野 舖頭幾大幾光幾舒服 我地叫左個歡樂套餐A 份量算係比四個人食啦 有四杯飲品 四份小食 兩份意粉套餐亦有六件炸雞 (三件雞胸同三件雞脾)佢既雞都炸得唔錯 肉質好嫩滑，炸雞好鬆脆同埋好入味😋加左佢個炸雞汁會更惹味😋但呢一間分店就冇比手套🤔套餐仲有兩份肉醬意粉 意粉嘅醬幾好味 蕃茄味都好濃 同肉腸既味道好夾😋 值得一試另外小食我地就叫左兩份薯蓉一份牛油粟米同埋一份薯條佢既薯條炸得比mcdonald好 幼身得黎又有足夠份量既薯係入面仔 味道不錯薯蓉嘅汁比kfc嘅多 好好食😋牛油粟米就冇咩特別 不過不咁啦整體嚟講係幾好食嘅 但佢嘅份量就真係細咗啲 食完都唔係太飽 想食多啲份量嘅朋友可以諗下其他配搭🤔

菲律賓的Jollibee, 我尤其喜歡他家的炸雞, 以前只能在中環看到他, 現在終於衝出中環了.黃埔店開了一段不長的日子, 今天終於能抽到時間嚐嚐.5點左右, 不是店內最繁忙的時間, 還順利的找到位子.點了我經常光顧的2塊炸雞拼蘑菇飯加一杯汽水, 點餐之後就在旁邊等叫號碼取.大概5分鐘之後就順利取餐.那雞塊炸的很香脆, 熱熱的, 配著那蘑菇醬, 實在很好吃.而且那雞塊的香味和脆度, 跟以前一樣, 沒有改變, 這一點, 對於做得久的店是很難保持的.反而是蘑菇飯, 味道淡淡的, 比起雞塊, 真是有點失色.但是整體來說, 我還是非常滿意的!