快樂餅店 (已搬遷) 新店位置

今日放工經過快樂餅店，忍唔住走入去買個墨西哥包，因為睇到呢度啲墨西哥包賣相好吸引，$4.5一個墨西哥包，算抵了，因為現在市道呢個包喺其他餅店可以賣$5-$7，怎有可能唔幫襯快樂餅店呢？！一摸個包，係熱辣辣㗎 即時可以食，真係好鬆軟，個皮好正，好對味

金鐘區麗人比食肆多，因此由金鐘附近行到來灣仔，都未想到吃什麼，途經一間麵包店，便立即買定兩個東西。一個熱狗，畢竟熱狗新鮮吃，麵包夠香而又軟熟，內裏亦都不覺得空洞，中間的香腸沙律醬，使到熱狗相當之豐富，亦都一片番茄及一片青瓜，吃起上來挺清新，而又不會太乾。另外看到餐廳麵包舖門口有一盤是老婆餅，隔離有皮蛋酥，於是亦買了一個皮蛋酥一試。皮蛋酥翻熱之後，內裏的餡料也不少，皮蛋應該有半隻，然之後餡料像是蓮蓉定豆蓉餡，味道不會太甜，亦都有些少薑，面頭的酥皮皮薄餡靚，亦都不會顯得肥膩，因此味道亦不錯。原來灣仔鬧市，在這間麵包舖旁邊，好也有一間門面相當舊式的餐廳在旁邊，叫順景。只可惜早幾日才吃過炸魚沙律這類型港式下午茶，否則應該會一支箭衝進了，還是留返下次吧。麵包店有時越做越hea，只用透明膠袋如阿婆買橙的膠袋盛載，哪有感情？快樂餅店的膠袋外貌懷舊，情懷老遠，屬我這種懷舊保育人士至愛

為食的我難得見到小時候最愛的奶油筒，實在沒有不買的理由，快樂餅店能夠在灣仔屹立多年而成日有人排隊，究竟是因爲老店，因為裝修擺設夠老式，因為人情味，還是因為產品真的好食？不怕肥的我掃視一吓貼在牆上的文章，選了當中提及到的豬油做波蘿麵包+麥西哥包+蛋達+奶油卷。其實掃貨前，我問「請問有無剛出爐的？」面口很不快樂的阿姐打量了我幾秒個頭都轉咗幾度（但不至於擰咩臉。繼而serve另一位遲入來的客人先。不知是否得罪了什麼還是問正了令她們不快樂的問題？！我耐心等佢收晒錢，再條修飾用詞「請問有無啲仲係熱熱地㗎？」阿姐又給我不快的眼神。我心情ok就點了四樣。心想，很多人真係善慕你們，如此服務態度是又如何？人家的招牌不死的。食評是：蛋達是熱得很燙嘴的，凡熱的焢焙野，我都覺得好味！而那蛋達除了夠熱和不太甜外，真的不特別。其餘三樣的凍的。波蘿包個皮口感係有啲料到，我比6分。太子的8-9分和西貢的我比10分。麥西哥實在太一般，是充饑，完全無欣賞嘅point。奶油筒的奶油是咸的，仲要好咸吓都萛，最難頂係有陣油味（或者係中式餸菜的油味，唔新鮮的油味）我吐了出來，掉了（我好少掉食物）

由於父母年事已高，不良於行 。所以星期日到快樂餅店 買了他們喜歡的食物 ……有蛋撻（$5） 雞批,（$9）和奶油筒 （$7）。雞批拿回去還是熱辣辣的， 父母吃著兒時的食物非常開心。 快樂原來是這麼簡單。

今日食完午飯行經快樂餅店，就俾一盤奶油筒吸引了視線。可能係中午食飯時間，人流不算很多，我買了一個奶油筒晏少少當下午茶自私食，雖然凍了，但都好香脆鬆化，奶油超香，好滿足！😋😋😋街坊價錢，性價很高，抵讚！

今日happy Friday 應承了同事買下午茶食，所以午餐後便去了座落於皇后大道東的快樂餅店。我在快樂餅店門口等了差不多10分鐘到便有新鮮出爐蛋撻，我買了11個蛋撻回公司與同事們一起享用。蛋撻賣$5/個，在灣仔已經是30年老字號餅店。蛋撻有蛋香、甜甜地、唔錯。

一直想搵好食既酥皮蛋撻因為而家有好多面包店都係做曲奇餅底既蛋撻 行過灣仔見到有間餅店出面排哂長龍就去八下啦. 嘩! 原來係有酥皮蛋撻賣呀, 見到佢門口貼左好多人名人推介, 就心動買左半打黎試下. 排隊果時仲見到有其他餅點, 有菠蘿包, 椰撻. 所以買多左個菠蘿包試下, 咁岩原來菠蘿包新鮮出爐, 即買即食, 真係好正!! 個包好軟而上面既菠蘿包皮亦好鬆化!! 真係好後悔只係買左一個!! 個包size 算大, 但真係好好好好好好食!!番到屋企再試個蛋撻, 個酥皮好酥, 唔似其他餅店咁吸哂倒汗水黏埋一齊. 個蛋漿好香蛋味亦好濃, 一食已經知道係好足料! 第二日焗番熱剩低既蛋撻食, 味道同質感一樣無變, 價錢亦好街坊. 就算佢唔近地鐵站我下次都會特登過去買!!

趁著十月首日的假期，不到尖沙嘴去與人擠人，反到想去個日月星街，走走看看這日月星載下香港特有的風格，在天地圖書附近的電車站下了車，朋友推薦在灣仔有50年歷史的餅店。走在皇后大道東上，眼前特有的花磚牆與地磚，貼著玻璃窗面的蛋糕櫃，各式傳統麵包發著光芒，所以吸引著排長龍的人潮。點了兩樣麵包亦才10元出頭（1）肉鬆麵包捲，真是好味道，東方的肉鬆配上蛋糕捲內的蛋白、生菜與沙拉醬，好似吃上一個中西合併的三明治一樣，絕對是最好的下午茶主角（2）蛋糕麵包，金黃發光的色澤，以及蓬鬆口感的蛋糕體，即使放了隔夜作早餐，依舊是蓬鬆柔軟的好味道Happy Cake Shop 讓人有快樂的心與健康的美味

在灣仔我總會掛住快樂餅店，每次經過門口，不論幫襯與否，我都會在門口自問自答:「你快樂嗎？我很快樂。」 這家經營超過30多年的港式傳統老餅店，是港島區朋友的童年回憶，我呢位九龍人只在成長後才認識。快樂餅店最出名的是菠蘿包，但今次我想返回兒時，懷念著小學時期每天的早餐“腸仔包”。佢哋嘅腸仔包跟之前的味道還是一樣，包面是甜甜的，咬落去麵包是軟綿綿的，腸仔是雞肉腸帶點微微的鹹味。每次吃完快樂餅店的麵包，我的嘴角總會向上的。

而家小朋友朝早返學就食M記早餐、茶記早餐等等，我地以前細個邊有咁幸福，細細個返學，媽媽都會買個港式包俾我邊走邊吃。記得小時候，爸爸愛吃雞尾包（喜甜的大男孩），而我同媽媽最愛就是墨西包，佢有菠蘿包上面的酥頂，但沒它的硬同𠝹口，所以由細到大都係食佢。到今日廿幾歲人，問我最好食的墨西哥，我會揀去親灣仔，經過必食的快樂餅店。當然比以前貴左，不過其實都是4.5蚊。真心灣仔區平價小店。一拎起佢個包，咩小時代的回憶都返哂黎，鬆軟、牛油芳香、小個子的，睇都已想食。食落去一樣，奶香的酥頂，綿密的麵包，兩口一個，一點也不難。越吃越令人懷念，同時亦越感憂慮，在這金錢世界，那些小店還可以生存多久，有時害怕那些小回憶就這樣默默被洗刷掉，一絲痕跡也不留。

儘管近年灣仔區變天，由從前的平民區，首先是變成商業區，然後在喜帖街重建後，便成為了一個豪宅區。這種變化，令到灣仔區變成一個包羅羅有的社區，既有為平民服務的小店，也有為達官貴人服務的高尚食肆。城中某富豪經濟去飲茶和吃高級中菜的餐館，其實也是位於灣仔區的。位於皇后大道東的快樂餅店，是灣仔區有名的老店，更不時成為媒體訪問之對象。儘管灣仔的發展一日千里，但在皇后大道中趷立近41年的快樂餅店，至今仍甚受平民歡迎，客戶不乏街坊、工人姐姐及學生等。她們幫襯快樂餅店，除了是想一睹其名氣和以往的媒體訪問紀錄外，更重要的應該是其產品取價親民，性價比高。事實上，不少在皇后大道東一帶的上班族，也是快樂餅店的客戶，她們或買個餅來作午餐或下午茶，甚至是用作散水餅之用，經濟實惠之餘，又不失霸氣﹗ 當然，如果有朋友在皇后大道東上班，到快樂餅店買個餅件，作為探班的伴手禮，其實也是個不錯選擇。對於在皇后大道東商廈上班的朋友而言，能夠一貼地氣，嘗嘗快樂餅店的酥皮蛋撻，來個簡單的下午茶，也足以為繁忙的生活調劑一下了﹗，平時有不少街坊、學生、甚至是主班族幫襯，除了是想一睹其名氣外，餅店的產品性價比高，取價實惠會是更重要的因素。

麵包控發作一連幾日食左幾間麵包店💗好開心呀！今日過左海順便去左呢間之前「東張西望」介紹過既老店！幾驚佢唔開呀！鋪面夠晒懷舊懷舊💫一去到已經見到店面好多人好多包😂門口已經有個令人即刻想買包包既櫃😍втw我都係比佢既奶油筒吸引過黎買既！😂入去見到大部份麵包都放在鐵盤上，欠缺點衛生但舊式就是這樣風味搭夠！👀奶油筒 $7幸好尚未售罄😝！即買即食都錢輕！成個注滿奶油，奶油超香唔膩🙆🏻‍♀️酥皮外層帶點牛油香食落好鬆化！好мaтcн нυн нυн!比想像中好食！呢款幾乎絕跡了買多左個墨西哥包$4.5。雖然不是熱乎乎！但脹卜卜，表面皮脹卜卜，又甜又鹹口感香脆，包身又鬆又軟！老闆堅持每爐只做一盤，賣完再焗💪🏻位於灣仔皇后大道東的 <快樂餅店>！入面既價錢比我想像中要貴！可能是地區問題吧！但第一次買食完都挺快樂的以前真係好平！見證歷史變遷既小店賣少見少呀

為了要等候Bakehouse的scone出爐，我在灣仔四周逛街，路過快樂餅店。實在是久仰大名，卻從未幫趁。既然旨在消磨時間，便進店內看看。這是間傳統舊式的麵包店，出售的包餅款式，亦頗懷舊，很多現在其他店已沒製作。例如網友說的奶油筒，還有我兒時很喜歡吃的炸牛肉包、十字包等。我見到咖哩角剛出爐，大大隻才賣$9，便買了一個來吃。酥皮要用大量牛油製作，才能做成一層層的效果。老實說，這個咖哩角的酥皮，與我剛才在Bakehouse吃的牛角酥，分別其實不大，也許是我不識食吧！咖哩角內只有很少餡料，因為只賣$9一個吧。我亦懷疑，那些是豬肉餡，傳統的咖哩角，似乎應該是用牛肉的，但又是那句：只賣$9一個啊！離開店後，我的感覺是快樂的。因為明白了，原來$9一個的咖哩角，其實不會比$18一個的牛角酥遜色呢！

早前，睇到電視節目「東張西望」介紹香港的傳統小食！訪問了一些屹立香港多年的老字號小食店！當中，有間食店供應奶油筒，令我蠢蠢欲動想買來一試！ 於是，節目完了，我便留意鳴謝哪些食店？！終於找到供應奶油筒的是位於灣仔皇后大道東的 <快樂餅店>！快樂餅店趁當日跟公司老闆及老闆娘出席個客 2:30 的下午茶聚，下午茶聚總算夠飽；我去灣仔搭巴士之前，順道走到灣仔皇后大道東的 <快樂餅店>！不過經過利源街的 <奇華餅家>，卻被那熱辣辣香噴噴的期間限定咖啡奶黃月餅而吸引買番個即食！ 不足 5分鐘，便到達 <快樂餅店>，仍不減我對買奶油筒的意慾呢！在香港，好似 <快樂餅店> 這類型的老字號餅店實在買少見少！ 加上連鎖集團壟斷之下，競爭更大！難得 <快樂餅店> 仍然屹立不倒，可見其實力所在！這𥚃有很多選擇，而且工場就是店子後面，麵包新鮮出爐！街坊價錢，貨真價實！至於衛生方面，放在鐵盤上的出爐麵包，如果有透明膠板蓋上會比較好！ 否則隨時有烏繩飛來傳播細菌！奶油筒 $6幸好下午 6:00 經過尚未售罄！我實在忍不住

去探朋友班， 經過皇后大道東 買兩個蛋撻上去蛋撻就咁放係櫃面 以為會凍凍地 點知攞上手仲熱一個$4蚊 有名的店還要在商業區裡還可以有這個價錢 難得牛油皮鬆化 鬆到攞到佢街尾比朋友時 已經烈左d皮和蛋的比例ok 又不是太甜！