悅木 (已結業)

中秋佳節.lunch約埋同事出街食當做節！今日行到黎灣仔呢邊.而呢間越南餐廳都不是第一次來了！以呢邊區既價錢來說都算差不多吧.有小食、主菜同飲品.份量也多.再加上味道也不錯啊！午市套餐： 有小食、主菜同飲品小食叫了魚餅拼粉包 （記得之前是粉包還粉包的（會有兩舊粉包啊），沒有拼魚餅的.但我覺得可以拼魚餅比較好！因為兩舊粉包的話實在太飽了）而粉包皮薄裡面足料.很好吃！反而魚餅就覺得不夠彈牙和淡味了少許）而幾個同事們都叫了香茅雞翼！香茅味很香.而雞翼份量居然有三隻！每次來都一定要食生牛肉湯河 - 牛肉湯底味濃、牛肉份量也有四至五片、肉嫩！而蘿白係超級入味..沾滿湯汁.一流👍🏻👍🏻😋😋 同事們點了香茅豬扒湯檬！湯有鮮味！而豬扒煎得香口！飲品 - 三色冰同青檸梳打

周六一家人難得整人去食飯，但太臨時臨急到到都要排隊，架車兜下兜下去到灣仔，經過呢度見暫時未爆哂位，就入去試下啦~基本上餐單上有好多選擇，所以有選擇困難症嘅我地揀野食都揀咗好耐，最後點咗幾樣菜~首先，有我覺得其實比較似係泰式嘅菠蘿炒飯呢道菜就好少死人嘅，的確亦都幾好食~泰式小食，有春卷，有米卷，有魚餅，有札肉片，不過不失啦~吉列豬扒配蕃茄炒飯，亦是不過不失之作~大蝦炒粉絲，隻蝦真係幾大隻好味~咖哩羊架，係我最滿意嘅咖哩汁好好食，而且夠多，叫埋個薄餅黎配呢個咖哩汁，一流~一個小食，四道主菜，加一碟薄餅，承惠太約900大元，環境舒服，算是滿意~題外話話說當日家中有兩隻馬騮跟住食飯，小朋友食飯鐘意走黎走去大家都知有幾討厭啦~ 呢度嘅員工原來對呢D馬騮有所準備，當場有朱古力氹下Ｄ小朋友，幫助話比佢地知，如果乖乖地坐定定食完餐飯就可以食朱古力，又久不久過黎同小朋友打下招乎玩下等佢地乖乖坐埋位，呢下真係好滿意佢地嘅甜心服務！

N 年前食過老趙，今回有幸再試，不過佢叫悅木 (under 老趙)！看餐牌價錢有平有貴，一於試佢嘅生牛河，最普通的越南粉，睇下水準如何。呢碗生牛肉河，都算大碗，仲有青檸和紅椒粒上檯，隨個人喜好而添加。牛肉份量都算 OK，也夠 "林"。河粉好滑，個湯底最驚喜，入味得黎唔會太味精。反觀碟雞翼就失色啦......本想叫牛油雞翼，但礙於價錢而卻步，轉叫了香煎雞翼 。<*香煎雞翼 ($64 / 4隻)，牛油雞翼 ($78 / 4隻)>味道方面沒太特別，太乾身，就好似一般家常便飯的煎雞翼咁樣。呢個價錢，即係成廿幾蚊一隻雞翼，的確有點貴！

自從整結婚請帖後 都未去過囍帖街 今次重建之後第一次 原來已變成好有味道的地方。雖然天氣 陰陰地 地下 濕濕地 但係感覺好悠閒。多咗好多特色餐廳 如果要全部 都食過 真係要嚟好多次啦。不過今次我冇係囍帖街食午飯 反而係路經嘅餐廳越南餐廳 悅木。餐廳滿座 但係坐低之後都覺得好舒服 因為張枱好大 所以同隔離之間都好有空間感。我最鍾意食嘅係油泡筍殼 條魚好多肉 好嫩滑 香茅味香 大大條好好味。可以食多幾次 因為太多客人侍應生真係太忙 所以煮錯咗碟菜 問左之後都唔想佢哋太麻煩 也沒所謂吧！ 點知道最後 佢哋請我哋食甜品。 感覺好溫暖 雖然個甜品沒什麼特別 但個樽就好得意 多謝佢地既心意。下次會再去 相信還有很多美味食品可以一試

去開灣仔。周圍行睇下有咩食。食得太多西餐所以想食下亞洲菜。見到呢間悦木，朋友話老趙好出名，咁就試下呢間。四個人可以叫多d 野食。拼盤有d 油。搞笑地係無俾碟仔我地用黎點魚露。個扎肉幾好，略嫌薄左少少。馬拉盞通菜！正常！但當我地問有乜菜可以馬拉盞炒既時候，佢話西蘭花，我嚇左一跳！到底係我見識單薄，定話佢用既菜比較奇怪。因為我多數只聽過係椰菜苗同通菜。蒜蓉包夠脆。用黎點咖哩就最正！多就多咖哩汁喇！但羊架就得兩舊。大蝦青木瓜沙律。青木瓜好爽甜。中蝦嗅到好香既燒烤味。侍應叫我地一定要點汁食。但我同朋友都覺得個汁似生蝦刺身既汁，同呢個沙律唔夾！好彩無倒落個沙律度。本來有諗過試下佢個榴蓮黑白糯米飯，但最終都係覺得太奇怪無叫到。

环境很好的一家餐厅，午餐价格还可以接受，加上服务费大概120-130。大概可以参看上图。饮料味道有些奇怪，上边是椰奶。底下不知道是什么，不是很喜欢。前餐的鱼饼很推荐哦！味道很好，应该是炸的，很好吃。主餐我觉得更像新加坡风味，laksa，不知道为什么会出现在越南餐馆。但是味道还不错，不是辣的

之前食過的越南午餐唔好味，朋友話不如試下很久也沒有探訪的悦木試下。我們很早以前都食過這間越菜，套餐是可以的。今日再次光臨，價錢當然是貴左，午餐：香茅🐷撈檬，咸O7喜，魚餅加粉包各一，$114，再加一。冇味，要加魚露才好少少。味道可以。不過人手不足，等很久都沒有人招呼。叫嘢食都要不斷揮手。最令你不安的是你食嘢時如坐在街市內，好嘈。可能是樓底高的關係，聲音侷在大堂內。會唔會再去，隨緣吧！世事無絕對！

Waited for 20 mins for a rare beef pho (which should require next to no preparation), and it had very little content. Not worth the price and the wait.

Tried this place during lunch time weekdays. Got special lunch set from 100 to 180 ish and it is kind of nice. The waitress ignored my request of not having sauce on the salad. An acceptable place but not quite impressive yet.

今天過開灣仔，梗係揾下的frd食飯啦。岩岩Lunch 時間灣仔呢的寫字樓區真係周圍都係人呀，想揾個傾到計又坐得舒服既地方真係唔易。好在經過呢間越南餐館，見的裝修都幾好，可以坐得舒服的就入去試下啦！食越南菜點可以唔食生牛肉湯河呀，湯底香濃又好飲，河粉滑Do Do!不過的牛肉竟然唔夠滑呀，可能🐂太瘦了。個set有小食及飲品，要咗個炸春捲，不過一般啦，朋友要咗個沙拉就梗加唔得喇，其實係汆菜一碟加的沙拉醬至於飲品就足料喇，我要咗個咸檸七，咸檸檬好夠味，朋友嘅椰汁綠豆冰都好正

收工同好友兼同事到灣仔區搵食，灣仔區好怪，入夜就無乜選擇！今次呢間越南菜格局高級，白門面，入內似西餐廳格局，燈光昏暗！靜靜的幾啱傾偈！餐牌有啲食品平常少見！今次每人叫一樣！加一杯飲料！檬要（$98）蕃茄蟹粉湯檬，好濃香蕃茄湯，加甘香蟹味，米粉爽口，掛湯一流，三件蛋餅內有啲豬肉加蔬菜！索湯一流！好好味！越式煎薄餅（$128）賣相特別，真係第一次食呢種越南薄餅！店員講解點食！爽脆生菜包住部分薄餅，加南瓜天婦羅，淋上酸醋汁，煙韌薄餅內有鹹香豬肉，蝦肉正常鹹香好味！食落有層次，每種味道又唔相衝！南瓜夠甜！雖然外皮唔夠脆！整體好味！香茅特飲（$36）熱飲！香茅味好濃，唔太辣，味道偏甜！好味！鹹檸檬梳打（$40）朋友飲食物有驚喜，店員有禮斯文，我問薄餅點食，店員都好有耐性講解！靜靜的一餐！

從前這兒是我和hubby吃越菜的必然選擇，今午一訪，餐廳差不多座無虛席，人頭湧湧的。和平日寧靜的環境成一強烈對比。 越式春卷：大小適中，不會太粗令你食得狼狽。春卷皮薄香脆，內有甘筍，粉絲蝦米等，咬落仲有濃濃芋香，同香菜香料的味道。春卷包上生菜沾汁同食：生菜不但減低左肥膩的感覺之餘，又增添爽脆口感。非常不錯！ 生牛肉粉：湯底清澈，帶濃郁牛骨甜味同肉鮮味，這湯底認真不錯。牛肉份量適中，全是薄片。上枱之時，所有牛肉已經熟透了，變得有點老。蘿蔔清甜軟稔，索曬湯的味道，非常不錯。河粉非常滑溜，既軟滑又吸到湯汁，真的好吃！

今晚去過兩間餐廳，都因為唔同原因無食到走咗，最後去到呢間悅木。兩個細食嘅嘢叫咗一個小食拼盤同沙嗲牛肉河。等咗陣，小食拼盤送到，我哋由自己唔鍾意嘅嘢食食起...我嘅選擇係：蒸粉包 - 蟹肉金磚 - 春卷 - 蝦片豬肉，但食完之後真係要重新排過：最好味係蒸粉包 - 蝦片豬肉 - 春卷 - 蟹肉金磚。原來蒸粉包係最好味，皮薄餡多，仲有香葉味，非常好味。而蝦片豬肉因為留到最後先食，所以蝦片已經＂淋＂咗，但依然好惹味；春卷有用生菜包住食，但無咩味道，比普通嘅春卷仲要普通；蟹肉金磚...無話可說，如果唔係睇番個餐牌，根本唔知係蟹肉，顏色味道賣相完全同蟹拉唔上關係。另外仲食咗沙嗲牛肉河，OK，只係湯面比較多油。

衆裏尋他千百度，嚐過大連鎖店和老舖的湯底，終於在灣仔找到合意叫人回味的牛肉湯粉。餐廳設計modern,絕不會櫈背貼櫈背，有適當的空間。是曰叫個二人餐：粉卷，牛肉湯河，濱海同蔗蝦。這兒的湯濃厚帶肉香，是食過所有越南餐廳中第二出色。它比最好的安南就是差在牛肉的質地，肉的生熟和厚薄都ok但有點鞋。蔗蝦超大件，蝦肉爽而彈牙有如小小狼牙棒，粉卷也交足功課：足料粉皮薄而透亮。豬肉濱海脆香惹味。總括來講，他已變成我定期光顧的餐廳，無得輸

明明只是五天無見，卻像大家無見了很久很久，可能因為連續幾天假期都見不到，便覺得特別長。今天去了約會初期曾講過好想一齊去的星街，終於兌現了。男A對女A就是有這一分細心。本想在星街找間貴價店食野，但女A 為男A荷包着想，落了一條街，找來這間看來平價一點，但裝修很悅目的悅木。抵錫!我們只點了兩個菜，分別是越式拼盤和豬扒凍檬，不過最後都食唔晒，可見份量之大。而豬肉咬口鬆化，只是略咸。越式拼盤賣相漂亮，一共有四款，都係大大份的。其中最特色和美味的是蛋、肉鬆和粉絲混合的糕點。入口的感覺似曾相識，想了很久，才想到有點像日式甜蛋，咬過去略有彈性，兩頰牙齒一邊緊合，肉汁就一邊唧出來，再有一些爽口的粉絲，很好吃。可是蝦片那小點的蝦片已淋，而另一個小點的粉皮太厚，唔好咬，都要扣返分。但今次就要加女A分了，女A幫男A夾豬肉檬，還細心地將食材排好，甚至將所有有骨的豬扒給自己，剩肉才給男A，真體貼。