惠比壽本店

營業中

休息中

除左葵廣美食之外，其實一直都唔知葵芳有咩可以食，今日lunch time同事就帶左我黎食日本野🇯🇵環境幾闊落，光線亦充足，就算六個人一齊食飯都唔會覺得逼夾，不過又可能因為餐廳可容納人數多，有啲啲嘈雜，同埋侍應都好似唔係太應付到尼個客量，但係出餐都快既。香蔥鮪魚蓉丼🍣$98鮪魚蓉足料，飯量都多，我黎食過兩次都無一次可以食得曬成碗飯，另外仲有配味噌湯同沙律，以一個午餐黎講實在滿足。另外食完會比番兩張卡仔比你，可以送小食/飲品一份，仲有外賣優惠。以香蔥鮪魚蓉丼為例，外賣價係$62，仲會送番味噌湯/飲品，唔知點解可以平咁多，下次會考慮叫外賣。

葵芳是一個交通發達，以「掃街」為主要特色的地方，相對之下堂食顯得稍弱，經常流連後更加是難以列舉一二。之前友人曾笑說：「用得地方名開鋪既日本餐廳都唔慌好食」，所以惠比壽一開業時都沒有太想嘗試。然後經過時再次留意到佢的餐牌，非常多樣化，串燒、壽司、石鍋等菜式都有，終於決定試試佢。第一次來，母親節晚上七點左右，座無虛席，食物都大概要等半小時以上，員工主動送湯，彌補了我們的饑腸轆轆。推薦大家試下毛蟲卷，牛油果加上鰻魚，很好的配搭，毛蟲頭有特別裝飾，形神味道俱備。第二次食就食左火灸三文魚沙律、野菜串燒盛合和西京燒鱈魚，鱈魚油香充足，醬汁不會太咸，好食。葵芳人如果食唔到壽司郎，係呢度會有另一選擇！

搵下葵芳附近有乜食，無意中搵到呢間日本餐廳，平時都好似唔覺有咁，今次去試吓，仲可以去openrice book位。去到，都冇乜人食，可以直接入，仲有卡位坐。店內佈置帶日本風。大餐牌入面都好多食物選擇，丼飯、熟食、炸物、串燒、小食、燒物都有。另外有套餐同埋限時半價優惠嘅食物。我哋2位，只可以揀一款，就揀咗白身魚薄切。白身魚薄切12片，半價後$69的確係有12片，薄切真係透明到碟都睇到不過，係好食的，好香魚味，口感都唔錯，唔會太膠，又唔會係好淋冇口感個汁酸酸地，配埋幾好食半價算好抵食北海刺身丼 $218首先要讚個海膽好鮮甜，零腥臭味，色澤亦好睇，係當中最好食三文魚腩夠厚有口感，夠肥美好油香，都係正，第二好食跟住係帶子，都好鮮甜，唔係雪到冇晒味三文魚子，難得係鮮甜得嚟唔咸蝦，幾大隻，鮮甜，不過啜埋蝦頭入面啲膏就有啲腥蟹肉，唔係凍冰冰，都有蟹味呑拿魚，雪到有啲硬好似未完全解凍，同埋多筋串燒叫咗牛舌、帆立貝、鰻魚牛舌一流，大塊，算厚，但唔會咬唔開，好香牛舌味，而且面頭都燒得超香帆立貝，肉質唔錯，但個汁奇怪，有啲苦似藥酒鰻魚，都燒得好香，冇骨和牛溫泉蛋飯整爛咗隻蛋用嚟撈飯最正和牛估唔到都有成8塊左

位於葵芳匯一樓的惠比壽日本餐廳，開業一年多都未有機會嘗試，趁今日假期就去試一試個 Lunch set ,餐廳地方頗大 設計簡約，大部分座位是卡位，卡位空間感大，枱夠寬闊可order多d食物亦夠位，我點了燒花魚一夜乾，先來麵豉湯和沙律，湯味較濃而沙律菜新鮮爽口，花魚燒得乾身，魚骨魚皮好香口魚肉非常嫩滑加上檸檬汁更加鮮味，我非常喜歡😍老公就點了牛肉壽喜燒，大大塊的牛肉口感軟滑充滿牛肉味，窩內還有雞蛋豆腐菇類蔬菜及薯粉大量配料，加上甜甜哋嘅壽喜燒汁，配埋白飯相當美味😋 還試了兩個小食，炸雞炸得不太油膩雖然外表乾身但內裏充滿肉汁，相當唔錯👍， 茶碗蒸內有本菇,蟹柳,蝦及雞肉，蛋蒸得相當滑👏餐廳雖然員工唔多，但服務殷勤及態度親切， 值得一讚!👍

葵廣附近另一個好選擇～葵廣多小店就眾所周知啦，但係如果想試下價格稍高既嘢，就可以稍移玉步，過去附近葵芳匯呢間啦～💟 炙燒三文魚牛油果漢堡 $75 (7/10)首先講漢堡啦，呢種西式日食其實幾搭～三文魚都燒得幾好味，加埋牛油果食都好Fresh，而且其實佢有薯條配，都唔錯。不過我就嫌冇咩醬汁，淨係得牛油果其實有d dry🤨包又冇乜味，或者喺三文魚到落d醬汁會好d。因為似係用魚生既三文魚做🤣所以係有三文魚鮮味，但係就好淡，適合輕淡口味既人食多d。💟 燒和牛溫泉玉子丼 $138 (8/10)呢個相比下就濃得多，因為肉味都好足，和牛既咬勁都好足，同醬汁配搭都好夾。而且有流心蛋送飯，就絕對唔會難食得去邊🤣 店內氣氛都唔錯，裝修好精緻，坐得都好舒服。如果漢堡有多d味就好啦，不過都幾好味既～

呢間店係葵芳匯到成日經過都唔知呢間野係入面個棟大廈跟本經過都唔會入去🤣直到係openrice留意到見到啲comments 都好似唔錯咁就去試下戈日上到去就直入一入到去坐低店員就左碟沙律比我地食住先然後嗌左個2號set再加左個餃子，溏心蛋，茶碗蒸（除左蛋其他兩個都冇影到）灸燒戈個壽司好好味應該係左口魚黎～其他冇乜特別正正常常但係中間最右真係麻麻地好似擦子膠🥲溏心蛋好好味如果去可以叫同埋8蚊1粒都幾抵至於烏冬應該就係半份黎湯底你預好似出前一丁豬骨味咁總體黎講正正常常不過不失對得住價錢經過可以試下唔需要專登去🤭

喺樓下見到有人派優惠券，就上咗去食佢攞優惠券堂食就送兩件三文魚刺身今次叫咗四款嘢食彩虹卷 佢又唔同嘅刺身包住個卷飯有三文魚油甘魚吞拿魚但唔知係咪因為太薄嘅刺身關係 咁樣包住係食唔到魚嘅味道啲魚都有少少雪藏味 咁樣捲埋淨係食到啲飯味不過個顏色擺盆就相當之靚嘅海鮮盛盒串燒相信睇相都得出 燒到相當之乾身食落有啲鞋口 我覺得係有overcook牛油果吞拿魚丼佢依個份量都幾多 好多片牛油果 同有五片吞拿魚吞拿魚係赤身 不過不失啦 不過如果對吞拿魚有追求嘅就可能麻麻哋燒三文魚骨我覺得成餐最好食就係呢個啦因為將三文魚燒得好香口食落有魚油嘅香味 好好食呀依個落咗少少鹽吊味 味道啱啱好囉

食咁多次堂食同外賣都瑋樣保持水準，服務態度好，食物質素好，仲要價錢合理，份量都剛剛好，特別是燒串燒都是好好味，堂食非常好。lunch 都是好抵食，有時外賣仲送野飲。

今天週日之前同朋友相約了早上荃灣千色店等，搭小巴出發去荃灣天后宮拜神，大約12時到達天后宮，祈求家宅平安同各方面順利，1時離開天后宮，搭巴士落葵芳新都會廣場影相，未影相前我們吃一吃Tea先，今次吃這間，朋友之前吃過好味同價錢不貴，搭電梯到了門口，給我觀感，環境應不錯，入到去，坐位很寬倘，好清靜，我們看了一會餐牌，我叫了燒豚肉丼配凍檸檬茶，朋友叫了叉燒拉麵，豚肉大塊同厚身，很香豚肉味，飯很有醬油香味，叉燒軟熟同香叉燒味，拉麵滑同厚身，很有口感

本身諗住去葵廣掃街，但撞正紅日成個葵廣人頭湧湧，於是都係決定正正經經搵間餐廳坐低食餐飯。除左葵廣之外，其實對葵廣嘅認識係0，所以都係決定上網睇下附近有咩餐廳。誤打誤撞之下就係到呢間惠比壽，而且又見網上啲Review唔錯，所以決定衝出葵廣試一次。果然同網上評價一樣，價錢真係大眾化，絕對唔係天價個啲日本菜，而且選擇超多，肯定有一款啱食。🟡 鐵板牛舌牛舌夠晒淋，而且亦都好夠味。底下啲洋蔥絕對係精粹，炒香左再放鐵板上面，香氣十足。🟡 惠比壽海鮮丼刺身足料而且夠新鮮，呢個價錢有劍魚同拖羅絕對係性價比之選。唯一挑剔嘅地方係啲飯唔夠飽滿同埋濕左少少，但上面嘅刺身絕對可不彌補啲飯嘅不足。🟡 鰻魚玉子燒蛋香十足，玉子燒嘅質素好高，但鰻魚就比較薄身。順帶一提，呢到冷氣都開得幾大，有啲凍之餘，啲熱食上枱之前都keep唔得耐就凍晒，所以熱野一上枱記得要食先

點了一個2人餐，小食揀咗蟹籽沙律同刺身，主食揀咗吞拿魚蓉刺身飯，同豚肉石頭鍋飯，個餐仲有2碗麵豉湯，再額外order2個小食，雞軟骨炸得好香口，好味👍(喺網上訂咗位，去到時都有話到係喺OR訂位，餐後竟然收到Email話我未有出席☹可惜我冇影到收據)

惠比壽响葵芳匯開咗一段日子，但位置比較隱蔽，鄰近嘅葵廣，新都會又有把競爭，平日行過路過次次都錯過。所以今日專登去試下。惠比壽走中價街坊路線，但性價比算高，大件抵食絕對對得起個價錢（$）。店內地方闊落開揚，光線充足，環境寧靜，感覺舒適放鬆。服務方面，街坊街里親切友好，細心周到。香蔥鮪魚蓉丼定食（$98）鮪魚蓉非常大手筆，厚厚一層，鮮味濃郁，壽司飯量足，配味噌湯，沙律，飽肚感＋滿足感爆棚。牛肉壽喜燒定食（$118）牛肉有4大片，鍋底有大量蔬菜，定食再配雜菜沙律、味噌湯、白飯。醬汁偏甜，牛肉鮮嫰，份量都幾多吓，一個人真係好吃力。特上壽司配烏冬定食（$112）10件壽司配湯烏冬。壽司有甜蝦、三文魚、油甘魚、鮪魚蓉、三文魚籽、帆立貝、池魚、吞拿魚。款式多而且幾新鮮，入口常溫，唔似坊間有陣雪味又凍冰冰。套餐配嘅烏冬湯底係豬骨濃湯，烏冬滑溜有彈性，食完生冷嘢再食熱烏冬，成個人舒服晒！追加炸雞（＋$18）皮脆肉嫰，值得追加。加洲卷（＋$26）只有3小件，偏貴又一般。蟹籽沙律（＋$28）青瓜，蟹柳都好多，但套餐已經有沙律，所以可以唔叫都得。甜品 - 黑糖葛粉糕（＋$28）葛粉糕係熱嘅，配黑糖＋黃豆粉，傳

9月又是忙忙忙，小學活動日、zoom 撞埋一堆，原本計劃星期日要休息，不過豆釘好慘話自己好似好耐無去過街（返學、興趣班果D唔計架咩😒😒）竟然揀咗一日36度超炎熱去沙灘🏖️ 大家都溶咗⋯⋯晚餐一定唔可以虧待自己，入咗 惠比壽 （想試好耐了）因為無訂位，所以安排了近吧臺的4⃣️人台，全程我哋都好熱，已經分唔到係冷氣問題，定自己問題🥵🥵 （記得訂位❣️❣️）點咗二人餐同一個烏冬。魚生有新鮮感，平時好少見日式餐用。（三文魚，蝦子，吞拿魚蓉，甜蝦不計，我也不肯定名字😂😂）好鮮兼厚切 😋😋刺身丼 😍😍石頭飯有飯蕉，好正 豆釘最愛烏冬口感似 真打烏冬來張合照，豐富嘅晚餐，仲配有蝦子🦐沙律和麵豉湯總結，除了室溫，位置不太ok, 一切都不錯以呢餐結束🔥熱熱一日，心情愉快🙆🏻‍♀️🙆🏻‍♀️👨‍👩‍👧‍👧👨‍👩‍👧‍👧

途經葵芳 路過嚟過快午膳雖然話係小店 但其實座位都唔少環境裝修並唔似傳統日式店舖有吧枱 及卡位選擇裝修比較新穎 似餐廳格局估計可以容納差不多70至80人但亦都唔會太迫 通道闊落12點幾午膳時間已經全場爆滿大堂要排隊攞飛等位午市 特上壽司配烏冬套餐十件壽司 加豬骨湯烏冬 及前菜 價錢115 蚊 另加3蚊有飲品剩計份量食呢個餐旺角 尖沙咀一定唔得至於壽司質素係唔差的種類亦多 魚生新鮮 手握飯團適中性價比係高嘅葵芳區食肆 唔算高級日本餐廳以咁嘅質素同地區算係唔錯可以考慮試埋晚市

好耐冇去葵芳shopping， 星期六放工喺葵廣行咗個圈，發現好多舖頭都唔同咗，行吓行吓原來都已經3點，朋友話穿過天橋附近有間惠比壽都幾抵食，於是就行過去望吓！一去到樓下有人派傳單，傳單上有coupon，送飲品/小卷等⋯。上到去見到裝修都幾舒服，而且下午茶時段人流唔算多，我同朋友安排坐近窗嘅卡位！舒舒服服食個lunch最後叫咗兩客下午茶，用coupon加咗個三文魚小卷我嘅壽司盛合，有6件壽司都係$60，真心抵食！朋友叫咗3件手卷都只係$52，大件夾抵食。可惜忘記影相。