意堡

營業中

休息中

自從3個月前發現此小店後每次想食漢堡都一定會去觀塘意堡加加埋埋都幫親左7次有多今次終於食到長期缺貨既 $60 豬頸肉漢堡 😍首先大塊已經不再出奇 老細真係不惜工本咁厚身而爽脆既豬頸肉真係第一次食到當咬到內肉時更係嫩滑多汁！皮脆肉嫩同時發生令我又又又再驚嘆呢種口感真係好奇妙 每咬一啖都會不斷細味$70 和牛漢堡已經第3次叫同款漢堡但一d 都唔厭倦即使每次材料及煮法都一樣但相比起快餐店既漢堡真係好味超多帶朋友嚟食過都話勁正材料簡單但老細廚藝發揮極緻

伴娘帶咗我嚟試完之後急不及待帶兩個同事嚟試吓先上次伴娘死都唔俾我嗌漢堡包我唯有帶同事嚟嘅時候自己叫🤣😂唔係講笑個漢堡包我覺得幾唔錯當然就冇其他有啲舖頭專門食漢堡包個漢堡扒咁Juice嘅但係我覺得性價比來講呢間嘅漢堡包都係不錯嘅選擇，而且我覺得佢嗰個沙律汁好特別其實有啲似千島醬但係又唔係另外墨魚汁意粉更加有驚喜我覺得比起我上次同伴娘食嘅卡邦尼更加好味而且綿羊同事係比較嘴刁嘅一個佢都話呢個墨汁意粉超好食👍🏻👍🏻

又係伴娘帶我去試新野嘅時候真係呢啲咁僻嘅地方，我係唔會搵到佢誠意推介呢間意粉但係我見到Menu嘅時候其實我想試漢堡包不過佢極力推介意粉好啦咁我就嗌咗卡邦尼啦佢就嗌咗黑松露意粉然後加$13係送一個小食同埋湯或飲品我哋分別嗌咗金菇肥牛卷同埋雞翼我發現我真係好鍾意食雞翼🤣😂個雞翼佢係半條，有四條，炸得啱啱好喊到適中，金菇肥牛卷亦都係好好昧佢呢度啲意粉嘅質地啱啱好，唔會過淋過硬啲汁又唔會太over👍🏻黑松露嗰個意粉仲好香添估唔到有幾隻蝦陪襯仲好爽口添卡幫尼仲有一粒帶子，好有誠意😛我覺得個湯都幾好飲雖然稀咗啲不過肯定係唔係沖水嘅只係地方就細咗啲容納唔到太多人

有格調既平價西式小店位置係宜安街後巷但好易搵, 門口光猛好易認開放廚房+吧枱設計, 店面最多只可坐6人, 門口都KEEP 住有人叫外賣老細整完即刻送上面前, 最直接既送餐服務食物仲係最熱既狀態即食, 個種感覺唔知有幾多人明(就好似日本居酒屋既感覺, 講唔出但會感動的)雞扒香草漢堡$43雞扒外脆內軟份量算大啖啖肉, 起碼唔似落左粉腌大份香草味道好足加埋個醬開胃又好味, 小小酸甜感覺幾吸引平時好小會食到雞扒漢堡因為真心好難好食, 呢間真係做得好好蒜香蜆肉意粉$40 好味過大部份西餐店蒜味好足蜆肉份量都唔算少意粉食到最後都仲有幾粒蜆肉算係唔慳皮個人中意再落多少少油但呢個意粉都算唔錯仲要呢個價錢真係冇得輸*下次再幫親都會叫老細落多小小油, 油油地重口味更正(個人口味)兩份餐都有加$13 轉SET (飲品+小食)野飲可以簡氣水, LEMON意米水, 餐湯推介LEMON 意米水唔會太甜仲有野咬下小食係肥牛金菇卷不過不失正常水準另一款係七味粉單骨雞奕, 4件, 好食2人晚餐埋單都只係$109, 大食小小加多份都仲係好平

見完客快食個飯再見人朋友食過推介比我，附近見完客就去試試，餐廳位於斜路巷仔，有點隱蔽，價錢平民價，裝飾簡單。衛生需要再改善.海南雞飯 $33 😋😋😋飯類送雜茶湯，今日咁熱想飲凍飲，加$5紙包飲品！飯不算多，雞幾嫩滑有雞味，女仔食剛剛好！.@spanglewith

小店只有5-10個座位 但係有開放式廚房 可以睇住老闆即場整嘢食🤩晚飯時間嚟到 見大部份人都係買外賣🤣 ▫️辣椒膏豬扒漢堡 ($48)漢堡包即叫即製 老闆仲有多年醃製調味嘅經驗🙊 豬扒都係老闆自己醃嘅 而且仲好大塊😍漢堡包上下都有烘過 中間仲有夾住蕃茄同沙律菜 加上辣椒膏帶出嘅微辣 更加惹味🥰小店性價比真係好高 海南雞飯同卡邦尼意粉意粉都係$50有找 一定會再嚟幫襯😋😋必食指數：7.5/10🌇餐廳環境：7/10⚓️服務態度：8.5/10

自從整咗個爛鬼限聚令，迫住夜晚無得坐低食，食野梗係襯新鮮熱辣至好味！尤其係食漢堡同薯條，食即炸至過癮！難得今日放假，梗係要坐低食啦！薯條-一上檯，搶慢啲都食晒！影唔切添，哈哈哈！和牛漢堡-肉厚，沙律菜+蕃茄夠新鮮，價錢唔貴，略嫌牛肉煎得唔夠耐，抵食！豬頸肉漢堡-醃製夠味，肉彈，夠juice, 醬汁配搭合我口味，超贊！我愛薏米水，自家製，唔甜，食完薯條清熱啱啱好！今日太飽了，食不下意粉或海南雞飯，尤其最愛$33超抵無骨海南雞飯。值得一提，套餐+13有小食及飲品，梗叫餐啦！性價比高嘅一間店，值得去試！撐黃店

呢間野價錢好抵，想試好耐啦。唔貴就一試無妨。叫左卡邦尼同沙嗲雞髀肉串加樽薏米水。返到屋企我唔係即刻食，但都好食，咁應該真係好食。返到去一開盒有驚喜，個意粉似西餐廳嘅款喎，意粉無煮過龍，個汁好食夠味唔稀，應該趁熱食仲好食，四十幾蚊絕對值。另外個沙嗲雞髀肉串仲好食，唔算好油，我有搵氣炸鍋翻熱，所以都脆身，但啲肉仲係好juicy。樽薏米水就正常唔太甜，啱我，無乜特別。呢間野性價比超高，絕對係係會返轉頭。

今天收工比較晚，唔想食正餐，所以係屋企附近搵間野食d小食，見到呢間意堡未試過，就比次機會佢。食完我覺得要寫一寫佢，因為價錢超值，食物質素超班，認真以後睇波都搵你地叫外賣先得。叫左個七味粉雞翼，雞脾肉串同粗薯條，首先比個價錢嚇親，雞翼同薯條都係$20，雞脾肉串就$13，心諗呢個價錢真係幾平，所以先叫3樣。黎到唔好講笑，雞脾肉串大到呢，食落好鬼juicy，又夠沙嗲味，出面咁嘅質素起碼20 30蚊，呢度13蚊有d嚇親，買返幾串返去送啤酒都唔肉痛，仲抵過買麥當勞！之後個雞翼炸得好香口，但又唔會話乾到柴咁，個薯條又係出色，夠脆又唔油，油溫控制得好好，加埋個黑松露醬，呢個配搭又真係唔錯，食唔停口。見唔係好多人知呢間野咁，真心覺得正所以上黎寫寫，下次黎試埋你地個豬扒漢堡先，見都幾多人叫佢。

今日星期日晚老公唔想煮飯，諗住求其搵間屋企附近餐廳外賣，無意間見到《意堡》，覺得幾得意就試下。嗌左卡邦尼扁意粉跟餐（汔水＋炸雞翼），芝士牛肉漢堡，海南雞半隻＋薑油飯，炸雞🍗脾腿肉。由落單嗰刻到取外賣回到家大約40分鐘，先講整體食物質素不錯，海南雞滑，嫩。芝士漢堡好食，唔柴juice.意粉不俗，略嚴乾少少、炸雞🍗腿肉好味。只係想講，啲食物全部都係暖偏凍，如果呢方面可以改善到就非常好。一定會再幫襯。

今晚一個人食飯，係度行睇緊食乜好，見到呢間主打漢堡同意粉嘅意堡。老實講，我係比佢個無骨海南雞易拉架吸引過去的，咁岩唔太想食飯，所以叫左半隻淨雞($70) 試一試佢，估唔到個雞咁出色！無骨啖啖肉，連雞中翼都去埋骨，認真抵讚，岩晒我呢d懶人。味道方面，雞肉熟透但依然好嫩滑，唔會浸到實晒，咸到適中，有味得黎都帶有雞味，加埋佢個自家制薑蓉，真係Perfect Match，睇黎以後加餸又多個選擇。BTW 隔離位都係叫海南雞飯，仲聽到佢話加錢upgrade 雞份量添，愛雞之人應該唔止我一個，下次叫飯都要學佢加雞先得，真係會食唔停口架！有機會試埋漢堡先，個雞扒漢堡望落幾吸引。

同事介紹，請吃漢堡，直接whatsapp 店舖送餐。我叫了個＄48豬頸肉漢堡。起初以為只是數片燒豬肉放漢堡包中閒。誰知打開包盒，給了個驚喜，喺整件豬頸肉夾在中間，還接近1cm厚。因為肉實在太大，突出了包的兩邊。豬頸肉燒得焦香，醃味剛好。夾了蕃茄和少許沙律菜包中間。包的上下都同樣烘過，吃時有烘香味。以這個質素，稍有裝潢的餐廳，必收＄80以上價錢。同事叫了牛肉漢堡，同樣讚口不絕。還說試過意粉也美味。下次必多再光顧。

宜安街有很多中式餐館，但現在已不是了，無意間在小巴路口看到斜路有燈光，行上去一看有間意粉小店，並且價錢不貴，只有5張櫈😆剛好有一個吉位所以進了去。簡單的餐牌只需$43元就可吃到卡邦尼扁意粉，加$13元可有小吃和飲品，選了七味粉蒜香單骨雞翼和檸檬薏米水，完全是大衆化價❤️意粉醬汁不多味道都可，反而那小食🐥七味粉蒜香單骨雞翼幾好吃👍檸檬薏米亦不錯。📍需時很久因很多外買單，在旁那些客多數是吃漢堡包及炸物，下次再試漢堡分享😆

小店細細間, 價錢親民, 主打港式漢堡包, 除咗有基本既牛肉漢堡之外, 仲提供雞肉、豬肉及素食漢堡。另外, 仲有意粉、飯類、小食。和牛漢堡🍔 - 即叫即烘, 芝麻包夾住和牛、芝士、蕃茄、生菜🥬。漢堡包份量足, 牛肉肉質嫩, 肉汁豐富, 當中的生菜和番茄中和了整體的油膩感。黑松露汁蝦仁扁意粉 - 蝦仁有彈牙既口感, 意粉充滿芝士粉既味道, 有輕微黑松露味。忌廉芝士汁配炸墨魚肉 - 墨魚肉有彈牙既口感, 配上忌廉芝士汁, 幾特別既組合呢!七味粉蒜香單骨雞翼 - 佈滿七味粉既雞翼夠哂惹味, 外皮炸得好香脆, 裏面既肉一啲都唔乾, 仲有油香。飲品方面, 可以試吓佢哋自家製既檸檬薏米水, 底下好多薏米, 唔會太甜~

Lunch time 咁啱行過牛頭角宜安街睇吓有咩食見到巷仔有間新開嘅小店原來係賣意粉 漢堡 同 海南雞飯見到價錢都幾抵食咁就試吓首先舖頭嘅內觀好有個性睇得出店主喺擺咗 d 心機喺設計度雖然冇卡位坐但一入到去個感覺好 warm 一個人嚟獨食都還可以係意粉之中黑松露醬配大蝦扁意粉一定係必食推介D 汁啱啱好夠 creamy 又唔會太膩扁意粉既硬度適中配埋個南瓜湯真喺好滿足 ( ´▽｀)下次要試埋漢堡同海南雞飯店主話佢哋每日一早新鮮煮雞埋單時仲見到街坊買海南雞返屋企睇嚟都幾搶手