意大利佬 (已結業)

在一條燈火通明滿佈大排檔的大街上，反而一間表面上毫不起眼，但它的招牌卻吸引了我。行到埋去，間舖不大卻坐滿了人。幸好有人埋單離去，我們便坐下吃了第一次在普通裝潢的餐廳食意大利餐。我們點了店舖推介的鮮蟹餅、很美味，啖啖蟹肉，推介👍👍👍跟住點了個忌廉汁帶子煙腩肉手制意粉，但因他們煙腩肉沽清，所以比多兩粒帶子我，Good good good!! 個汁同帶子都好好味，意粉亦做到al dente, 真係估唔到間舖頭仔做到呢啲水準～最後main course, 羊同牛扒，賣相不是很好，但又再一次給我驚喜～牛扒好juicy, 羊肉嫩滑，好滿足，好回味。總括給這間店的評價很好，食物好，服務好，得悉個廚由意大利學廚回來，夠正宗，又不失創意，是一間很有潛力的餐廳小店（一開始太肚餓忘記左影個蟹餅）

第一次去試，聽聞個大廚喺意大利返嚟，睇下咩料先!門口個招牌幾吸引，應該係用咗LED,七㸃五十入到去無得揀檯，俾人訂晒，地方唔大，坐廿人左右啦！自家製意大利麵，叫咗個帶子蟹肉飯，但係蟹肉賣晒話俾多兩粒帶子喎，ok!個意大利飯生生地，食得出個廚有少少料啦，帶子鮮味，仲有個忌廉汁麵，好香，好特別，個麵真係彈牙，最好味就係黑毛豬扒，好多juice,外脆內軟，正!個樓面有啲亂，得一個人做，果個應該係老板娘，順帶一提，呢間嘢同其他西餐有啲唔同，原來係無set揀嘅，我都有啲奇怪，有得揀咪唔洗揀得咁辛苦囉！哈哈!三條友四舊幾，呢個質素超值，有下次

為左呢間嘢第一次係openrice寫食評! 原因只為了大家唔洗中伏。見到fb食在元朗好多人推介，又話之前執左，而家再開番好開心，好期待！即係好openrice search 下啦，點知得一個post! 心諗可以新開番，未有好多人知，都去試一試啦！去到即刻有位坐低，星期五晚8點鐘都無咩人？ 開始聞到伏味。好啦，打開menu 睇下，價錢都幾貴，前菜都～$70 以上， 意粉同燴飯都一定過百！食左個帶子蟹肉意，墨魚汁燴飯，兩個前菜= $390， 蝶蝶都細細蝶，三個人食，食唔飽啦！好食都算，可惜一般都唔可以再一般！itilian tomatoe 都好過佢多多聲，起碼大蝶啲同有得跟餐！ 唔係想講啲咩， 只係覺得media 啲食評有打手成份！比個headup大家！完無諗過寫食評，所以無影相

隨隨而行…日光日白…好難發現會有間新開既餐廳…因為呢邊內街只有夜市先旺…見到門口餐牌咁抵食…一試無妨啦…餐廳入面裝修都比較簡單…再簡單d都仲有…咪就係成間餐廳只得兩個人lor…一位係唔係來自意大利既～佬…呢位佬就係會出黎上菜既廚師哪…另一位相信係獨攬大權既侍應小姐哪…係咪好奇...一d都唔奇…因為兩位係夫婦黎架…起初老闆娘無講到有散叫…所以我好快就叫左個set...後尾聽到有人問…先知有散叫咋…餐飲選擇唔多…係意大利果汁黎…得蘋果，橙，菠蘿…老闆娘好好人…居然有混合菠蘿橙汁比我選呢…味道都唔錯架…唔駛等好耐…熱呼呼既意式蕃茄汁龍脷柳魷魚意粉就送左黎啦…賣相都唔錯吖…仲有陣陣既香味添…意粉係扁意粉黎…柔軟度啱啱好…可以見到細緻既蕃茄蓉好平均咁散落係意粉度…味道有點淡…亦有點乾…反觀魷魚…有肥厚豐潤既感覺…彈牙又好好咬口…至於龍脷柳都幾大條…原來底面都有巧妙地煎過…面層睇落去好乾煎…反轉原來都幾濕潤…微脆之中帶一點柔…而唔係油…魚滑而不腥…整體感覺唔錯…除左蕃茄意粉略為少汁之外…都可以講得上係色香味美…快餐都做到咁有水準…相信main course亦唔會差…始終係新開張階段…期望將來快餐可