意樂餐廳 (新都城中心二期)

營業中

休息中

今次有叫到飛魚籽三文魚蛋炒飯，料好足，不過有啲淡，比較健康。蒲燒饅魚炒珍珠飯，珍珠米好有嚼勁，每一粒米都有饅魚汁嘅味道，不過饅魚吾多，都好抵食。凱撒沙律🥗好大份，啲菜都好新鮮，擺盆又靚。員工服務態度良好。衛生環境良好。價錢合理。

這天在寶琳的商場行街，肚餓就搵下午茶食下，Itamomo意樂的下午茶餐有啲都幾抵食。我今次叫左一個香草鮮野菌忌廉天使麵配熱即磨咖啡，$41.另外叫了一個鮮茄肉醬漢堡扒天使麵配蒜香牛油多士及熱奶茶，$34兩個天使麵的份量都相當不錯，食完都唔使食晚飯咁濟了，幾飽。味道不過不失，對得住個價錢。其中鮮茄的那個感覺更抵，才三十幾蚊，可以再食。另外，要讚讚佢地的即磨咖啡，質量相當不錯，見到枱面話選用來自巴西的咖啡豆，真係幾香滑，配埋都咁高質！

其實呢間野一直都有前科，嗰啲店員啲態度其實本身都有問題，不過就係因為啲嘢食還好，同埋近 ，所以通常都會食呢間嘅意樂，之前黎堂食，啲店員已經會唔秋唔彩，之後示意佢 我想落單，就會有店員叫第二個店員過嚟落單，之後個店員又會再叫另外一個，如此類推，我坐喺張枱等到3分幾鐘都冇人過嚟，淨係聽到佢哋係咁叫人過嚟，唔知係咪老細太刻薄佢哋，定係佢自己都返到好厭世，唔知！總之就好差！到後來會開始用外賣自取，當個Apps提示叫你攞單 ，但你行到過去攞嘅時候 ，原來係未搞掂嘅，不特止，仲要到10分鐘先有，佢哋係次次都係咁，冇一次係準時攞到，有時又會比錯餐，記得要切叫嗰個魚柳飯直情有個位係窿晒，又會有陣時突然喺外賣APP叫完餐，直接個Apps顯示話唔接單 話已經閂左添！再發覺收銀處比錢係唔使排隊，排緊隊其他人直接過嚟打尖都係當睇唔到 就係你哋啲員工 當冇事發生過 老細真係要多謝有呢啲咁嘅員工新都城呢間係會比較差好多，喺呢度食完飯會有種好唔開心嘅感覺，俾錢買難受咁樣，食個飯冇需要受呢啲嘅對待，其實一次半次真係冇乜嘢，但係要直到打一篇嘢嘅怨氣，即係代表佢哋冇改進過，差到爆！成間鋪內至外都好有問題，根本唔知呢班人做

唔想出街，近近地係屋企附近食見好耐冇食過呢間，又咁岩冇人等位就入去食照燒雞肉湯流心蛋即食麵 $35下午茶款式好似冇以前咁多，唔知係咪因為星期六日呢？！阿仔揀咗呢款，雞肉有三件，味道都可以不過湯底冇咩味同埋唔係幾夠熱，所以個麵就一般般，個餐仲跟咗蒜香牛油多士••••••••••••••••••••••••••••••和風牛肉豬骨濃湯烏冬 $57下午茶冇咩嘢揀，我就揀返午餐呢個餐本身係跟拉麵，可以加$2轉烏冬，和風牛肉肉質唔會靭！烏冬都好味😋••••••••••••••••••••••••••••••餐飲叫咗熱朱古力🍫熱朱古力都可以唔會太甜

繼續使用Openrice的外賣優惠，今次都係用「立減$5優惠」，但就唔係買杯飲品咁簡單，要食得豐富啲。剛好下午茶時段開始，餐廳下午茶餐都幾多，揀了一份自選雙拼意大利蕃茄濃湯扁意粉 ($36)，再加配香濃芝士白汁煙肉焗西蘭花(+$15)，本應一共$51，用了優惠就$46，果然係省妹一名。一睇就知有多豐富啦! 自選雙拼意大利蕃茄濃湯扁意粉 ($36)有七款配菜，我選了鮮野菌和漢堡扒。以一個分格的碗盛載，唔會浸到啲意粉腍晒。蕃茄濃湯都幾濃稠，但又未至於可以掛在意粉上，味道酸咪咪，滿有香草香，但當然沒有鮮茄在內。扁意粉都口感不錯，唔會過腍或硬。鮮野菌份量都唔少，好爽彈；漢堡扒煎至焦香，味道ok。沒有選飲品，要了是日餐湯，是日係忌廉雜菜湯($0)，湯身都幾濃厚，內有蔬菜蓉，味道唔會好鹹，算幾好飲!無菜真係唔得，所以加配香濃芝士白汁煙肉焗西蘭花(+$15)，份量略少。西蘭花保持翠綠爽口，配上鹹香的芝士白汁和煙肉片，整體味道都唔錯，但都有啲漏。其實仲有不同優惠，下次再試用吓其他。

今天查wechat，睇吓有乜嘢優惠，搵咗一陣，發現有意樂五蚊電子現金券，行完山，去最近嘅新都城二期食個lunch。我們點了松露野菌汁雞扒焗珍珠飯配例湯 （粟米湯羹）。另一款是龍蝦湯海鮮湯珍珠飯，配柚子茶。松露野菌汁雞扒焗珍珠飯，醬汁還可以啦，但是整個焗飯唔夠熱，雞肉比較乾冇乜肉汁。 粟米湯應該是罐頭湯呢。龍蝦湯海鮮珍珠飯，好大碗呀。有蝦喇、魷魚圈、蜆仔、青口、蘑菇等等。個龍蝦湯有少許龍蝦味，飲咗唔覺得口渴，可能有海鮮，所以個湯味道都好鮮甜，味道濃沃。我都係食唔晒，好多飯。柚子茶，茶味濃郁，但係我覺得佢好甜囉。環境整潔，卡位坐得舒服。可以一試。

今次相約朋友一起去寶琳新都城「樂意 Itamomo」嘆早餐，餐牌內款式頗多，最後我哋選擇了👇🏻幾款：👆🏻“Double 煎雙蛋”～上枱時外型麻麻，但食落都👌🏻。配上煙肉、腸仔，都煎得幾香口；加埋薯蓉、沙律菜及牛油多士，食完飽晒！☺👆🏻“鮮雜菌湯通粉”～雜菌及配料充足，通粉夠淋，湯味清甜 😘👆🏻“自選雙併意大利蕃茄濃湯通粉”～漢堡併腸仔，味道standard，係預料當中，蕃茄湯味👌🏻👆🏻“火腿濃湯扁意粉”～頗多腿絲，湯味濃郁，都係唔錯嘅選擇！😉👆🏻不同口味嘅餐飲選擇，各適其適。😀以每個早餐$30-40嚟講，食物材料👌🏻，唔需要等太耐就有得食，都算唔錯喇！😊

星期日下午茶時段4點3，等咗10分鐘左右有位，一共嗌咗3個下午茶扒包餐，其中一個雞扒好燶。同伙計講，佢地一早知個扒唔得，分明當客係垃圾桶。3杯跟餐熱飲一開始都漏單，最後等到啲包食完到5點都未上。眼見其他枱一直都有上嘢飲嘢食，我地問咗幾個伙計追單，個個都係聽完就即刻走，一句嘢都唔講，咩情況都唔交代聲，連一開始落漏單嘅伙計都係咁。到最後終於有執枱嘅舊伙計理我地，另一個執枱嘅新伙計見到竟然開口同佢講唔夠人唔洗理我地！聽完當堂O哂嘴，之前十問九唔應，我地一問佢唔洗理客係咩意思，佢就即刻發哂癲句句粗口鬧我地，不停重覆係唔洗理，叫我地唔好嚟食，自稱自己後生係咁，完全唔知錯，仲覺得係理所當然，極囂張。發生啲咁嘅事，個場完全無話得事嘅人處理，經理完全唔知喺邊。個新伙計一邊不停重覆單字粗口，舊伙計就一邊代佢道歉，叫我地唔好放喺心上，但講到尾都係話唔用佢就唔夠人用，所以要繼續辜息呢種員工。俾面舊伙計，事後去埋單，一早講明要收據儲商場積分，點知俾左張寫住「重印收據」嘅，同收銀講重印收據儲唔到分，佢仲怪我地唔一早講要單。但係如果唔講要單，根本唔會主動俾單，印錯嘢仲賴人，最後只係喺嗰張單到吸左個分店印章話可以當

琴晚同屋企人去意樂食嘢，佢有唔同嘅小食咁我哋叫咗個柚子雞翼，雞肉係未熟㗎，佢外層係熟一咬到中心係勁紅，食完都搞到我肚屙咗幾次，炸雞翼都唔熟嘅話就真係要改善下啦。

去咗意樂叫咗個下午茶，餐牌有好多選擇，有中式西式日式。因為好想食薯條，叫左一份炸魚薯條加杯凍檸茶。呢間嘅員工服務態度唔錯同有效率，份餐好快上枱。凍檸茶好好飲，唔肯定係唔係鮮榨檸檬去調配，但肯定係有水準👍唔係求其整杯茶加兩片檸檬。對檸檬茶有要求嘅人不妨一試。炸魚好好味，唔會好厚炸粉，薯條好脆，熱辣辣新鮮炸。最重要係價錢平民👍

屋企人好鍾意係度食早餐，今次11:10am到，其實等到11:20am已見到收餐牌，人手唔夠有枱又唔俾入，有四人枱又俾左二人入，總之一個字：亂！入到去，枱面仲要痴立立。呢度檸茶唔會太甜，個人幾鍾意。今次試左加錢轉牛角包，但係發覺唔喺好脆。跟餐既通粉又好細碗。今次落單錯好多嘢，煙肉變餐肉。牛角包變多士。其後兩位職員過來再確認一次時，發現他們的母語是普通話雖然未去到譚仔咁嚴重，不過基本既廣東話都要聽得明

每次來親呢到都一定有好多人排隊，基本都十個八個以上，今日放假又得閒即管等下啦，都等到差唔多第十張飛先到我地不過果然冇令我失望，多人排隊嘅餐廳永遠都係有原因好食又抵食一座得，侍應就比兩柸熱水，都唔錯～起碼濕濕個口先餐具同調味料已預先放喺枱面～上野飲速度好快，呢柸黑糖紅棗茶唔錯，夠熱同甜道適中，同埋跟餐都係加$6，真心抵呢個柚子蜜味芝麻烤雞翼，好柚子甜甜的～安格斯牛扒定食，如果女士食分量岩岩好，但男士就多數唔夠飽不過勝在價錢平～法式田螺香蒜焗薯蓉未算驚喜香草鮮野菌忌廉天使麵好食夠熱，唔係預先整定，食落唔會覺得醬汁似埋一舊，好新鮮熱辣正～呢個芝士白汁煙肉焗西蘭花🥦好食係好食，但我地主菜食晒佢先來呢點有啲失望因為都差唔多包晒啦，芝士分量剛剛好，唔會太稀太淡，食到濃厚嘅芝士味，如果下次早來就更加好啦

呢間餐廳貴為平民中檔餐廳，我呢啲平民又點會未食過今日收工收晏咗，成個商場都冇乜邊幾間餐廳仲有開，佢竟然未閂門，我就嗱嗱聲入去食個晚餐我一直都冇仔細睇佢個Menu，以為佢嗰啲嘢食來來去去都係得粉麵飯，原來係仲有得鋸扒，睇漏咗真係唔好意思我即時叫咗個美國認證安格斯牛扒全份($108)，再加多個日式芥末煙肉菌意大利飯($63)。個飯10分鐘就交貨，個扒就耐啲不過都只係等多5分鐘個飯有我最鍾意嘅wasabi sauce，而個扒就配牛肝菌汁，濃香野菌湯再加滋味薯條留意番塊扒完全係超林，非常好食，唔使牛肝菌汁都好好味。而個薯條就超脆，我好滿意，有少少out of expectation

這舖賣相是不錯的，蛋牛治夠厚，可惜得幾條牛肉絲。最敗筆係點解 croissant 要用日式麻醬？我唔係食腸粉呀大佬！可以正正常常比我一份 Ham and cheese croissant 應有的味道嗎？

今日黎左新都城行街，肚仔餓就入左意樂食下午茶。因為想坐得舒服d, 呢到係唔錯估唔到下午茶又幾抵食我叫左份咸牛蛋治誠意十足 有烘底 蛋又厚同夠滑我估用左好多牛油炒 因為食到一半有點滯但$29岩 仲包野飲我覺得已無挑剔男朋友的漢堡排天使麵仲抵 $25跟埋一個大牛角包不是牛角包就麻麻地 外層好淋又唔香不過整體一餐尚算不錯👍🏻