意樂餐廳 (禾輋廣場) (已結業)

細細里式鮮茄烤豬扒焗珍珠飯珍珠飯比較硬身，食落去嘅時候都有口感，最好食就係塊豬扒，豬扒食落去比較鬆軟加上有少少嘅肥膏，口感更加juicy ，不過鮮茄有些少酸香草烤雞鮮野菌忌廉扁意粉一開始個賣相就一般，你會見到呢一個碟周圍都鋪滿晒呢個忌廉汁，但係食落去嘅味道都可以，只是啲忌廉湯比夠稀疏，意大利貶意粉適中，都好好食墨魚汁鮮蜆魷魚意大利飯賣相放得好靚，好似高級餐廳咁，好靚。蝦和魷魚圈，口感都幾好的所以價錢比較優惠，所以下次都會幫襯的

每次食意樂，每次都係叫安格斯個餐因為啲牛質素相當唔錯，價廉物美個菇湯都好好飲但最近呢2，3次食，覺得越黎越差上次已經發現啲牛好多筋我諗住咁啱唔好彩我果舊係咁但今次真係完全接受唔到！成半舊都係筋，切都切唔到！啲菇湯勁稀，一係就有一舊凝固物，可能係落左粉令希望令啲湯杰啲但其實一飲落就知好淡平日去食，所有食物味道都可以一到星期六日就差得太誇張我諗期六日唔係一個好嘅原因話比食客聽食物質素可以變差希望餐廳能認真跟進

唔知道食乜嘅情況下，行咗嚟沙田禾輋商場試下意樂餐廳。已經唔係第一次嚟，朝頭早嘅早餐都食過覺得唔錯。喺門口見到個餐牌安格斯牛扒都只係108蚊另外一個豬鞍斧頭扒都係108蚊，因為價錢都幾平民決定一試。扒真係好夠味又抵食，pizza 30幾蚊又唔錯。會再嚟唯一我覺得麻麻哋嘅就係呢個焦糖布甸，超級勁冇味。唔會再追加…不過呢度嘅服務員態度好好，會通知我哋大約等幾耐先會有食物。 而且有親切笑容 整體嚟講呢間餐廳好抵食

早餐選擇多 蒜蓉多士夠厚 烘都岩好 好食.塊雞扒肉嫰而且算大塊 塊皮煎到好香口 有少少脆 只係雞扒鹹左啲 因為面頭已經有洋蔥汁 加再上雞扒調左味 就令味道過鹹了.煎過既火腿 亦係我對佢既加分位 好多餐廳都冇煎過就上碟 呢間餐廳係有誠意😂👍🏻朋友食左茄湯偏意粉 都話唔錯 我自身就冇試到

意樂係間平價意式西餐廳，佢既價錢合理，份量剛好，weekend下午茶既時候等5分鐘左右就可以入座，野食多元化， 總會揀到一樣岩你口味，所以我都經常黎食。香辣欖油煙鴨胸炒天使麵($39) 成個天使麵賣相吾錯，煙鴨胸份量岩岩好，食既時候帶有少少辣味，加上洋蔥、鮮茄、菇，口感豐富，略嫌蕃茄帶少少酸。西西里式鮮茄豬焗豬扒焗珍珠飯($37) 估唔到焗飯上面既茄子食起黎外皮脆脆，好有驚喜。芝士同鮮茄既配搭幾match，吾會令成個焗飯太膩，豬扒軟淋易入口，整體吾錯。水牛城辣汁雞翼(加配$10) 雞翼食落吾算好辣，而且幾惹味，不過跟餐都要加10蚊，就覺得少少偏貴。

好耐之前食過扒, 覺得太重口味, 所以已經有一段時間冇幫襯, 事隔N年, 再比多次機會佢, 同埋今次唔叫扒, 睇下會唔會有改善? 但原來都係一樣咁重口味囉~ 芒果蜜啫喱冰冰都好夠芒果味, 但個啫喱竟然唔係芒果味, 係菠蘿味囉~ 利賓納啫喱冰冰同芒果冰冰一樣, 個啫喱都係菠蘿味, 其實應係配返黑加侖子味嘛~ 墨魚汁鮮蝦魷魚扁意粉睇張相好靚, 比佢吸引咗叫嚟食, 雖然實物賣相都唔係差, 不過個汁唔係太掂, 超多超漏, 已經兩個人share食, 但食完都已經反肚, 如果一個人食哂, 真係第日都唔駛食~雖然我都鍾意汁多勻全部意粉, 但佢d汁係多到可以撈兩碟意粉, 而且太creamy, 頂唔順................... 田園pizza佢有3個選擇, 有鰻魚、煙三文魚、田園, 唔係好想食果兩種魚, 於是叫田園..................我expect係菜同菇, 但原來係椒同洋蔥, 但實在太生, 好在切到碎濕濕咋, 如果唔係都唔知點知哂, 可能我會挑走哂佢, 然後食齋pizza  意式蕃茄豬扒小鍋配珍珠飯個汁超濃, 濃到好似成罐茄膏冇溝淡過咁, 所以少少汁已經可以撈多多飯~ 個豬

新年日日都食勁多肉，宜家出街梗係想揀d清淡d嘅菜式嚟食，所以近近地去和輋廣場食個lunch，都幾多人，差不多坐滿，等咗一陣就入得，menu都有幾多選擇，最後揀咗拉麵🍜。·🔸 九州叉燒豬骨濃湯拉麵（$47）一上枱，我同朋友都呆咗一呆，講咗句「點解d叉燒咁嘅？😱」，眼前見到嘅係帶點肥嘅豬腩肉🐖，而唔係一般喺日式拉麵店食到嘅叉燒，實在係有d失望...... 好彩個湯底幾清，拉麵嘅口感都ok，整體嚟講算不過不失啦！🤔

早前跟朋友路過禾輋商場, 剛巧肚餓, 所以決定找一間餐廳吃下午茶。之前已經吃過意樂, 覺得質素不錯, 而且價錢亦大眾化, 所以就決定吃這間平價的西式餐廳。下午三時多, 意樂的門口沒有等侯入座的人, 店員很快地安排了位置給我們。我們一共點了兩個餐, 一個是氹仔風味豬扒包配滋味脆薯條($31), 另一個是西西里式鮮茄烤豬扒焗珍珠飯($37), 每個餐都可以再加一客雞翼($9), 有兩種味可以選, 分別是水牛城辣汁和柚子蜜味芝麻, 我們各加了一客。餐飲的話, 轉冷飲要另外再加3元。我們下單未夠5分鐘, 餐飲已經送上, 其他食物亦很快送到我們的桌上, 意樂店員的效率值得一讚。氹仔風味豬扒包內的豬扒不算大塊, 亦無醬汁, 幸好有蕃茄和生菜, 食落不會太乾, 比較易入口。豬扒包面包很快變硬, 記得要盡快吃。雖然和澳門那些茶餐廳出品的豬扒包有一些距離, 但31元可以吃到豬扒包薯條餐飲, 性價比高。西西里式鮮茄烤豬扒焗珍珠飯除了有茄汁外, 還有不少芝士, 茄汁不會過酸, 將芝士和茄汁拌上飯吃, 吃起來特別開胃。但豬扒和豬扒飯裡的豬扒一樣, 不算大塊。但整個餐吃完後會有飽肚感。雞翼一客共有兩隻, 水牛城

去意樂餐廳我最鐘意食係鐵板雜扒, 今次想食下焗飯，就叫了一個野菌焗雞扒珍珠米， 凱撒沙律， 點餐可以半價叫飲品，咁原價$22的抹茶紅豆冰只需要$11就飲到。點了餐後好快就來了抹茶紅豆冰，紅豆軟硬剛好，一向好飲，跟住就來了焗雞扒飯，雞扒有好多件喎，雞的味道都好味無雪味，只係珍珠米有些少硬， 凱撒沙律賣相好靚，醬汁味道ok, 平價得來都唔差的餐廳。

今天到沙田禾輋買東西，所以便到了意樂餐廳吃午餐。以前每次經過此食肆都見到好多人在門口等位，今天自己也成為他們的一份子！意外地我等了大約五分鐘便有位了，原來很多人是等緊大枱而我排的是二人枱！坐下後細看餐牌，便發現這裡的午餐都好多元化。套餐應有盡有，大致有和式的與及西式的。除主菜外，還配有是日餐湯或飲品。最後我們點了兩個焗珍珠飯。西西里式鮮茄烤豬扒焗珍珠飯賣相吸引！茄子軟滑、豬扒亦鬆軟、配上芝士蕃茄和椰菜，味道豐富。香草烤肉雞茄子忌廉焗珍珠飯也毫不遜色。茄子軟硬恰到好處，烤雞亦軟滑，配了忌廉和芝士，味道更好！熱朱古力和菜湯亦令人滿意！是日兩個午餐只是一百元正，比快餐店的食物還要便宜，但質素卻令人滿意！

餐牌圖片精美, 看上去份量不小, 又有小小菜, 所以被深深吸引着, 就點了一份試試. 食物大約在點餐後八至十分鐘後送上, 快餐店來說是很不錯的. 我們先看看咖哩方面, 深黃的, 食落當然有點辣, 但唔算好勁, 食開辣的朋友可能會覺得唔夠辣. 辣以外還有香, 感覺上是不錯的咖哩. 還有微甜, 令人食完一啖會再想食落去. 雞的份量很多, 連皮, 雞應該是先煎熟再加咖哩汁的, 肉很香口. 汁內還有切半小薯, 份量唔算多, 唔洗回水. 堅珍珠米, 口感香軟. 再加上小烤過的蔬菜, 可以有吸收一點纖維. 齊啡走甜, 甘香, 飲唔慣的就唔好叫了. 埋單HKD42加凍飲半價值 (HKD10), 共HKD52.

同屋企人係禾輋商場買少少嘢，之後去搵食，佢哋推介我食呢間～😂龍蝦汁海鮮焗飯以佢價錢嚟講，真係好出色架喇！啲海鮮雖然係急凍嘢，但勝在夠多。個味都好好、汁好香。焗飯唔會太乾，飯嘅份量唔多唔少，啱啱好，我幾有驚喜～😂跟住兩老叫左海鮮湯麵，同海鮮湯意粉。我食左少少，都不錯，個海鮮湯意粉比較好食。芝士焗西蘭花呢個就好失色喇，不過佢啲嘢咁平就原諒佢啦～😆本身個西蘭花係白烚，之後淋啲芝士上面再拎去焗，所以啲芝士根本唔會入味～其實附近係屋邨，所以啲價位都係比較平，本身我都冇乜預期，諗住平平哋食一餐算啦～但佢主菜類都好唔錯，幾十蚊真係算好出色，仲要佢有好多唔同種類揀，平日嚟食係幾不錯選擇～

約左女友起沙田睇戲，不想去新城市食，想起附近禾輋商場呢間餐廳，泊車方便，而且價錢相宜，去到都要等位但5分鐘就有枱了，本人最愛食白汁呑拿魚肉醬意粉，女友叫咗凡立貝龍蝦湯焗珍珠飯再加$9加配兩隻水牛城雞亦，咖啡和意式雜菜湯。上菜速度亦快，湯先上，確實㷛得幾好，味濃，料算足，甜酸味平衡幾好，白汁呑拿魚肉醬義粉，芝士味濃，肉醬略嫌爭小小，如果多些更佳，但真的食不出吞拿魚味，但都好好食。水牛城雞亦亦相當出色，味道好，少少辣，皮脆肉嫩，$9可說非常值，凡立貝海鮮龍蝦湯焗飯亦非常好食，料足，味道濃，只是份量少了些。雖然D嘢好好食，不過侍應服務確實差了些，只顧傾計，取票後叫我們入去坐，但入到去完全冇人帶位，冇人理會我地。但咁嘅價錢，都值得食。

港式茶餐廳提供的早餐，來來去去的離不開沙嗲牛肉麵、五香肉丁麵、雪菜肉絲米、炸菜肉絲米等配一份多士煎蛋腸仔。今日去的意樂，早餐選擇超過二十五款，除了傳統的粉麵外，還有一些特別的選擇，如黑松露炒蛋餐、意大利蕃茄濃湯餐、美式早餐等，花多眼亂之下，點了鮮野菌沙嗲牛肉米和千島吉列魚柳配黑松露炒蛋午餐肉。鮮野菌沙嗲牛肉米牛肉軟腍，沙嗲味濃；吉列魚柳炸得香脆而不油膩，炒蛋惹味得很，黑松露味非常特出，而午餐肉的size 有一整塊，整份早餐十分有誠意，三十多元，真是十分超值。

意樂餐廳，再次食一餐。之前已經食過這間意樂餐廳，重複再來的原因，其實很簡單，主要是因為價錢合理，而且覺得食物質素都還可以，所以我就再來這間餐廳啦。今次我叫了一個 ： 帆立貝海鮮菌皇龍蝦汁意大利飯............當職員將意大利飯送到我枱面的時候，賣相都幾吸引的。未食之前已經見到有好多醬汁包圍着飯粒。有見到有魷魚，蝦，蜆肉，這些海鮮材料。飯的上面還有一點點綠色的，我猜想這應該是香草吧。一將意大利飯放入口，我食到有龍蝦汁的味道，不過覺得醬汁有點兒鹹。至於魷魚，和蝦，都算新鮮的。魷魚不會煮得太老，所以咬下去，都幾彈牙爽口。蜆肉和蝦就正正常常，如果蜆肉和蝦，和魷魚的份量再多一點點就更好啦。不過這個價錢有這個份量都差不多吧。另外因為如果叫飲料，要額外加錢。所以我就叫職員為我送上一杯水。因為水是免費的，呵呵。