意樂餐廳 (禾輋廣場) (已結業)

今時今日，百物騰貴，就算隨便入一間餐廳，幾十蚊已經十分平常。三個人三款late set tea, $120，到底有乜食，等我介紹下大家喇。Set 1: 厚西多，目測應該有4-5cm厚，中間有花生醬，熱辣辣時搽牛油再加蜜糖，一句講曬—好食到冇朋友。Set 2: 蕃茄焗🐷扒飯，豬扒鬆化入味，唯一美中不足係炒飯底唔夠香。Set 3: 卡邦尼意粉，睇落去水汪汪，食落又啱啱好，唔杰既好處原來係食完唔覺漏👍🏻最後，貪心的人，總要加小食$8兩隻，$16四隻，5點半走黎tea,真係晚飯都唔駛煮😂

意樂簡直係西餐界既平民食府，雖然已經愈加愈貴，畢竟五十零蚊一個午市套餐能夠令我有飽肚感，今時今日算係咁上下。意樂差不多每個星期我都會幫襯一次，除左食物唔錯，侍應阿e的態度也是不錯，哈！或者因為我是vip 吧今日叫左個香草烤雞鮮忌廉野菌扁意粉，其實個雞無乜香草味，勝在味道唔錯，如果雞皮可以烤到微微脆更佳。裏面仲有雞髀菇同其他野菌，配埋洋蔥都幾香。意粉質感煙韌有咬口，不過忌廉汁還不算是很濃郁的那一種，但整體感覺良好。拿破倫海鮮炒珍珠飯， 份量ok, 飯炒得乾身晶瑩通透，配以魷魚，菇，蔥和乾蔥炒成。味道帶點酸酸的蕃茄味，很開胃，不消5分鐘已立即掃光。

成日係新城市廣場食來食去都係果d餐廳好悶。今日行遠d去禾輋，發現呢間餐廳，想試下新野，果然有驚喜。係門口睇唔知原來都幾大間。今日叫了墨西哥瘋狂辣肉醬扁意粉及羅宋湯、咖哩雞珍珠飯同埋蛋王醬卡邦尼長通粉。原本想叫兒童餐（ 肉醬意粉加啫喱及朱古力飲品），但賣晒，阿女有d失望。墨西哥瘋狂辣肉醬扁意粉其實係肉醬扁意粉有少少 辣味，食落味道適中有d野味感覺。羅宋湯都足料。蛋黃醬卡邦尼長通粉比一般卡邦尼較濃的蛋黃味同埋無咁乾身，兩個女都超鍾意食。咖哩雞珍珠飯的咖哩味道濃郁，唔算太辣。整體都算滿意，埋單$149，一般快餐店價錢。有bb椅，適合一家大小。

同屋企人出街食飯想經濟實惠d, 諗起好耐冇食過ge意樂, 晚飯依然係咁多人食親西餐都一定會叫沙律, 想 fresh d 麻凱撒沙律好大份, 但略嫌沙律醬太多平時最鍾意食香口野, 所以出街食一定會叫小食薯條焗過之後淋左d, 芝士冇乜味跟餐個薯條好味好多, 可能因為冇焗到仲好脆下次都係唔好叫呢個 雞翼竟然有驚喜!!皮脆肉嫩, 入面唔係乾爭爭加埋柚子食落好清新唔油膩, 推介呢個飯係我n年前仲係學生時已經好鍾意食唔係貴左好多~ d料多過以前都仲係咁好味!! 最愛個wasabi汁最後到戲肉, 牛扒!跟餐個野菌湯好好飲, 好濃菇味入面仲有好多菇, 真材實料!牛扒牛味好重, 呢個價錢食呢個質素差唔多諗起附近新城市廣場有d餐廳畀雙倍價錢但塊牛仲低質黎意樂食唔洗加一係堅抵

服務態度極之差劣,非午餐時段等成5分鐘先有人過黎落單,員工坐枱傾計落完之後唔覆單咩都無講飛張單落枱就走,出錯單出錯幾次,農湯無味,份量少,多士太硬8個人出9杯野,流心蛋變熟蛋

係附近食飯食到悶悶地,見呢間下午茶唔洗等位就去試下下午茶選擇好多,西多士,湯粉麵,焗飯樣樣有齊今次試左呢個炒珍珠飯好入味下午茶$3x左右仲包埋一杯飲品杯朱古力好濃味好大杯😎友人個焗飯都好好食總括,呢間下午茶值得一試

今天到禾輋探親戚，經過商場見呢間餐廳大排長龍，原來大部份是學生，等緊位食晏，好彩我要的是2人枱，等了10分鐘就輪到我。餐廳面積頗大，但除非可以安排坐到卡位，否則座位與隔隣只有幾吋距離，毫無私隱可言。午餐有很多選擇，但除主食外，只包括餐湯或茶啡，似茶餐廳多啲。豬扒意大利蕃茄濃湯扁意粉+多士+奶茶豬扒大大件，炸得很香而仍然保留肉汁，扁意粉煮得剛好，但野菌又乾又韌 ，鮮茄湯不夠濃，不過多士烘得很香脆，。羅宋湯+咖哩牛坑腩配珍珠飯羅宋湯味濃但蔬菜不多，咖哩牛腩炆得頗入味，更加有蘑菇和翠玉瓜做配菜，比一般牛腩飯健康。我個人吃西餐比較喜歡有湯、主食、咖啡或茶的組合，欠缺一款總令人有意猶未盡的感覺。

沙田禾輋邨禾輋廣場裏的意樂餐廳經過裝修後地方環境好了，座位間不逼迫而且凳和桌子好看了。今次去的Lunch白汁意大利蘑菇炒飯 --- 我就覺得味道幾好但份量少，如果大食的人肯定不夠。濃蕃茄湯太陽蛋煙肉天使麵 --- 味道不過不失，太陽蛋較特別。新出的抹茶咖啡比較特別，味道OK不覺得難飲。星期之前去的Lunch濃蕃茄湯蘑菇腸、火腿天使麵 --- 味道不過不失比起豬骨湯煙肉拉麵稍遜了，卡邦尼煙肉蛋黃長通粉  味道OK 與意大利當地餐廳比較不失禮，豬骨湯煙肉拉麵   味道真是好過濃蕃茄湯的天使麵，咬口好、重會回味；白蘑菇忌廉湯 味道過得去合格，這裏服務OK，食品價格不高。

平時我去開沙田一間食意大利菜，價錢中上，平均150-200一個人頭！我朋友講lee間抵食，又係食意大利菜，介紹我去試吓！我就上星期去試咗，價錢又真係幾抵嘅，但係就唔係太正宗意大利菜！好多醬汁嘅飯好多醬汁嘅意粉！我哋叫咗一個安格斯＄88份，配上牛肝菌汁，以呢個價錢，叫做合格啦！我哋五個人食，＄350埋單，都抵食嘅！但係就真係唔係太正宗嘅意大利菜囉！其實係西式茶餐廳！D餐出嚟嘅賣相都唔差！

一早打去book呢間餐廳，怕冇位。電話響左幾下，好快被接聽，接聽既侍應態度禮貌都唔錯，維一挑剔係環境雜音有d嘈吵。Book左夜晚7點15分，揀呢間餐廳其中一個原因就係近返工位置，放工可以黎行一陣就食飯。我地一行人早左少少到，大約7點就到。因為早左既原因，所以等左大約10分鐘就被安排入座。入到去成個環境都好舒適，座位都ok闊落，暗暗地都幾好環境。坐底就好快落左幾杯野飲，開始睇餐牌。價錢都相對實際，叫左幾個菜 (見到唔少人都係叫呢幾個)。呢間西餐廳價錢唔止經濟，份量仲唔錯，岩晒我地一行幾個大男人。賣相同味道都可以，雜扒餐七十幾，忌廉天使麵四十幾，柚子雞翼三十左右，其中最好味係個天使麵，d汁好香又好多蜆肉。雜扒大大份又唔會好dry。所以整體黎講，服務唔錯，食物唔錯，環境都唔錯，我會比 8.5 / 10

第一次係禾輋食呢間😍聽到朋友之前食都話好好食所以決定再食多次👍🏻餐廳都幾大 星期日都有啲full但係5個人去食 都唔洗等位😍香草烤雞忌廉意大利飯 $50朋友之前食過話好食 決定要再食一次望落好似好少咁 但係食落就真係好多好大陣香草味😍 食落都好香口啲雞都好滑 同埋食極都仲有😗👍🏻不過食晒就會好濟 因為有忌廉西西里式鮮茄烤豬扒焗珍珠飯 $49都係望落好少 食落好多一上碟 有啲似高級版既一哥焗豬扒飯同樣地 佢啲飯都有炒過真係好多好多鮮茄 應該加左啲罐頭茄醬而塊豬扒真係好出色👍🏻 有3大塊煮得好淋 好入味 又香口👍🏻睇落普通 食落去係好食！拿破倫海鮮炒珍珠飯 $52由於可能係炒飯既關係 真係有啲乾但係好多海鮮 同埋唔會話特別好咸😗中意食炒飯既朋友 可能會好中意😍🤘🏻每個餐都有得跟餐湯 咖啡 奶茶我地就揀左餐湯 有白湯同紅湯白湯係忌廉湯 有啲似罐頭湯 但係好足料紅湯係羅宋湯 得菜 但本身中意羅宋湯 都覺得好正！

龍蝦汁好多woo~青口，蝦，鱿魚新鲜，飯粒有口感，龍蝦汁好香濃幼滑，啖啖飯充滿龍蝦汁的香味，好惹味!黑松露味濃烈，汁夠多(夠撈全碟飯)味道偏鹹，但整體味道佳，飯粒有口感好香香草味~醬汁夠多，夠汁撈起全個天使麵天使麵，口感彈牙，醬汁重忌廉味，好幼滑(鹹左小小)田螺好香口(加左炸蒜)薯蓉好creamy粟米湯，好濃郁粟米味，味道忌廉味重雞翼(餐+$配)肉質乾身左小小燉蛋好香蛋味，口感幼滑

服務員態度真係唔好lol~都幾冇禮貌ga…希望佢地會改善一下…At least,上菜唔好咁大力吖,個碟係你仇人咩~不過d食物幾好味學生餐都ok假如只享受美食而不理會其他感官享受的話我都推薦你去吃ge~

沒想過屋村商塲的西餐也這樣令人驚喜，原本要做到味道好已經好難得，呢度嘅食物陳設仲好靚，真能做到睇見已令人食指大動的功能，而且份量十足，重點是價錢平全塲最貴嘅set，安格斯扒+意大利雜菜湯+炸薯條、焗芝士蕃茄+焗雜蔬，盛惠$82，唔使10%成完呢份扒餐，飽足成晚，另外，值得一題嘅係香草薯蓉焗田螺，雖然田螺肉略嫌細粒，但味道真係唔錯，薯蓉都有好濃烈嘅香草味，重點是$29一碟美中不足係呢度好似唔夠伙計，個個都好忙，好難找到個得閒的侍應，而且，呢間店無喼汁供應，這是我食牛的必然配腳，有點失望

今日係happy friday，所以我同班同學就去咗比較貴嘅意樂食飯。 我哋落order嘅時候，服務員好惡咁講：“你哋要啲乜嘢呀？” 我個朋友話：“學生餐B呀唔該。” “大聲啲啦我聽唔到呀！係咪要學生餐D呀?!"跟住佢 “唉” 左一聲。 “唔係呀！我要一個學生餐B。” “你講嘢咁細聲我點會聽到呢！？” 我見到個服務員對啲我地咁冇禮貌，我就壓低把聲，扮大人咁樣講嘢，用好凌厲既眼神望住佢：“我要個學生餐C。” 佢即刻畢恭畢敬咁話：“嗯。" 就走左去落單。 我叫咗個$36既星級夏威夷pizza(學生餐)都ok，pizza上面有好多juicy 既蕃茄粒，不過成個pizza大概好似一隻大人手掌咁大，食完都係有D肚餓。