意樂餐廳 (逢源大廈)

營業中

休息中

星期日中午於筲箕灣意樂食午飯，由進店至差不多用餐完都沒有半個鐘，此時我們還未吃完，那女店長竟然對外面排隊人仕單打我們掛住傾偈唔埋單，食物質素也明顯下降，真係以後都唔會再幫襯

9/9上午10:00左右，一班職員好嘈，態度差。說話無禮，經常大聲說話，完全懶理食客環境，對話中亦經常夾雜粗言穢語，完全影響心情。永無下次，希望餐廳加強職員訓練，俾返一個正常餐廳應有嘅餐廳環境給顧客。

店面不大，很涼快，有個小洗手間，店裡沒有給手機充電的插座😅飯菜都不太貴，主要是飯和意麵，點了個湯泡飯還是蠻好吃的，性價比也蠻高的，可以一試。味道還挺不錯的，分量也不小。

Itamomo意藥®地址：筲箕灣道402號 逢源大處地下1（晚）日式燒汁牛肉丼飯. $69.0-是日餐湯紅湯1(晚）和風黑椒豬扒炒讚岐烏冬 $73.0--是日餐湯紅湯1（晚）紐西蘭穀飼牛扒定食 $78.0--五成熟_是日餐湯紅湯1（晚）香烤七味雞溫泉蛋配豬骨濃湯拉麵 $69.01 熱新鮮冷壓檸檬水 $0.01 熱特配奶茶 $0.01 凍特濃朱古力 $3.01 熱特濃朱古力 $0.0 總計：$292.0這間餐廳日式燒汁牛肉丼飯好好食、牛肉配燒汁好好味、飯好軟，和風黑椒豬扒炒讚岐烏冬好好食、豬扒好鬆軟、烏冬好好食，紐西蘭殼飼牛扒定食好好食、牛扒好大塊好鬆軟，香烤七味雞溫泉蛋配豬骨濃湯拉麵好好食、雞扒好鬆軟、拉麵配豬骨湯好好食，紅湯好好飲，熱檸檬水好好飲，熱奶茶好好飲、好夠茶味，凍和熱特濃朱古力好好飲，是一間好值得推介餐廳，未試過要試吓

不建議任何街坊幫襯。店內只有1/4客量，買個西多等了半小時都未有，請個侍應幫手追單又一律淨係識覆話整緊，根本冇打算check吓有冇漏單。到真係夠鐘要走，同佢講cancel張單聽到有另一個應侍細細聲話「原來有落西多咩」，仲要話要杯野飲要計單買，你地咁玩法個個客淨係出杯野飲跟住磨到佢頂唔順cancel單，咁廚師都唔洗請啦 。最後唯有轉拎走，但係食物質素又另我先望一次，西多又硬又乾，似係一早炸定再翻熱咁。下次都係去對面食大快活算了，起碼冇咗勞氣

第一次堂食，等咗半個鐘，問一句員工check都未check 就hea話整緊。第二次上網叫外賣自取，2：56pm落單。3：11pm 個app話出咗餐，去到又係睇一睇個號碼就答整緊，叫我哋出去等。係條街企到3：35pm再問，先睇到個員工係部機度拎張單行入廚房，話啱啱唔知點解無收到。前後兩個員工都問過，都係話整緊。之後又話無收到，最後3：50幾分先拎到。咁嗰50幾分鐘你哋整緊咩俾我？個app又點解會出到出餐提示？

話説1128入到餐廳，佢問我食早餐定午餐，好，午餐先可以坐低咁我坐。1130問佢攞餐牌睇住先佢話未夠鐘，等到1135，佢攞個餐牌過嚟，話幫你落住先，不過都未夠時間煮住，全程態度十分差勁，我一家大細唔知點解要受佢氣

某職員好得閒同其他客講自己減肥,叫佢落單,都吾睬你,然後俾QR 叫你自己落....成日話飲食業服務好重要,乜都自己,我倒不如去大家樂,,,,,,,,,,,,,,,,,

今晚有聚會，約左幾個姊妹一齊食飯，想食平野，6點前可以點下午茶餐。我點左個黑松露野菌煙肉炒珍珠飯，跟一杯熱奶茶，下午茶價＄45，超平，碟飯份量都唔細，可以當晚飯食飽，味道就一般，無乜黑松露味，但蘑菇味道還不錯，加上煙肉，炒得好香好乾身，不油不鹹，珍珠飯粒粒晶瑩飽滿，飯香依韌，廚師手勢唔錯。杯奶茶都夠熱，不太濃，唔會影響訓覺。🤣同坐姊妹點左份炸魚柳餐，個樣都幾靚，但份量太少了，而且不包飲品，唔抵食。

今日午餐正諗緊食乜嘅時候，啱啱行經，見到炭燒雞扒包好似幾吸引咁，諗住試一試，跟餐配左脆薯條🍟 個包嘅份量都大個，雞扒雖然係炸嘅，但都好嫩滑，唔會太乾，薯條係啱啱炸出嚟，新鮮滾熱辣 😬 爽！

意樂係香港有好多分店，係一間有好多唔同種款式嘅嘢食嘅港式餐廳，除咗有咖喱之外，仲有意粉、飯等等，最緊要係佢啲嘢食好快就準備好，好快手👍 同埋份量都好充足，食到你飽飽😊佢嘅午餐有好多選擇，我試咗佢既「日式照燒汁燴雞飯」、「焗蕃茄肉醬豬扒扁意粉」同埋「蒲燒鰻魚炒珍珠飯」🍛 焗豬扒飯就聽得多啦，你又有冇試過肉醬豬扒飯或者扁意粉呢？原來都幾特別，好似變咗肉醬意粉同豬扒飯fusion一齊🤣 珍珠米真係口感唔同啲，一粒粒飯粒好精緻，鰻魚好厚肉，再配有粟米，好好食😊午餐仲有包埋餐湯同埋飲品添，價錢好經濟，每人大概$50至$60👍

食物其實俾可以，服務態度好差。早餐又無標abc. 工作人員又唔識拎個menu黎。好燥底問我要邊個，係咪要我背晒個餐有乜出黎？拎到返去仲要又漏個包。。。。。balcklisted

這西餐廳的食物本來是不錯，但服務不大好。今日我們一行5人去吃午餐，要等檯。平時不用加一，在新春期間要加一也算了，其後他們安排了2張檯但叫我們4+1人坐，我們說是3+2，而且看到還是有其他檯空置的，他們繼續要求4+1，我們還是按3+2人來分2張檯來坐。之後叫侍應很久才拿餐牌來，下單後叫他們拿杯熱水，聽完但我們等了很久到最後也沒有拿來，也便作罷。幸好食物還是保持了水準，但這樣的服務態度，很難讓客人再去。

好耐冇去意樂，疫症期第一次再去，落雨天較少客人，座位闊落舒服，下午茶抵食，唔使+1 ，兩人下午茶，平均$30幾一個人埋單，叫了兩個餐。氹仔風味豬扒包配薯條及輕量香草海鮮惹菌忌廉天使麵。豬扒包OK，薯條份量略少，麵包軟硬適中，豬扒都算夠軟熟，個人覺得可接受，未至於去到氹仔水平，但咁嘅價錢OK啊，薯條普通，跟一包茄汁，疫症期改用包裝茄汁，感覺衛生。👌🏻天使麵感覺太多汁，水汪汪，普通麻麻哋，可能啱素食人士。飲品叫咗即磨熱咖啡及凍檸檬茶。檸檬茶標榜冷壓檸檬汁，保留纖維和果肉，感覺上新鮮清淡，我個人10分喜歡❤️，唔似用粉沖出嚟嘅飲品，亦都唔會太酸，夏天炎熱，可以一試。咖啡普通，因為西餐定一般唔會用阿拉比卡咖啡豆，多數用印尼豆，澀味比較重。隨個人口味選擇。整體感覺，疫症前，感覺食物份量較多，味道較精緻，現在感覺整體質素下降，因為價錢便宜，亦沒太多要求，簡單衛生OK，可偶然下午茶坐坐。👌🏻

以前每星期都會去幫襯一次,但因為坐低想點餐時,一時就無拉麵,一時就無牛肉...不如早d收工,管理問題還是供貨問題也不太清楚價格又不是平,餐牌選擇比以住少一半...