意樂餐廳 (囍逸)

營業中

休息中

呢度早餐好大份，等位等左半個鐘。呢間野食早餐最好食豬扒和雞扒，好入味厚肉，餐肉圓型好大塊，沙律好新鮮。通粉湯底忌㾾味好香，好creamy。另外，個凍檸茶好好飲，用英國紅茶☕️😍😋😍😋😍😋好滿足

呢間餐廳員工好巴閉剛剛經外賣平台叫了個餐想點凍檸茶 備註了少冰少甜但我自已按錯了熱檸茶當餐送到的時候發現餐廳貼了相片中的字條其實我查看紀錄也會發現是自己下單的問題如餐廳真想突顯顧客的錯可在貼在包裝袋上的單據上做紀號我又真係無加錢 餐廳照單做就得了寫這樣一句係想反映咩呢 想表達咩呢自己落錯單 咪自己受囉餐廳寫句咁既野係想個客點

懶羊羊咁起身睇下啲外賣程式有冇平靚正嘅早餐食搵到意樂睇下都發覺早餐唔算太貴所以就揀一個自選蕃茄濃湯麵餐自選配料揀左午餐肉同埋漢堡扒漢堡扒同平日係大型連鎖快餐店食到嘅漢堡扒唔同充滿肉味都唔會好咸另外個午餐肉就10分有驚喜從來沒想過原來午餐肉係有完片加上厚切午餐肉嘅大細足足同個碗一樣咁大另外叫左一杯奶茶我印象中嘅意樂杯奶茶喺唔差嘅不過今日就有點失望啦點解個茶底同之前飲嘅唔同晒今次嘅茶底好淡完全認唔倒茶香味可能同已經當時係11點有關最靚嘅茶底已經沖左整番落黎嘅只係淡淡嘅茶底但係都唔緊要啦因為佢杯奶茶都係幾大杯希望下次可以飲到杯靚靚奶茶就最好

今早聯和墟意樂食早餐。食物和餐廳環境都很理想舒服：烘牛油多士熱辣好好味，炒滑蛋有水準，荷包蛋係先煎後焗脆脆邊。稍嫌pan底多油。話說小兒遺留下銀包，十分感謝謝餐廳經理職員拾回。

依度嘅下午茶非常抵食，價錢非常合理，而且坐得算幾舒服。選擇種類亦多。即使係下午茶餐，分量亦都唔會特別細。而且味道都算OK。賣相亦唔錯。餐廳座位距離都算唔太近，坐得OK舒服。好啱大人同小朋友一齊去食。

之前食過呢間覺得幾好食，不過就唔係粉嶺分店🧐今次叫咗一個海鮮湯飯🥘，好失望，唔知係咪近收工嘅關係外賣自取返到去一打開成個湯都係油😡😡😡完全唔可以叫係湯，無味😡😡同飲油無分別佢個珍珠米同啲餸係可以嘅但係個湯係主要 唔合格之前食過佢一款地獄湯拉麵好好食可惜嘅係已經唔出下午茶時間會推介佢自選嘅湯粉試過佢嘅蕃茄湯👍🏻👍🏻👍🏻好有意大利菜湯個味 蕃茄酸味都好好 好林奶茶算岀色都好大杯👍🏻係今次最失望

經常來這間餐廳幫襯，每樣嘢也不錯，但今次係最失望一次。午餐叫半隻燒雞餐，係最後一隻， 食多咗啲蘑菇汁，問吓可唔可以多D餸飯 , 佢話厨房之前規定一個餐衹能一杯汁(不能多) 。未見過有D咁嘅餐廳， 希望可以改善一吓。

今次嚟到粉嶺嘅呢一間意樂，聽聞係咁多間怡樂入面最好食嘅一間。今次嚟到嘅時間係下午茶時間，唔係咁肚餓嘅大前提下，點左一個西多士同埋意粉。粗粒花生醬厚西多士配英倫糖漿 $28首先西多士方面，我個人覺得算係高水準嘅一個西多士，因為係一塵咁厚嘅西多士，能夠炸到佢外脆內軟的確唔係咁容易。而且佢炸嘅時間剛剛好，爽快有咬口，配上牛油，花生醬加埋糖漿，就成為絕配。香草鮮野菌忌廉天使麵 $37個人覺得天使麵配白汁係一個唔錯嘅配搭，但嘅汁就比較稀，較清淡。素食者岩哂，又唔會怕食完滯。凍飲 +$3佢嘅凍檸茶既檸檬係已經事前處理咗，變成檸檬汁先沖杯，令我哋飲起上嚟時唔會因為篤檸檬嘅殘渣而阻礙到我哋飲呢一杯凍檸茶，整體感覺，都算係好唔錯。

<<Daily 豬仔尋食記🐖>> 早排呢間餐廳一開，日日都要排隊等位，知佢係岀面都有好多分店，而家進駐左聯和呢個小社區，真係好吸引街坊都齊齊試食！所以多人到爆！而家疫情，就真係少左人堂食，但外賣都仲係好多人叫。而我自己都成日黎，又知佢有轉過下餐牌，就想介紹佢哋一啲必食嘅餐比大家。以前一直都會食佢嘅卡邦尼長通粉，但呢排我知佢哋新岀左溫泉蛋牛肉飯，同鰻魚飯同埋鰻魚炒飯，每款都好吸引，所以我都試過。因為某啲原故，真係太耐冇食牛肉飯喇，所以呢到有，都忍唔到！佢嘅溫泉蛋做得幾好，每次都係熟度啱啱好！牛肉飯係真係要加溫泉蛋啲蛋汁先正！☺️🤤同埋嗰個牛肉飯嘅牛肉汁係都幾有牛味，但係就唔係好濃味，而啲洋蔥就切得比較幼細！但係就唔係好林身，係爽口個種，但都好味！不過佢哋就真係偏細碗，女仔食可能啱啱好，但係男仔可能真係未必夠食！佢嘅鰻魚飯都幾好食，但係就冇乜特別，同出面普通嘅差唔多，炒飯都做到粒粒分明，佢哋啲飯都係用咗嘅都係珍珠米，每粒炒飯都會有豉油汁，不過就唔係好食到鰻魚，但都有鰻魚燒汁嘅味，所以如果鍾意食鰻魚嘅話，我建議照叫鰻魚飯，真係啖啖肉會比較好啲！😋🥰如果唔鍾意飯食

成日行過見佢裝修幾靚，門口d食物相吸引，終於鼓起勇氣去試，焗咖喱牛腩飯 $59味道還算不錯，起碼真係辣嘅咖喱🍛，唔以好多餐廳啲咖喱一d都唔辣烤牛肉pizza $59Pizza 🍕 做得好好，以新鮮即做，好食過好多pizza 專門店法式田螺香蒜焗薯 $22(跟餐價)尼個普普通通，唔難食 但又無乜特別食物味道總括都唔錯，但又唔會覺得佢係好好食嗰啲，款式比較少

星期日起身想食個brunch，11點幾好多餐廳都轉左lunch，呢間早餐去到11：30，啱哂weekend想訓晏d嘅我。嫩煎香草雞扒（$39）39蚊有大大份早餐：煎蛋、蒜香牛油多士、雞扒、沙律同薯蓉，好抵食。流心蛋係煎完再焗，麵包軟熟烘得好香。味道都幾好、咁豐富，呢個價錢算係咁啦～特別一提，呢個檸檬茶係冇原片檸檬㗎！Menu話佢係由新鮮檸檬冷壓而成，有更多營養。都幾特別，但如果你係鐘意自己督督督個檸檬控制酸度嘅話就可能唔適合啦。

區內西餐廳不算少，但性價比高的卻不多，這間便是街坊的熱門之選，晚餐幾乎每晚都要等位，我也來光顧過幾次餐牌又轉了設計，可能是加價吧？但價錢仍然合理每份餐具放在獨立膠袋中，感覺衛生一點脆皮咸豬手配薯條($98)及菌皇忌廉湯菌皇忌廉湯：吃得出粒粒切得很細的磨菇蓉，忌廉湯香濃，味道不錯脆皮咸豬手：外皮炸得香脆，只是豬手不夠入味，輕易切開骨肉分離，如果能配上酸菜會更好薯條：可能放久了吧？吃的時候已經不脆，上菜時已配上茄汁，這個一般焗咖哩牛腩飯($59)上檯時非常熱辣辣新鮮焗好，上面有一層芝士，裡面的咖哩加了點椰香，辛辣得來惹味，不得不說這裡的咖哩飯很合我胃口，除了吃得多有點太辣之外，真的好吃凍檸檬茶(+$10)無得篤檸檬的檸檬茶，有些檸檬肉已經混在茶中，其實我比較喜歡自己篤，可以調較酸甜度，不過這款的酸甜味道也調較得不錯其他餐牌

哩間餐廳相信聯和墟無人不識, 聽朋友講過好多次佢地點好點正, 今次幫個客睇家居風水同來年運程, 就幫襯哩間餐廳, 係入面吹水詳談!吸引力法則, 成間餐廳得番個 corner 位, 都被我地遇到, 啱哂我地柄埋一角密密傾添啦!由於我忙著打點一切, 叫秘書順便幫我點埋餐, 秘書就幫我叫咗客蛋黃煙肉卡邦尼長通粉, 白湯同凍0茶少冰.個人喜好長通粉, 蝴蝶粉同天使麵都係我杯茶, 傳統果D一條條意粉最唔欣賞, 所以眼前嘅長通粉, 未食先加分.蛋黃汁係第一次食, 雖然聞上去蛋黃香唔強, 但入口就非常惹味.長通粉亦煮得比較彈牙, 唔會煮到過火爛哂, 再配上蛋黃汁, 超正! 推介!白湯係栗米忌廉湯, 話就話白湯, 但顏色偏黃, 配料足夠, 可惜質感比較"水", 濃郁D更理想.秘書點咗個重量級公司三文治，望上去已知足料，好鬼想叫秘書妹妹俾件我試吓，不過，哩D行為係個客面前我又做唔出.....上網睇一睇, 意樂原來有好多分店, 可惜無一間就自己, 粉嶺對於自己嚟講係最就腳.最後講講價單, 三個T餐都係百四蚊, 一定平過意粉屋!睇嚟.... 我心目中最愛意粉屋, 地位受動遙了 (^_^).

今日下午3:30和客人喺兩個區開始睇舖位，下午4:30到達粉嶺聯和墟睇最後一個舖位，一落的士就發現原來附近有一座新大廈叫做Market 28，對面分別是匯豐銀行或中國銀行，即係聯和墟嘅中心點，單邊有一間Itamomo餐廳，因為門面開掦，客人話睇落係成個區最多人嘅餐廳，不如睇完舖位之後入嚟食個下午茶餐：厚切西多士（$29）厚度超級無敵厚，我諗應該可能有三吋半，中間夾左一層花生醬，但係客人話比一般餐廳做得好的是不會夾到硬屈屈，食落去鬆軟得來會彈返起，唔會扁左，而且味道很好，有蛋香，不過我哋只係落咗三分之一片牛油，我哋兩個怕太肥，淋糖漿！客人話佢嗰杯蘆薈蜜桃熱茶（+11）好好飲！呢個漏左沒有影相。我杯凍檸茶少甜一般（+$3）慢煮咖喱雞飯珍珠米外賣攞走（$48），呢個味道很好，果然是秘製咖喱膽，雞肉也很嫩滑（但係呢個食完之後醒起沒有影相）

呢間餐廳又平又抵食，差唔多做咗我平時嘅飯堂😍😍😍今次要介紹嘅係一個非常抵食嘅Pizza之選上晝11:30之後，惠顧任何套餐或主食（小食、湯及沙律除外），都可以用一個非常優惠嘅價錢，加配六吋嘅Pizza🤩🤩🤩仲要惠顧主餐牌加配飲品可以有半價嘅優惠🤑🤑🤑冬天嘅時候，可以叫一杯熱「蘆薈蜜桃茶」或者熱「蘆薈荔枝蜜」😋😋😋 一個暖粒粒之選