意樂餐廳 (荃錦中心)

營業中

休息中

上次星期六朝早想去呢間餐廳食早餐但好多人，今次就趁閒日朝早早d起身過去食早餐，等左一陣就入得啦！早餐既menu都大份，都幾多選題，而且價錢都唔貴，圖文並茂咁望落去幾吸引本來想揀晒期間限定果兩個，但有一個已經賣晒喇，所以就揀左雞肉腸、餐肉、煎焗流心蛋、蒜香牛油多士配火腿濃湯通心粉，賣相唔錯，仲有少少沙律菜，蒜香牛油多士係香脆既，火腿通粉唔算太淋跟餐既熱咖啡幾香濃另一個揀左鮮雜菌蕃茄湯通粉，呢個幾好味，雖然無乜餸，但個蕃茄湯味唔錯另外加多左個牛角飽，呢個就麻麻，唔熱又有d淋茶餐廳價錢但比茶餐廳好，下次會再去

星期日晏晝去咗食呢間價廉物美嘅餐廳，以我所知佢係連鎖式集團，有好多副線，好多間嘅水準都唔錯，喺茶餐廳界來講比較特別少少嘅西餐廳，之前食過好多種類，例如意粉，炸薯角，扒類套餐等等。 今次就試咗蕃茄意粉，雖然價錢平但係一啲都唔馬虎。 今次呢個番茄意粉都好足料夠味，蝦都大粒，最緊要係上碟都好靚仔，算係平價chill吓之選。值得一試。

11點落單早餐，App顯示11點45五分可以取，我11點45到店未得，等左10分鐘問職員，再等等未有你，再等十分鐘再問，就快未到，再等十分鐘我再問先幫我查單，話外賣俾其他人取走左，幾搞笑的大話，一定漏單，話一係退單一係等多十分鐘。足足個外賣做左個半鐘。

安格斯牛柳炒珍珠飯 $58這個飯最大的亮點是安格斯牛柳粒，牛柳粒的份量挺多，好像吃極都還吃不完。炒飯粒粒粒分明，醬汁炒得很入味，平均分布在每一粒的米飯中，與蔥花粒味道十分匹配。很欣賞炒飯中加入了芝麻粒和粟米粒，亦有一些鮮菇粒，令整個飯的層次更上一層樓。-帆立貝海鮮龍蝦汁意大利飯 $58相比之下，這個帆立貝海鮮龍蝦汁意大利飯真叫人非常失望。首先，說好的帆立貝只有丁點兩粒。不但咬落像是雪藏貨色，而且看起來size非常縮水，完全不明白為什麼這個飯的主角是帆立貝。🤷🏻‍♀️ 接着海鮮也只是有一些蜆肉意義，連墨魚圈也沒有。並且所謂的龍蝦汁味道不太濃郁，不說也吃不出來是龍蝦汁。最後，這個意大利飯煮得比較濕潤，建議可以下少一點水，現在有點像湯飯。

3:26行經荃錦中心見意樂外面有條人龍，打聽下知道係外賣脆皮鹹豬手，未腍到夜晚煮咩餸，人排我又排，買番隻加餸。豬手要3:30才開賣，每人到櫃位俾錢，職員在櫃檯旁把包裝好嘅豬手俾你，行動好快，輪到我時已經係最後一份。好彩買到，唔駛白排。一日都有幾次出爐時間，3:30之後要4:30先再有。豬手放係紙袋內再用膠袋裝好，拿在手都仲熱熱哋，有陣豬手香味滲出嚟。要脆皮就唔好焗住個袋，所以我都打開小小個紙袋透氣。回家打開仔細睇吓，豬手有5寸長，都幾大隻。用刀叉去切開豬手層皮，皮層幾厚，口感較韌，不過始終在袋內一段時間，脆的部位都變淋了，剩番小小脆邊。豬手肉質較硬，味道不太鹹較淡口，一隻豬手都切出好多塊肉，醮上附送嘅黑椒汁先夠味。不至於好好食，但平平地偶而買番屋企加餸都唔錯。

星期日出去走走逛逛，健身中心運動運動，強身健體，出😅汗，爽！運動完，🚿 舒服黃昏時間，炎熱天氣，在商場享受嗰下午茶，醫肚餓😂 路過意樂餐廳，總是多人，稍等，安排了一人雅座👌裝潢設計不錯，漂亮燈飾下午茶餐有意粉、多士、飯、雞翼… 等等，配熱飲或湯香草鮮野菌忌廉天使麵 $40白色碟子放上天使麵，份量🍝多，軟硬剛剛好，材料多多，切成小小塊鮮野菌🍄菇菌，紅色洋蔥，濃濃忌廉汁，好滋味😋粟米🌽忌廉湯，又香又甜粟米粒粒，滑滑食得開心🥳飽飽

今晚西餐快餐 連鎖式快餐西餐薯蓉焗田螺 番茄汁燴飯 美國西冷牛扒 特飲2杯 一客焗口螺底下係一球薯蓉,焗香左外層脆脆地咬開仍然係好軟棉既 田螺肉就無咩味但有牛油香口味係彈牙西冷牛扒夠大片配洋蔥汁 燒粟米番茄 肉味夠濃5成熟岩岩好食野菌番茄燴飯 食到好多野菌粒同洋蔥西芹配料口感唔錯幾豐富2杯凍飲幾好飲 夠解膩消費$250荃灣青山公路300-350號荃錦中心2樓51-75號舖評分7/10

同友人係上大帽山通宵睇星，不過夜晚落大雨。。。又攰又餓，但要等7點先有巴士出荃灣，落車後即刻去覓食，意樂絕對係首選！平時多係意樂食lunch同dinner，早餐都係第一次，驚喜萬分！！點左珍寶全餐，超足料！首先係兩件厚多士，好香呀，即時醒神左！然後有漢堡扒，午餐肉同火腿，全部都係一整塊！！一般餐廳都係半塊或者薄切切，但呢度係一整塊，所以真係好開心！之後就係炒滑蛋，朝早食到嫩滑嘅炒蛋係幸福嘅開始！再來就係配菜同薯蓉，好夾好好味！最後配上華田多奶，太完滿了！發現每間意樂都係播同一首音樂，不停loop,如果可以播下其他音樂就好！

最近新覓食到一家人氣旺盛的餐廳🍴，每次經過總能見到門口大排長龍， 其實排隊輪候既時間都可以接受，因為同酒樓自己按人數攞號票🎫-睇牌冧巴叫號一樣，所以攞左號都可以係商場周圍轉一轉，間中過黎睇睇輪到未，唔駛棟響度死等，我哋差唔多15分鐘就輪到，呢個時間算可接受到！ 佢哋餐牌既早餐套餐種類巨多，主要配菜的配搭都好豐富，食材都好乾淨新鮮，比起外面嗰d茶餐廳早餐真係好太多太多~我哋2大1細叫左兩份套餐，睇餐牌圖片時就覺得份量都幾大，但係等到店員攞過黎時著實嚇一跳，真係好大一份啊 不單主食同配菜都好讚，更加令到我驚喜既係盤底仲有薯蓉，呢個小朋友特別鍾意食，而且主食同沙律菜既蘸料也非常贴心配送埋👍感覺呢間餐廳既細節方面做足💯， 相信呢間餐廳係未來一段時間，一定會係我哋經常幫親既餐廳因为餐牌上仲有好多種類都想试，哈哈~一定唔會踩坑！

呢間餐廳好多分店，我喺唔同嘅地區都有去幫襯過呢間餐廳，無論午餐，下午茶，晚餐，可謂平靚正👍🏻今日叫咗兩個下午茶餐，一個係香草鮮野菌忌廉天使麵🧚另一個係粗粒花生醬厚切西多士，兩個餐都揀咗熱菜蜜，唔洗加錢。另外加$10加配柚子芝麻蜜糖雞翼🍗天使麵份量十足🍝麵質軟硬適中，其他地方好少食到天使麵。全碟有好多塊鮮野菌🍄配上又濃又滑又香嘅忌廉湯，好好味🤤下午茶一定要食西多士🍞西多一送上枱，仲係熱辣辣，脆卜卜，配上一片牛油同粗粒花生醬，雖然好邪惡，但正到冇得彈🤣兩隻柚子芝麻蜜糖雞翼🐣係每次必叫嘅小食，炸得好香脆，柚子配芝麻蜜糖好夾，抵讚😋加埋一杯熱呼呼的菜蜜，大滿足😚

今晚不煮飯，打算近近地同屋人搵餐廳試吓晚餐，在餐廳門口等了10分鐘左右之後入坐！餐廳面積都很大，而且都很多坐位，就算你已經食完都不會催促你離開！我們點了豬扒滑蛋飯，鰻魚滑蛋飯，牛柳粒炒飯，鰻魚炒飯，餐廳選用珍珠米很美味！另外仲加咗兩個小食炸雞件同薯條跟芝士汁，食物不會太鹹，分量剛剛好！還有晚餐所有飲品半價!

荃錦商場在堅•離地荃灣都算是比較少人流的商場，這家意樂餐廳在商場二樓儘頭，今日偶然經過，想起黃大仙中心那家長期人滿為患，就進去試試。餐廳裝潢行工業風，個人還滿喜歡他的天花板的處理，善用原本樓頂，無需假天花，又好看。看店面明明可以行中價路線，但餐牌走的是平民路線。茶餐一律$30上下就有交易，而且選擇還很多。點了漢堡扒+流心蛋蕃茄湯長通粉 ($34), 另加兩隻水牛城雞翼 （$11），即磨咖啡還不用加錢！漢堡扒、通粉都正常，真•流心蛋有驚喜。雖然蕃茄湯上飄著蕃茄碎，但一點蕃茄味也沒有，水溜溜的，只是死鹹。 不過想到只是$34， 也不能強人所難。水牛城雞翼上面的香草裝飾成份居多，但表皮炸得香脆，內裏保持到嫩滑濕潤，配上惹味辣醬汁，好吃但下單有段插曲，我跟隔壁的阿姨都外加了雞翼，我們都清楚聽到店員說加$9/兩隻，誰知來到變了$11， 雖然我覺得都可以接受，但店員不清楚價錢亂講，不太好吧。總的來說，以這個價錢吃到飽，環境還不錯，可以接受。經過再想食個快飯，可以考慮。

由於趕住下午茶時段落單、心情異常緊張，在緊張之下趨著服務員落單，後得服務員溫馨提示，才放鬆心情下單，不得不讚他們的態度，最後食得安心、開心下完成呢一餐！服務員其實好影響食客心情，所以作為老闆也應常常提點員工。

星期日，出去走走逛逛，荃灣健身中心 運動，強身健體，非常好黃昏時得 疲倦了，梳洗一下，約會家人 共進晚飯，附近商場，荃錦中心 「意樂餐廳」香草鮮野菌忌廉天使麵 $52紅洋蔥，片片菇菌，忌廉 creamy, 幼幼麵吃得滋味😋安格斯牛柳粒炒珍珠飯 $64灑上芝麻，賣相不錯，粟米🌽粒、軟綿綿 米飯🍚粒粒飽滿、牛柳粒粒夠嫩，味道正加配 半溶芝士配滋味脆薯條 $15薯條炸夠香脆、點上半溶芝士，我最鍾意加配😀濃香粟米🌽忌廉湯 $9香滑可口，甜甜粟米

這間餐廳時常都有顧客排隊，朋友說經濟抵食。今日我哋一齊去食下午茶，不約而同都選了意大利蕃茄濃湯長通粉系列。意大利蕃茄濃湯還可自選雙拼，有煎焗留心蛋、煙肉、腸仔、餐肉、漢堡扒等等，我選了留心蛋和煙肉， 餐茶叫了茶走。通粉送上時，蕃茄湯的顏色不太吸引，但試下原來好有蕃茄味酸酸甜甜，可能沒有茄膏的顏色所以比較淺色，長通粉質地也不錯。流心蛋有流心，煙肉也香口，味道不錯可惜賣相爭一點。「茶走」茶底也香濃，$32一個下午茶又真係幾抵食。