意樂餐廳 (長發廣場)

營業中

休息中

其實有時意樂都真係高出水準 意樂我會形容為係一間高級少少嘅茶餐廳，但佢嘅食物質素唔係高級少少，我可以形容為多多食完真係有啲喜出望外叫咗個酥皮湯，卡邦尼意粉同埋牛扒老實講其實飲完酥皮湯已經好飽，佢仲要係加錢換，如果唔大食嘅真係唔洗叫咁多嘢☺️ 反而個意粉就有啲失望嘅，個汁都OK，但係啲粉就麻麻哋啦！個牛扒係真係有啲驚喜，唔會好似啲茶餐廳咁，係咁食到啲鬆肉粉味係真係食到牛味，仲有嗰個牛肝菌汁係幾特別嘅不過奉獻一句唔好喺度飲奶茶😂 同埋呢間野係多味精㗎

青衣附近其实好食嘅早餐地方不多，行去長發商场望望！依家开餐首選不是看價錢了，反而首先看看地点干唔干净，坐位有無相隔距離！看見這間有兩點中了我要求，所以就入去試吓！簡單點了火腿公仔面餐🍜賣相還可以但可惜食物，尤其飲品完全不夠熱😌

我住青衣，都常常食意樂，一向都冇咩服務，唔緊要，可以靜靜食嘢我幾舒服，但服務員態度真係超差，冇禮貌，用唔友善態度要我帶走垃圾，我問服務員此店係沒有垃圾桶嗎？佢仲要好惡話冇我自行帶走冇問題，問題係冇禮貌，現在啲服務質素真係差吖！

喺附近返工日日都係食呢間，好彩餐牌定期有轉下，冇咁悶☺️豬柳蛋飯個香蒜汁好香，鍾意濃味朋友可以試吓😇個蛋就冇味，塊豬扒煎到好香加埋蒜蓉汁一流😃豬骨叉燒拉麵個湯唔錯，食到後面有少少咸。叉燒較薄，我覺得肥瘦適中。加咗$9有兩隻水牛雞翼好香，少少辣可以一試

之前荃灣分店試過，都幾多吃食，今次就試下青衣分店🤗1點lunch time度度都好多人，呢間位置比較多，好快就探完熱有位坐。Lunch餐牌都有唔少心水，可以逐一試試🤣松露汁雞焗飯賣相好吸引，芝士👏🏻👏🏻👏🏻一上台已經好香🤭食晒朋友叫嘅牛扒飯配埋黑椒汁一洗☺️☺️呢間嘢會有下次

樓下商場既意樂餐廳無論係午市定晚市外賣經常都好多人。我就最中意食佢呢度既1日式拉麵。拉面唔會煮得太淋或者太硬唔熟，有咬口。湯底我都係選擇麻辣湯，雖然都係有豬骨湯味道，但就勝在夠濃味得黎，顏色夠紅卜卜。

一個好嘅Good Morning 當然要食個靚早餐啦🌞青衣分店面積幾大，可容納多個卡位，而且每個座位有高板隔離，私人度同衛生程度幾好👍🏻蛋白牛奶麥皮配芝士流心溫泉蛋厚多士🧀麥皮少甜感覺健康👍🏻 多士方面如果再落多啲會正啲，而且上碟時候有少少凍咗☹️ 但整體而言都好好抵嘅👍🏻超値全餐🍞🥚🥓味道正常，最有亮點係蒜蓉厚多士！焗得好脆口而且濃濃嘅蒜蓉，大件又厚Today is a good day ar!🌞

股票有少少斬獲，唔想煮，但晚市禁堂食，唯有諗外賣，近近地，又想食得豐富d, 諗起意樂餐廳。見到有2人餐或4人餐，一於盡情d, 揀4人餐2個人食，一定夠飽 😆😆套餐有齊餐湯，沙律，小食，意粉，飯，牛扒，烤雞相當豐富，我欣賞佢哋可以將餐湯改罐裝汽水，令套餐有埋餐飲，更完美 🥰沙律 - 好新鮮雞翼 - 好肥美，啖啖肉餐湯 - 非常濃，好似漿咁 🤣🤣 滿滿一碗，飲到一半已飽飽哋飯 - 鰻魚炒飯好好味，量亦算多牛扒 - 大大塊，好腍，好好食一定會再幫襯，大滿足 😋😋😋

今日下午茶去咗長發商場諗住搵嘢食，其實成個場都幾多餐廳好熱鬧下，最後揀咗呢間<意樂餐廳>喺長發商場嘅三樓，入到嚟原來好大間好多卡位，坐得都幾舒服睇見個menu都有好多選擇，而且價錢都好平民，同一般既茶餐廳差唔多，但望落嘅質素都幾個，有cafe嘅水準最後嗌咗份炭燒雞扒包拼薯條，仲有餐肉滑蛋三文治，真心好味， 而且價錢又唔貴值得推薦

我跟老公今天出來走走，來了青衣的長發廣場。看這家意樂蠻多分店，就進來試試。老公點了安格斯牛排餐而我就選了芝士白汁雞排套餐。老公的餐是包了一客忌廉蘑菇湯的，他剛打算放進口，就發現有一大條長頭髮在湯裡面，惡心非常 🤮！兩個主菜來到時，我們都猶豫了一下，仔細檢查... 最後決定都是一餐，放膽吃吧！我老公要求的五成熟牛排蠻好喔！配菜也可以，但是薯條就很很很一般... 我的雞排還可以，比我預期中的好，不過不失吧，也不能說好吃... 有一點不倫不類... 當然沒有把它KO掉，吃了一半雞排，煎蛋和蔬菜... 薯條吃起來好像是翻炸的，只吃了一條... 所謂的司華力腸並不是跟照片的一樣，端上來時應該只有一半 （給我老公吃了）總的來說，如果你只打算醫醫肚子，一餐半餐是可以的，可是這地方相信我只能一年來一次... 😅😅😅

意樂餐廳青衣担杆山路6號長發邨長發廣場3樓321C號舖呢間平民西餐廳近幾年好似愈做愈大，係港九新界好多地區都見到佢地既分店，至於長發商場呢間記憶上都開左好幾年，今晚有機會再黎試試餐廳係商場既3樓，係正百佳超市對面，如果唔係住係呢頭可能未必咁容易搵到，因為佢既位置都有D隱閉我地差唔多9點先入座，所以食客都唔算太多，但據我所知係晚飯時段6~8點，雖然餐廳間鋪咁大，但好多時都要排隊架每一餐飯最緊要既凍奶茶還可以啦，但始終唔可以同茶餐廳比啦所有跟餐既西湯加10蚊就可以轉酥皮黑松露忌廉湯，係抵既不過你要有心理準備可能要食左個主菜先飲到個湯，我唸因為係落單廚房先焗，所以都理解既 香草忌廉大蝦三文魚扁意粉意式蕃茄豬扒小鍋配珍珠飯美式雜扒好豐盛大堆頭，雞扒豬扒正常既，反而覺得最好味係個炸薯條同個炒飯3個人盛惠$224,算幾抵啦，食物質素對得起呢個價錢後話其實我係比呢隻脆皮鹹豬手吸引左入黎呢間餐廳架，但點知坐低左先知已經賣晒，無理由起身走咁核突啦，即係比藉口我要再黎幫襯啦8呢到早餐，午餐，下午茶，晚餐都有推出一款食物係推价，我睇價錢應該係比meun d正餐平少少，如果岩食既可以點呢幾款

一向認為意樂係一間性價比幾高的餐廳。佢地嘅西式食品一向都覺得唔錯，而且價錢經濟又實惠。而佢地餐牌上嘅菜式選擇亦十分多，真係唔洗驚搵唔到野食...叫左一個拉麵同一個燴飯，仲有得跟埋沙律，真係夠哂健康！

長發嘅意樂屹立左一段唔算短嘅時間，佢嘅下午茶同lunch嘅選擇其實都好多，而且價錢划算才是重點！二人各自點了一個下午茶，再加多個pizza，幾乎三個餐咁濟，埋單才$103！柚子雞翼份量雖然唔多，但對於女仔黎講都足夠啦，咁先至$30！白汁吞拿魚長通粉不過不失，其實我幾鐘意下午黎佢呢度食佢嘅意粉的！但呢個pizza真係令我好失望！各樣的配搭其實都ok，但好地地一個pizza點解要加芥茉醬落去呢？辣到我完全食唔到！因為凍飲的關係，埋單多左$3，如果唔係齊頭$100岩岩好

長發商場經過大執位，好多新食肆進駐，不過有Ｄ唔怕競爭，依舊屹立不倒既，其中一間就係意樂啦！今日我地午飯時間去，已經坐滿晒人，好在朋友幫我霸定位先！💕我叫左個飛魚子煙三文魚蛋白炒珍珠飯，個名咁長一聽就知份量十足啦！黎到就見講真唔太大碟，不過係無偷工減料既！尤其有好多塊三文魚，鮮甜好味！仲有Ｄ菇好好口感，Ｄ飛魚子混入飯中好香口，極力推薦！👍🏻👍🏻👍🏻我有個朋友叫左白汁吞拿魚肉醬焗意粉，以為焗野好耐啦，點知十分鐘內送到，效率幾高！而且焗得好透，香噴噴，朋友話好多肉醬，食得佢津津有味！ 😉😉而另一位朋友就叫左香草烤雞茄子忌廉焗珍珠飯，呢個本來我都想叫架，不過想食三文魚飯多Ｄ，下次一定要試呢個！淨係Ｄ忌廉汁已經好吸引，塊雞扒好大塊，睇住佢食真係羨慕死人！而Ｄ飯都焗得好透，大碟夠飽，正！❤️❤️

好肚餓，啱啱先落街食飯。原本想去第二度食，但係頂唔順，天氣又熱又焗，我要冷氣，冷氣，冷氣，即刻搵個地方近近地坐下先。屋村商場有間ITAMOMO我大約2，3年前去食早餐同下午茶，感覺良好，之後都未有機會再去，今日正好可以再睇下有咩唔同。地方一樣咁大，裝修都差不多，工業風格有小小格調，係中間有多個收碗碟嘅位，方便員工快速收集，地方乾淨，客人好多，未見人龍，不過因為本身地方好大。下午茶種類好多，有飯有麵有多士有三文治，我就叫左個＜香草鮮野菌忌廉天使麵＞加熱奶茶。熱奶茶先到，口感普通，要飲港式奶茶真係沒有辦法和茶餐廳相比，我後悔去西餐廳無叫Coffee。＜香草鮮野菌忌廉天使麵＞嚟到，賣相不錯，材料亦足，起碼有條菜有香草，有色水，HKD 37仲想點。大家可比較我另外食評睇下其他餐廳意粉圖片。總括黎講，快靚正應該係意樂嘅目標，都已經幾成功。我應該會嚟多D, 好過出去食到咁貴，呵呵呵