意樂餐廳 (長發廣場)

營業中

休息中

朋友係藍澄灣返工所以基本上約佢食飯都係青衣又唔想去青衣城咁多人所以長發就變左我地不二之選加上大家都有車返屋企呢間餐廳係全港都有幾間分店價錢都好大眾化而且環境舒服都好岩朋友黎食飯傾計食物總類都唔算少架有扒有面有飯我地叫左一個拉面同沙律因為沙律係小食類所以冇得加飲品雞肉沙律比起全素沙律飽一點沙律菜都幾新鮮而且唔係單一種生菜而麵包乾亦都係脆口如果可以加飲品就更好喇九洲豬軟骨叉燒拉麵湯底雖然都有豬骨味 但食落都比較咸而啲肉一樣都相對咸但肉質不錯 不太硬而拉麵軟更適中不過如果想轉烏冬就要加錢喇至於牛乳抹茶啫哩值得一讚既係呢到既抹茶你唔會飲到粉啫哩分量都唔少不過如果可以有啫哩口味比大家選擇就更好啦另外 門口有D乾貨比大家選購可以比大家係屋企煮到好味既麵

話說今晚沒煮飯，就到附近商場隨便食晚餐，以前的「意樂」好像轉換了新形象？！不是，應該只是太耐冇食，門面有點改變，有凍櫃...說回食物，同朋友各點一款飯食+飲品，份量剛好，但大食男仔未必夠。【帆立貝海鮮龍蝦汁焗珍珠飯】即叫即焗熱辣辣上枱，傳來吸引香味，芝士仲焗到幾金黃，令食慾大增。海鮮有魷魚、蜆、帆立貝等等，都幾豐富，芝士與醬汁都好惹味，拌飯食一流。珍珠米飯有別一般茶記用的米，珍珠米更煙韌香軟，而且不會好乾身。朋友的芥末煙肉意大利飯，食了少少，味道都不錯，有淡淡芥末味，令煙肉不膩，還更惹味。【凍胚芽好立克 】價錢不平，其實味道都估到一般，雖然冰塊多，幸好不會太淡味，而且算大杯。總捨，食物味道可以，價錢亦可接受，幾方便就腳（對附近居民），醫肚選擇之一。

放假終於有時間去吃個晚飯，這間餐廳已經是我第二次來光顧，味道不錯，餐廳很寬敞，位置坐得挺舒服，最重要是價錢不貴，這次和男友叫了一碟"蒲燒鰻魚飯🍛"👈🏽有我喜愛的鰻魚，醬汁甜得來剛好不會膩，口感不錯，"墨西哥辣肉醬溫泉蛋焗飯🥘"👈🏽很濃味的芝士🧀，加上辣醬很惹味🤤....最後叫了一客"和風照燒雞比薩🍕" ,比薩外層脆脆的而且這個配塔不錯👍味道還好，有照燒雞、紫菜、洋蔥、雜菇、菠蘿。下一次我會嘗試其他的！另外配多一杯冰的胚牙好立克 ☕️好喝但比較塔早餐！下次我會等待下早班的時候再來吧！

Itamomo都幾多分店，喱間都幾大間，我都嚟食過幾次。今日我一條noun嚟食野。餐牌好多張，出品種類繁多。我今日叫左兩樣野，西西里式鲜茄烤豬扒焗珍珠飯同埋牛乳抹茶啫喱冰冰。襯d野未嚟，我出去自助取水處攞左兩杯水，one for飲and one for 洗吓d刀义。杯啫喱冰冰嚟左先，d冰大細同份量都適中，飲落都覺有抹茶同牛奶味，唔太甜，好，健康d。啫喱煙韌度ok,唔太硬但亦唔太軟，成杯野幾好飲，但只係得支飲筒，大粒d嗰d啫喱吸唔倒喎，點解冇支細嘅spoon用嚟but啫喱呢，攪到我要揾支食飯嘅spoon嚟but,真係怪左少少囉。焗飯嚟喇個名真係好長。飯用鐵碟載住，熱辣辣，少少chi底，證明係原碟即焗。試吓味先，番茄算係幾新鲜，原裝番茄味冇加糖炮制，俾個like你。豬扒以焗飯嚟計都算嫰滑，因為焗飯好多時都會將d肉焗到鞋sap sap, 配料包括草菇，椰菜同微量蛋，食落口感確係唔錯，油唔多，對我呢類講求健康嘅人都幾適合，巧初初唔知呢樽係乜東東，睇真原來係胡椒粉，成支飲筒咁高嘅胡椒粉你阿哥我都係第一次見，唔通近來胡椒大豐收，賣一蚊一斤？食具盒都ok嘅，但如果有個蓋會衛生d囉咖啡糖係咪飲咖啡至用

搬來青衣後都幫襯咗好多次，後來投入環保生活，會叫侍應走膠棍膠飲管，初初成功，後來幾次都唔走，我無去幫襯一排，尋日經過去食下，單上有寫"走餐具"，終於喺我好支持"咪嘥嘢食店"呢樣唔浪費同時進步到可以走埋膠棍。講返食物先，我就覺得無以前噤好食，但係我仍然好鍾意佢嘅奶茶，唔係度度奶茶都好好飲㗎，加$3蒜蓉多士都嫩抵喎，原來係成塊，我初會以為得3舊仔法飽。要求唔高，普通平民醫肚已經好抵食㗎喇尋日食下午茶，我都有食過早餐，食過兩次，質素就差啲喇，早餐我唔會再去食

好耐都無食過意樂啦～趁佢裝修完試一試先～裝修後，全部變晒做卡位善用左好多地方人人都愛卡位～咁就唔駛等咁耐啦餐牌好似無咩點變～紅酒牛肋骨珍珠飯～ｄ湯有少少似紅湯～但食得多會覺得咸雞扒野菌滑蛋飯配西西里茄汁～又係珍珠飯黎～茄汁唔係平時食薯條配果ｄ～真係有好多粒車厘茄～唔錯呀同埋原來滑蛋有好多洋蔥寫明會好ｄ～有人唔食好難揀出黎配多個粟米湯～中和下ｄ咸味～唔錯呀！好濃郁仲有男人既樽鹽ｔｉｍ要幾咸有幾咸啦～～～總結：屋邨商場內既餐廳～有呢個質素係非常之好！價錢又抵食～環境又闊又大～幾多人都可以坐卡位不過拎水就要自助啦無所謂啦～行２步姐～絕對會再食～如果我樓下有～可以會變飯堂

全新裝修之後，服務差過以前。啲伙記叫極都唔彩你，有啲最攪笑係見到當唔見，繼續直行，最後要門口嘅亞小姐同我地落單，你話你唔離譜 。仲有要自己拿水，枱面有冇刀义，好似去咗快餐店。😒

裝修後既餐廳感覺格調高左，但坐低叫侍應攞杯水飲吓，都話要自己自助，食物無新意，面包多士還是不切皮的方包，難食，服務與裝修格調唔配合，感覺是一間有裝修既快餐大排檔餐廳，極之失望。奶茶仍是大家樂式快餐奶茶，坐下位置，侍應無水，無紙巾提供，用餐的叉刀仍是無變，擺放在攬到。早餐食物如煎蛋，餐肉，茄汁豆，不是即時煮的，全部凍既，難食之至，一間有外表無內函，全無新意尤其是無服務的餐廳，感覺連大排檔都不如，概嘆點會攪到咁差劣

最好味是奶茶佢哋應該用植物淡奶，奶茶我就覺得茶膽重要啲，咁應該係佢哋茶膽正喇，點解咁講?我都有去同一集團但唔同名嘅餐廳飲奶茶，完全唔同味之後我都不時會去食，價錢唔貴又好吃鐵板餐：第一次就真係鐵板夠熱，淋汁係會咋咋聲，之後兩次都中無咋咋聲，其實變咗好似係因為上食物器皿係鐵板就叫鐵板囉佢係"咪嘥嘢食店"，我從沒有嘥過佢哋食物，份量對於我係剛剛好我明白咪嘥嘢食店係主要減廚餘，鼓勵食客食晒，可以叫少飯，我以為佢哋係環保食店，但係減廚餘就唔減廢物，我飲噤多次奶茶都係放膠棍，第一次我以為係佢哋洗唔切剛剛過咗午飯時段，但其後次次都係就知佢哋唔係環保人士其實都堂食，做乜仲要係膠棍呢圍住鐵板張紙圈係幫食客擋咗啲汁淋落鐵板時彈出嚟嘅汁，但係都唔夠熱，都無汁彈，咁咪又係嘥嘢

一開始以外這家餐廳是一家普通的西餐廳，但當我和朋友看到餐盤後才發覺這家餐廳不單是有西餐，還有其他的菜色，例如是日本咖喱飯、蛋包飯、拉麵、鐵板餐和pizza等，十分多元化。我們點了兩個海鮮意大利飯和一個白汁海鮮意粉，當初以為份量會比較少，因為其他相似的餐廳也是如此，但結果卻並非如此。就像在圖片裡見到的一樣，不但份量十足，而且賣相也十分美麗，讓人陪感開胃。品嚐了幾口後，我和朋友都認為它們的汁做得十分好，例如是茄汁的味道十分芳香。此外，飯和意粉裡的海鮮也十分野味，做得十分好，而且也沒有煮不熟的情況，以大概$40-$50的價錢來說，是十分的好吃和抵吃了。吃過後，我們都一致認為這家餐廳的飯和意粉都做得十分出色，給我們留下了一個很好的印象，未來一定會再回來品嚐它其他的菜式。

長發商場好少選擇.我同老公選擇左"意樂"tea time:價$便宜(無加一)，食物質素一般，環境一般(suggest梳化椅更換，因嚴重破損) ,地方寬敞，服務尚有進步空間。豬扒包伴薯條(可選擇田園粟米沙律)$29👍🏻👍🏻:以蛋黃醬併蕃茄生菜夾豬扒，熱辣辣好好味，表面個包看似好硬，但入口鬆脆,薯條😔賣相差over cook.(suggest波浪薯條可能更吸引😊)。**凍飲朱古力需加$3.蛋黃卡邦尼煙肉長通粉$36😔:waitress奉上後失望，份量好少(圖顯示一個手掌size)，味道唔夠creamy(好重洋蔥味😭😭),配料對比都算多:煙肉主打，蘑菇，紫洋蔥，芫茜舖面，好似有芹菜粒係d sauce入面。怪怪地唔同一般餐廳ge做法。**熱華田size大杯👍🏻👍🏻free熱飲。其實唔浪費.食完碟通粉+大大杯熱飲係夠飽ge😉其實服務行業，員工笑容好重要~每位都好似無熱誠，笑容欠奉。

與好友不約而同的相遇，大家也覺肚餓便隨意選了間餐廳共進午餐。餐廳的食物頗多元化，因此我們並沒有從set lunch中選擇那些平平無奇的食物，而是在另一餐牌挑選其他較具特色的意大利飯及意粉。墨魚汁鮮蜆魷魚意大利飯：上菜的時候不禁覺得奇怪，明明餐牌上的文字跟圖片都沒有註明會加上番茄蓉的，為何上桌時黑漆漆的墨汁飯會跟鮮紅的番茄交疊在一起呢。而友人的鴨胸炒意粉亦遭遇到同樣的問題，與她所期待的油炒意粉有很大出入。幸好自己對蕃茄並不抗拒，就即管試試味道如何。黑得發亮的飯粒間滲透着潔白的忌廉汁，吃起上來充滿奶香但偏膩口，恰巧面頭的蕃茄蓉錯有錯着地起了提味和解膩的作用。墨汁飯並不是採用尖身和較硬的意大利米作烹調，因此飯粒口感相對軟糯，比較符合香港人的口味。蜆仔跟魷魚圈的份量合理，惟味道不足，似是沒有經過調味。以平民價格就能吃到有模有樣的菜式，性價比還不錯。

今日一家五口同我妹黎到長發諗住帶小朋友話下波波池順便食晚飯，咁我三個女本身鍾意食西餐，所以見到呢間係食西餐又唔洗等位就入左去食啦。我地叫左5樣野4杯飲品（飲品半價）。蒜蓉包：已經淋左，但好多蒜頭，仲有d芝士粉係面，味道都好香，如果佢熱同脆就仲好。夏威夷pizza:比較細份，但呢個價錢算係咁，好足料，但料同個批已經分開左，不過味道都好好。墨魚汁意大利飯：呢個價錢黎譾真係整到好似高級餐廳咁靚，真係好意外。亦都好足料，但味道偏咸。黑松露箘皇意大利飯：都係偏咸，亦唔太夠creamy, 同埋佢嘅紅洋蔥加蒜頭偏生、所以比較辣。卡邦尼長通粉：比較水同咸，但夠多料，不過都係紅洋蔥同蒜偏生會辣。抺茶咖啡冰冰：其實似凍啡多，飲唔出抺茶味，但半價算抵。整體黎講叫咁多樣野都係2百幾蚊埋單真係一個好選擇。

離青衣地鐵站大概10分鐘路程, 就是長安巴士總站, 旁邊有一幢大集團壟斷, 總算一應俱全的街坊商場, 趕緊在附近學校未放學時和朋友來個下午茶短聚. 雞扒包薯條沒有因下午茶優惠價而縮水的雞扒包很快送上, 從外表看來非常脆皮, 雞扒也是覆蓋到麵包, 以千島醬, 一大片蕃茄, 小許生菜作配料夾在兩塊烘得剛好的麵包. 第一口已嚐到雞肉和配料, 煎出來的雞扒沒有乾掉之感, 反而頗juicy. 以此作下午茶令我非常滿足. 新鮮炸起的蘿條相信無人不愛吃, 超愛這種連薯皮的薯條！怪不得我這住在青衣的JM都order雞扒包, 但配沙律熱奶茶有樣東西跟大部分餐廳不同的是: 這裡熱飲杯跟凍飲好像一樣啊, 不用慳住飲真爽^^造型得意的辣椒油！

同三個男人朋友去食lunch 食左$153，但男士嚟講份量唔算足，有d唔飽。味道方面尚佳，叫左個意大利麵，好油，d材料唔係新解個類。空間方面唔錯，地方大，唔會逼，裝潢都唔錯，俾人有舒服嘅感覺。價錢方面，偏貴。