意樂餐廳 (利安商場)

營業中

休息中

👩🏼‍⚕️平時都好少寫食評，今次真係吾寫吾得🤡。平時都經常來呢間👨‍🍳食，因爲佢杯凍檸茶🍋☕️真心好飲，但係今次真係有啲嬲🤯，叫左呢個「蒜香豬拼香草雞珍珠飯」，豬扒🐖都還好，但係雞🍗真係得兩粒，咁你就唔好誤導消費者，你轉「豬扒拼雞粒飯」就算啦…希望下次會改善😞😞😞😞😞😞😞😖😖😖😖😖😖 #香港 #美食 #茶餐廳 #茶記 #我要字數啊😂😂😂😂😂😂😂😂😂

行過路過見無乜人就試吓個下午茶，點知俾佢個腿蛋治震驚咗，烘埋底好好食，刷新咗我對三文治嘅三觀。今次特登嚟試埋個午餐，叫咗個黑椒鴛鴦扒飯。超多黑椒汁，夠辣夠惹味，雞肉酥脆，豬扒都ok，凍啡香濃，正！但係服務真心唔掂，2次嚟都無人安排入座、維持秩序，次次都見到有人因為無排隊、爭先後而鬧交。啲待應做嘢就神情呆滯無乜反應咁，落單上菜收枱都係粒聲唔出，但未至於板起塊面嘅。我只能夠講係全靠廚房水吧救返呢間餐廳。

早排喺度試過早餐 order咗一個雞扒餐肉湯麵 雞扒過度炸熟 偏向乾身 而且份量偏少 湯麵嘅湯底 偏向濃味 感覺落咗好重嘅味精 餐飲點左一杯熱咖啡 咖啡偏向重奶味蓋過咗咖啡味 整體評價一般

個日去左行馬鞍山，行得好辛苦呀，餓左成日冇食野，行完山緊係要食個好野，但係唔知邊到有好野食，又好肚餓就去食左意樂。意樂真係一間平既西式餐廳，啲野真係好平，食物質素都ok，當然冇得同出面高級餐廳比啦，但係佢係算係平民西式餐廳，個日太有食欲，叫左個牛扒，估唔到牛扒都好正，叫左5成熟，我真係好鍾意食5成熟既牛扒，幾好食，我地再叫多左個pizza同薯條，pizza就一般，薯條個芝士汁好好味，估唔到仲要比左好多汁我

一個新西人走左去利安, 唔係因為食好西, 係因為工作姐。以為冇啖好食之中都有食得過架連鎖餐廳既 -- 意樂! 快食快上架快餐 --- 龍蝦湯海鮮湯珍珠飯 $64 。龍蝦味 - 食唔出 ($64蚊架上湯味道係有既) 、海鮮 - 應該都係急凍海鮮雜錦包 有青口 有蝦、珍珠飯就真係用珍珠米既 所以都好飽下架

貨不對版之午餐. 唔知係唔係坐落係公屋, 啲伙計都係師奶, 基本上要自己行去同佢哋講先會彩人, 凍柠檬茶係冇柠檬, 安格斯炒飯圖示有五顏六色,有蘑菇有茄子 但黎碟飯得綠色葱同埋好難食之牛肉. 仲又唔便. 以前有食過第二度但係諗唔到哩間勁差. 以後唔會再去.

意樂餐廳真係遍佈每一區，今日咁岩想食飯🍚🍚， 就去了意樂，叫了個黑椒汁鴛鴦扒飯配珍珠米（雞扒同豬扒），今次個飯有驚喜😱😱， 塊雞扒外脆內嫩，肉汁豐富，而豬扒都夠晒大塊，抵食👍🏻👍🏻，所以推薦去意樂就食黑淑汁鴛鴦扒飯配珍珠米加杯消暑凍檸檬茶😋😘👍🏻，最後仲有白汁忌廉湯🍵🍵有飯有湯仲有杯飲品，抵啦，記得去意樂就唔好錯過，記得叫黑椒鴛鴦扒飯配珍珠米！#午餐#意樂#鴛鴦扒飯😋👍🏻

今日在馬鞍山嘅意樂餐廳食午餐，叫左黑椒鴛鴦扒配珍珠飯，餐湯係忌廉粟米湯，餐飲叫凍檸茶。我覺得你要好肚餓先食得晒，男仔一定夠食，雞扒豬扒都煎得好香好味，擺盤都有心思(唔係求其放到好似碟頭飯咁)又有蔬菜，重有成碗珍珠飯，我食唔晒呀⋯⋯，忌廉粟米湯係我至愛，湯唔杰撻撻，稀杰適中，所以要飲晒佢，好好味😋凍檸茶，佢哋將檸檬打碎做出嚟嘅凍檸茶，所以入面係冇檸檬片，我反而鐘意呀⋯⋯唔使篤篤篤，篤到枱都震埋😆⋯⋯將枱冧咗點算？

#咖喱牛腩飯🍛 #凍檸茶🍹⭐️⭐️⭐️⭐️（最高5⭐️）意樂的咖喱牛腩飯和凍檸茶，佢嘅凍檸茶係冇檸檬，幾特別，味道剛剛好唔太甜，而牛腩比我想像中好食唔會太韌，辣度就剛剛好😋👍🏻

今日想食牛扒，唔使配飯，果然有驚喜，牛扒大大件，佢嘅什菜都好多，又多種類，好啱我心水，重有係佢個粟米湯好好飲，我每次都一定飲，簡簡單單食一餐，又唔貴又好食，你去邊度揾呀⋯⋯

烤豬扒包+薯條🍟$34，凍檸茶+$3唔知係製作需時，太多人叫餐，等候的時間比預期耐。好彩見到個包賣相ok, 麵包經過烤焗較香脆，配上原塊豬扒及生菜🥬$34超值之選👍🏻炒牛肉烏冬$54太黏口，無乜鍋氣認真麻麻希望下次有改善😥牛肉糖心蛋拉麵$52，轉烏冬+$2料多烏冬滑，食完晚飯都唔使🤫整體都唔錯，主要係馬鞍山係美食沙漠有一間又近又平而又唔差，好過去大家樂、麥當勞🍔⋯⋯大部分時間都有7-9成入座率

平時冇食開，因為趕時間，見冇咩人，就入去來個速食，叫左個我覺得係最快出來既拉麵，結果等左4個字都未有，咁未吹佢單，佢第一句唔係話幫我睇下跟下，佢話好多單，但我眼見全店客人都食緊，問佢何來多單？佢話人地食同你食既野唔同，我即事冇野講，之後冇食就走了，呢度唔好講D野好唔好食（因為未食），最大問題係服務態度一句多單大晒，講句check下跟下都好，唔係唔比你多單，但都唔係咁做生意，最火係出去收銀地方同佢投訴佢當我唱歌，冇服務，態度又差，野食好食有限

第一次在意樂吃午餐，便叫了一個焗豬扒飯，番茄汁非常新鮮，不似外面加番茄醬而是用新鮮番茄做，最驚喜就是配菜，食落去絕對新鮮好味有三色椒等等，配合煎香醃製過的豬扒和珍珠米飯，簡直絕配，另外檸檬茶，是用新鮮檸檬汁，不是一片片檸檬，我覺得這樣比較衛生，因外面應該都不會怎樣清潔外皮，所以我覺得餐廳經營者頗用心機的，所以我便再去幫襯試他的早餐，真的很欣賞廚師用心製作，無論選材烹調及性價比都超乎我祈望，首先是個米粉，質感煙韌及幼滑有別於連鎖快餐店，雜菌品種亦不是普通種類，似酒店用那些菇菌，炒蛋有濃香牛油味加用心切的蔥花，顯然用過心思，焗流心蛋頗適合我因不會用油去煎這麼油膩，另加雞扒亦只是$15，煎到皮脆肉滑，份量適中，番茄湯似是新鮮番茄製作，但如再濃些少便是完美，難得茶餐廳這麼用心製作，非常值得支持。

我張單3:27落單，收銀話等15分鐘，結果等左接近25分鐘都未有！！？？ 有個呀姐叫我坐低等(你睇我等左幾耐😳我估多過半個鐘…)外賣到左，呀姐大大力放係我張枱，一句唔好意思都無，服務態度好到不得了😌👏🏻唔通人善真係會被人欺多d？等到我胃口都無哂，成肚氣返到屋企，打開個餐盒仲要係落錯單！我叫沙律！佢全部俾哂薯條我！之後我試下等到天荒地老的「新鮮即炸雞翼」(炸成半個鐘的雞翼)有幾好食啦，點知係，未食過咁難食的雞翼！！？？ 柚子味雞翼甜到震…水牛城雞翼辣到喊…炸魚又乾又薄！薯條硬到我以為食緊樹皮呀大佬！3個餐加埋成$100！？😱 一定無下次！

經常唔開放openrice訂餐“香辣欖油煙鴨胸炒扁意粉”得個辣字，可以話極辣，完全食唔到炒意粉嘅香味，食嗰陣個味蕾完全俾個辣油掩蓋哂，一般人較難接受，只適合食到大辣人士，下午茶分類少。