意粉屋 (已搬遷) 新店位置

又唔係成個tea set變晒, 係加左d新元素入去至真. 個炸蝦同酥餅都係新o既!(兩個都幾好味, 可以試下嫁!) 但係不嬲供應開o既酥皮湯套餐, 迷你pizza, 意粉...都仲有嫁! 同埋而家可以加$10 要夏日特飲囉!我就要左雪糕紅豆冰啦!

咩意粉屋轉左tea set咩? 幾時轉架??

圓規o既造訪, 令我突然多左半日work from home o既日子. 做野做得七七八八, 已經三點幾, 就同家姐落去食下午茶當late lunch.我地叫左兩個下午茶餐, 香芒蜜桃炸蝦($48)同煙三文魚芝士菠菜酥餅($43), 兩個都加左10蚊要雪糕紅豆冰.個酥餅到先, 哈哈, 有d似台灣o個種抓餅! 酥皮裡面包住菠菜同芝士, 上面有少少三文魚碎, 都幾好食!過多一陣, 炸蝦都黎埋. 蝦新鮮炸起, 而且食到蝦味, 幾好! 不過伴碟o既芒果太酸!雪糕紅豆冰就無乜驚喜, 不過不失啦!

超值午餐$55 好多嘢食。有蒜蓉包跟餐湯，一杯幾靚嘅蝦沙律，主菜三選一，我揀了咖喱豬柳飯，都錯。最後仲跟咖啡或茶。真係食到好飽啊！P.S. 匯豐信用咭仲有九折添。

一行三人黎食dinner雲吞薯蓉(茄汁) OKAY啦,不嬲都好芝士焗螺絲粉D 芝士o岩o岩好,CREAMY 得尼又唔漏, 味道咸咸地,不過凍得快.夏威夷批維持水準啦.蟹肉卷, 食落好似係蒸咁, 麻麻地, 我覺得有d腥, 口感唔多好SERVICE 都好,HYGIENE 反而麻麻地

七一同阿媽黎呢度食lunch,諗住食完行下街,點知只係叫個意粉同沙律,就要等成一個鐘頭之久!!雖然個日係多人,但係一個鐘頭實在太耐!而且仲要催左三次都未黎,太過份!個經理明知我地不滿,但係一句對唔住都無!仲有呀,食食下,我發現個沙律有片類似膠袋碎既野,死未!等左咁耐,一肚氣,仲邊有心情行街喎!

大多數的鋪都已重新裝飾...環境不錯..食物都可以.視乎那一間分店,因大廚不同....其實菜單都係個幾樣,但品質維持得幾好...坐得幾舒服...不過就幾貴,份量其實不算太多...但可以....不過經常要排大長龍...

今晚同家姐黎食飯. 我地要左兩客"春.綠田園"o既小龍蝦忌廉湯($45)加酥皮(加$10),再叫左個薄海鮮什錦pizza.好耐無食過酥皮湯啦!細個全家去親pizza hut都一定同家姐一人一個酥皮海皇湯嫁!呢度o既都唔錯喎.個忌廉湯好濃好香. 不過個小龍蝦好"鞋",有無都罷.個海鮮薄餅($88)唔夠味,早知叫煙三文魚薄餅好過!仲有,佢今次呢個薄批真係薄得滯,似克力架多過pizza!

尋晚o係度"外賣自取"意式海鮮炒飯($75 * 0.7 = $52.5). 呢個係廚師推介.個飯好足海鮮料,不過以咁o既價錢就梗係急凍貨色,無咩味. 飯略硬, 我估係配合意式煮法. 佢話係risotto,但同我買黎自己煮o既不論外觀同質感都唔係好同, 唔知係咪因為我平時係煮傳統加cheese,broth, 比較creamy o既risotto, 而佢就炒d risotto.整體黎講,味道okay,都抵食!

外賣自取有75折, 叫個三文魚pizza先至五十幾蚊, 係一個唔錯o既選擇!