意粉工房 (已結業)

來到石硤尾，當然要到南山邨平民飯堂，這裡是主打意粉🍝的！來到門口，已經看到有很多人坐在帳篷下，由於我太怕熱☀️的關係，當然要涼着冷氣坐在室內吧！🤪看完菜單之後，就叫了以下菜色：🍝欖油香蒜煙肉意粉 $46這意粉份量相當多，而且每啖都很香口！欖油的香味，配上惹味的香蒜煙肉，感覺很開胃。香蒜是粒粒狀，有咬口！配上車厘茄、香草、洋蔥、黑椒，令意粉相當入味！果然是以意粉作生招牌！🐔🍚脆皮雞扒蔥油飯 $53最驚喜是脆皮雞扒，大大塊得來，外層脆得很，肉質也很嫩滑，肉汁豐盈。而飯加上了豉油和蔥油，撈上白飯一起吃，就更開胃了，這個份量絕對是抵食之選！🥤凍咖啡（+8）+🍋凍檸茶 (+2)天氣實在太熱，實在要喝冷飲來消暑呢，兩杯飲品令我們降溫不少，味道方面就正正常常吧！總括來說，一間小小的餐廳，食物有大大的份量，性價比極高，埋單只而$109，絕對是很抵呢！😝

我食左2次，2次都好大分別，第一次星期日去朋友屋企見到呢間都幾有新意，想試！於是已經提早打電話落去叫定轉頭拿，姐姐話15分鐘可以拿得，15分鐘去到問，廚房無呢張單跟住見到聽電話個姐姐好亂，淋晒檔，我仲諗緊食唔食好？個姐姐叫廚房即整但都要等15分鐘我叫既係焗雞扒意，於是我咪同佢講轉頭再黎，15分鐘後我朋友再落去又話無order玩嘢咩~佢哋既運作太亂啦，亦都無一個外賣既號碼於是睇住佢焗，拿完外賣上黎食，塊雞扒未熟，仲紅色，好左屋企有氣炸窩隔左15分鐘，個姐姐打俾我係咪叫左外賣，我話已經拿左感覺到佢哋亂到9釆第二日見無咁多人再叫過，呢次就有改善，有號碼牌，起碼唔使咁亂，好快就拿到，雞扒係熟既仲比上次焗得更脆，2次分別真係大。。。我既評分以第二次食既質量定，第一次真係唔掂

之前食過一次意粉工房，已經覺得好正喎，厚切豬扒配茄汁意粉，豬扒勁林超好味到，茄汁意粉炒得超有鑊氣，我加咗$10有湯同麵包，個湯係新鮮即打嘅，所以真係物超所值，同埋如果去嘅話大家都要早少少去攞位，五線時間都比較多人！

一個中午，半天工作過後，與相熟同事在附近的這間街坊小店吃個簡單的午餐。這佈置簡陋的小店，既然名為「意粉工房」，一場來到，當然是吃意粉。吃的是簡單得來我十分喜愛的「欖油香蒜大蝦意粉」（$49）。同樣是 Spaghetti Aglio e olio with Prawn，這兒的價錢比最近去過，覺得意粉水準極高的「月」平了接近一半，意粉質素同樣有所不同，完全被比了下去。其實這天的意粉並不算差，無論口感還是味道都中規中矩，蝦不少，也有蘑菇與車厘茄點綴，不過就不夠香和辣。吃得不夠痛快，而且蒜香也可再濃些。這天我倆坐的是店外的露天座位，雖無涼風習習，但面對開揚的環境，看著面前的風景，感覺還是挺舒服的。

餐廳有露天同屋内，出面有瓦遮頭同大風扇，其實都唔算好熱，裡面雖然有冷氣，但坐位較迫，我地 趁野食未到齊都轉左坐出面，餐廳職員唔算多，野食同飲品都要等，大家要俾小小耐性即叫即炸，不過黑松露味就唔多覺，一定要點佢既sauces就會覺得特別D依個價錢，有咁多蜆肉都好值，有D 連鎖餐廳，67十蚊都係俾10粒你傢ja壓軸出場（ 等左超耐）我唸都係即叫即整所以要等咁耐，不過等係值得既，確實係好食， 新鮮熱辣當然贏左第一步，而且好大塊，帶小小肥膏，唔會韌

疫情時期，政府政策日日新鮮日日跟呀。。搞到我哋外食族同食店都好慘。我始終忠情小店，要支持佢哋渡過難關。所以行過都光顧下，每次買外賣都會比現場食難食，打幾折真係。但亦係因為咁我要再讚一下呢間小店，點解可以連外賣都保持到水準。。芝士大啡菇。。。小小的鋁紙幫到手。。路途遙遠都仲熱熱地。大魚蛋。。。。重點係辣椒醬。。唔食辣都要d。。。魚蛋啖啖肉唔係啖啖粉。

好耐無試過有禮貌、有水準&用心製作的西式小店～ 🥺個人喜好偏硬爽口意粉，而同行友人要求偏軟身意粉，竟然真係二話不說滿足要求👍🏻香脆雞扒，不需要任何醬汁襯托下都「外脆內嫩」🍝😋，份量足料不在話下，連咬落去鬆軟ge西餐包+南瓜湯都有高水準質素！室內環境看得出心思，而且衛生程度理想室外環境闊落，岩晒同行友人外出呼吸，我諗下次有埋小狗坐室外也不錯平民價錢高餐廳質素🤍蠻期待下次，再黎試其他款式🤘🏻🤘🏻

老實講地點就真係唔係好就腳，附近全部都係一啲比較舊嘅屋村，方便打卡，但係可能就係因為租金平，所以你比既價錢好多都係俾咗食物質素，最出名嘅應該係雞扒，大件厚肉，皮脆，但係可能佢哋走清純路線，我覺得可以在濃味少少，反而配菜就相當吸引，50幾蚊一份嘅價錢，竟然有自制薯蓉，有薯粒，味道啱啱好，蕃茄仔同埋洋蔥草菇，火候同埋調味都好有質素。豬扒黃姜飯，先聲奪人，塊豬扒大過我塊面，得好夠味，黃姜飯不過不失，但係咁嘅價錢應該冇投訴㗎啦。飲品方面，鮮水果茶$23，入邊有新鮮生果，蘋果鮮橙同埋熱情果，茶底我估係紅茶。Overall 感覺唔錯，如果冬天涼兩地嘅話坐係佢露天雅座應該幾舒服，始終冬菇亭比我哋無限嘅回憶。食物質素同埋價錢都合理，但係有啲吊腳。

晚上與朋友在石硤尾食餐，選擇比較高格調的🍝「意粉工房」。 晚餐🥣：1） 香濃青豆湯 - 一坐低，伙記好有禮貌咁向我地介招牌菜 厚切雞扒同豬扒，不過要等，由於好肚餓，問下但伙記有咩可以即食，試左個青豆湯，超濃超好味😋😍2）即焗香脆厚切雞扒🍗 - 雖然即叫即整，但等大約10分鐘就有得食，皮薄同脆到一個點，肉好juicy😋 可以自選配意粉定薯蓉，我同朋友一人叫一款，個薯蓉好足料，好味呀！3）即焗厚切豬扒🐷 -大件夾扺食同好食，有濃厚的香草味，不過要趁熱食，凍左就會比較難切開，因為真的好厚，但我無間尺，唔知幾多CM😆4）士多啤梨乳酸特飲🍓 - 係店員推介我地試的新調配特飲，味道青新，又唔太甜，值得一試👍🏼👍🏼

nice people nice food! if you are thinking of where to enjoy a meal with friends and family. this is probably one of the best choice in Kowloon!suggestions:1. 雞扒 so crispy !2. 厚切豬扒 so juicy !3. 雞翼 must try item !4. 魚旦 full of surprise !5. 意粉 al dente

今日咁岩陪朋友去石硤尾那邊影相，影影下又到了食晚餐時間，就打算去南山村睇下有咩好食。因為時間尚早，剛好有幾個位，我們就入去打算試下喇。。其實都係抱住醫飽個肚就算，但又估唔到有驚喜窩，多左個街坊飯堂。。正!我叫左個卡邦尼意粉再加個老闆娘推介的雞扒，一來到我都嚇左一嚇。。。塊雞扒又大塊，個意粉又好足料，雞扒d皮脆仆仆，切開d肉汁流哂出來，諗返都流口水。朋友叫左個麻辣豬扒意粉，如果鍾意食辣的朋友應該都不可抗拒，但唔鐘情食太辣咪小辣囉。一樣咁正。本來以為會似中式麵的感覺，有種中西合璧的感覺但好出奇地一點違和感都無。其實食左個意粉已經好飽，但都用左第二個胃來食甜品，呢個雪糕係乳酪來的，除左乳酪，我仲叫多左個白咖啡果凍，咖啡味好濃，係小店先有的誠意之作，重點係唔太甜，最適合吃了西餐之後點綴。。吃完呢餐，連出面南山村的雪糕都無食。亦為今日的南山村半日遊劃上完美的句點。

今晚同一大班朋友黎食，因為我地都係東鐵線住既朋友，九龍塘站是交差站，最適合我們，可惜多數都好貴，而且唔坐得耐，就選擇搵下同九龍塘好近既石峽尾有咩好食 比我地發現呢間隱世靚靚西餐小館。我地一行九個人到南山村，呢間係個南山村大招牌正下面，好易搵，餐廳入面細細既 我地坐哂之後有多三張四人枱咁，餐廳好有格調，有好有意思既英文金句同靚既椅。店員好親切，慢慢幫我地落單，仲好細心咁問我地野食需時唔一樣 駛唔駛等埋一齊上😽 食物既價錢好好，40-60已經有個好有心意既意粉或者飯，甚至有杯野飲添 我地食大蒜蝦意粉，牛仔腸意粉 同埋卡邦尼咁樣 食物好新鮮 好好食 下次黎想試埋佢個爆漿朱古力添！我地咁多人約埋係傾projecyt ，呢度又有好好既background music dead air無有怕😂 開頭食左一個鐘本來唔係咁好意思想埋單走去搵第二度傾（但好難😭），但係有位好好既店員專登拎水比我地同我地講慢慢坐唔緊要 平日夜晚未咁多人住 真係好好 最後我地好舒服咁傾多個幾鐘 TT最後仲問我地野食好唔好 好關心我地既用餐體驗 仲慢慢唱散比我地 :）想講我地個個都食得好開心 個個都話下次再約要再黎！ 所以多

脆皮雞扒意粉好大塊嘅雞扒真係超級超級脆皮!!!!入面多汁嫩滑，每一啖都好多肉汁等耐D都值!墨汁墨魚腸意粉平民價錢，絕對高質素!!!墨魚腸好似墨魚丸咁，都幾足料架食完成碟成個嘴都黑MUNMUN

南山邨又開新餐廳, 是我最喜歡的意粉, 所以便去試試點了卡邦尼意粉才留意到這家最出名的是雞扒意粉, 看到附近的食客都是吃雞扒意粉, 相當大塊.不過份量並不是全部, 我叫這碟卡邦尼意粉味道還可以, 不太像真的卡邦尼汁, 而且其他配料不多, 只有煙肉.不過學生價還有包一杯飲品, 薏米水 算是飽肚

30度既時候去食 佢有分室內食同室外食 室外有帳篷遮陰有風扇 但30度就想坐係冷氣位 所以我哋就揀咗室內食 我嗌左個脆皮雞扒飯（可以自己揀飯或意粉）雞扒因為係要焗嘅 所以要等15分鐘先至上到菜 塊雞扒真係好大 有用好多香草去醃 食嘅時候有感覺到香草味 但係好似冇乜鹹味 雞皮煎得好香脆 啲肉係嫩滑既 呢個飯上邊嘅黑色就知係開稀左嘅豉油 但係都係淡味嘅 應該係想健康啲所以就落少啲鹽 整體來講個餐唔係濃味嘅 雞扒香脆好加分 嗰日嘅餐飲健康嘢飲係薏米水或洛神花 揀咗薏米水幾好飲幾健康