意粉工房 (已結業)

今日咁岩陪朋友去石硤尾那邊影相，影影下又到了食晚餐時間，就打算去南山村睇下有咩好食。因為時間尚早，剛好有幾個位，我們就入去打算試下喇。。其實都係抱住醫飽個肚就算，但又估唔到有驚喜窩，多左個街坊飯堂。。正!我叫左個卡邦尼意粉再加個老闆娘推介的雞扒，一來到我都嚇左一嚇。。。塊雞扒又大塊，個意粉又好足料，雞扒d皮脆仆仆，切開d肉汁流哂出來，諗返都流口水。朋友叫左個麻辣豬扒意粉，如果鍾意食辣的朋友應該都不可抗拒，但唔鐘情食太辣咪小辣囉。一樣咁正。本來以為會似中式麵的感覺，有種中西合璧的感覺但好出奇地一點違和感都無。其實食左個意粉已經好飽，但都用左第二個胃來食甜品，呢個雪糕係乳酪來的，除左乳酪，我仲叫多左個白咖啡果凍，咖啡味好濃，係小店先有的誠意之作，重點係唔太甜，最適合吃了西餐之後點綴。。吃完呢餐，連出面南山村的雪糕都無食。亦為今日的南山村半日遊劃上完美的句點。