愛家國際餐飲 (已結業)

愛家素食在香港不算很出名，問過很多朋友也好像不知道他們的背景。其實Loving hut集團本身是國際性的飲食集團，在台灣的分店很多。與很多大家常去的佛門/道家素菜館或齋鋪的最主要分別，他們走的是平價快餐路線，而且主打健康，素食救地球多於宣揚宗教。當然，如果你再trace下去，Loving hut本身也是有宗教背景的。只是，如果你當這兒只是一家普通的連鎖快餐店，只是無肉類咁解，就會發覺這兒並沒有濃厚的宗教色彩。友人說這兒很多人也是食三餸的，六餸揀三，配紅麴飯。可選茶，豆漿或例湯。如果三餸不對胃口，也可以選擇其他小炒，再加$12就有飯和飲品。但這樣價錢就會略貴：因為是上樓鋪，所以地方算很大，位子也擺得不算太擠。以快餐店式的經營方式：到收銀處買飛，自己去取餐，自己搵位。餐具也是自助的，還有熱檸水自斟。如果紅麴飯不夠，可以自己添飯。胡亂選了三款餸，見加$5有素荷包，也就試試。先說那個例湯，比起很多地方的湯水，這兒味道較濃。青紅蘿蔔又稔又好味，因為切得大小剛好的關係。這碗例湯絕無味精，味道接近家的味道，確實抵讚。第一味餸是薯仔絲，微辣。本身薯仔絲切得很幼，挾起來也很容易跌返一兩條。但神奇的是這麼

After climbing a few stairs comes a vegan wonderland, so many amazing healthy choices from Hong Kong favourite a such as dim sum, to sandwiches and burgers, to laksa and red yeast rice! Everything sounded amazing and was affordable. The workers were all very kind and spoke good Cantonese and English. I got the set lunch meal for 50HKD with red yeast rice, papaya and mixed bean soup with a choice of 3 side dishes from a list of 7. I chose braised tofu, seasonal veggies and cauliflower. The portio

見到有很多正評 咁岩今日經過 就上去食個晚飯很多菜色可選擇 十分推介素叉燒 (忘記影相)3餸飯賣相雖然麻麻 但味道都ok的 58蚊 可添飯素菜都可以好好味更值得讚嘅係員工服務態度十分好

雖然唔係素食者，不過有時都會特登只係食蔬菜類當一餐，感覺上好似健康少少。去開附近，就走咗去Loving Hut食晚餐。呢度同其他素食餐廳唔同，佢哋係快餐店形式，晌收銀度買完飛，等佢哋整好就要去取餐區拎份餐。叉燒豆腐扒飯配豆漿，眾所周知素食嘅肉多數係用豆腐再加調味料同色素之類去模仿，呢度嘅叉燒都係，賣相真係扮得幾似，食落煙煙韌韌，雖然唔太有肉嘅口感，不過都唔係完全冇味嗰種。豆腐扒就應該係用比較硬身嘅豆腐去整，無扮嘢完全係做緊自己。下面仲有堆炒雜菜例如係椰菜之類，再加埋紅糙米飯同豆腐。係就係冇平時嘅真叉燒飯咁好食，不過總算唔係完全無味嘅，對於平日一定要食肉嘅人嚟講，都算係入門級嘅素食。

我還記得有一次相約幾位朋友吃飯，我提議「不如食齋囉」換來得是一片喝倒采。食齋對很多人的既有形象是唔好食、唔夠飽、好似冇食過野咁，但有時食得健康都緊要。因此，就算我不是長期素食者，但如果找到一家好味又健康的素菜，我都會去試試。今次找到這家位於舊式大廈二樓的新式素菜店。一行入正門，有個非常多菜式素菜的餐牌，佢還會講明有沒有蛋奶或蔥蒜，你更可選擇走蔥蒜，滿足不同人的需要，而另一邊有小菜快餐餐牌，可以選三個餸，配上湯和紅鞠米飯，都是58元，係一個不錯的選擇，可以經濟地試多幾樣野。我點了咖喱g扒，南乳粗齋和茄汁扒，可以滿足一點扮食肉的心態，又有點傳統的素菜。咖哩扒和茄汁（似午餐肉的扒）用豆渣製成，口感都可做到像食一塊煎肉一般，當然沒有肉那種油膩感，而配上較濃的汁，令人真覺得沒有食齋那種沉悶的感覺。而傳統齋方面，南乳齋，簡單的黃芽白，木耳等，加上足料的南乳，煮得入味，真的像家中煮成齋菜的感覺。（但個人覺得整體有丁點鹹，如果淡一點會更好）湯就主要由蘿蔔南瓜煲成，十分清甜沒有油，真的是健康的選擇。食完一餐，係飽足但沒有滯和負擔的感覺，茹素者可一試。另外，坐在店中沒有一種濃厚的宗教感，而店中只會掛上一些

This restaurant has been on my radar for a while. In fact I had even gone as far as the door-way before but was overcome with uncertainty and decided not to risk climbing the stairs to the unknown. This time I waited until I was feeling a little braver and I made it. As you walk through the door you can see boards on the right-hand wall listing the dishes on offer there looked to be many interesting options but as I was dining alone I was here for the set dinner. There was a board behind the cas

第一次接觸愛家，係中學時候係九龍灣補習既日子，淘大既愛家就好似一般快餐店一樣，當中最出色既就係咖哩有如扒飯🙆🏼今次黎到灣仔呢一間，餐廳位於大廈既二樓，一睇餐牌，發現冇左最愛既有如扒飯（原來得淘大分店有）結果就叫左黑椒有如扒飯。佢跟送兩個配菜，一個係清炒時蔬，一個就係好似平時食齋一樣，用濃汁煮過既菜。另外就送一碗中湯，配紅糙米飯。（$63）其實價錢對比起淘大真係有啲貴，全素要63$，加上已經係樓上鋪🙈 不過好彩味道搭夠，平時無用不歡既朋友都接受，但係下次就未必會晚市黎光顧啦，午餐48$三個餸比較可取😝

食素的人，大多數為了健康。好可惜香港大部份素食店都用好多油去煮素，令我地食左可能仲肥仲唔healthy!人來人往既灣仔，好多好既食店都被忽略。如果唔係我當日一抬頭、見到個易拉架；如果唔係我當日忽然行到果個轉角位、好攰好想食啲野，我都冇緣搵到間咁好食既素菜。行上兩層，一打開門便係一個好開揚既環境，有好多玻璃窗可以見到出面的view;)。我最鐘意既就係窗邊，簡個窗位就同媽媽坐好啦。樹立喺收銀機對面的餐牌好得意，唔會用肉的名字，因為係素食館。好似雞丁佢地會寫「G丁」；魚佢地會寫「如」。而每日都會有唔同的是日特餐簡，共6道菜可以選3樣，另選是日例湯or紅茶。當日我叫了咖哩薯仔、叉燒同埋炒雜菜，媽媽叫左銀絲善糊。我食咖哩通常最緊張啲薯仔，成個咖啡哩冇肉都冇問題，最緊要有薯仔！Loving hut 的薯仔唔會粉，夠淋夠入味，用黎族飯真係好正。 個叉燒坦白講，真係做得麻麻。首先，個汁太酸，真正的叉燒係唔會酸既。而且個酸汁味道的確怪怪地，好似仲有啲臭臭地。媽媽的銀絲善糊就好正好精彩！一睇個賣相簡直同真的一模一樣！啲銀牙炒得好爽脆好甘香，好就好在唔會用太多油去炒。就算有，都係用左純天然既油。如是者，我連

今日較早吃午餐， 上到去地方很大人數不多， 隨便找個位坐下， 跟住出去睇餐牌， 是日七樣菜選三樣， 比錢後， 就等叫號碼出去拎野食啦整體來說， 味道還可， 酸、甜、辣都分明湯也清甜， 唯有兩處不好是：1. 菜都是不夠熱， 微暖2.份量一般， 我女仔計， 都係叫夠， 沒有飽的感覺整體來說， 附近想吃素食的話， 這裡還是可取的

因為要戒口既關係，好多野都唔食得。而要數最難避免既就係蛋啦包、麵、炒飯，好多好多食物都含蛋。係開飯搵左陣，見到愛家素食：好啦食素應該會多d選擇既。再睇睇其他人既食評原來依間鋪頭所賣既食品係不含蛋即刻扑鎚食依間！(其實我之前都食過一次，但係完全無發覺到，認真慚愧。)素漫波排飯($58):素漫波排味道甜甜地，幾好味；甜酸齋味道一般；菜就比較清淡；粉紅色既飯好靚杯茶有少少甜，岩岩好。手工脆皮撻($16):戒左咁耐口，見到無蛋既「蛋撻」緊係要試下，解下心癮都好嘛。不過我覺得淡左d，味道一般，感覺重有少少苦苦地。本來想試埋提拉米蘇，好彩無叫到 因為食完依兩樣野已經好飽啦。好想知無蛋同奶既提拉米蘇會係點呀一於下次再黎試！

近幾個月愛上食素，可能因為素食店愈開愈多，款式又愈來愈吸引。今晚去書展前，同朋友就嚟左愛家食。愛家位置其實唔難揾，就係circle k樓上。上到去，比我感覺係好簡潔明亮，對住窗戶的位置好舒服。呢度的店員好有禮貌，安排左我地坐底，比本menu我地睇，之後同我地講睇啱食咩就去收銀處比錢落order就可以了，一個以快餐店模式經營的素食店。朋友因為腸胃唔係幾舒服，所以我地冇叫一人一個set，我地叫左清炒雜菜，什菜沙律和公司三文治share食。可能夏天的關係，三碟食物嚟到，好多綠色，感覺好清新，成個人都冇咁熱。三碟的份量都好足，以為係菜，仲諗住唔夠食，點知食剩左，做左大嘥鬼添。清炒雜菜好味，又唔會好多油，感覺好新鮮。雜菜沙律加左d葡萄乾，帶有點點酸味，感覺好清新。公司三文治用左素肉。因為呢間素食店係唔用蛋和奶，所以三文治入面的唔係蛋，但我地就研究唔到係咩，只是覺得有點似蓮蓉的口感。我地見到餐牌上面仲有好多甜品，而且全部都係標榜唔會用蛋奶整。下次一定要去試下啦。呢度除左係餐廳之外，仲係一個素食雜貨店添。

現今的素食店花款之多，令我這些尋求味覺享受卻又想偶爾吃素的人多了點樂趣。這次是嚐過的第三間樓上素食店，店內還提供各款素食貨品，連素食狗糧也能找到，確是應有盡有。內部裝修不算特別，但就掛滿有關素食的理念和宣傳訊息，例如名人王菲和李連杰也吃素，也不停播放有關教條和人生哲理。值得一讚的是店內提供檸檬水讓客人自由飲用，是少有的貼心服務。這次捨棄了六選一的三餸飯午餐，點了價錢較貴的炒粉麵飯，味道較濃烈的星洲炒米。味道和賣相均忠於原著，只是以大豆制成的素肉絲代替了叉燒。份量也剛好，是我們這些"假素食者"不錯的選擇。小炒的油份難免較多，幸好有附送的小碟椰菜和例湯，令這頓午餐健康點。

那天晚上約了太太去逛年宵，去之前當然要準備晚飯，我們心知銅鑼灣的素食館，又貴又人多，又茹素的一個夜晚，我想起了早已成為樓上舖的灣仔《Loving Hut》。以健康為目的，以環保為目的，《Loving Hut》當中也有他們所屬教派的獨特理念，所以他們對素食的稱謂非常嚴謹，食物形似不太緊要，名字就不能提及到《肉》這一個字，所以他們大都以《玉》來避諱。在《Loving Hut》飲食，可以很簡單，一人一份餐，簡單方便亦不用爭吵。梅香扣扣飯，名字上把《肉》扣起，就變成了一個完全沒有爭議的素食飯。以素食的五花腩來做形似的《玉》，雖然都是齋口不齋心，但我們注重的是味道而非其形。味道，全由梅菜帶領，入口咸香，亦散發到梅菜的獨有香味，紅米飯及沙律，令人感覺很健康，只是我點選的素湯較為啖口而已。日式咖喱吉列扒飯，素食扒配上咖喱汁，香口而不辣，素玉扒是傳統用猴頸菇加麵粉做出來的扒，焗得皮脆，味道香口，而且我們發覺，灣仔愛家的廚房是一名印籍大廚，難怪他們做出的咖喱特別好食。太太點選了豆漿，豆味一般。貪心多要了一份甜品，我們點下一個無奶版的 Tiramisu (愛家是 Vegan，沒有蛋奶的)。好多人會問，沒有

星期日得我同媽咪兩個人食lunch, 唔想飲中茶食點心，亦唔想食茶記咁肥膩，一於去食素。橫掂我同媽咪都鍾意食素。本來想去近排人氣嘅素食主義，不過北角有d遠，唸起灣仔愛家素食，即刻起行。愛家由軒尼斯道搬左去灣仔道，仲上埋樓，真係生意難做。上到去差唔多2點半，竟然有下午茶優惠（8折）。我地點左愛家漫波排飯餐加素蛋，同埋冬陰公海鮮湯跟餐（包紅麴米飯同是日餐湯）。愛家係自助快餐式，自助到收銀處點餐，佢會叫號碼取餐，水同餐具都係自助，逢星期六日都有人註場彈結他唱歌，幾homely.愛家漫波排飯其實係日式素鰻魚飯，跟紅麴米飯，湯，炒菜，同沙律。是日餐湯係西洋菜羅漢果湯，好清甜滋潤，沙律內含青瓜絲同千島汁，炒菜冇蒜，清新可口，至於素鰻魚，味道口感直情可以假亂真，外皮脆兼有照燒汁味，內裡軟糯，非常好食，素蛋外形似煎荷包蛋，實質係腐皮扮蛋白，薯仔茸扮蛋黃，味道唔錯，雖然冇任何蛋味。冬陰公海鮮湯都幾大窩，不過太咸，好彩裡面嘅素海鮮冇吸晒d咸味，如果唔係真係要送幾碗飯，湯內有豆腐，腐皮等等，味道一般。本來想試埋甜品，見佢有忌廉蛋糕，冇蛋嘅雪糕，南瓜布甸等等，不過太飽，唯有等下次再試。

哈哈!!!我的未能吃素系列,已去到第四篇了!看來香港吃素菜都不是想像中困難!這次分享的是已經來了 N次的 Loving Hut 愛家(灣仔店)一個人的時候,我最愛坐街景的位置,在二樓望街吃飯也很寧靜寫意!今次是同媽媽及茹素多年的妹妹一起吃飯,所以就坐四人位置!這晚是星期六晚,一入門口就聽到老闆娘拿著結他自彈自唱.... (星期六日晚都有) 台式三杯G  (另加$10 配以紅麴米 及 例湯)店中所有素雞肉都以"G"字代替,三杯G的素肉肉質,同真雞肉有8成相似,小心食是可以分出的!獻汁方面,同一般素菜一樣比較咸,作用是為了好下飯或令人分不清楚是肉是素?(自己比較喜歡吃清淡一點的素食,而不是一味過咸而不知自己吃什麼,快快倒下肚子) 當日例湯:菜乾紅蘿蔔湯,足料清甜紅麴米好香口,吃落有芝麻香味,但....媽媽說食到中間就飯質過淋~我點了"漫波排飯", 是我的Best Pick, 吃過好多次了!素日式燒鰻魚,下面有紫菜的,入口時依然香脆,肉質同真的鰻魚有9成似,配上芝麻及甜甜的燒鰻魚醬汁,味道超好味呢!套餐伴以沙律(青瓜絲,小蕃茄 及 千島醬),感覺清新清炒小菜很清淡,就是媽媽煮那種家常感覺 今