慢煮屋 (已搬遷) 新店位置

# 慢 煮 屋 #雞胸冷烏冬 ($68)/估唔到工業大廈上面成層都有咁多嘢食 簡直係黃店集中地(￣∀￣)呢間餐廳雖然好細間 坐得都幾逼但係啲食物唔錯 ！雞胸肉有肉汁 唔會乾僧僧個蛋有驚喜 超級流心~滑滑嘅烏冬配埋冷麵汁 消暑一流🍜🍜

有要事經過觀塘，咁就去食過lunch la，睇下有咩好食啦，咁見個名都幾過癮，慢功出細貨嘛諗住，會好好食啦（心諗）咁就膽粗粗去左試下，樓下排隊都出名多人嫁啦，呢個商廈，等一陣上左去啦。叫左個唔記得咩麵啦就撈既，有牛肉咁啦個麵好難食，好失望，陣味好怪。賣相係討好既，但味道就…我諗係暫時食過既黃店入面最難食雖然唔知道佢其他好唔好味，不過呢個佢張紙寫おいしい，但感覺伏左，好難食，不過見其他人食得好滋味咁，或者係我問題。口味真係好難講

係駱駝漆行完街，有d攰唔想再出去搵野食，就黎咗呢度。我就叫咗慢煮牛腹扒飯，就咁睇相係賣相好好，但野食就冇乜味，湯有點兒太稀似水，牛肉都唔夠香，而隻溫泉蛋都係冇乜濃郁既日本蛋味，不過好彩個飯都有汁，有d咸味。朋友就叫咗個拌麵，評價都係一樣，冇乜味咁啦。仲有店內座位比較逼，冇乜空間移動，太多野攞或者好似我地咁有d大份就可能會辛苦d了😂

幾次行到駱駝漆三期都好想上11樓試下呢一層既餐廳，今次揀左長期有人龍既慢煮屋，等左大約十五分鐘就有位，入面裝修有日式食堂風味，令人有思鄉既感覺。限定menu 推出左新既名古屋風味拌麵岩晒係咁熱既天氣唔想食得太熱出晒汗既我黎到慢煮屋當然要試下慢煮野啦點左慢煮牛肉拌麵拌麵有蔥，肉碎，紫菜碎，青瓜絲同鰹魚碎整體感覺好有日本味雖然加上鰹魚豉油，但口味唔算重，食開重味既可能會覺得啖溫泉蛋既蛋黃味唔夠香，有d失望牛肉嫩滑可口，可惜個蒜茸醬有d格格不入慢煮牛同佢好似分開兩樣野咁奶茶味道一般，原價唔值整體份量充足，可以一試仲有進步既空間

位置剛剛好，lunch 不算少人但又有位置坐。 牛腹扒烏冬餐：鳥冬幾彈呀， 可惜只有冷食， 沒有湯鳥冬， 不能滿足喜愛熱食的我。 牛似份量都足夠， 又切得算薄， 食上口算軟身， ok! 蛋是流心的， 煮度合適， 混合烏冬一起吃也不錯。 不環保的樽裝飲品， 清涼而且甜度適中：埋單$105/位， lunch 來說算少少貴。

觀塘工廈一向臥虎藏龍有唔少美食，夜晚同朋友嚟到駱駝漆食飯，見同一層都已經有幾間餐廳揀。因為平時都比較少機會食慢煮菜式，見依間餐廳評價唔錯又咁啱唔算太多人排隊，所以就揀嚟依度食。本身餐牌有丼飯/蕎麥麵揀，不過見佢另外有個拌麵似係新推出，就諗住試下新野，加上本身嚟依度都想食牛，所以就叫左慢煮牛肉拌麵($88)。我覺得食物賣相都唔錯嘅，粉紅色牛肉望落好吸引，而且件數唔少，令人食慾大開。佢嘅牛肉唔係話好淋嗰隻，反而係偏向有啲咬口，但我又覺得整體嚟講算係嫩同多汁，而且佢切得夠薄，容易入口。我都幾中意佢嘅燒汁，配埋牛肉好惹味。不過拌麵方面我反而覺得麻麻，個麵體同醬汁唔算好夾，食落好普通。如果下次再揀嘅話應該會試丼飯。另外同行朋友叫左照燒慢煮鳥肉芝士爆丼，本身睇圖覺得好吸引所以先叫，結果嚟到反而係有啲失望。佢嘅芝士唔算好多(本身expect會有好多拉芝😭)，同埋覺得成個飯都比較dry唔係好夠汁，淨係有隻蛋可以撈下飯，我見朋友最後都無食完成碗飯。

☟非專業最真實食評☟𝙂𝙧𝙖𝙙𝙚 𝘽：慢煮火炙牛腹扒丼丼飯有流心蛋可以拮穿尼撈飯🤤餐牌仲有得揀汁，飯同芝士嘅份量，好貼心～～個飯就牛扒比較薄，同埋單食好咸（唔知係咪慢煮啲嘢特別咸）🥲但連飯一齊食就ok~~一定要連飯一齊食!一定!另外我再加左隻溏心蛋，雖然無影相但果個好食🤣

嚟食慢煮屋主要都係比呢個牛腹扒丼吸引，但係食落都幾失落🥲🥩慢煮火炙牛腹扒丼 $88🌟如果嫌太生可以同侍應姐姐講聲，佢會叫廚房煮到你想要嘅熟度🌟雖然食個陣撈勻哂啲醬汁同溫泉蛋，但係食落成個飯係冇咩味🥲牛亦都冇咩味牛份量都幾多下，但係唔算嫩口，有啲韌要慢慢咬先會咬得開🙈🍛照燒慢煮鳥肉芝士爆丼 $68相比之下芝士嘅鹹香出好多，上枱嘅時候芝士仲係熱辣辣，撈勻仲會拉絲🤤🤤雞肉夠嫩滑，食落仲有煙薰味，出色過牛丼🙈飲品方面得支裝/罐裝飲品提供，而茶水方面有需要可以自己去自助吧拎都幾方便👍🏿店員好nice😋餐廳本身係有麵食，但係當日就冇湯麵供應得飯食，試唔到佢嘅蕎麥麵🥲

由於工作時間很彈性，有時候會刻意等到下午茶時間才出動🤑一來價錢可能更相宜，二來可以去一些長龍店。今天就選擇了慢煮屋，平時午膳時間都大排長龍，無論是堂食和外賣都不乏捧場客，下午茶時間就相對少人👆 .店內裝修佈置簡單💛有草根風味得來乾淨整潔。菜單有很多選擇丼飯、冷麵和湯麵也有🍜可配上牛、雞、豬和魚。來到當然要試試最招牌的慢煮牛丼，怕肥膩的就沒有配上鵝肝，但價錢也不算很貴。 .🥓慢煮火灸牛腹扒丼 $88近十塊的牛腹肉排列整齊，中間一隻温泉蛋，還有不少醬汁可供拌飯，避免太乾。拌好後就先吃肉，肉質鮮嫩滑溜，比較有筋度，但火灸味道不突出。份量不錯，飽肚是綽綽有餘😋 .🍲旁邊的麵豉湯也是難得一見多料，有乾燥菇、紅蘿蔔和腐皮，不會覺得單調，湯料吸收麵豉香味。

夜晚本身去駱駝漆係想食另一間餐廳，點知嗰間餐廳今日冇開，所以我哋兩個就去咗慢煮屋呢度食晚餐。男朋友食牛腹肉飯(唔記得咗全名)，我食雞胸肉蕎麥麵。啲雞胸肉慢煮得都幾好，我唔鍾意食雞胸肉都覺得佢幾滑。雖然食完唔係覺得超級好食，但我哋都覺得OK。之後落咗樓下行outlet，點知過咗30至45分鐘左右兩個都開始覺得肚痛，男朋友就即刻去咗APM度去廁所，我唔習慣喺街去，好彩都忍到返屋企本身食完都覺得OK，但點知兩個人都肚痛，呢間野真係永遠唔會有下一次。

［慢煮屋］💛🚩慢煮火炙牛腹扒丼 $88首先有隻溫泉蛋撈飯一流牛腹肉份量幾多 上枱嘅時候顏色粉嫩🥰🥰肉質唔算好淋但係又未至於韌都咬唔開牛味相對淡少少🤏不過撈埋日式烤肉醬汁幾好食❗️🚩慢煮牛腹扒蕎麥冷麵 $88份量適中👍蕎麥麵爽口彈牙👋🏻夏天食應該會幾開胃😊牛肉比起當丼飯細嚿少少但係就淋多啲啲🚩真。鵝肝 $58一上碟啲油多到流晒落枱面一入口即溶油脂感爆發好食好食❤️❤️❤️❗️👍❗️🚩日式刺身帶子沙律 $42Ummmm 帶子幾新鮮不過冇咩事可以唔使叫㗎啦😂🚩滋潤雪梨無花果水 $14推介❗️清新唔甜而且幾抵飲🤪🤪總結時間🥰支持黃店👍💛👅

餐廳位於創紀之城五期附近觀塘工業區入面嘅駱駝漆大廈3期，由觀塘地鐵站起計路程六至七分鐘，位置方便。但店鋪同我期望中嘅Instagram人氣餐廳有啲落差，入面比較簡約（陋），冇咩裝潢可言。位亦係得膠櫈，坐得唔係好舒服。我嗌左Instagram大熱嘅「慢煮牛腹扒蕎麥冷麵 」($88附送一隻溫泉蛋)。要讚嘅位係牛腹扒數量幾多，有成十幾件，對於一個女仔黎講真係夠有凸（雖然最後都食曬），牛腹扒亦係我中意嘅半熟狀態。可惜肉質唔算嫩，咬嘅時候冇咁上下牙力都唔得，食完塊面好似瘦左😂 蕎麥麵麵質普通，個汁略嫌淡，完全冇醬油味，要撈埋溫泉蛋個燒汁食先夠咸。我分左少少朋友嗌嘅「照燒慢煮鳥肉芝士爆丼 」($68附送味噌湯）黎食。份量同樣係幾大碗，但味道一般般。雞肉唔係特別嫩同入味，芝士亦冇咩味，成件事都好淡。整體而言，由於抱住好大期望黎食，我對今餐有少少失望，佢地嘅食物質素同環境有待改善。不過勝在價錢適中，份量大件夾抵食，我同朋友都食到飽。

駱駝漆大廈，位於觀塘其中一處集結多間餐廳嘅地方，基本上想食咩菜式都會搵到，而今次就揀咗呢間主打慢煮嘅 - 慢煮屋呢間日本餐廳裝修比較簡單，無咩特別嘅裝飾擺設，成間鋪以白色為主，相當簡約，應該喺走實而不華嘅路線！慢煮火炙牛腹扒丼 $88 ：一塊塊牛腹鋪滿個面，賣相已經好吸引，食落牛腹好嫩，易咬唔韌，連埋個燒汁食，味道更加昇華！絕對真心推介👍🏻👍🏻慢煮三文魚配牛油果丼 $82 ：呢個丼飯對比之下就比較清新健康，而且份量都唔少，啱晒keep fit嘅朋友日本刺身帶子沙律 $42 ：呢個沙律份量都算多同埋新鮮，最鐘意底層有一片片西柚肉煙燻雞翼3隻 $32 ：雞翼面鋪滿晒濃濃嘅芝士，好香，而雞翼就正常發揮

慢煮牛腹扒蕎麥冷麵 ($88)牛扒煮得好靚 全部切面都係粉紅色💓食落好嫩 而且好重牛味🐄份量都ok 有11塊左右 排得好整齊🤣不過醬料偏淡蕎麥麵份量都好多 而且配上温泉蛋🤩 (可以試下用牛扒點温泉蛋食🤤）

🇭🇰💛慢煮屋🥢工廈平價慢煮又一間觀塘良心小店💛慢煮食物哂時間心機所以出邊食到既價錢都偏高呢間小店大約70-100 就食到主食😱餐廳唔算大 不過最近係成業個邊都好似有新分店🧐入座後剔紙仔落單 舖內人多而且座位逼少少🤏🏻加上音樂又快又大聲 坐落感覺有點燥熱🤣🤣🥢慢煮牛腹扒蕎麥冷麵 (💰$𝟾𝟾)上台望落係幾靚 唔似係100內係到既野配兩個醬汁 冷麵汁+溫泉蛋醬油🍳牛腹扒🐃份量多 兩個人share 都唔會唔夠喉👭🏻顏色都好粉嫩 不過食落冇睇落咁好食🤣牛肉味一般 肉質不是太嫩滑 帶少少韌 不過食落冇渣👌🏻食唔到係慢煮的感覺 不過肉汁的調味不錯 幫牛肉加返啲分✅不過以呢個價位黎講 牛肉已經是做得不錯 份量仲唔少蕎麥冷麵比牛做得出色 根根分明 軟硬度剛好😍😍👍🏻👍🏻👍🏻凍食非常有彈性 帶點煙👩🏻比較鐘意配冷麵汁多過溫泉蛋醬油🍱照燒慢煮鳥肉芝士爆丼 (💰$68)丼飯上邊舖滿火灸芝士🧀勁香 另外仲配味噌湯🍲雞肉嫰滑👍🏻👍🏻撈埋芝士食飯係幾滿足叫左多芝士 岩岩好撈到粒粒飯都有汁🍚🫔福字丸物(💰$27/2pcs)一般般 唔太識欣賞🤭🍗煙燻雞翼(💰$32/3pcs)雞翼大小正常 肉質正常 唔太覺有煙燻味😛又叫