影片
港鐵柯士甸站 A 出口, 步行約5分鐘
繼續閱讀
營業時間
*6點后做外賣
星期一至日
08:00 - 23:00
以上資料只供參考, 請與餐廳確認詳情
星期六得閒，所以揸部電單車落油麻地洗車屋想話洗洗佢，洗車之前醫醫個肚先！疫情之下，不但少咗出街食飯，當然，連openrice寫文都少咗.轉角見到有間餐廳窗戶掛上燒味，好明顯係燒味店一間，近排又無點食過自己大愛嘅肥叉燒，又唔想行太遠，於是乎成為不二之選.望望 menu 原來重有小菜提供，而且被梅菜扣肉四隻字吸引，於是點咗一客.另外叉燒油雞燒味雙併.呀呀呀！！！忘記咗要肥叉！~~>_<~~好彩，上枱嘅係半肥瘦，入口鬆軟而且入味唔鞋口，100分滿分！通常我叫油雞都唔食皮，今次例外，油雞雞肉入口即溶，雞皮香滑，所以破例一次連皮食，俾第二次滿分！至於我嘅大愛蔥蓉就扣分禦，份量足夠但味道咸咗D，失望！經驗告知食扣肉通常都唔食豬肉果部份，只會食肥肉同皮，十次叫扣肉九次肉質部份都係又柴又實，咬兩啖就放棄，今次係大大大驚喜！肉質部位實得嚟完全唔鞋口唔柴皮！食落juicy完全無渣，清楚睇到係五花腩味道帶甜，而且份量無偷工減料，有九大件扣肉，扣肉唔係煙肉咁薄𠵱𠵱，唯一美中不足係肥肉部位入口即溶感略為不足.餐廳忙著處理外賣，我點嘅梅菜扣肉變成漏單，當我追單時，廚房好快速度補單，一讚！離開時問問老板娘，叉燒係咪佢地自己燒，佢話係，再四圍望望，見到掛滿一隻隻風乾中嘅燒鵝，証明老板娘矛吹水！老板娘再追問，問我叉燒掂唔掂，我話掂！真心掂！無期望就有驚喜，原以為今次係平平無奇嘅一餐，點知剛剛相反！等疫情過后，一定會叫埋老母嚟再開餐！依家.... 食飽就去洗車！
繼續閱讀
自店名改後加入街坊菜單，定位改動不大。 因疫情關係，加入每晚六時後享用的特惠小菜(白飯和餐飲另計)，門口擺放了星期一至日每日一款的特定晚飯菜式，原價百多圓的沙巴龍躉，星期一價為$68的流水牌。其他如下(以餐版為凖)：一 清蒸沙巴龍躉二 白灼蝦 三/日 豉椒炒蜆 四 貴妃雞 五 椒剁魚頭 六 豉油皇蝦碌同時亦加入了星期一至日每日四款的午餐在外賣單上。餐廳現時也會視乎人手及菜式接受外送 。男接線比女職員友善，並且會主動把菜單 WhatsApp 給外送客人。近兩年經間，見到一對黃昏後店舖附近打躉的年青夫婦 ，與一帶內外店員相熟。 當了幾次友情外賣，就近店夥和街坊都認得出他們，並且熱情款待，社會運動後，年青夫婦越見高調， 選擇店中央位置正坐，限聚令前， 三四人坐十二人圓檯，高談濶論，不時與路過朋友譗訕。熱情鄰里、爽男怨女、及帶狗打躉的丰滿美婦等神光陸離現象，客人見怪不怪，都會上前禮貌地打招呼，路躉受歡迎程度，不下於嵐秋生，但去到隔街追步近店夥也大感不惑。佐治以為，地道化了的壯男憨女，不必提防，也是很好交的朋友，只要在樂極忘形的時候， 稍微提醒一下，有些直性子，抱住 慈悲心腸樂僐的街坊，疫境當前，不設防的哈囉喂亦買少見少。 大家不必介懷，仗義嗓門，赤子之心，路過的窪地卻不知道在為什麼 。有時感到，與老好人交往的難度比敬目更不容易。師傅鑊氣不錯，佐治推介榕華小炒菜式，大斑兩味由巨型海魚每晚限份，改為用新鮮沙巴龍躉起肉代替，吃起上來，肉身比較軟薄，味道保持水凖。店子以茶餐室方式經營 ，所以服務上要求不多， 店夥和廚師均頗友善，男夥醒目 ， 女店員尚也殷實，間中有服務平平的兼職， 看不到座客揮手 。 唯美中不足的是靠窗的 L 長板凳，連接了好幾檯客人，檯與檯距離太近，進出不方便 。炒蜆略見失色，與附近云云吃過的品質相差不遠，佐治不喜歡甜椒做佐料，下料火喉不足，出水太多， 如果改用尖紅椒和豆豉葱段爆炒，味道炒出來較搶。茶餐廳一般習慣了落洋蔥做佐料， 但炒不出味，洋蔥本味清甜，佐治還是愛吃舊風味的大排檔辣椒炒蜆 ， 略嫌部份粵菜惯性下糖偏甜。開業至今，晚飯鑊氣小菜之外，下午茶餐的炒粉麵，不會將貨就價，是一間很值推介的餐廳 。當天人來人往，沒有拍照。
繼續閱讀