憶食尚臘味煲仔飯

營業中

休息中

天氣開始轉涼，又係食煲仔飯的最佳時刻，這裡裝修很雅緻，環境闊落，望著柔和湖水綠的裝修及藍色的枱布，令人心情特別愉快。我們點了一個這裡的招牌菜~廣式臘味煲仔飯，份量很大，足夠二人食，有鮮肉臘腸、南安板鴨和廣式臘肉，材料全部都是自家工場製作，絕不加防腐劑及化學物，食得安心，臘腸肥瘦均勻，入口甘香，南安板鴨肉質緊實，鹹鹹香香，超美味，臘肉薄切 ，肥瘦相間，脆口而不覺肥膩，飯係用優質的五常米，粒粒分明，吸收了臘味的油香，再淋上特製的頭抽，別有一番風味，另一個煲仔飯的靈魂~飯焦，脆卜卜，咬下去時發出悅耳的聲音，滿足了味蕾，實在美味了！黄金蝦色澤金黃，表面沾滿香濃鹹蛋黃~~金沙，蝦肉爽口彈牙，非常惹味。芥菜排骨黃豆湯，排骨經過熬煮後，肉質嫩滑，芥菜也吸收了肉的香味，非常淋甜，黃豆則增添了湯的清香，是一道經典又營養豐富的菜式。整體來說，店內環境寬敞整潔，坐得舒適，員工服務有禮，值得再次回訪，再試吓其他食物。#憶食尚 #煲仔飯 #香港美食 #佐敦美食 #佐敦煲仔飯 #米芝蓮食家 #香港美食指南 #bojarfan #Claypot #ClaypotRice #selfcooking

佐敦渡船街果邊有好多出名食店，今日嚟到附近嘅文匯街一間馳名煲仔飯，試咗兩個煲仔餸同飯，非常適合冬天嚟食。樓上座位比較寬敞，亦都較為新式。除咗煲仔，亦有各式小菜，見到好多一家大細過嚟食晚飯。黑松露雞煲以黑松露醬點綴雞煲，使雞味更突出，更惹味。煲仔盛裝受熱平均，雞件及配菜保持熱度，香濃美味。芥菜排骨煲呢煲仲更加熱，外面天氣凍冰冰，食完即刻暖胃。煲入面仲有黃豆，有好多芥菜，排骨亦唔靭。廣式臘味煲仔飯主角嚟啦，煲仔飯米飯粒粒分明，鍋巴香惹，內有臘腸、臘肉及臘鴨腿。店員會問需唔需要芫荽蔥，亦都會幫手刮起鍋巴，服務貼心。

大眾點評民選必吃榜！冬天就係想食煲仔飯呢啲暖笠笠嘅野 今次去到佐敦去揾煲仔飯 一個廣東臘味煲仔飯 再加兩個小菜 足矣廣式臘味煲仔飯首先煲仔飯最緊要係米嘅熟成度 每粒米都熟透 非常乾身 再加埋煲仔飯必有嘅飯焦 絕配！好值得一提嘅係鋪面嘅臘味比飯多 多到差啲見唔到下面啲飯😱 好誇張甜蜜咕嚕肉熱辣辣嘅煲仔飯配上兩個小菜真係好正 咕嚕肉個甜酸汁調得岩岩好 炸粉又唔會過多 啖啖肉四季豆干煸雞脾菇 蔬菜就叫左個四季豆雞脾啊菇 小菜都好夠獲氣 媲美得上大排檔嘅味道👅 餐廳設有樓上雅座 兩層設計 不過都好多人光顧 所以都建議預早訂座😛

來到佐敦的煲仔飯，天氣凍，最適合食煲仔飯！廟街上很多地方都言過其實，今天看到有一間正宗的煲仔飯店，於是就來試試！ 🍚✨椒鹽一口骨🔥🍖🔥一開始叫了一個小菜，椒鹽一口骨，原來是用咕嚕肉的肉炸成的，香口得黎又啖啖肉，真係食得過癮！我還叫了一杯可樂🍋🥤，驚喜地發現他們的可樂加了幾塊檸檬，誠意十足！ 廣式臘味煲仔飯🔥🍖🐷🪿🍚🔥接著來了廣式臘味煲仔飯，這種飯的油份一定要夠，看到那臘肉就知道很肥，味道香濃。臘腸也不會太鹹，食到甘香既。不過煲仔飯最重要都係個飯，因為油分充足，每粒米都有油包住，食落去既滿足又粒粒分明，最後當然都仲有飯焦，夠哂熱氣🤣！ 上湯時菜🥬🍲吃了這麼多肉，最後還是要叫一些菜，我們點了娃娃菜，吸收了湯的味道，真是不錯的選擇！ 整體來說，天氣凍食呢間真係無得輸，行開廟街行多幾條街可以過黎試一試！ 🎉憶食尚臘味煲仔飯：佐敦文匯街22-24號地下2-4號舖

突然間好想食煲仔飯，朋友介紹佐敦有間隱世中菜食煲仔飯都幾好食，所以就特登過咗去食🙂‍↕️本身呢間係比較近柯士甸站，行出去幾分鐘就到。 ✨廣式臘味煲仔飯熱辣辣煲仔飯，有齊臘鴨、臘腸同埋臘肉！因為佢出面有錫紙保暖，所以加入豉油之後，等一陣就會出現脆脆嘅飯焦。食落去油香感好重，臘腸肥瘦適中，有少少玫瑰酒香。飯焦唔係一大塊但係係不停中間有少少，所以每一啖都食到香脆嘅口感。✨甜蜜咕嚕肉咕嚕肉皮脆肉嫩，調味啱啱好。✨瑤柱蝦米雜菜煲食咗油膩嘅煲仔飯之後再食一個雜菜煲清清地啱啱好。

味道很不错，我们三个人吃了两份的，一份烧腊的，一个板鸡的。虽说是两人份，一个人也完全可以吃得下。烧腊煲仔饭里有腊肠和肉（不过不是腊肉，for some reason），板鸡吃起来像盐水鸡，但是没那么咸。价格比我预期的高，要是每份100HKD就好了。

呢次試咗三款煲仔菜，每款都好有特色，味道各有千秋✅廣式臘味煲仔飯一上枱就已經聞到陣陣臘味香，勁吸引！個飯煮得幾好，粒粒分明，唔會太乾又唔會太濕，啱啱好。臘腸甜甜地，有啲油香但唔覺得膩，臘肉就香口有嚼勁，帶少少煙燻味。最正梗係個鍋巴啦，煲底燒到脆脆地，帶啲焦香味，淋埋豉油之後鹹甜啱啱好，成個飯加埋啲臘味，真係好滿足✅黑松露雞煲呢個煲幾特別，雞件好多啖啖肉，用滑雞，蒸得啱啱好，肉嫩滑又入味。黑松露香氣係個靈魂，濃郁夠味，令整個煲都多咗層高級感✅瑤柱蝦米雜菜煲呢個就健康又家常，特別啱想清清地食嘅人。啲雜菜好豐富，有娃娃菜、冬菇、紅蘿蔔嗰啲，煮到淋身但又唔會爛晒，仲保持住啲菜原本嘅清甜味。瑤柱同蝦米嗰啲鮮香味滲晒入啲菜入面，湯底飲落都係滿滿鮮甜味

呢幾日天氣突然轉涼，最岩去食熱辣辣嘅煲仔飯。呢間馳名嘅煲仔飯專門店裝修精緻，有別於傳統嘅煲仔飯餐廳。➰ 廣式臘味煲仔飯 $177/ 二人份呢個佈滿臘味嘅煲仔飯真係好有驚喜。臘腸食落好香濃嘅茅臺酒味，而且肉汁好鮮香。煲仔飯仲有好多酥脆嘅飯焦，粒粒分明嘅米飯，食落充滿香香嘅臘味味道。➰ 黑松露雞煲 $167雞煲一上檯就充滿黑松露嘅香味，雞肉咬落肉質鮮嫩彈牙，真係好惹味。雞煲配菜仲有青椒🫑、蒜粒，真係好有鍋氣。➰ 瑤柱蝦米雜菜煲 $117雜菜煲份量十足，有多款蔬菜🥬，如菜心、娃娃菜、西蘭花🥦等⋯雜菜煲更佈滿大大粒蝦米和蒜片，味道比較清新。

天氣咁凍除咗打邊爐之外，最啱就係食煲仔飯！於是我就約埋屋企人一齊去煲仔飯專門店一齊食煲仔飯！餐廳煮咗煲仔飯之外，仲有小菜可以提供！椒鹽一口骨一口骨啖啖肉，外皮炸得非常鬆脆，肉質軟腍！咬落口冇乜油膩感，椒鹽亦非常惹味，非常好送飯！瑤柱蝦米雜菜煲雜菜煲瑤柱同蝦米都非常足料！雜菜煲有菜心、小棠菜同娃娃菜！蔬菜都吸滿瑤柱蝦米味，味道惹味又清甜。廣式臘味煲仔飯今日嘅主角煲仔飯！即叫即做熱辣辣，煲仔飯充滿臘味嘅香味，配上煲仔飯豉油同飯焦，真係食完一碗一碗！臘味都份量十足，有臘腸、臘鴨同臘肉。臘腸幾好唔會太鹹👍🏻

除咗煲仔飯，其他主菜都好食🙌🏻餐廳環境高質，座位舒服，高私隱度廣式臘味煲仔飯 $177臘肉香味濃郁，口感軟滑可口😋板鴨口感好鹹香😌米飯煲煮入味，每顆米粒都飽滿香濃👍🏻 飯粒吸收了肉類油脂，配上煲仔飯獨特的焦香，增添整體層次感💫煲底仲有好多飯焦🤩瑤柱蝦米雜菜 $117正✅瑤柱蝦米雜菜色彩繽紛😋搭配新鮮時蔬，有娃娃菜同西蘭花，口感清新👍🏻瑤柱和蝦米的鮮味令依煲雜菜更加提味，雖然價格略高，但絕對是值得嘅選擇薑蔥爆雞煲 $148雞煲雞肉鮮嫩多汁，搭配香濃薑蔥醬汁，每一口都充滿風味😛😍個人覺得油左少少，但薑嘅辛香同蔥絕夾，這道菜非常適合配飯食🙌🏻📍 憶食尚臘味煲仔飯佐敦文匯街22-24號地下2-4號舖

🦆中式臘味煲仔飯 🍚中式臘味煲仔有：臘鴨、臘腸和臘肉，獨特風味滲透到每一粒米飯中。香氣四溢的米飯在鍋底煮至香脆，形成誘人的鍋巴，口感酥脆。加埋煲仔飯豉油，超好味✨🐽芥菜排骨煲 🥬芥菜排骨煲每一塊排骨都鮮嫩香口，與清脆的芥菜完美結合。醇厚湯汁配有黃豆，顯生出淡淡的香氣，仲富含營養。🍄黑松露雞煲 🐥黑松露雞煲令料理奢華，將鮮嫩的雞肉與高貴的黑松露相結合，營造出獨特的風味。雞肉吸收了松露的香氣，口感滑嫩，最推介👍🏻

招牌煲仔牌不外如是，其他小菜太淡或太咸。三人叫了二人套餐，加了半隻一霸王蔥油雞。湯 和肉太咸，上湯菜心和雞太淡。本人真心覺得正價比低，位置亦不太方便，只是地方乾淨，整齊。 服務也不錯。

今日小妹同豬去咗呢間位於佐敦既傳統老字號餐館，食廣式煲仔飯及小菜😝 裝潢好靚，周圍亦掛滿不少壁畫，餐廳🍴樓分兩層，帶有中式古色古香感覺😍 座位寬闊，空間感十足且非常乾淨😙菊花茶🫖 🌼飯蕉煲仔飯最好配搭就係菊花茶，食完順便下下火😝排骨臘腸煲仔飯🐖🥘一上枱職員會用匙羹整個煲，手力控制得不錯，呢個煲仔飯有不少飯焦，非常香脆可口，口感卜卜脆😚連蔥花、芫茜及豉油配搭一流，非常香噴噴😌排骨唔肥唔瘦，臘腸切片，份量不少🥰黃金蝦🦐擺盤好靚😍每粒蝦黃金色澤，炸至金黃色非常香可，嫩滑多汁，蝦🦐非常鮮味😛 表面沾滿香濃鹹蛋黃~~金沙，蝦肉爽口彈牙，非常惹味。瑤柱蝦米雜菜煲🥬🍲鮮味十足，非常足料🌝 瑤柱及蝦米🦐好鮮甜，且用咗不同菜類🥗組合而成，味道👅好有口感，不同菜類吸收🧽哂精華，非常解膩又好味😋整體餐廳環境舒服😌 職員服務態度不錯👍🏻 價錢合宜，值得推介😎 仲有外賣🥡材料+煲仔可以買😆變成自家製煲仔飯😝

幫公司攞文件去佐敦，然後喺附近食埋午飯先返去，見到呢間唔錯，入去試吓🤗呢度環境一流，好啱一大班人上嚟食嘢，算高檔裝潢，坐得舒服，服務員態度良好！辣子雞丁$137份量都唔少喎！麻辣到適中，唔會太辣，雞丁好香，外脆內軟，雞肉幾腍，香脆好食！🤗瑤柱蝦米雜菜煲$117好多唔同種類嘅菜，西蘭花，娃娃菜，白菜，菜心、紅蘿蔔、炸蒜和炸蝦米，煲得腍甜剛好，湯底好香瑤柱味，清甜，一邊食雞丁一邊食呢個青甜煲仔菜，唔錯！🥰廣式臘味煲仔飯$177上菜時已經聞到好香煲仔的味道，米飯粒粒分明，只食米飯都已經食到臘腸同臘肉的味，肉汁鮮香，層次豐富，飯焦酥脆，用茅台酒同土豬肉秘製臘味，用黑桃種植的五常米大火煲煮，香滲入米飯😍好食好食！

廣式臘味煲仔飯 $177煲仔飯即叫即整，2人份好大份，勁多料，全部係自家工場製造，有臘肉、臘腸同臘鴨臘腸好有酒香好好味，脂肪比例啱啱好，食完唔會膩唔會油油咀👍🏻臘肉帶酒香好甘香，不嬲唔多食臘肉，覺得好油，呢個臘肉完全唔覺得油，係我食過最好食嘅臘肉，超高質💯臘鴨肉有鹹香，連骨都夠香夠入味，唔錯😋飯夠乾身粒粒分明，米飯吸收哂臘味油脂，唔駛落好多秘製醬油已好夠味，煮得剛剛好，飯焦金黃脆卜卜又唔會過燶，必食💯💯咕嚕肉 $127外脆內嫩，豬肉味濃，炸醬唔算厚，醬甜酸度啱啱好，唔會太酸，凍咗食外皮都仲好脆👍🏻👍🏻瑤柱上湯菜心 $87菜心有揀過，好嫩，湯底有蝦米又有瑤柱，好鮮味好甜，冇味精，絕對係誠意菜👍🏻👍🏻裝修簡潔乾淨，座位闊落舒適，菜絕對超水準，好有heart嘅餐廳，極推薦💯💯💯