成發粉麺 (已結業)

話說星期日去完camp，番屋企途中見到裕民坊新開呢間成發粉麵，肚又少少餓，決定入去試試佢！嗌左個沙瓜河，其實嗌既時候都唔知沙瓜係乜黎，不過見佢貼出黎張紙話好珍貴，所以試下。原來沙瓜係皺胃，係反芻動物既第四個胃，牛沙瓜體積比較小，所以好罕有架！我又識多樣野喇！過左一陣就有喇，河粉上面有大概5-6件沙瓜。試一啖湯先，唔會好味精，牛腩清湯底好好味！河粉薄身，好滑，唔會痴到一舊舊。入正題啦，牛沙瓜，咬落去佢上面個摺摺位感覺好得意，好少少咬口，但又唔係爽或彈牙果隻。加埋佢個辣椒油真係無敵，佢入面有蒜香味，唔算太辣，點牛沙瓜零舍好食！