影片
以上資料只供參考, 請與餐廳確認詳情
食家推介
北角呢間餐廳主打雞煲放題可惜Lunch Hour 時間有限，食唔到雞煲原來仲有中式飯餐 同 米線午餐$40以上仲送埋飲品唔怪得咁多街坊 / 附近返工返學都嚟幫襯米線湯底都有七款有辣有唔辣．湯麵底都係廿零蚊可以額外追加其他配料抵食．性價比高✨噴火麻辣米線橙紅嘅湯底，帶點麻味辣度恰好非常惹味配上豬紅．麻辣腩肉．豬大腸．蘿蔔．韮菜仲有多款川味小食．性價比高✨蓮藕餅即煎熱辣辣唔會太油膩裡面粒粒蓮藕，爽口有嚼勁任食雞煲火鍋好吸引下次收工一定要過嚟試下
繼續閱讀
- [ ] 成都小巷 (灣仔)麻醬酸辣米線湯底超濃，似醬汁多過湯🤣但超濃芝麻味而不鹹同米線好夾。米線粉量超多，而偏軟身。餸方面叫咗雞肉片🐔豬軟骨🐷，雞肉片嫩滑一大堆，豬軟骨有成5-6件唔柴而軟身易咬，兩都都值得叫同份量都超多。ps:今日係灣仔自已一個lunchtime 諗住快快手咁食完去做野，咁啱行過一d巷仔見到呢間米線店，老闆叫我入去試下見menu都想食米線🤓🤓🤓見到入面都幾多人咁應該唔伏，結果無估錯hehe🤤下次都會再黎試其他湯底。btw店入面除咗米線之外仲有同既飯類，咁啱隔離枱食緊豬手飯，話好食下次可以試，老闆即答一定啦！因為用新鮮豬手加上佢秘制醬料🤣🤣小店就係咁可愛，而有温度。評分標準食物:4/5環境:3/5服務:4/5性比價: 👍🏽pp$50-100回購率:👍🏽地址：灣仔巴路士街5號地舖
繼續閱讀
如題，真係每家既重慶酸辣都不一樣我係米線愛好者，自從有酸辣米線出現之後我同好多香港人一樣將佢視為comfort food。諗唔到食咩食佢，好肚餓又係食佢。睇關米線關注組都知，好食小店好多人排隊。所以我平時多數食連鎖米線餐廳，不過今日經過灣仔呢間小店有位，就試下。我點左冬菇腩肉重慶酸辣米線，湯頭濃郁，夠酸，又有花生, 榨菜等配料。不過腩肉就太肥啦，喜歡食肥膏既朋友可以一試。
繼續閱讀
點左麻醬酸辛辣湯底米線 湯底無咩特別好普通 加左腩肉同蘿蔔 只係有四片仔咸味豬肉同蘿蔔仔同少少肉碎 兩餸收$56都唔係好食得飽 真係去九頭鳥/雲桂香好過 車仔麵都好味過佢 唔怪得平日夜晚無咩人
繼續閱讀
呢間鋪除咗麻醬酸辣米線，我冇試過其他菜式😂 但係呢個味道真係一試難忘，令我從此愛上。。平時食開嘅酸辣米線，一係就酸一係就辣為主，食米線我慣咗飲埋啲湯，所以好多時食落口好多時都好乸喉嚨。但係加咗麻醬之後味道柔和咗，多咗陣花生嘅香味，質感有啲似擔擔麵，但又冇擔擔麵嗰種好杰撻撻好濃厚嘅質感。。好老實講佢最近嘅水準有啲下降，但呢種味道好獨特，唔係坊間可以食到嘅口味，所以我都係會照幫襯，希望餐廳可以改善吓啦～
繼續閱讀