成都小巷 (已結業)

北角呢間餐廳主打雞煲放題可惜Lunch Hour 時間有限，食唔到雞煲原來仲有中式飯餐 同 米線午餐$40以上仲送埋飲品唔怪得咁多街坊 / 附近返工返學都嚟幫襯米線湯底都有七款有辣有唔辣．湯麵底都係廿零蚊可以額外追加其他配料抵食．性價比高✨噴火麻辣米線橙紅嘅湯底，帶點麻味辣度恰好非常惹味配上豬紅．麻辣腩肉．豬大腸．蘿蔔．韮菜仲有多款川味小食．性價比高✨蓮藕餅即煎熱辣辣唔會太油膩裡面粒粒蓮藕，爽口有嚼勁任食雞煲火鍋好吸引下次收工一定要過嚟試下

- [ ] 成都小巷 (灣仔)麻醬酸辣米線湯底超濃，似醬汁多過湯🤣但超濃芝麻味而不鹹同米線好夾。米線粉量超多，而偏軟身。餸方面叫咗雞肉片🐔豬軟骨🐷，雞肉片嫩滑一大堆，豬軟骨有成5-6件唔柴而軟身易咬，兩都都值得叫同份量都超多。ps:今日係灣仔自已一個lunchtime 諗住快快手咁食完去做野，咁啱行過一d巷仔見到呢間米線店，老闆叫我入去試下見menu都想食米線🤓🤓🤓見到入面都幾多人咁應該唔伏，結果無估錯hehe🤤下次都會再黎試其他湯底。btw店入面除咗米線之外仲有同既飯類，咁啱隔離枱食緊豬手飯，話好食下次可以試，老闆即答一定啦！因為用新鮮豬手加上佢秘制醬料🤣🤣小店就係咁可愛，而有温度。評分標準食物:4/5環境:3/5服務:4/5性比價: 👍🏽pp$50-100回購率:👍🏽地址：灣仔巴路士街5號地舖

如題，真係每家既重慶酸辣都不一樣我係米線愛好者，自從有酸辣米線出現之後我同好多香港人一樣將佢視為comfort food。諗唔到食咩食佢，好肚餓又係食佢。睇關米線關注組都知，好食小店好多人排隊。所以我平時多數食連鎖米線餐廳，不過今日經過灣仔呢間小店有位，就試下。我點左冬菇腩肉重慶酸辣米線，湯頭濃郁，夠酸，又有花生, 榨菜等配料。不過腩肉就太肥啦，喜歡食肥膏既朋友可以一試。

點左麻醬酸辛辣湯底米線 湯底無咩特別好普通 加左腩肉同蘿蔔 只係有四片仔咸味豬肉同蘿蔔仔同少少肉碎 兩餸收$56都唔係好食得飽 真係去九頭鳥/雲桂香好過 車仔麵都好味過佢 唔怪得平日夜晚無咩人

呢間鋪除咗麻醬酸辣米線，我冇試過其他菜式😂 但係呢個味道真係一試難忘，令我從此愛上。。平時食開嘅酸辣米線，一係就酸一係就辣為主，食米線我慣咗飲埋啲湯，所以好多時食落口好多時都好乸喉嚨。但係加咗麻醬之後味道柔和咗，多咗陣花生嘅香味，質感有啲似擔擔麵，但又冇擔擔麵嗰種好杰撻撻好濃厚嘅質感。。好老實講佢最近嘅水準有啲下降，但呢種味道好獨特，唔係坊間可以食到嘅口味，所以我都係會照幫襯，希望餐廳可以改善吓啦～

入到黎本身左諗右諗都唔知食咩，我對面個位就嚟食晒我都未諗到。點知比老闆成功吸引咗嘗試佢哋未曾推出嘅雞煲醬乾撈米線，淨係聽到個名已經引起我嘅食欲！米線首先聞落去已經好香，隻顏色都好吸引，食落去濃濃嘅醬汁味道真係令我食慾大開！佢食落去唔係真係完全雞煲醬嗰隻味道，係有少少香甜但又濃香，食過返尋味！我最後再叫多左碟食不過唔記得影。（老闆好fun好好人，多謝你杯學生優惠飲品，估唔到唔係中學生都可以享受到呢個優惠❤️）肯定下次會再幫襯！

我諗係灣仔食開川式米線既 都會聽過川亭同成道小巷😆 今日再黎成道小巷 唔係衝住佢既米線 要試既 係佢既啱啱出既麻辣雞煲二人餐 $400雞煲🐔一上台已經好香！🥰 都足料 啲雞既份量夠兩個人既 目測半隻雞左右 雞件唔會斬得太碎 肉質唔會嚡口 整體感覺良好 味道調得幾好 鹹度舒中 同啲配料一齊炒 既香且辣 係惹味既 有雞煲應有既水平🙂 食完雞煲店員會加啲奶白色既湯去打邊爐😙跟set有牛肉, 蔬菜籃, 米線 同 汔水 x 2 牛肉係牛小排黎🥩 油脂分佈都幾靚 肉味濃 件數都唔少 都有返一定既厚度 俾讚👍🏻蔬菜籃🥗都幾豐富 有娃娃菜 白菜 木耳 蕃茄等 所有蔬菜菇類都幾新鮮 全部冇穿冇爛😆佢啲丸🍢既質素就真係好一般 墨魚丸口感好泡 味道欠奉 貢丸同牛丸正常發揮🙄米線🍜上台已經煮好咗 質感偏冧😮‍💨 記得一落鍋就即刻上‼️另外嗌左尖椒皮蛋呢個真心出色 皮蛋本身係糖心 靚野黎😍 個汁以香辣為主 鹹度適中👍🏻皮蛋獨特既香 x 醬汁既香辣 x 尖椒既口感 三件事係口入面和諧甘融為一體 正😋 順帶一提 可以試下個汁用黎沾牛小排/撈麵食 會有另一番風味兩個人 計埋飲品同皮蛋 最後約$500埋單😬 雞煲未必會再

佢啱啱開時我食過一次，今日再去食睇吓佢有冇變先。今次叫咗麻辣米線，小辣，揀咗3個餸：牛肉片，金菇，豬紅。價錢都尚算經濟，都有提供啲飯餐，下次有機會再試。湯底比大型連鎖的濃郁，辣度夠，份量足，米線質感較淋，餸的份量就比較少。牛肉有啲韌但由此可見沒有鬆肉粉，豬紅味道比較淡，金菇正常。加$6有飲品，冷熱同價，奶茶屬於一般質素，不要抱太大期望，當解辣飲品都不錯整體質素平均，咁嘅價錢灣仔區算經濟亦可以一解米線癮。

之前係北角做野,想食米線 搵到呢間鋪.一試就愛上!! 好好食呀 湯底好濃厚 岩曬我呢個重口味人士~食到我外勤去到灣仔都想食佢果陣第一次食 都係叫左雞扒麻醬酸辣米線 $40我食開小辣/BB辣 ，個湯底酸酸地，有陣麻醬味 比較特別!  同埋佢啲酸菜好好食 酸酸甜甜.雞扒就正正常常. 我次次黎都叫唔同送 試下邊隻好食 HAHA.但就一定係麻醬酸辣湯底 如果係大埔有分店我一定成日食佢題外話:: 我推薦左屋企人去試下 佢都好中意食米線.佢話牛頭角果間佢次次去都無開門(中午去)跟住我打左去問老闆 老闆話5點零佢地先開門大家唔好摸門釘呀!

平日嘅午膳時間，唔使等位直入最近食咗幾間酸辣紅薯粉都唔合心意，從回憶中搵番呢一間從來冇令我失望嘅酸辣紅薯粉店 雲南酸辣紅薯粉+ 自選：秘製麻辣腩肉+豬軟骨+貢丸+墨魚丸 酸辣裏面我要鍾意食佢嘅雲南口味坊間有好多酸辣，都會用到有刺喉嚨嘅化學調味品， 食完唔單止口渴、我仲試過去連鎖米線店食到出紅疹…大概都係身體排斥人工化學品嘅反應。此店的酸辣，我就會食到醃製嘅酸味， 龍度適中，唔會口渴香港天氣悶熱，酸酸地帶返個胃口，當作係調理脾胃。食酸係一個好選擇講返配料：秘製豬腩肉我必點的伴菜，軟lumlum，十蚊有四大舊。豬軟骨都係四大塊，軟骨多肉少。舊舊都咬得到鍾意咬勁嘅朋友一定唔好錯過。丸類都係普通貨色不值得一提…份量方面，夠哂飽肚，大大碗食完真係要行多幾步！伴菜嘅酸菜、芽菜、等 份量充足，習慣食完伴菜之後再食麵嘅朋友，都唔需要擔心單食麵太dry笑 今次帶埋同事過嚟，佢都話下次要一齊encore

只喺想食一碗正正常常嘅豬軟骨米線唔知點解揀咗呢一間睇在放工時間冇咩人唔使排隊就入咗去原來有原因一直舉手🙋等侍應過嚟幫手落單佢就一直喺廚房到鬧個師傅話，啲料冇就要同佢講唔夠貨，又要搵佢訂鬧咗成10分鐘先開始同每台客落單嗰個坐喺度等佢鬧人終於等到碗米線，食個豬軟骨好似紙咁薄，半塊都係肥，薄到真係用片嚟形容，個味就用鹽水醃過就上台，都係第一次食咁樣既豬軟骨小窩米線小辣亦係第一次食咁淡味嘅小窩米線🍜有色無味，每粒肉碎肥到，想收工食碗正常嘢姐……

第一次食，叫左麻醬酸辣雞扒米線$40，叫左中辣，個湯底夠酸，幾過癮，麻醬味就唔係話好重。啲酸菜好食，夠酸，雞扒就正常份量，配菜仲有花生。整體黎講係好食嘅，鐘意食酸嘅人可以試下。

今日早午餐一次過食，諗起成都小巷有米線有飯餐揀，午市仲包嘢飲今次試食麻辣米線，餐紙有寫入面嘅配料，我加配豬軟骨同甘蓆汁，total只係$39舖頭都差唔多係坐滿，單丁食嘢難免要搭吓枱（舖內應該全部係4人枱）上枱速度都幾快，原諒我唔記得影咗相先食嘢，攪亂咗個賣相湯底係幾好味，肉碎唔係好多，整體係幾唔錯，豬軟骨都好味嘅我鍾意呢種小店，價錢同連鎖店差唔多，但係湯底點都有自己獨特嘅味道下次食，會試吓午市嘅飯餐，4/50蚊一個飯包埋嘢飲，真係好吸引

上網聽到人話呢間米線幾好食以前食開嗰間執咗啦，有人話呢間個味道似我就去咗試點知去到完全唔係嗰回事🥲叫咗酸辣米線 金菇豬大腸牛腩面就有超級多嘅先評價下啲餸啲豬大腸超級肥 直頭係成條腸入面見到肥膏嗰隻牛腩中規中矩，有三舊🤣但係講到佢個湯底，真係出面大把更好嘅選擇🥲叫咗中辣都唔多辣😂而且湯底唔夠濃郁，淨係食到鹹味酸味都唔係太食到😂呢個水準如果係一間米線店嘅話我覺得唔太合格🥲🥲當然去到都見到有其他人食烤魚嗰啲，下次可以一試但係米線就應該唔會再去食個湯底冇乜特色🥲

因為在公司附近，我又鐘意食酸辣米線，所以都幫襯過五、六次。但五、六次之中有三次是執錯和漏餸是什麼玩法？佢哋已經吾係出野出得快，我和同事等左15分鐘以上。最後返到公司一打開個蓋，兩碗原本有肉米線變咗素食米線，得豆腐卜同金菇，打電話比佢地，只係好平淡話下次退返錢，下次？咁我今次食風😅撇除服務，酸辣米線個味係正常嘅。