我是酸奶君 (已結業)

吃米酸奶💰$29 無糖其實飲開無糖 佢飲落都有甜味 啱啱好好似yogurt既味 幾滑 吾會好稀 紫米軟硬適中 好有嚼口 可以做代餐 飲完有飽肚感又健康！🔖建議30分鐘內飲完！

之前見到網媒介紹, 其實都唔知有D咩味, 淨係一聽到個名就勁想飲!!終於拖埋朋友仔去試!其中一個朋友點左吃米...飲完勁飽囉!另一個就點左芒芒, 呢杯正!! 早知我都點佢呢個.. 我自己就點左VC益生草莓...唔..有D失望架!草莓味唔夠....3杯係果時TOP 5架...係我自己果杯失望囉, 下次試第2個味!

事源係今日放工路過諗住買杯莓果粒粒飲下啦，嘩，個女店員真係極品🌚無客篤電話無問題，大佬，我成個人棟係你面前點餐你一眼都唔望我？ 由開始點餐到點完，佢一句野都無講過 淨係係度send whatsapp, 極唔尊重又無禮貌😡😡就咁都未完，終於輪到我攞餐喇，因為旺角環境比較嘈，所以佢地嗌number 其實都係勉強聽到跟住佢（啱啱講嗰個女員工）嗌咗兩次我先聽到，於是我就急急腳行前去攞啦嘩之後佢西我臉不特止，仲勁大聲嘖咗聲然後就講咗句 「開唔開」開乜野開唔開？ 妳以為妳自己係荷官開骰仔呀？「請問」呢兩隻字係咪好難講出口？總括而言，我可以話今次購物經驗CLS，今時今日嘅香港仲有咁嘅服務態度？我本身並唔係一個好高要求嘅人但係我覺得實在太誇張，太難以接受甚至我覺得自己俾人羞辱咗我朋友聽完我講呢件事啞咗，以後都唔會再幫襯，亦唔會推薦任何人光顧

最近數年街上多了好多飲品店，有台式日式更有來自內地。這次看到有酸奶飲品，好像好有益身心，於是決定試一試。單看餐牌就有數十多種飲品，點了40元的益生香橙。喝第一口就已感到滿口的鮮甜的香橙味。酸奶入面有啖啖果肉，又有口感，又有香滑味道。酸奶味亦令人十分開胃，想多喝數口。食過午餐後，感覺喝這酸奶反而更令人消濟。好多飲品店都有儲分優惠，這裡也不例外。雖然味道的確不錯，不過40元一杯也確實有點貴。

平時飲開珍奶同水果茶的我們，偶爾都想轉下口味，咁岩又比我地喺街口遇到酸奶君，咁就緊喺要試試佢啦！舖頭門前的酸奶君標誌十分易認，離遠都能看得到。我地點了一杯吃米酸奶($29)和一杯莓果粒粒($38)。莓果酸奶入面有唔少新鮮嘅士多啤梨果肉，令味道更添水果清香，酸奶味亦比普通吃米酸奶濃郁一點。吃米酸奶口感幼滑，味道酸得嚟甜甜地好平衡，食完飯飲都唔覺得濟。酸奶當中加入了粒粒紫米，口感軟糯有嚼勁，呢個配搭都幾新鮮。酸奶君都有儲分優惠，只要兩個月內飲夠9杯，就能免費獲得1杯價值40元或以下的酸奶。

夜晚食飽飽就緊係要飲番杯野先可以稱得上一日完美嘅序幕🙈 今晚係旺角食完飯就行左去一直都想試嘅＜🍼我是酸奶君🍼＞, 小妹係一個小小酸奶控, 酸酸甜甜嘅飲品就岩哂我, 餐牌上嘅選擇都算多, 而且好多味道都幾新穎, 有玫瑰味, 桂花味, 紅棗味, 燕麥味e d 健康養生系列😂, 有唔同嘅水果味系列, 有益生菌系列……最後我決定試d特別味➡️兒時桂花, 等左5分鐘就有得飲啦😋😋質感杰杰的, 濃濃嘅酸奶味帶有一陣陣嘅桂花香, 意想唔到又幾夾喎😂😂, 再飲落底少少就飲到d紫米, 紫米有驚喜, 非常有咬口, 而且粒粒分明, 細心d咀嚼嘅話會食到d紫米幾有米香, 非常推介👍🏻👍🏻👍🏻 適合一d食完飯未飽嘅人, 飲一杯有助加強飽腹感🙈🙈😋😋😆😆今次初嘗酸奶君, 有意外驚喜, 而且價錢唔算貴, 對於平時唔太飲珍奶, 咖啡嘅我有多一個選擇啦🙈🙈

經過旺角成日都會行到好口渴最好就係有一些解渴又唔會好甜好肥既飲品除左好多人飲過既喜X同埋天仁XX 以外估唔到仲開左呢間我是酸奶君聽説他們用高山牛乳雖然是大陸連鎖，但係包裝又真係好可愛卡通頭像再加埋粉紅同綠色呢D配色都幾吸引眼球今次就分別同朋友試左一個招牌同埋一個“兒童”口味原味比較酸，但是很濃但是也不會覺得膩而且裏面還有紫米很有嚼勁另外“兒童口味"那邊的話本來想選擇皇牌的茉莉花可是沒有貨所以改了桂花加入了桂花之後比較沒這麽酸😄而且超級像益力多但是我比較喜歡這個因爲超清新的下次路過也一定會再😊ENCORE

深圳人氣飲料酸奶君係香港都開左分店 好多人排隊可能因為今日落雨 人少左好快就買到.吃米酸奶💜好中意佢加左紫米 煮得剛剛好煙煙韌韌的 令一杯平凡的酸奶變得不平凡.益生草莓君🍓由於佢係vc酸奶 加了益生菌所以味道比一般的酸奶更酸另外加了很多草莓果肉和青檸十分開胃 水果份量也很佛心.店員手腳很快 5分鐘都不用就弄好了鄰近商場仲有得嘆冷氣避雨

路過旺角見附近好多飲品舖，偏偏e間酸奶舖特別多人，上網search先見到，原來係新開專門飲酸奶深圳過江龍。 價錢望落唔平，一杯酸奶最平都$29，不嬲都好鍾意草莓類飲品，所以買左兩杯唔同種類草莓酸奶試下。我買左莓果同VC草莓兩個口味，感覺最大唔同係，莓果酸奶係好濃郁，而VC 草莓好大杯，入面有陣檸檬味道，唔知係咪因為佢叫VC，因為有維他命C原因，所以加入檸檬。可能因為大杯稀釋左好多，相對之下無咁濃味。

最近酸奶喺香港都幾受歡迎！繼之前試過一隻酸奶牛，今次就試吓我是酸奶君啦😊酸奶嘅芒果味都幾突出😀而且口感比較稠身，所以飲起上嚟好似食緊乳酪咁🤘🏻 而且飲落有粒粒紫米，口感帶啲煙韌😗邊飲邊有野咬下，整體上吾會好寡，而且有啲似芒果糯米飯個味咁！值得一讚嘅就係佢嘅飲品可以叫小冰，就算飲到尾，成杯酸奶都仲好濃郁🥳可惜價錢就略嫌貴咗啲成$40一杯😂窮寶寶末必成日飲到啦相比一隻酸奶牛嘅酸奶口感就會比較稀，所以會比較解渴！😊所以大家最好揀返自己鍾意嘅口感而買啦！

人氣酸奶殺到黎香港本身都有聽過呢間而且又鍾意飲酸奶所以好期待試呢間個招牌十分可愛揀咗原味 - 吃米酸奶（$29）一整杯都係酸奶 唔算好杰身杯底有煙煙韌韌既紫米冇諗到酸奶紫米可以放埋一齊我覺得配搭還好啦唔算好出色 但飲得多珍奶轉下配搭都係好事都幾有新鮮感既可能太有期望去飲呢間野感覺冇話好好飲酸奶就好似平時超級市場、便利店都買到既酸奶一樣 佢仲要冇咁杰身 唔算好濃好重酸奶味 係乜冇驚喜 睇埋個價錢同份量$29就好似唔多抵飲

我唔係好中意啲杰撻撻既酸奶，呢個！好有驚喜佢唔係好酸，帶稀身既酸奶，我嗌左吃米特濃酸奶，裏面有煮咗嘅紫米同Oreo碎！勁勁勁好飲！以後再黎親旺角呢頭一定會再飲過！！！

自從喺哩度飲過第一杯飲過第一杯酸奶之後就勁鍾意！次次經過都會買返杯。酸奶夠thick紫米又煙韌！不過！今日飲嗰杯真係好稀喎，唔知係咪因爲稀咗，啲紫米感覺硬啲。請保持水準！才能長期支持！

夏天真係好易口渴，係旺角行街，真係唔洗怕無野飲，反而係多到係揀唔落手就真🤣今次再encore我是酸奶君，上次飲咗佢個招牌吃米酸奶，今次本來想試下佢另一個招牌 特濃吃米酸奶，可惜已經賣曬，唯有試佢個燕麥酸奶！今次去，佢推出咗張印花卡，買一杯野飲可以吸一個印，儲滿9個就有免費飲品一杯，不過張卡嘅期限略為短咗啲，有效起只係由發卡起計一個月，一個月要飲9杯嘅話，平均就一個星期要起碼飲兩杯，對於我呢啲唔係經常飲嘅人，張卡就無太大作用啦！呢個吃米燕麥酸奶同招牌吃米酸奶一樣咁有咬口，非常煙韌，不過燕麥味唔濃，飲落口其實分唔清食緊紫米定燕麥，純粹係口感上有分別另外值得一讚嘅係，店家用咗紙巾包住杯野飲，唔洗怕濕嗒嗒，尤其是夏天，非常貼心！

也許黑糖珍珠的飲品真係喝太多，最近經過旺角的「我是酸奶君」好奇去試試。買了一杯「吃米紫米」酸奶加上紫米，原來也很有口感😋😋😋。本身兩款食材都很喜歡，紫米的口感也不比珍珠，而且比起珍珠更有營養。