我杯茶 (已結業)

19蚊杯茶，其實都算貴。上網睇，見奶茶谷嘅人話好飲就去試下。叫左一杯茶走，一杯鴦走。見到佢打單，打左鴛鴦，就再同佢講係鴦走；佢話知道，冇問題。攞走左之後，打開攪嘅時候已經覺得唔對路。完全攪唔到有煉奶，飲嘅時候更加冇。當時並唔多人，完全唔明白點解咁都可以搞錯。錢就比左，但杯茶同我嗌嘅完全唔同。對於茶走同冇煉奶，鴦走冇煉奶，感到失望。同已經向店員再次確認係茶走同鴦走，但最後變左奶茶同鴛鴦。茶味係好嘅，但今次嘅經驗已經唔會再返轉頭。

昨晚去到炮台山，知道我杯茶做活動，買杯奶茶加一蚊換盒沙爹牛肉炒蛋飯，食完覺得老闆真係有誠意，並無因為一蚊偷工減料，同平常一樣咁好食，奶茶，鴛鴦又攞過獎，值得為大家推薦

疫情開始都唔係好敢係出面堂食，返工咁岩經過見到新開左間外賣專門店。買個收銀員有咩好食，原來佢地啲奶茶係攞過獎，係鋪都聞到個茶味好香。岩岩好係下午茶時間，我就買左個沙嗲牛麵，個沙嗲牛出奇地好食。仲要買野食包埋野飲，真係幾抵食。問店員原來只係開左4個月，希望可以保持到個水準。下次要試下早餐，好似都大大份。Recommend to who works in fortress hill, price reasonable and they also offer take away. Keep it up👍🏻👍🏻👍🏻

兩份早餐，一份沙嗲牛肉米粉配炒蛋，跟熱奶茶；一份餐蛋公仔麵配炒蛋，跟熱檸茶。店員話佢地既奶茶攞獎，的確，我平日唔飲奶茶都覺得正，好有茶香，唔會有苦味，奶夠厚身，飲落順滑。而熱檸茶非常細心，預先落左鮮檸汁，咁就避免左熱茶浸住整片檸檬會難逃一澀既命運。而紅茶香的確縈繞口腔，久久不散，真係會掛住呢杯茶！牛肉大塊，略靭，沙嗲偏辣，米粉正常餐肉公仔麵，好似自己屋企水準湯底係用味粉，再比左杯滚水自己開個湯炒蛋終於好味少少，但係無牛油香，只係蛋既熟度剛好。總括，只係得杯茶出色。

今日經過炮台山見到一間叫我杯茶既外賣店，就走去睇睇有咩食？店員同我講佢哋舖頭出名係奶茶，於是試一試奶茶同黑毛豬餐肉蛋治。奶茶香滑，黑毛豬餐蛋治既餐肉香口不油膩，比起出面茶記用既餐肉唔會有滿口油既感覺！而且份量都不少，食一件都好滿足

呢間野，外賣店黎，諗住收工趕嚟幫襯下，試下新野啦！寫明閂6點，都知趕架啦，急步行過嚟5點42分趕到，店員兩人一見到我，男：我地閂左囉喎，我地閂6點架，last order 5點9；我答：而家43分咋喎；女店員：我地睇我地個鐘嘅！ 聲音洪壯而有力......疫情之下，半句唔好意思都無，我唔知佢係咪中午朝早多客到唔憂做呀，但對我嚟講，咁嘅態度，炮台山大把選擇.... 質素高如半島茶餐廳都未有咁嘅態度啦，就咁嘅，我呢，就係永遠都唔會試到架喇！

i used to had an ice milk tea daily when i was working in Wanchai, but since its mostly WFH these days, its hard for me to get one easily, but now its beenen opening in Fortress Hill, its more easier for me to go to as i'm living in North Point, they have totally the same taste of milk tea in Wanchai and even with some new food menu that Wanchai does not have! Must try!