我杯茶 (已結業)

兩份早餐，一份沙嗲牛肉米粉配炒蛋，跟熱奶茶；一份餐蛋公仔麵配炒蛋，跟熱檸茶。店員話佢地既奶茶攞獎，的確，我平日唔飲奶茶都覺得正，好有茶香，唔會有苦味，奶夠厚身，飲落順滑。而熱檸茶非常細心，預先落左鮮檸汁，咁就避免左熱茶浸住整片檸檬會難逃一澀既命運。而紅茶香的確縈繞口腔，久久不散，真係會掛住呢杯茶！牛肉大塊，略靭，沙嗲偏辣，米粉正常餐肉公仔麵，好似自己屋企水準湯底係用味粉，再比左杯滚水自己開個湯炒蛋終於好味少少，但係無牛油香，只係蛋既熟度剛好。總括，只係得杯茶出色。