我杯茶 (永興樓)

營業中

休息中

我係一個港式奶茶愛好者，依間用茶王來做招牌嘅茶餐廳，成功吸引咗我山長水遠去試一試。舖頭唔算好大，一眼睇晒。座位亦都唔多，最特別係佢個開放式廚房，可以一路食一路睇到啲姐姐煮嘢。我總共叫咗三樣嘢，叉燒蛋飯，滑蛋牛肉菠蘿包同叉燒蛋包。當然仲有最有特色嘅樽仔凍奶茶啦！個叉燒蛋飯中規中矩，蛋好香但係叉燒唔夠林配埋啲蔥味度幾好。滑蛋牛肉菠蘿包，個包甜咗少少，牛肉冇乜牛肉味，蛋亦都唔係特別滑。最有驚喜係個叉燒蛋包，個包鬆脆到不得了，配合埋甜甜地嘅叉燒，同濕濕地嘅蛋，真係好好味好夾，值得一試！樽仔奶茶個樽仔幾靚但係啲奶茶味比較淡。