我鐘意 (已結業)

行完街又係搵食時間 見到哩間叫我鐘意既餐廳就同男朋友入左去食👄女人都係易氹既動物哈哈 Set dinner 有湯有飲品有甜品 食到我地兩個眼闊肚窄既人類捧住個肚走🤰🏽🙆🏽黑松露野菌忌廉湯(+$10) 絕對值得加錢升級 黑松露味道濃郁 湯好厚身 感覺真材實料🍚烤帶子伴龍蝦汁蘆筍意大利飯($118) 兩隻厚肉帶子鋪面 飯唔會太硬 煮既時間控制得好🐂烤澳洲肉眼扒配牛肝菌汁($158) 塊扒好厚 🍕黑松露野菌薄餅($48) 半份岩哂兩個人食 🍖紐奧良卡脆香雞翼($48) 真。脆香 仲有沙律菜係旁邊解下膩

蘋果🍎又入荃灣😅，今次去嘅鋪頭係：我鐘意💕 Amo La Pasta！雖然店鋪開係商場入面，但店鋪設計走文青路線☘️，啱晒我個文青朋友👭！店鋪採取開放式廚房，位置都算多，店內開揚，陽光☀️係落地窗邊滲透入黎，配上店內白色嘅牆身，木材嘅裝潢，真係好寧靜舒服（寧靜～係要人流較少個時😅）·《Amo La Pasta 我鐘意》嘅menu選擇都算多，其實最抵食就係佢地嘅lunch set ，無論🍎咁有限攝影技術，費時post相誤導大家😅 lunch set 由$48-$88不等，個餐已經包咗蒜蓉包，餐湯，奶茶/咖啡☕️，貪心啲仲可以加錢升級要頭盤/甜品🍰，咁嘅價錢係商場入面又唔算好貴哦❗️·重點～雙子魔法 👭🍕/ Twins Pizza❣️ Pizza 方面選擇都有5️⃣款：黑松露野菌，美式🇺🇸辣肉腸🌶，特辣🌶🌶燒烤醬雞肉，煙三文魚🐟有機亞麻籽同巴瑪火腿有機藜麥❗️心💕大心💕細好多都想揀？唔緊要～店鋪好貼心就有《雙子魔法 》依個選擇啦，可以同時選擇2️⃣種口味，價錢都係$128 ～!❣️ 蘋果🍎同朋友仔就揀咗黑松露野菌🍄同煙三文魚🐟有機亞麻籽❗️黑松露野菌🍄，其實仲配上咗芝士🧀，芝味菌味就較為足，反而有啲遮蓋咗啲黑松露

係網上面見到呢到有好適合相機食先既花茶，而且仲附有唔同既料可以加落去，再者餐廳食物同裝潢都吸引左我，於是決定一試😳。去前係OPENRICE睇meun，下午餐似乎幾抵食，見到有窩夫選擇，點個果日去到原來已經轉左下午茶meun啦！只好食其他野啦😭～～要慳錢！環境環境方面餐廳位於商場內，擁有開方式既設計，整體比人有種文青既感覺，聽到店員話如果想坐窗邊位要預約先得呢！食物1.曼克頓海鮮焗飯(Set Tea - T8)海鮮焗飯與價格成正比，味道稱不上十分美味，但也令人有想一口接一口的感覺，醬汁的味道十分濃郁。海鮮方面有蟹柳、魚柳、蠔，但蠔稍微略有不搭這個飯，或許是我吃不慣的關係吧。2.墨西哥烤雞薄餅(Set Tea - T2)不過不失的薄餅，足料😬3.特色果茶/花茶(Set Tea - 餐飲+18元轉)荔枝玫瑰花茶既味道好出，本身想叫綜合花茶，可以加唔同野，但發現要加28大元！有點貴呢，但事後後悔了～～～～～熱既花茶味道較淡，可因個人喜好添加蜜糖😊

趁住星期2 Morning Off，請多半日假成就一日假期，同草根妹妹一齊去荃灣food  hunt一下去左荃新天地行左個圈，原來呢個商場都妹多餐廳，花多眼亂直至見到一間有落地玻璃，陽光晒到入嚟，環境好似好舒服，所以一於就揀呢間!!坐低發現原來有Lunch Set，睇落價錢都唔貴$48-$88，包餐湯同餐飲，加$10仲可以要埋甜品!!見到隔離格叫左Set Lunch ，碟頭都好大，抵啊不過見到主餐牌好似仲吸引，所以今次就放棄Set Lunch啦先叫左杯特級果茶 ($48) Amo La Fruit Tea Deluxe48蚊估唔到勁大杯，個size似一jar，同朋友share都夠哂飲，聞落有陣花香，喝落去因為有青檸所以好清新，而且真係帶有水果嘅甜味，唔係落糖漿嗰種死甜，果汁中有唔少新鮮水果，當中提子最甜。另外仲附有三小杯椰果、玫瑰水晶同蘆薈，可以自己喜好加落d果汁到。好多水果嫁之後叫多個烤紐西蘭小羊架 (148) Grilled Lamb Rack Served w/ Daily Potato, Vegetable & Natural Meat Jus一客有三件，配有薯條同蔬菜，羊架5

喺荃灣搵食真係越嚟越煩，因為真係好多選擇，由貼地嘅街邊小食、茶記冰室大排檔，定係商場中西日韓菜，總之就係好多好多嘢揀啦！個M佬又成日無意見，無所謂，真係成個港女咁（佢話佢無所謂係因為想就晒我喎），所以今日搵食又係我話事，真係好煩呀！而今日就嚟到荃灣荃新天地，一於搵間令我恬靜閒情嘅餐廳 —— Amo La Pasta —— 我鍾意呀！黑松露野菌忌廉湯 / 海鮮濃湯 + 蒜蓉包：黑松露野菌忌廉湯同海鮮濃湯都要另外加錢，聞落都夠晒香，不過入口味道唔濃。其中海鮮濃湯仲有少少苦，可能龍蝦味重手咗。至於蒜蓉包就一流！脆卜卜同埋有好香嘅蒜蓉牛油味，加埋有小小燶，好好味呀！紐澳良卡脆香雞翼：雞翼係必點項目！炸到好香好脆，咬落去仲有好多肉汁流出嚟，熱辣辣又熱氣嘅嘢真係好好味呀！烤澳洲肉眼扒配紅酒汁：牛扒五成熟，肉質夠juicy，仲好腍身，醬汁就有淡淡清香紅酒味，同塊牛扒好match，不過，就略嫌細塊咗啲。除咗牛扒，最吸引一定係炸薯條，好脆又香薯仔味。印尼沙嗲雞煲配白飯：細細煲原煲上，雞肉又多又大件，夠滑又入味，沙嗲唔辣，但味道濃郁，撈飯一流！雲石蛋糕：晚餐附送嘅甜品，原本仲諗住會好甜好硬，但出奇地夠滑，

店舖名叫Amo La Pasta ，原來係意大利文中解作「我鐘意」，挺有意思。 今次同朋友黎，驟眼睇餐牌選擇唔多，所以揀左1個set dinner同散叫其他野食~ 黑松露野菌忌廉汁長通粉($78+10%) 唔知揀咩食好既情況下，經理介紹我地試佢地個pizza，因為係佢地既招牌菜，但我不太想食太乾既東西，所以就揀左黑松露野菌忌廉汁長通粉lu~~ 長通粉掛滿了忌廉汁，黑松露味頗濃，香濃四溢，野菌增加了口感，整體都唔會太膩。 紐奧良卡脆香雞翼($48+10%) 雞翼共有6隻，炸得香口，可以點辣汁或sour cream，問過經理，知道呢款雞翼專為小朋友而設，可能因為咁味道較為普通和淡口，個人認為點沙律醬會比較吸引。 晚餐套餐當中包括了蒜蓉包同粟米忌廉湯，餐飲和甜品。 蒜蓉包用左麥包去烘，感覺健康一點 朋友不喝湯，我就自己一個飲晒佢，飲完個身暖笠笠～ 烤澳洲肉眼扒配鵝肝汁(Set dinner$158+10%) 肉眼扒要了5成熟，溫度調節得剛好，鎖緊了肉汁。旁邊的就是鵝肝汁，不太食到鵝肝味，當普通醬汁就好。 肉眼扒不是太厚，中間呈現了粉紅色，肉質軟嫩，這個價錢收貨了！隨套餐附上既朱古力蛋糕

<我鐘意> set lunch 夏威夷焗海鮮飯Set 除左 main course之外 仲有餐湯 蒜蓉包同餐飲另外可加$10有是日甜品 雲石蛋糕單點既雙子pizza - 黑松露野菌薄餅+煙三文魚有機亞麻籽薄餅長條形既Pizza 唔止方便拎起一件件咁食 而且仲無咁油膩 感覺健康啲小食既紐奧良卡脆香雞翼有2款醬汁點 辣汁同sour cream特級果茶(hkd48) - 什果青檸果茶 配既椰果玫瑰水晶蘆薈啫喱可以自由配搭餐廳係就荃新天地商場裏面 店面同廚房係開放式 感覺好乾淨同舒服 而且設計好有文青feel 以白色同木色為主

休閒的星期六要慢活一點。不如約姊妹來個小茶聚💕💕這天來到荃灣荃新天地Amo La Pasta Cafe。來個特色鮮果茶吧🍵🍵凍上還有椰果等配料，不過茶味略淡。然後來個All Day Breakfast 吧！All Day Breakfast 有好多不同的食物：三文魚、煙肉、碎蛋和牛角包，仲有沙律菜和玫瑰甜醬。然後加個帶子南瓜五穀飯。帶子大大粒！南瓜味不俗，五穀飯健康美味！最後當然少不了甜品！超邪惡超重份量！😈😈厚厚的窩夫上有滿滿的鮮光，加上夾層忌廉，伴碟有雲你拿雪糕球。不過窩夫質感不夠香脆，略嫌忌廉太邪惡，雪糕也比較易溶🙈🙈荃新天地的Amo La Pasta環境不俗，簡單的閒適就是好時光❤️❤️

係荃灣覓食易過借火。由出名又平抵既小店，街頭小食串燒，新冒起既有心餐廳，到商場食肆，一應俱全，絕對係foodie既福音。 今晚就係citywalk開餐。行到攰就見到呢間Amo La Pasta. 意大利文指 love pasta，咁我已又真係幾鍾意意大利麵條，裝修又岩feel，咁就入左去。接待員有親切既笑容，我以為睇緊劉德華個個：｢今時今日咁既服務態度唔夠咖｣廣告(暴露年齡時間) 。安排左我係窗邊，又即時送上餐牌同水，仲點左蠟蠋 靚靚揀左一個set dinner：蒜香蕃茄蟹肉天使麵，加沙律同花茶(每款加$18) 同烤紐西蘭小羊架。忌廉湯同蒜蓉包迅速送到。蒜蓉包烘到脆一脆！仲有好香既蒜蓉牛油味！微燶既感覺好幸福！湯比較light， 適合減肥中既朋友，飲左都唔會有罪惡感。鴨胸不嬲係我既最愛之一，去曬皮好健康！個沙律菜係甜咖！證明新鮮。值得加分既係佢既蘑菇片！生既白蘑菇，香得黎又令鴨胸既口感更複雜。天使麵好嫩滑既感覺！！！！係炒既，條條分明得黎又唔會一patpat，同時保持左掛汁，驚喜之作。果然越容易既菜式越難整得好！羊架都係我一見到就必叫既。簡單地煎香已經好夠。中間微粉紅，perfect！

平時番工既日子，與男友食lunch都係是但食完又趕回公司繼續工作, 但情人節當然要搵間靚靚西餐廳食下啦，於是愛人便帶我到此享受下環境餐廳樓底好高，陳列以白/淺木色為主，簡潔優雅，我兩被安排坐係落地玻璃位置，充足悠和既光線更令人壓力盡消呢餐點忌廉汁龍利柳配意粉及蕃茄忌廉汁雞肉飯，先黎忌廉餐湯好飲+蒜蓉包好脆口，主菜龍利柳肉質肥美，醬汁香滑味濃，不過份量太小，撈唔到汁既意粉口感太乾（提外話，第一次食龍利柳有條細骨囉）！另外雞肉大件嫩滑易咬，汁料味道幾得意，酸酸甜甜咁唔錯！最後餐飲熱咖啡同免費轉熱鮮奶味道正常，不過不失啦！

開開心心約準媽媽食個下午茶，係荃灣搵間坐得舒舒服服嘅餐廳，荃新天地新開咗好多餐廳，不過覺得呢間有sofa坐，好似舒服啲~見佢又有下午茶，我又未食lunch，岩晒~叫咗個欖油蜆肉意粉，意粉軟硬適中，好香欖油味，不過好似多咗少少油~ 跟餐飲檸檬茶，$52朋友仔話唔肚餓，只係叫咗杯苿莉雪梨茶~ 佢話都好香苿莉味，雪梨味就少啲lu~overall 呢間餐廳食物質素都唔錯，下午茶價錢幾抵食！下午茶仲有買4送1，有雞翼，有薯條，幾抵~

同K先生飲完茶, 本身話帶我去元朗tea搵好野食, 但晚飯約會變相太趕喇所以就落荃新天地搵野食~~K先生話想食薯條, 行左去另一間只得甜品為主! 所以就決定試下尼間喇!先上既有飲品。咖啡中規中矩, 果汁就有少少心思, 用3個杯仔裝住既, 分別係椰果, 水晶同蘆薈! 果汁無落糖水, 抵讚 !辣肉腸pizza, 細細件好易入口, 味道唔錯。但我地掛住傾計, 傾到芝士凍晒最正就係尼個薯條喇! 連平時唔鍾意黑松露的K先生都話正~~ 薯條新鮮炸起! 好味!由於佢地位置係場內人流較少既位置, 坐得都好舒服。岩晒我地2個傾計~ 下次有機會會再尼試下佢地的正餐

約了住在屯門的朋友, 揀個中間位, 就去咗荃灣. 喺荃灣廣場搵唔到想試嘅餐廳就過去荃新天地. 行過Amo La Pasta，見到環境幾好, 以為價錢會貴, 望個menu 原來lunch set 只係$68 to $98 咁試吓. 安排我哋坐在窗旁, 有少少陽光照到, 感覺很舒服. 我們叫了2 個set, 一個菠菜雞肉pizza, 一個露筍蝦橄欖油意粉. 餐湯係紅腰豆忌廉湯, 好特別, 之前從未飲過. 好creamy 又好香豆味. 蒜蓉包就麻麻地, 幾乾又唔熱, 好明顯已經放了一段時間. 個pizza 原來係焗麵包, 都多料有4件 配少少蔬菜. 賣相很好. 不過個包好厚, 係好飽肚, 味道一般. 意粉我冇試過, 賣相也很好，朋友話正常味道. 最開心係餐飲有好多choice, 我叫了hot milk, 朋友要了apple juice, 不用加錢我覺得以這個價錢, 這個環境, 已經十分好, 性價比高. 同朋友gathering, 想有個relaxing 地方, 又唔想hae 食, 十分推介呢度!

位於荃灣荃新天地內嘅一間西餐廳，Amo La Pasta 我鍾意，玻璃屋係佢裝修特色，因為餐廳採係用落地大玻璃作窗，所以自然光可以透入黎，令到客人覺得好舒服。是日用餐係星期日兩點幾左右，食lunch set~ Lunch set 選擇大約有六款，我今次揀咗白酒乾蔥汁龍脷柳配意粉，朋友就揀咗砵仔燴牛肉粒配白飯。賣相其實唔算好靚，味道係一般嘅水準，不過不失。龍脷柳唔腥，所以還算ok，不過食物唔夠熱。至於餐湯比較淡味，餐飲加錢轉嘅水果比較失望，同咖啡弄/Dazzling Cafe的比差好遠，佢依個冇乜水果味。環境氣氛： ★★★★☆食物質素： ★★★☆☆服務態度： ★★★★☆

Was shopping in the city walk mall with my mom, went past this restaurant on Saturday night, so decided to give it a try since the appearance of this restaurant looked decent. We had 2 orders of set dinner. Soup was very watery, no taste at all. Then came the main dishes, pig knuckle and sirloin steak. the pig knuckle was so hard that we couldn't even cut through it... As for the steak we asked for medium, but it came more than well done, over cooked ..... I thought after a long day,